Football
ഗാരി ഹൂപ്പര് മുതല് ബകാരി കോനെ വരെ; വിദേശ ‘പടക്കോപ്പുകള്’ റെഡി; ബ്ലാസ്റ്റിനൊരുങ്ങി ബ്ലാസ്റ്റേഴ്സ്
പതിവില് നിന്ന് ഭിന്നമായി, ഒരുപിടി മികച്ച വിദേശതാരങ്ങളാണ് ബ്ലാസ്റ്റേഴ്സില് എത്തിയിട്ടുള്ളത് എന്നാണ് വിലയിരുത്തല്. സ്പോട്ടിങ് ഡയറക്ടര് കരോലിസ് സ്കിന്കിസിന്റെയും ഹെഡ് കോച്ച് കിബു വിക്കുനയുടെയും മേല്നോട്ടത്തിലാണ് വിദേശ താരങ്ങളെ ക്ലബ് ടീമിലെത്തിച്ചത്.
കൊച്ചി: ഐഎസ്എല്ലിന്റെ പുതിയ സീസണിലേക്കുള്ള കേരള ബ്ലാസ്റ്റേഴ്സ് ടീം റെഡി. കേരളത്തിന്റെ സ്വന്തം കൊമ്പന്മാരുടെ വിദേശ സൈനിങുകള് ഏകദേശം പൂര്ത്തിയായി. ഇന്ന് ബുര്കിനാ ഫാസോ ഡിഫന്ഡര് ബകാറി കോനെയെ കൂടി ക്ലബ് ടീമിലെത്തിച്ചു. വൈകാതെ ഓസീസ് ഫോര്വേഡ് ജോര്ദാന് മുറെ കൂടി ടീമിലെത്തിയേക്കും. ഇതോടെ ഏഴു വിദേശ സൈനിങുകളും പൂര്ത്തിയാകും. പതിവില് നിന്ന് ഭിന്നമായി, ഒരുപിടി മികച്ച വിദേശതാരങ്ങളാണ് ബ്ലാസ്റ്റേഴ്സില് എത്തിയിട്ടുള്ളത് എന്നാണ് വിലയിരുത്തല്. സ്പോട്ടിങ് ഡയറക്ടര് കരോലിസ് സ്കിന്കിസിന്റെയും ഹെഡ് കോച്ച് കിബു വിക്കുനയുടെയും മേല്നോട്ടത്തിലാണ് വിദേശ താരങ്ങളെ ക്ലബ് ടീമിലെത്തിച്ചത്. ഐസ്എഎല്ലിലെ തന്നെ ഏറ്റവും മൂല്യമുള്ള കളിക്കാരില് ഒരാളായ ഗാരി ഹൂപ്പര് മുതല് തുടങ്ങുന്നു കേരളത്തിന്റെ വിദേശി പെരുമ.
വിദേശ കളിക്കാരും അവരുടെ വിവരങ്ങളും ഇങ്ങനെ;
1- ഗാരി ഹൂപ്പര്
ഐഎസ്എല് സീസണ് ഏഴിലെ ഏറ്റവും മൂല്യമുള്ള കളിക്കാരനാണ് ഗാരി ഗൂപ്പര്. ഇംഗ്ലീഷില് പ്രീമിയര് ലീഗിന്റെ അനുഭവ സമ്പത്തുമായാണ് 32കാരന്റെ വരവ്. വിവിധ ക്ലബുകള്ക്കായി 476 മത്സരങ്ങളില് ബൂട്ടുകെട്ടി. 207 ഗോളുകളും 65 അസിസ്റ്റുകളും. 9.9 കോടി രൂപയാണ് താരത്തിന്റെ വിപണി മൂല്യം. ഓസീസ് എ ലീഗിലെ വെല്ലിങ്ടണ് ഫീനിക്സില് നിന്നാണ് താരം ബ്ലാസ്റ്റേഴ്സിലേക്കെത്തുന്നത്.
