local
അന്നഹ്ദ എക്സലന്സ് അവാര്ഡ് ഹസന് ശാഫിക്കും മുഹമ്മദലി വാഫിക്കും
മാഗസിന് മാനേജിംങ് ഡയറക്ടര് സയ്യിദ് മുനവ്വര് അലി ശിഹാബ് തങ്ങള് ചെയര്മാനായ സമിതിയാണ് അവാര്ഡ് ജേതാക്കളെ തെരഞ്ഞെടുത്തത്
മലപ്പുറം: അറബി ഭാഷയുടെ വളര്ച്ചക്കും പുരോഗതിക്കും മികച്ച സംഭാവനകള് നല്കിയ വ്യക്തികള്ക്ക് നല്കുന്ന, ഒന്നാമത് അന്നഹ്ദ രാജ്യാന്തര പുരസ്കാരത്തിന് പ്രമുഖ ഈജിപ്ഷ്യന് എഴുത്തുകാരനും ഖൈറോ അറബി ഭാഷ അക്കാദമി മേധാവിയുമായ ഡോ.ഹസന് ശാഫിയും, മുന്നാമത് അന്നഹ്ദ നാഷണല് എക്സലന്സ് അവാര്ഡിന് പ്രമുഖ അറബി എഴുത്തുകാരനും വിദേശ അറബ് മാഗസിനുകളിലെ കോളമിസ്റ്റുമായ ഡോ. കെ. മുഹമ്മദലി വാഫിയും അര്ഹനായി.
അറബി ഭാഷയില് നിരവധി ഗ്രന്ഥ രചനങ്ങള് നടത്തിയ ഹസന് ശാഫി, ഈജിപ്തിലെ അല് അസ്ഹര് സര്വകലാ ശാല ഉന്നതാധികാര പണ്ഡിത സഭാ അംഗവും ശൈഖുല് അസ്ഹറിന്റെ മുന് ഉപദേഷ്ടാവുമാണ്.
നിലവില് വാഫി സംവിധാനത്തിന്റെ അസിസ്റ്റന്റ് കോഡിനേറ്ററും കാളികാവ് വാഫി ക്യാമ്പസ് അറബിക് വിഭാഗം മേധാവിയുമാണ് നാഷണല് എക്സലന്സ് അവാര്ഡ് ജേതാവായ ഡോ. മുഹമ്മദലി വാഫി. പള്ളിപ്പുറം ദാറുല് അന്വാര് വഫിയ്യ കോളേജ് പ്രിന്സിപ്പല് കൂടിയായ ഇദ്ദേഹം യുഎഇ ഖത്തര് സൗദി അറേബ്യ ബഹ്റൈന് ഒമാന് എന്നിവിടങ്ങളില്നിന്ന് പുറത്തിറങ്ങുന്ന ഗവേഷണ മാഗസിനുകളില് സ്ഥിരം എഴുത്തുകാരനും, വിവിധ ദേശീയഅന്തര്ദേശീയ സെമിനാറുകളില് ശ്രദ്ധേയ സാന്നിധ്യവുമാണ്.
കേരളത്തിലെ തനതു കലകളായ കഥകളി, മോഹിനിയാട്ടം, കളരിപ്പയറ്റ് പുലിക്കളി, മാപ്പിള കലകളായ ഒപ്പന ദഫ്മുട്ട് കോല്ക്കളി തുടങ്ങിയവ അറബ് വായനാലോകത്തിന് പരിചയപ്പെടുത്തിയ എഴുത്തുകാരനാണ് ഡോ മുഹമ്മദ് അലി വാഫി.
2006 ല് പറപ്പൂര് സബീലുല് ഹിദായ ഇസ് ലാമിക് കോളേജില് നിന്ന് പ്രസിദ്ധീകരണം
ആരംഭിച്ച, അന്നഹ്ദ അറബിക് മാഗസിന് ഇന്ത്യയില് അറബി ഭാഷാ വളര്ച്ചക്ക് പതിനഞ്ച് വര്ഷമായി വലിയ സംഭാവനകളാണ് നല്കി വരുന്നത്. പ്രശസ്തി പത്രവും ഫലകവും പാണക്കാട് സയ്യിദ് ഹൈദറലി ശിഹാബ് തങ്ങള് കൈമാറും.
