Culture
കനക്കുന്ന വേനല്‍ പ്രചരണ സമയം ക്രമീകരിച്ച് മുന്നണികള്‍
ഫൈസല്‍ മാടായി
കണ്ണൂര്‍
പ്രചാരണ തുടക്കത്തില്‍ ചുട്ടുപൊള്ളുന്ന ചൂടാണ് സ്ഥാനാര്‍ത്ഥികളേയും മുന്നണിയേയും പ്രതിരോധത്തിലാക്കുന്നത്. എന്നാല്‍ കത്തുന്ന വേനല്‍ചൂടിനേയും തോല്‍പ്പിക്കണം ഗോദയില്‍ പോര് മുറുകുമ്പോള്‍.
തെരഞ്ഞെടുപ്പ് പ്രചരണ രംഗത്ത് പാര്‍ട്ടി പ്രവര്‍ത്തകരുടെ കണക്ക് കൂട്ടലുകള്‍ തെറ്റിച്ചാണ് ചൂട് കനക്കുന്നത്. കൊല്ലുന്ന ചൂടാണ് ഇത്തവണ. ഈ അവസ്ഥയില്‍ ചൂടിനെയും പിടിച്ച് കെട്ടണം. ചൂടിനെ അതിജീവിക്കാനുള്ള തന്ത്രങ്ങളും കൂടി ആവിഷ്‌ക്കരിക്കണം തെരഞ്ഞെടുപ്പ് ഗോദയില്‍. ഇപ്പോള്‍ തന്നെ കടുത്ത ചൂടാണെങ്കില്‍ ഏപ്രില്‍ പിറക്കുമ്പോഴേക്കും കൂടുതല്‍ കനക്കുമെന്നാണ് കാലാവസ്ഥാ നിരീക്ഷകരുടെ മുന്നറിയിപ്പ്. സ്ഥാനാര്‍ത്ഥികളും പ്രചാരണത്തിന് നേതൃത്വം വഹിക്കുന്നവരും വെന്തു പരുവമാകുന്ന നിലയിലാണ് കഴിഞ്ഞ ദിവസങ്ങളിലെ ചൂട്.
മെയ് ആദ്യവാരത്തോടെ തുടങ്ങുന്ന വേനല്‍ മഴയാണ് മുന്‍ വര്‍ഷങ്ങളില്‍ ചൂടിന് അല്‍പം ആശ്വാസമേകിയത്. ആ ദിവസമെത്തുമ്പോഴേക്കും കേരളത്തില്‍ വോട്ടെടുപ്പ് കഴിയും. വോട്ടെണ്ണുന്നത് വരെ ഉരുകുന്നതാകും ടെന്‍ഷന്‍. രാവിലെ 11 മുതല്‍ വൈകുന്നേരം മൂന്ന് വരെ പുറംജോലികള്‍ ചെയ്യുന്ന തൊഴിലാളികള്‍ക്ക് ജോലിക്ക് നിയന്ത്രണം ഏര്‍പ്പെടുത്തിയിട്ടുണ്ട്. എന്നാല്‍ പുറത്തെ തെരഞ്ഞെടുപ്പ് പ്രചരണത്തിന് നിയന്ത്രണം വെച്ചാല്‍ വീട്ടില്‍ കുത്തിയിരിക്കാനുമാകില്ല. സൂര്യാഘാത ഭീഷണിയും സ്ഥാനാര്‍ത്ഥികളെയും പ്രവര്‍ത്തകരെയും ആശങ്കയിലാക്കുന്നുണ്ട്.
മുന്‍ വര്‍ഷങ്ങളില്‍ മാര്‍ച്ചില്‍ അനുഭവപ്പെട്ടതിനേക്കാള്‍ കടുത്ത ചൂടാണ് പാലക്കാട്, കോഴിക്കോട് ജില്ലകളില്‍ ഉള്‍പ്പെടെ വടക്കന്‍ ജില്ലകളില്‍. പാലക്കാട്ട് 39 ഡിഗ്രിവരെ ചൂട് അനുഭവപ്പെടുന്നുണ്ട്. ഇത്തവണ 0.5 മുതല്‍ ഒരു ഡിഗ്രി വരെ ചൂട് ഉയരുമെന്നാണ് കണക്ക് കൂട്ടല്‍. ചൂട് ശക്തി പ്രാപിക്കുന്ന ഏപ്രില്‍ രണ്ടാം വാരം മുതലാകും ഇത്. സൂര്യതാപത്തിന് ഉള്‍പ്പെടെ സാധ്യതയുള്ള സമയമാണിത്. പാലക്കാട്, തൃശൂര്‍, പുനലൂര്‍ മേഖലകളിലാവും ഏറ്റവും ഉയര്‍ന്ന വേനല്‍ച്ചൂട്. ഇന്നലെ പാലക്കാട്ട് രേഖപ്പെടുത്തിയ ഉയര്‍ന്ന താപനില 36.5 ഡിഗ്രി സെല്‍ഷ്യസാണ്. പുനലൂരില്‍ 37 ഡിഗ്രി. കണ്ണൂരില്‍ 36 ഉം കോഴിക്കോട്ട് 31 ഡിഗ്രിയും ചൂട് രേഖപ്പെടുത്തി. കണ്ണൂര്‍, തൃശൂര്‍, ആലപ്പുഴ ജില്ലകളില്‍ താപനില 35 ഡിഗ്രിക്കു മുകളിലാണ്. തിരുവനന്തപുരം,കോട്ടയം ജില്ലകളിലും ചൂട് ശരാശരി താപനിലയേക്കാള്‍ മൂന്ന് ഡിഗ്രിവരെ ഉയര്‍ന്നിട്ടുണ്ട്. രാത്രി കാലങ്ങളില്‍ ചൂടും കൂടി.