ബാര്ത്തലോമിയോ ഒഗ്ബച്ചെ പോയതോടെ ആശങ്കയിലായ ബ്ലാസ്റ്റേഴ്സ് ആരാധരെ ഞെട്ടിച്ചാണ് അതിലും മികച്ച താരത്തെ ക്ലബ് കൊണ്ടുവരുന്നത്. ഫീനിക്സിന് വേണ്ടി കഴിഞ്ഞ ഒരു വര്ഷം 21 മത്സരങ്ങള് കളിച്ച ഹൂപ്പര് എട്ടു ഗോളാണ് നേടിയത്. ലീഗില് ക്ലബ് മൂന്നാമതെത്തുകയും ചെയ്തു.
ഹൂപ്പറില് ബംഗളൂരുവിനും ചെന്നൈയ്ക്കും കണ്ണുണ്ടായിരുന്നെങ്കിലും അദ്ദേഹം കേരളം തെരഞ്ഞെടുക്കുകയായിരുന്നു. ഒരു വര്ഷത്തേക്കാണ് ഹൂപ്പറുമായുള്ള കരാര്. എട്ടു മാസത്തെ കോണ്ട്രാക്ടില് ഏകദേശം ഒന്നരക്കോടി രൂപ താരത്തിന് ലഭിക്കും. 2012-13 സീസണില് സെല്റ്റികിന് വേണ്ടി കളിച്ച താരം 31 ഗോളുകള് നേടിയിട്ടുണ്ട്. അടുത്ത ആറു സീസണുകള് നോര്വിച്ച് സിറ്റി എഫ്സിക്കു വേണ്ടിയും ഷെഫീല്ഡിനും വേണ്ടിയായിരുന്നു. അവിടെ നിന്നാണ് എ ലീഗിലെത്തിയത്.
2- ഫക്കുണ്ടോ പെരേര
ബ്ലാസ്റ്റേഴ്സിന്റെ ഈ വര്ഷത്തെ ആദ്യ വിദേശ സൈനിങായിരുന്നു ഈ അര്ജന്റീനന് അറ്റാക്കിങ് മിഡ്ഫീല്ഡര്. 2009-2009 കാലയളവില് നാട്ടില് പന്തു തട്ടിയ ശേഷം താരം പാലസ്റ്റിനോ എന്ന ചിലി ക്ലബിലെത്തി. പിന്നീട് ഗ്രീക്ക് ക്ലബായ പിഎഒകെയിലും. മൂന്നു വര്ഷമാണ് ഗ്രീക്ക് ക്ലബിനു വേണ്ടി ബൂട്ടു കെട്ടിയത്. 14 ഗോളുകള് നേടുകയും ചെയ്തു.
പൊസിഷന് ഫുട്ബോളിന്റെ വക്താവായ കിബു വിക്കുനയുടെ തന്ത്രങ്ങളിലെ പ്രധാനിയായിരിക്കും ഫക്കുണ്ടോ. കഴിഞ്ഞ സീസണില് മികവിനൊത്തുയരാത്ത മധ്യനിരയില് പന്തു കാലില് വച്ചു കളിക്കുന്ന അര്ജന്റൈന് ശൈലി വന്നാല് അത് ക്ലബിനെ മാറ്റിമറിക്കുമെന്ന് തീര്ച്ച.
3- വിന്സന്റ് ഗോമസ്
രാജാവിന്റെ മകന് എന്ന ചിത്രത്തില് മോഹന്ലാല് അവതരിപ്പിച്ച കഥാപാത്രത്തിലൂടെ ശ്രദ്ധേയമായ പേരാണ് വിന്സെന്റ് ഗോമസ്. ആ പേരുള്ള ഒരാളാണ് ഇത്തവണ ബ്ലാസ്റ്റേഴ്സിന്റെ ഡിഫന്സീവ് മിഡ്ഫീല്ഡില് ഉണ്ടാകുക. ആറരക്കോടിയിലേറെ വിപണി മൂല്യമുള്ള ഗോമസിന് മൂന്നു വര്ഷത്തെ കരാറാണ് ബ്ലാസ്റ്റേഴ്സ് നല്കിയിട്ടുള്ളത്.
