Culture
ജാര്ഖണ്ഡില് നാലുപേരെ ആള്ക്കൂട്ടം തല്ലിക്കൊന്നു
ന്യൂഡല്ഹി: രാജ്യത്ത് ആള്ക്കൂട്ട കൊലകള് നിര്ബാധം തുടരുന്നു. ജാര്ഖണ്ഡില് ആഭിചാരകര്മം ചെയ്യുന്നവരെന്ന് സംശയിച്ച് നാലു ഗ്രാമീണരെ ആള്ക്കൂട്ടം വീട്ടില് നിന്നും വിളിച്ചിറക്കി തല്ലിക്കൊന്നു. കൊല്ലപ്പെട്ടവരെല്ലാം 60ന് മുകളില് പ്രായമുള്ളവരാണ്. തലസ്ഥാനമായ റാഞ്ചിയില് നിന്നും 110 കിലോമീറ്റര് അകലെ ഗുമ്ല ഗ്രാമത്തിലാണ് സംഭവം. ഇന്നലെ പുലര്ച്ചെ മൂന്നുമണിയോടെയാണ് സംഭവം.
ആള്ക്കൂട്ടം ഇവരില് ഒരാളുടെ വീട്ടിലെത്തി പൂട്ടിയിട്ട് തല്ലുകയായിരുന്നു. വടികളും ഇരുമ്പ് ദണ്ഡും ഉപയോഗിച്ച് തല്ലിച്ചതച്ചശേഷം കഴുത്തുമുറിച്ചാണ് കൊലപ്പെടുത്തിയിരിക്കുന്നത്. സുന ഒറാവോണ് (65), ഫഗ്നി ദേവി (60), ചപ ഭഗത് (65), പിരി ദേവി (62) എന്നിവരാണ് കൊല്ലപ്പെട്ടത്. ഇവര് മൂന്നു കുടുംബങ്ങളില് നിന്നുള്ളവരാണ്. ചമ്പയും പിരിയും ഭാര്യാഭര്ത്താക്കന്മാരാണ്. ഇവരുടെ മകളുടെ പരാതിയിലാണ് പൊലീസ് കേസെടുത്തിരിക്കുന്നത്. 90 ശതമാനത്തോളം ആദിവാസി ഗോത്ര വിഭാഗങ്ങള് അധിവസിക്കുന്ന മേഖലയിലാണ് സംഭവം. പ്രഥമ ദൃഷ്ട്യാ സംഭവം ആഭിചാരവുമായി ബന്ധപ്പെട്ടതാണെന്നും ഗ്രാമീണരെ ചോദ്യം ചെയ്തതില് നിന്നും നാലു പേരും ആഭിചാര ക്രിയകളില് ഏര്പ്പെട്ടിരുന്നതായാണ് മനസിലായതെന്നും ഗുമ്ല പൊലീസ് സൂപ്രണ്ട് അഞ്ജനി കുമാര് അറിയിച്ചു. വടികളും ഇരുമ്പ് ദണ്ഡും മൂര്ച്ചയേറിയ ആയുധങ്ങളും ഉപയോഗിച്ചാണ് മര്ദ്ദനം അഴിച്ചുവിട്ടതെന്നും ഗ്രാമീണര് നല്കിയ വിവരം അനുസരിച്ച് ഒരു ഡസനോളം വരുന്ന സംഘമാണ് ഇതിന് പിന്നിലെന്നും അദ്ദേഹം പറഞ്ഞു. വീടുകളിലേക്ക് ഇരച്ചു കയറിയ സംഘം ഇവരെ പിടികൂടി സമീപത്തെ അംഗന്വാടി കേന്ദ്രത്തില് എത്തിക്കുകയും അവിടെ വെച്ച് അതിക്രൂരമായി മര്ദ്ദിക്കുകയുമായിരുന്നു. പൊലീസ് സംഘം പുലര്ച്ചെ നാലരയോടെ സ്ഥലത്തെത്തിയെങ്കിലും അന്വേഷണവുമായി സഹകരിക്കാന് ഗ്രാമീണര് തയാറായില്ലെന്നും അക്രമികളെ കുറിച്ച് വിവരം നല്കുന്നതില് നിന്നും ഇവര് വിട്ടു നില്ക്കുന്നതായും അദ്ദേഹം പറഞ്ഞു.
ചില ഗ്രാമീണരും സംഭവത്തില് ഉള്പ്പെട്ടതായി സംശയിക്കുന്നതായും അദ്ദേഹം പറഞ്ഞു. പ്രദേശത്തെ ചന്തയില് ഉരുളക്കിഴങ്ങ് വില്ക്കുന്നവരാണ് കൊല്ലപ്പെട്ട ദമ്പതിമാര്. സുന ഓര്ഗാവോന് കൃഷിക്കാരനാണ്. ഫഗ്നി ദേവി വീട്ടമ്മയാണ്. എന്നാല് ഇവരെല്ലാം ആഭിചാര ക്രിയയില് ഉള്പ്പെട്ടിരുന്നതായും ഗ്രാമീണര് പറയുന്നു. മന്ത്രവാദവുമായി ബന്ധപ്പെട്ട സംഘര്ഷം ജാര്ഖണ്ഡില് പതിവാണ്. 2016ന് ശേഷം 523 സ്ത്രീകളെയാണ് പ്രേത ബാധ ആരോപിച്ച് സംസ്ഥാനത്ത് മര്ദ്ദനത്തിനിരയാക്കിയത്. 2013ന് ശേഷം ആഭിചാരവുമായി ബന്ധപ്പെട്ട് സംസ്ഥാനത്ത് 54 പേരെയാണ് തല്ലിക്കൊന്നത്.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