മാഗസിന് മാനേജിംങ് ഡയറക്ടര് സയ്യിദ് മുനവ്വര് അലി ശിഹാബ് തങ്ങള് ചെയര്മാനായ സമിതിയാണ് അവാര്ഡ് ജേതാക്കളെ തെരഞ്ഞെടുത്തത്.
kerala
വ്യാപാരി വ്യവസായി അനുമോദന സംഗമം
വ്യാപാരി വ്യവസായി ഏകോപന സമിതി കൂട്ടിലങ്ങാടി യൂണിറ്റ് അംഗങ്ങളുടെ മക്കളിൽ നിന്നും ഈ വർഷം എസ് എസ് എൽ സി, ഹയർ സെക്കണ്ടറി പരീക്ഷകളിൽ വിജയിച്ച മുഴുവൻ വിദ്യാർത്ഥികളെയും അവാർഡ് നൽകി അനുമോദിച്ചു.
കൂട്ടിലങ്ങാടി: വ്യാപാരി വ്യവസായി ഏകോപന സമിതി കൂട്ടിലങ്ങാടി യൂണിറ്റ് അംഗങ്ങളുടെ മക്കളിൽ നിന്നും ഈ വർഷം എസ് എസ് എൽ സി, ഹയർ സെക്കണ്ടറി പരീക്ഷകളിൽ വിജയിച്ച മുഴുവൻ വിദ്യാർത്ഥികളെയും അവാർഡ് നൽകി അനുമോദിച്ചു.
കൂട്ടിലങ്ങാടി വ്യാപാര ഭവനിൽ നടന്ന അനുമോദന സംഗമം
മങ്കട ബ്ളോക്ക് പഞ്ചായത്ത് പ്രസിഡന്റ് ടി. അബ്ദുൽ കരീം ഉദ്ഘാടനം ചെയ്തു. യൂണിറ്റ് പ്രസിഡന്റ് തേറമ്പൻ മുനീർ അധ്യക്ഷത വഹിച്ചു.
പഞ്ചായത്തംഗങ്ങളായ പി.കെ. ഹാലിയ, ശബീബ ഹമീദ്, മെഹ്റുന്നീസ ടീച്ചർ,
യൂണിറ്റ് സെക്രട്ടറി പി.മുഹമ്മദലി, റഊഫ് കൂട്ടിലങ്ങാടി, പി. സാലിം എന്നിവർ പ്രസംഗിച്ചു.
kerala
സ്മാർട്ട് സെന്ററിന് സ്നേഹ സമ്മാനമായി ഭൂമി വിട്ടു നൽകി മൊടപ്പിലാപ്പള്ളി മന
പടിഞ്ഞാറ്റുമുറി കാരാട്ട് പറമ്പിലെ ബി.എഡ് സെന്ററിന് സമീപം മൊടപ്പിലാപ്പള്ളി മനയുടെ ഉടമസ്ഥതയിലുള്ള 20 സെന്റ് സ്ഥലമാണ് സ്മാർട്ടിന് സ്നേഹ സമ്മാനമായി വിട്ടു നൽകിയത്.
റഊഫ് കൂട്ടിലങ്ങാടി
കൂട്ടിലങ്ങാടി: പടിഞ്ഞാറ്റുമുറി ആസ്ഥാനമായി പത്ത് വർഷത്തിലേറെയായി ജീവകാരുണ്യ സേവന രംഗത്ത് പ്രവർത്തിച്ചു വരുന്ന ശിഹാബ് തങ്ങൾസ് മോണ്യൂമെന്റ് ഫോർ അഡോപ് റിലീഫ് ട്രീറ്റ്മെന്റ് ( സ്മാർട്ട് ) ഡയാലിസിസ് ആന്റ് ഫിസിയോ തെറാപ്പി സെന്ററിന്റെ ഭാവി പ്രവർത്തനങ്ങൾക്ക് കരുത്തേകാൻ ഭൂമി വിട്ടു നൽകി പടിഞ്ഞാറ്റുമുറിയിലെ പ്രശസ്തമായ മൊടപ്പിലാപ്പള്ളി മനയുടെ മാതൃകാ പ്രവർത്തനം ശ്രദ്ധേയമായി.