സ്പാനിഷ് ക്ലബ്ബായ് ഡിപ്പാര്ട്ടീവ ലാ കൊരുണിയില് നിന്നാണ് ഗോമസിന്റെ വരവ്. കോപ്പ ഡെല് റേ അടക്കം 60 മത്സരങ്ങളില് കഴിഞ്ഞ രണ്ടു സീസണില് താരം ബൂട്ടുകെട്ടിയിട്ടുണ്ട്.
4- കോസ്റ്റ നമോയിനെസു
ജിങ്കന് പോയതിന്റെ ഞെട്ടല് ആരാധകരില് നിന്ന് വിട്ടു പോയിട്ടില്ല. എന്നാല് ആ ഒഴിവിലേക്ക് ബ്ലാസ്റ്റേഴ്സ് എത്തിക്കുന്നത് ഒരു അനുഭവ സമ്പന്നനെയാണ്. ചെക്ക് സൂപ്പര് ക്ലബായ സ്പാര്ട്ട പ്രാഗ് താരം കോസ്റ്റ നമോയിനെസു. ഏഴു സീസണിലായി സ്പാര്ട്ടയ്ക്കായി 203 മത്സരങ്ങളുടെ അനുഭവ സമ്പത്തുണ്ട് കോസ്റ്റയ്ക്ക്. ഒമ്പതു ഗോളും നേടി. ചെക്ക് റിപ്പബ്ലികില് എത്തും മുമ്പ് പോളണ്ടിലെ സസാഗ്ലൈബ് ലുബിന് ക്ലബിലായിരുന്നു. ഇപ്പോഴത്തെ ബ്ലാസ്റ്റേഴ്സ് കോച്ച് കിബു വിക്കുന ആയിരുന്നു അന്ന് ലുബിന് സഹ പരിശീലകന്.
11 തവണ ദേശീയ കുപ്പായത്തില് കളിച്ചിട്ടുണ്ട് ഈ സിംബാബ്വെന് താരം.
5- ബകാരി കോനെ
സെന്റര്ബാക്ക് സ്ഥാനത്തേക്ക് എത്തുന്ന ബുര്കിനോ ഫാസോ ദേശീയ താരമാണ് ബകാരി കോനെ. ഫ്രഞ്ച് ഫുട്ബോളിലെ അതികായരായ ഒളിംപിക് ലിയോണിനു വേണ്ടി യുവേഫ ചാമ്പ്യന്സ് ലീഗില് അടക്കം ബൂട്ടുകെട്ടിയിട്ടുള്ള താരമാണ് കോനെ. അഞ്ചു വര്ഷം ലിയോണിനായി കളിച്ച താരം 89 കളികളില് ബൂട്ടുകെട്ടി. ഒമ്പതു ഗോളുകളും സ്വന്തമാക്കി.
പിന്നീട് ലാലീഗയില് മലാഗ എഫ്സിയിലെത്തി. പിന്നീട് വായ്പാ അടിസ്ഥാനത്തില് ലീഗ് വണ്ണിലെ ആര്സി സ്ട്രാസ്ബര്ഗില്. പിന്നീട് തുര്ക്കിയിലും റഷ്യന് പ്രീമിയര് ലീഗ് ക്ലബായ ആഴ്സണല് ടുലയിലും. അവിടെ നിന്നാണ് താരം ബ്ലാസ്റ്റേഴ്സിലെത്തുന്നത്.
