Connect with us

india

ശക്തിക്കനുസരിച്ച് പ്രാതിനിധ്യം വേണമെന്ന് കേരള ഘടകം

പാര്‍ട്ടി അംഗങ്ങളുടെ എണ്ണത്തിന് അനുസരിച്ച് പിബിയില്‍ പ്രാതിനിധ്യം നല്‍കണമെന്ന് കേരള ഘടകം സി.പി.എം പാര്‍ട്ടി കോണ്‍ഗ്രസില്‍ ആവശ്യപ്പെടും

Published

on

പാര്‍ട്ടി അംഗങ്ങളുടെ എണ്ണത്തിന് അനുസരിച്ച് പിബിയില്‍ പ്രാതിനിധ്യം നല്‍കണമെന്ന് കേരള ഘടകം സി.പി.എം പാര്‍ട്ടി കോണ്‍ഗ്രസില്‍ ആവശ്യപ്പെടും. ഇന്ന് നടക്കുന്ന പൊളിറ്റ് ബ്യൂറോ, കേന്ദ്ര കമ്മിറ്റി തെരഞ്ഞെടുപ്പിലാണ് കേരള ഘടകം കൂടുതല്‍ പ്രാതിനിധ്യം ആവശ്യപ്പെടുക. നിലവില്‍ കേരളത്തില്‍ നിന്ന് നാല് പിബി അംഗങ്ങളും പ്രത്യേക ക്ഷണിതാക്കള്‍ ഉള്‍പ്പെടെ 17 കേന്ദ്ര കമ്മിറ്റി അംഗങ്ങളുമാണുള്ളത്.

പാര്‍ട്ടി അംഗങ്ങളുടെ പകുതിയിലധികം കേരളത്തില്‍ നിന്നുള്ളവരായതിനാല്‍ തെരഞ്ഞെടുപ്പില്‍ ഇതിനനുസരിച്ചുള്ള പരിഗണന വേണമെന്നാണ് കേരളത്തിന്റെ ആവശ്യം.75 വയസ്സ് മാനദണ്ഡത്തിന്റെ പേരില്‍ പശ്ചിമ ബംഗാളില്‍ നിന്നുള്ള രണ്ടു പേര്‍ മാറി നില്‍ക്കുമ്പോള്‍ പകരമായി ഒരാളെ കേരളത്തില്‍ നിന്ന് പരിഗണിക്കണമെന്നാണ് ആവശ്യം ഉയരുന്നത്.

നിലവിലുള്ള 17 പിബി അംഗങ്ങളില്‍ എട്ട് പേര്‍ പശ്ചിമ ബംഗാളില്‍ നിന്നുള്ളവരാണ്. കേരളവും പശ്ചിമ ബംഗാളും തമ്മില്‍ പാര്‍ട്ടി അംഗങ്ങളുടെ കാര്യത്തില്‍ 36,6347 പേരുടെ വ്യത്യാസമുണ്ട്. പാര്‍ട്ടി ശക്തമായിരുന്നപ്പോള്‍ ബംഗാളിനു ലഭിച്ച പരിഗണന ഇപ്പോള്‍ നല്‍കേണ്ടതില്ലെന്ന അഭിപ്രായമാണ് നേതാക്കള്‍ക്കുള്ളത്. ഇതിന് എതിരുനില്‍ക്കാന്‍ ബംഗാള്‍ ഘടകം തയ്യാറാവുമെന്ന് തോന്നുന്നില്ല. പ്രത്യേക സാഹചര്യത്തില്‍ മുഖ്യമന്ത്രി പിണറായി വിജയന് പിബിയില്‍ വയസ് ഇളവ് ലഭിക്കുമെന്ന് ഏറെക്കുറെ ഉറപ്പാണ്. എസ് രാമചന്ദ്രന്‍പിള്ളക്ക് പകരം എല്‍.ഡി.എഫ് കണ്‍വീനര്‍ എ. വിജയരാഘവനെ പരിഗണിക്കാനാണ് സാധ്യത.

അധികമായി പിബി അംഗത്തെ ലഭിച്ചാല്‍ എ.കെ ബാലനെയോ, കെ.രാധാകൃഷണനെയോ പരിഗണിക്കും. പിബിയില്‍ കാലങ്ങളായി തുടരുന്ന ദലിത് അവഗണന മറികടക്കാന്‍ ഇതിലൂടെ കഴിയുമെന്ന പ്രതീക്ഷയില്‍ ബംഗാള്‍ ഘടകം സമവായത്തിന് വഴങ്ങിയേക്കുമെന്നാണ് സൂചന. നിലവില്‍ കേരളം, ബംഗാള്‍, ത്രിപുര, യുപി, എപി, തമിഴ്‌നാട് എന്നീ ആറ് സംസ്ഥാനങ്ങളില്‍ നിന്നുള്ള പിബി അംഗങ്ങള്‍ മാത്രമാണുള്ളത്. കേന്ദ്ര കമ്മിറ്റിയില്‍ നിന്ന് മാറുന്ന പി.കരുണാകരന്‍, വൈക്കം വിശ്വന്‍ എന്നിവര്‍ക്ക് ആര് സിസിയില്‍ എത്തുമെന്ന കാര്യത്തില്‍ സസ്‌പെന്‍സ് തുടരുകയാണ്. മന്ത്രിമാരായ പി.രാജീവന്‍, മുഹമ്മദ് റിയാസ് എന്നിവരുടെ പേരാണ് കേള്‍ക്കുന്നത്.