പടിഞ്ഞാറ്റുമുറി കാരാട്ട് പറമ്പിലെ ബി.എഡ് സെന്ററിന് സമീപം മൊടപ്പിലാപ്പള്ളി മനയുടെ ഉടമസ്ഥതയിലുള്ള 20 സെന്റ് സ്ഥലമാണ് സ്മാർട്ടിന് സ്നേഹ സമ്മാനമായി വിട്ടു നൽകിയത്.
ഭൂമിയുടെ കൈമാറ്റ രേഖ പാണക്കാട് സയ്യിദ് മുനവ്വറലി ശിഹാബ് തങ്ങൾക്ക് തന്ത്രി മൊടപ്പിലാപ്പള്ളി പരമേശ്വരൻ നമ്പൂതിരി കൈമാറി.
നിലവിൽ ഡയാലിസിസ് സെന്റർ, ഫിസിയോ തെറാപ്പി സെൻറർ, പാലിയേറ്റീവ് ഹോം കെയർ, നിർധന രോഗികൾക്ക് ഭക്ഷണ വസ്ത്രവിതരണം, സാന്ത്വന പരിചരണം, ഭിന്നശേഷിക്കാർക്ക് ഭവന നിർമ്മാണം, പരിശോധനാ ക്യാമ്പ് ,നിർധനർക്ക് വിദ്യാഭ്യാസ സഹായം, അവാർഡ് ദാനം തുടങ്ങിയ ജീവകാരുണ്യ സേവനങ്ങൾക്ക് പുറമെ കൂടുതൽ മേഖലകളിലേക്ക് പ്രവർത്തനം വ്യാപിപ്പിക്കാനുള്ള ഒരുക്കത്തിലാണ് സ്മാർട്ട് പ്രവർത്തകർ.
kerala
എസ് ജി ഒ യു സംസ്ഥാന സമ്മേളനം 25 ന് തുടങ്ങും; ലോഗോ പ്രകാശനം ചെയ്തു
സംസ്ഥാന സമ്മേളനത്തിന്റെ ലോഗോ മുസ്ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങൾ പ്രകാശനം ചെയ്തു.
റഊഫ് കൂട്ടിലങ്ങാടി
മലപ്പുറം: സിവിൽ സർവീസ് “സ്വത്വ ബോധത്തിന്റെ വീണ്ടെടുപ്പ് ” എന്ന മുദ്രാവാക്യം ഉയർത്തി 25, 26 തീയതികളിൽ മലപ്പുറത്ത് ഡോ: സയ്യിദ് സൽമ നഗറിൽ വെച്ച് നടക്കുന്ന സ്റ്റേറ്റ് ഗസറ്റഡ് ഓഫീസേഴ്സ് യൂണിയൻ (എസ്.ജി.ഒ.യു) സംസ്ഥാന സമ്മേളനത്തിന്റെ ലോഗോ മുസ്ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങൾ പ്രകാശനം ചെയ്തു.
സംസ്ഥാന വർക്കിംഗ് പ്രസിഡന്റ് ഡോ. ഹാറൂൺ റഷീദ്, ജില്ലാ പ്രസിഡന്റ് മുഹമ്മദ് പുല്ലുപറമ്പൻ, ജനറൽ സെക്രട്ടറി വി.കെ.മുനീർ റഹ്മാൻ, ഷാഹുൽ ഹമീദ്, എസ്.ഇ.യു സംസ്ഥാന ജനറൽ സെക്രട്ടറി ആമിർ കോഡൂർ, വൈസ് പ്രസിഡന്റ് ബഷീർ കെ. ഹമീദ് കുന്നുമ്മൽ എന്നിവർ സംബന്ധിച്ചു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More7 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture7 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