6- ജോര്ദാന് മുറേ (ഇതുവരെ കരാര് ഒപ്പിട്ടിട്ടില്ല)
ആറാമത്തെ വിദേശ താരമായി ഓസീസ് എ ലീഗില് നിന്ന് 25കാരന് ഫോര്വേഡ് ജോര്ദാന് മുറെ എത്തും എന്നാണ് റിപ്പോര്ട്ട്. 3.3 കോടി രൂപയാണ് താരത്തിന്റെ വിപണി മൂല്യം. നിലവില് കളിച്ചു കൊണ്ടിരിക്കുന്ന സെന്ട്രല് കോസ്റ്റ് മറൈനേഴ്സ് താരത്തിന് റിലീസിങ് ക്ലോസ് നല്കിയിട്ടുണ്ട്. മുറേയുടെ ഇന്ത്യയിലേക്കുള്ള വരവിനെ കുറിച്ച് ഓസീസ് മാധ്യമങ്ങളും റിപ്പോര്ട്ട് ചെയ്തിട്ടുണ്ട്.
2018ലാണ് മുറേ മറൈനേഴ്സിലെത്തിയത്. 41 കളികളില് നിന്ന് ഏഴു ഗോളുകള് നേടിയിട്ടുണ്ട്. ജോര്ദാന് എല്ലാ ഭാവുകങ്ങളും നേരുന്നതായി മറൈനേഴ്സ് ഹെഡ് കോച്ച് അലന് സ്റ്റാജിക് പറഞ്ഞു.
7- സര്ജിയോ സിഡോഞ്ച
സ്പാനിഷ് മിഡ്ഫീല്ഡര് സര്ജിയോ സിഡോഞ്ചയാണ് ബ്ലാസ്റ്റേഴ്സിലെ ഏഴാമത്തെ വിദേശ താരം. കഴിഞ്ഞ സീസണില് പരിക്കു മൂലം ഒരുപാട് കളികളില് പുറത്തിരിക്കേണ്ടി വന്ന സിഡോഞ്ചയുടെ കരാര് ക്ലബ് നീട്ടി നല്കുകയായിരുന്നു.
Football
‘ പേടിപ്പിക്കേണ്ട’; ലാലീഗ അധികാരികളോട് ഫ്രഞ്ച് ഫസ്റ്റ് ഡിവിഷന് അധികാരികള്
പാരീസ്: കിലിയന് എംബാപ്പേയുടെ പേര് പറഞ്ഞ് പേടിപ്പിക്കാന് നോക്കേണ്ടെന്ന് ലാലീഗ അധികാരികളോട് ഫ്രഞ്ച് ഫസ്റ്റ് ഡിവിഷന് അധികാരികള്. എംബാപ്പേയെ നിലനിര്ത്താന് വന് പണം മുടക്കിയത് വഴി യൂറോപ്പിലെ ഫുട്ബോള് ചട്ടങ്ങള് പി.എസ്.ജി കാറ്റില് പറത്തിയെന്നും ഇതിനെതിരെ കോടതിയില് പോവുമെന്നുമാണ് ദിവസങ്ങള്ക്ക് മുമ്പ് ലാലീഗ അധികാരികള് പറഞ്ഞത്. സ്പാനിഷ് സൂപ്പര് ക്ലബായ റയല് മാഡ്രിഡ് നോട്ടമിട്ട താരമായിരുന്നു എംബാപ്പേ. ഏതൊരു സാഹചര്യത്തിലും എംബാപ്പേ റയലില് എത്തുമെന്നായിരുന്നു ഫ്ളോറന്റീനോ പെരസും സംഘവും വിശ്വസിച്ചിരുന്നത്.