75 പിന്നിട്ട പിബി അംഗങ്ങള്‍

-എസ് രാമചന്ദ്രന്‍പിള്ള 84 വയസ്സ്. പിബിയിലെ മുതിര്‍ന്ന അംഗം.1992 മുതല്‍ പിബിയില്‍ തുടരുന്നു.ആലപ്പുഴ സ്വദേശി.
-ബിമന്‍ബോസ്. 81 വയസ്സ്. ബംഗാളില്‍ നിന്നുള്ള പ്രതിനിധി.സിപിഎം മുന്‍ സംസ്ഥാന സെക്രട്ടറി. 1998 മുതല്‍ പിബിയില്‍ തുടരുന്നു.
-ഹനന്‍ മൊല്ല.76 വയസ്സ്. ഓള്‍ ഇന്ത്യ കിസാന്‍ സഭ മുതിര്‍ന്ന നേതാവ്.ബംഗളില്‍ നിന്ന് നിരവധി തവണ ലോകസഭയില്‍.
-പിണറായി വിജയന്‍. 76. കേരള മുഖ്യമന്ത്രി. 1998മുതല്‍ 2015വരെ സിപിഎം കേരള ഘടകം സെക്രട്ടറി.

Continue Reading
Click to comment

Leave a Reply

Your email address will not be published.

india

സ്മൃതിയുടെ മകളുടെ റസ്റ്റോറന്റിന്റെ മദ്യ ലൈസന്‍സ് അനധികൃതം

വടക്കന്‍ ഗോവയില്‍ കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്‍സ് ലഭിച്ചത് അനധികൃതമാണെന്ന് റിപ്പോര്‍ട്ട്.

Published

on

പനജി: വടക്കന്‍ ഗോവയില്‍ കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്‍സ് ലഭിച്ചത് അനധികൃതമാണെന്ന് റിപ്പോര്‍ട്ട്. മരിച്ചയാളുടെ പേരിലാണ് ലൈസന്‍സ് പുതുക്കിയതെന്നാണ് ആരോപണം. ഇതേത്തുടര്‍ന്ന് ഗോവ എക്‌സൈസ് കമ്മിഷണര്‍ നാരായണ്‍ എം. ഗാഡ് ലൈസന്‍സ് റദ്ദാക്കാതിരിക്കണമെങ്കില്‍ കാരണം കാണിക്കണമെന്ന് ആവശ്യപ്പെട്ട് നോട്ടീസ് അയച്ചിരിക്കുകയാണ്.

ഗോവയിലെ അസന്‍ഗൗവിലാണ് സ്മൃതിയുടെ മകള്‍ സോയിഷ് ഇറാനിയുടെ പോഷ് റസ്റ്ററന്റായ സില്ലി സോള്‍സ് കഫേ ആന്റ് ബാര്‍ ഉള്ളത്. ബാറിനുള്ള ലൈസന്‍സ് കൃത്രിമ രേഖകള്‍ നല്‍കിയാണ് ഉടമകള്‍ കൈവശപ്പെടുത്തിയതെന്ന് അഭിഭാഷകനായ എയ്‌റിസ് റോഡ്രിഗസ് നല്‍കിയ പരാതിയിലാണ് ജൂലൈ 21ന് എക്‌സൈസ് കമ്മിഷണര്‍ നോട്ടിസ് അയച്ചത്. വിഷയം ജൂലൈ 29ന് കോടതി പരിഗണിക്കും.
കഴിഞ്ഞമാസമാണ് ലൈസന്‍സ് പുതുക്കിയത്. എന്നാല്‍ ലൈസന്‍സിന്റെ ഉടമ ആയിരുന്ന ആന്തണി ഡിഗാമ 2021 മേയ് 17ന് അന്തരിച്ചിരുന്നു. ഡിഗാമയുടെ ആധാര്‍ കാര്‍ഡിലെ വിവരം അനുസരിച്ച് മുംബൈയിലെ വിലേ പാര്‍ലെയിലെ താമസക്കാരനാണിയാള്‍. ഇയാളുടെ മരണ സര്‍ട്ടിഫിക്കറ്റ് മുംബൈ മുനിസിപ്പല്‍ കോര്‍പ്പറേഷനില്‍നിന്ന് റോഡ്രിഗസിന് ലഭിച്ചിട്ടുമുണ്ട്.