എന്നാല് വന് പ്രതിഫലം വാഗ്ദാനം ചെയ്ത് പി.എസ്.ജി അടുത്ത മൂന്ന് വര്ഷത്തേക്ക് താരത്തെ നിലനിര്ത്തുകയായിരുന്നു. ഇതാണ് റയലിനെയും ലാലീഗയെയും ചൊടിപ്പിച്ചത്. എന്നാല് കഴിഞ്ഞ പത്ത് വര്ഷത്തിനിടെ ക്ലബിന്റെ വരുമാനത്തില് 32 ശതമാനത്തിലധികം താരങ്ങള്ക്കായി ചെലവഴിച്ചവരാണ് ലാലീഗയെന്ന് ഫ്രഞ്ച് ഡിവിഷന് വണ് മേധാവി വിന്സെന്റ്് ലബ്രുനെ പറഞ്ഞു. ഇന്നലെ ലാലീഗ പ്രസിഡണ്ട് ജാവിയര് ടെബസിന് അയച്ച കത്തില് സ്വന്തം വീഴ്ച്ചകള്ക്ക് ഫ്രഞ്ച് ലീഗിനെയും പി.എസ്.ജിയെയും എംബാപ്പേയെയും കുറ്റപ്പെടുത്തരുതെന്ന് വിന്സെന്റ് പറഞ്ഞു. ലാലീഗയുടെ വീഴ്ച്ചക്ക് ഫ്രഞ്ച് ലീഗിനെ കുറ്റപ്പെടുത്തരുത്. നിങ്ങളുടെ സാമ്പത്തിക വീഴ്ച്ചകള് നിങ്ങള് തന്നെ പരിഹരിക്കുക-വിന്സെന്റ് പറഞ്ഞു.
Football
തേര്ഡ് ഐ: ഗോള്മഴയുറപ്പ്- കമാല് വരദൂര്
ബെന്സേമയെ തടയുന്നതില് അലിസണ് ബേക്കര് വിജയിച്ചാല് കിരീടം ലിവറിനാവും. മാനേയെ തടയാന്, സലാഹിനെ തടയാന് കൊത്വ എന്ന ഉയരക്കാരനായ ബെല്ജിയക്കാരനാവുമ്പോള് കിരീടം മാഡ്രിഡിലുമെത്തും.
2018 ലെ റഷ്യന് ലോകകപ്പ് റിപ്പോര്ട്ട് ചെയ്തപ്പോള് ഏറ്റവുമധികം തവണ കയറിയിറങ്ങിയ കളിമുറ്റമായിരുന്നു സെന്റ് പീറ്റേഴ്സ്ബര്ഗ് നഗരമധ്യത്തിലെ ക്രെസ്റ്റോവിസ്കി സ്റ്റേഡിയം. അവിടെ നടക്കേണ്ടതായിരുന്നു ഇന്നത്തെ ചാമ്പ്യന്സ് ലീഗ് ഫൈനല്. പക്ഷേ വ്ഌഡിമിര് പുട്ടിന്റെ റഷ്യ സെലന്സ്ക്കിയുടെ യുക്രെയ്നിനെതിരെ അനാവശ്യ കയ്യേറ്റത്തിന് മുതിര്ന്നു. യുദ്ധമെന്ന ഭീകരത ലോകത്തെ വേദനിപ്പിച്ചപ്പോള് എല്ലാവരും റഷ്യക്കെതിരായി. അങ്ങനെയാണ് യൂറോപ്യന് ഫുട്ബോളിനെ ഭരിക്കുന്ന യുവേഫ സെന്റ് പീറ്റേഴ്സ് ബര്ഗ് എന്ന അതിസുന്ദര റഷ്യന് നഗരത്തോട് വിട ചൊല്ലാന് നിര്ബന്ധിതരായത്. പുട്ടിന് യുദ്ധം മുറുക്കിയപ്പോള് ഫ്രഞ്ച് പ്രസിഡണ്ട് ഇമാനുവല് മക്റോണ് യുവേഫയോട് പറഞ്ഞു- ഫൈനലിന് പാരീസ് റെഡിയാണെന്ന്.
2006 ലെ ചാമ്പ്യന്സ് ലീഗ് ഫൈനല് നടന്ന അതേ പാരീസ്. അന്ന് ചാമ്പ്യന്സ് ലീഗിന്റെ നാമധേയം യൂറോപ്യന് കപ്പ് എന്നായിരുന്നു. ബാര്സിലോണക്കാര് ആഴ്സനലിനെ വീഴ്ത്തിയ രാത്രി. ബാര്സിലോണ സ്പെയിനും ആഴസ്നല് ഇംഗ്ലണ്ടുമാവുമ്പോള് ഇന്നും അതേ തരത്തില് മറ്റൊരു ഇംഗ്ലീഷ്-സ്പാനിഷ് അങ്കം. കാല്പ്പന്ത് മൈതാനത്ത് പന്ത് തട്ടുന്നത് പതിനൊന്ന് പേരാണെങ്കിലും കളിയുടെ ഗതി നിര്ണയിക്കുന്നതില് വ്യക്തിഗത മികവുകള് പ്രധാനമാണ്.
റയല് മാഡ്രിഡ് ഇത്തവണ സ്വപ്ന തുല്യമായ യാത്രയിലുടെയാണ് അവസാന പോരാട്ടത്തിന് യോഗ്യത നേടിയത്. തോല്പ്പിച്ചവരുടെ ഗണത്തില് മെസിയും നെയ്മറും എംബാപ്പേയും കളിച്ച സാക്ഷാല് പി.എസ്.ജി, നിലവിലെ വന്കരാ ചാമ്പ്യന്മാരും മാസോണ് മൗണ്ട്, അന്റോണിയോ റുഡിഗര്, ടിമോ വെര്ണര്, റുമേലു ലുക്കാക്കു തുടങ്ങിയവരുടെ ചെല്സി, കെവിന് ഡി ബ്രുയനും റഹീം സ്റ്റെറര്ലിങും റിയാദ് മെഹ്റസും ഗബ്രിയേല് ജീസസുമെല്ലാം അണി നിരന്ന മാഞ്ചസ്റ്റര് സിറ്റിയെയുമെല്ലാം. ഈ കളികളില്ലെല്ലാം അരങ്ങ് തകര്്ത്തത് ഒരു 35 കാരനായിരുന്നു-ഡബിള് ഹാട്രിക് മികവില് അരങ്ങ് തകര്ത്ത കരീം ബെന്സേമ. ഇന്ന് അദ്ദേഹമാണ് ടീമിന്റെ നായകന്.
ലിവര് സംഘത്തില് കളിയുടെ ഗതിക്കും വേഗത്തിനുമൊപ്പം താള-ലയ സമ്പന്നമായി പന്ത് തട്ടുന്ന സാദിയോ മാനേ എന്ന മുന്നിരക്കാരന്. സീസണില് മാനേ സ്വന്തം രാജ്യമായ സെനഗലിന് ആഫ്രിക്കന് വന്കരാ കിരീടം സമ്മാനിച്ചു, സെനഗലിന് ഖത്തര് ലോകകപ്പ് ടിക്കറ്റ് സമ്മാനിച്ചു, ലിവറിന് ഒന്നിലധികം കിരീടങ്ങള് സമ്മാനിച്ചു- ഇന്ന് അദ്ദേഹമിറങ്ങുമ്പോള് റയലിന്റെ പുകള്പെറ്റ സീനിയര് ഡിഫന്ഡര് സംഘത്തിന് കാര്യങ്ങള് എളുപ്പമാവില്ല. കളിയിലെ രസതന്ത്രം മെനയുന്നതില് മുന്നിരക്കാര്ക്കുള്ള പങ്ക് വലുതാവുമ്പോള് സ്റ്റെഡെ ഡി ഫ്രാന്സില് ബെന്സേമയും മാനേയുമായിരിക്കും കിരീട നിര്ണയത്തിലെ പ്രധാനികള്.