ആറുമാസത്തിനുള്ളില്‍ ലൈസന്‍സ് ട്രാന്‍സ്ഫര്‍ ചെയ്യുമെന്നാണ് അപേക്ഷയില്‍ വ്യക്തമാക്കിയിരുന്നതെന്ന് സംസ്ഥാന എക്‌സൈസ് വിഭാഗം പറയുന്നു.വിവരാവകാശ നിയമപ്രകാരമാണ് റോഡ്രിഗസ് വിവരങ്ങള്‍ ശേഖരിച്ചത്. സില്ലി സോള്‍സ് കഫേ ആന്റ് ബാറിന് സംസ്ഥാനത്ത് പ്രവര്‍ത്തിക്കുന്നതിന് റസ്റ്ററന്റ് ലൈസന്‍സ് ഇല്ലെന്നും അഭിഭാഷകനായ റോഡ്രിഗസ് പറയുന്നു.

Continue Reading

india

സിഖ് വിദ്യാര്‍ഥികളോട് തലപ്പാവും കൃപാണും ധരിക്കരുതെന്ന് യു.പിയിലെ സ്‌കൂള്‍

Published

on

ലഖ്‌നൗ: ഉത്തര്‍പ്രദേശിലെ സ്‌കൂളല്‍ സിഖ് വിദ്യാര്‍ഥികളോട് തലപ്പാവും കൃപാണും ധരിക്കരുതെന്ന് ആവശ്യപ്പെട്ട സംഭവത്തില്‍ ശക്തമായ പ്രതിഷേധം അറിയിച്ച് പ്രമുഖ സിഖ് മത നേതൃത്വമായ ശിരോമണി ഗുരുദ്വാര പര്‍ബന്ധക് കമ്മിറ്റി (എസ്.ജി.പി.സി). രാജസ്ഥാനിലെ അല്‍വാര്‍ ജില്ലയില്‍ അജ്ഞാതര്‍ സിഖ് പുരോഹിതനെ മര്‍ദിക്കുകയും മുടി മുറിക്കുകയും ചെയ്ത സംഭവത്തെയും സിഖുകാരുടെ പരമോന്നത മതസംഘടന അപലപിച്ചു.

വ്യാഴാഴ്ച ഉത്തര്‍പ്രദേശിലെ ബറേലിയിലെ സിഖ് സമുദായാംഗങ്ങള്‍ സ്‌കൂള്‍ മാനേജ്‌മെന്റിന്റെ ഉത്തരവിനെതിരെ പ്രതിഷേധിച്ചിരുന്നു. ഉത്തരവ് പാലിക്കാത്തതിനാല്‍ കുട്ടികളോട് സ്‌കൂളിലേക്ക് പ്രവേശിക്കരുതെന്ന് പറഞ്ഞതായും അവര്‍ ആരോപിച്ചു.

Continue Reading

india

ഇന്ത്യയില്‍ ഒരു ഡോസ് വാക്‌സിന്‍ പോലും എടുക്കാതെ 4 കോടി ആളുകള്‍

കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില്‍ 98 ശതമാനം പേര്‍ക്കും കുറഞ്ഞത് ഒരു ഡോസ് വാക്‌സിനെങ്കിലും ലഭിച്ചിട്ടുണ്ട്.

Published

on

ന്യൂഡല്‍ഹി: ഇന്ത്യയില്‍ യോഗ്യരായ നാലു കോടി ആളുകള്‍ ഇതുവരെ ഒരു ഡോസ് വാക്‌സിന്‍ പോലും സ്വീകരിച്ചിട്ടില്ലെന്ന് കേന്ദ്ര ആരോഗ്യ സഹമന്ത്രി ഭാരതി പ്രവീണ്‍ പവാര്‍. ജൂലൈ 18 വരെ സര്‍ക്കാര്‍ കോവിഡ് വാക്‌സിനേഷന്‍ സെന്ററുകളില്‍ 1,78,38,52,566 വാക്‌സിന്‍ ഡോസുകള്‍ സൗജന്യമായി നല്‍കിയിട്ടുണ്ടെന്നും രേഖാമൂലമുള്ള മറുപടിയില്‍ വ്യക്തമാക്കി.

കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില്‍ 98 ശതമാനം പേര്‍ക്കും കുറഞ്ഞത് ഒരു ഡോസ് വാക്‌സിനെങ്കിലും ലഭിച്ചിട്ടുണ്ട്. 90 ശതമാനം പേര്‍ പൂര്‍ണമായി വാക്‌സിന്‍ എടുത്തിട്ടുണ്ടെന്നും കണക്കില്‍ പറയുന്നു.

Continue Reading

Trending

Copyright © 2017 Zox News Theme. Theme by MVP Themes, powered by WordPress.