ബെന്സേമയെ തടയുന്നതില് അലിസണ് ബേക്കര് വിജയിച്ചാല് കിരീടം ലിവറിനാവും. മാനേയെ തടയാന്, സലാഹിനെ തടയാന് കൊത്വ എന്ന ഉയരക്കാരനായ ബെല്ജിയക്കാരനാവുമ്പോള് കിരീടം മാഡ്രിഡിലുമെത്തും. ഇവരെ ഒരുക്കുന്നത് മൈതാനത്തെ പുകള്പെറ്റ ആശാന്മാരാണ്. കാര്ലോസ് അന്സലോട്ടിയും ജുര്ഗന് ക്ലോപ്പെയും. ലോക ഫുട്ബോളിലെ വിലപിടിപ്പുള്ള പരിശീലകര്. രണ്ട് പേരും ആക്രമണ ഫുട്ബോളിന്റെ വക്താക്കള്. ഒരു തരത്തിലും പ്രതിരോധ സോക്കറില് വിശ്വാസമര്പ്പിക്കാത്തവര്. അതിനാല് ഗോളുകളധികം പിറന്നാലും അല്ഭുതപ്പെടാനില്ല. തിരിച്ചുവരവാണ് റയലിന്റെ ശക്തി. സീസണില് മൂന്ന് നിര്ണായക ദ്വിപാദ മല്സരങ്ങളില് പിറകില് നിന്നും തിരികെ വന്നവര്. ഏതൊരു സാഹചര്യത്തെയും അനുഭവക്കരുത്തില് നേരിടാനുള്ള ആത്മവിശ്വാസമാണ് സീമപകാലത്തെ റയല്.
Football
യൂറോപ്പിലെ രാജാക്കന്മാരെ ഇന്നറിയാം; ചാമ്പ്യന്സ് ലീഗ് ഫൈനല് ഇന്ന്
12-30 ന് ഫ്രാന്സിലെ പ്രിയ സോക്കര് വേദിയായ സ്റ്റഡെ ഡി ഫ്രാന്സില് സ്പെയിനിലെ ചാമ്പ്യന് ക്ലബായ റയല് മാഡ്രിഡും ഇംഗ്ലണ്ടിലെ സൂപ്പര് ക്ലബായ ലിവര്പൂളും മുഖാമുഖം. അതല്ലെങ്കില് ഇംഗ്ലണ്ടും സ്പെയിനും തമ്മിലുള്ള ഒരു യൂറോപ്യന് ഫൈനല്.
പാരീസ്:ഇന്നത്തെ രാത്രി ഉറങ്ങാനുള്ളതല്ല. കളി കാണാനുള്ളതാണ്. ലോകകപ്പോ യൂറോയോ കോപ്പയോ ഒന്നുമല്ല. പക്ഷേ യൂറോപ്പിലെ ചാമ്പ്യന് ക്ലബ് എന്നാല് ഫുട്ബോള് ലോകത്തിന്റെ തന്നെ ചാമ്പ്യന് ക്ലബാണ്. അവരെ കണ്ടെത്തുന്ന ഫൈനലാണ് ഇന്നത്തെ രാത്രി. 12-30 ന് ഫ്രാന്സിലെ പ്രിയ സോക്കര് വേദിയായ സ്റ്റഡെ ഡി ഫ്രാന്സില് സ്പെയിനിലെ ചാമ്പ്യന് ക്ലബായ റയല് മാഡ്രിഡും ഇംഗ്ലണ്ടിലെ സൂപ്പര് ക്ലബായ ലിവര്പൂളും മുഖാമുഖം. അതല്ലെങ്കില് ഇംഗ്ലണ്ടും സ്പെയിനും തമ്മിലുള്ള ഒരു യൂറോപ്യന് ഫൈനല്.
വിഖ്യാതരായ രണ്ട് ആശാന്മാര്. ജുര്ഗന് ക്ലോപ്പെ എന്ന ജര്മന്കാരനും കാര്ലോസ് അന്സലോട്ടി എന്ന ഇറ്റലിക്കാരനും. അങ്ങനെ നോക്കുമ്പോള് ഇത് ജര്മനി-ഇറ്റലി ഫൈനലുമാണ്. താര നിര നോക്കു- റയല് സംഘത്തില് കരീം ബെന്സേമ, ലുക്കാ മോദ്രിച്ച്, ടോണി ക്രൂസ് തുടങ്ങിയ വേള്ഡ് ക്ലാസ് സീനിയേഴ്സ്. ഇവര്ക്കൊപ്പം യുവനിരയിലെ മികച്ച കാവല്ക്കാരന് തിബോത്ത് കൊത്വ, വിനീഷ്യസ് ജൂനിയര്, റോഡ്രിഗോ തുടങ്ങിയവര്. ലിവര് ടീമില് ലോകത്തിലെ തന്നെ ഏറ്റവും മികച്ച സ്ട്രൈക്കിംഗ് ജോഡിയായ മുഹമ്മദ് സലാഹും സാദിയോ മാനേയും. ഇവര്ക്കൊപ്പം റോബര്ട്ടോ ഫിര്മിനോ, വിര്ജില് വാന്ഡിജിക്, അലിസണ് ബേക്കര് തുടങ്ങിയ സീനിയേഴ്സ്.
റയലിനും ലിവറിനും ഇത്തവണ രണ്ട് കിരീടങ്ങള് നേടാനായിട്ടുണ്ട്. റയല് സ്പാനിഷ് ലാലീഗയും സ്പാനിഷ് സൂപ്പര് കപ്പും സ്വന്തമാക്കിയവര്. ലിവറാവട്ടെ കറബാവോ കപ്പും എഫ്.എ കപ്പും സീസണില് ഷോക്കേസിലെത്തിച്ചിരിക്കുന്നു. രണ്ട് ടീമുകള്ക്കും മൂന്നാമതൊരു കിരീടം കൂടി സ്വന്തമാക്കി സീസണ് അവസാനിപ്പിക്കാനാണ് മോഹം. പ്രീമിയര് ലീഗ് നഷ്ടമായതായിരുന്നു ലിവറിന്റെ സമീപകാല വേദന.
മേജര് ഇംഗ്ലീഷ് കിരീടത്തിന് ഒരു പോയന്റിന് അരികിലായിരുന്നു ടീമിന്റെ പതനം. പ്രീമിയര് ലീഗ് അവസാന പോരാട്ടത്തിന്റെ അവസാന മിനുട്ട് വരെ സാധ്യതകളില് നിറഞ്ഞ ടീം. ചാമ്പ്യന്മാരായി മാറിയ മാഞ്ചസ്റ്റര് സിറ്റി അവസാന അങ്കത്തില് ആസ്റ്റണ് വില്ലയോട് തോറ്റ് നില്ക്കുമ്പോള് വോള്വ്സിനെതിരെ മുന്നിലായിരുന്നു ലിവര്. പക്ഷേ അവസാനത്തില് മൂന്ന് ഗോളുകളുമായി സിറ്റി തിരികെ വന്നപ്പോള് ലിവറിന്റെ മോഹം അകന്നു. ആ നഷ്ടം നികത്താന് ഇന്ന് ലിവറിന് യൂറോപ്യന് കിരീടം വേണം. റയലാവട്ടെ ചാമ്പ്യന്സ് ലീഗ് ഏറ്റവുമധികം തവണ ഉയര്ത്തിയ സംഘമാണ്. അവരും വിട്ടു കൊടുക്കാതെ കളിക്കുമെന്നിരിക്കെ രാത്രിയില് ഉറങ്ങിയാല് നഷ്ടം സുന്ദരമായ സോക്കര് പൂരമായിരിക്കും.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More7 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture7 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