ചൂട് കൂടുന്നതിനനുസരിച്ച് പ്രചാരണ സമയം ക്രമീകരിക്കുന്നതിനെ കുറിച്ചും മുന്നണി നേതാക്കള്‍ ആലോചിക്കുന്നുണ്ട്. രാവിലെ നേരത്തേ പ്രചാരണത്തിന് ഇറങ്ങുക. ഉച്ചയ്ക്ക് 12 മണിയോടെ ഇടവേള നല്‍കി മൂന്ന് മണിയോടെ വീണ്ടും തുടങ്ങുക. ഇത്തരത്തിലാണ് ആലോചന.
നടന്‍ ഷമ്മിതിലകനെ അമ്മ സംഘടനയില്‍ നിന്ന് പുറത്താക്കി. അച്ചടക്ക ലംഘനത്തെ തുടര്‍ന്നാണ് നടപടി. ഇന്ന് കൊച്ചിയില്‍ നടന്ന ജനറല്‍ ബോഡി യോഗത്തിലാണ് തീരുമാനം.
കഴിഞ്ഞ യോഗത്തില്‍ ഷമ്മിതിലകന്‍ ചില ദൃശ്യങ്ങള്‍ ചിത്രീകരിച്ചിരുന്നു. ഇത് വിവാദമായതിനെത്തുടര്‍ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല്‍ വിശദീകരണം നല്‍കാന്‍ തയ്യാറാകാത്ത സാഹചര്യത്തിലാണ്് പുറത്താക്കല്‍ നടപടി ഉണ്ടായിരിക്കുന്നത്.
Culture
സി.എച്ച് ചെയര്‍ ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല്‍ പ്രവര്‍ത്തനമാരംഭിച്ച ചെയര്‍ ഇത് വരെറോഡരികിലെ പഴയ കെട്ടിടത്തില്‍ പ്രവര്‍ത്തിച്ച് വരികയായിരുന്നു. കാമ്പസില്‍ പരീക്ഷാ ഭവന് പിറകില്‍ ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എന്നിവരുടെ എം.പി ഫണ്ടില്‍ നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില്‍ വിഭാവനം ചെയ്ത കെട്ടിടത്തിന്റെ ഒരു നിലയും ബേസ്‌മെന്റ് ഏരിയയുമാണ് പൂര്‍ത്തിയാക്കിയത്.
2004 ല്‍ പാണക്കാട് ഹൈദരലി ശിഹാബ് തങ്ങള്‍ ചെയര്‍മാനും അഷ്‌റഫ് തങ്ങള്‍ ജനറല്‍ സെക്രട്ടറിയുമായി രൂപീകരിച്ച ഗ്രെയ്‌സ് എജുക്കേഷണല്‍ അസോസിയേഷനാണ് ചെയറിന്റെ ഡോണര്‍ സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില്‍ വൈസ് ചാന്‍സലര്‍ ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല്‍ വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന്‍ ഡോ. എം. ഗംഗാധരന്റെ പുസ്തകം കുടുംബാംഗങ്ങള്‍ ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര്‍ എം.എല്‍.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര്‍ പുതിയ കെട്ടിടത്തില്‍ പ്രവര്‍ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്‍മാര്‍ക്കും ഗവേഷകര്‍ക്കും ഉപയോഗപ്പെടുത്താവുന്ന റിസര്‍ച്ച് ജേണല്‍, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്‍സ്റ്റാന്റിംഗ് ഒപ്പു വെയ്ക്കല്‍,അഫിര്‍മേറ്റീവ് ആക്ഷനും ഇന്ത്യന്‍ ഭരണഘടനയും എന്ന വിഷയത്തിലുളള ഓണ്‍ലൈന്‍ പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്‌കൂള്‍ ഓഫ് കമ്മ്യൂണിറ്റി. ഡവലപ്‌മെന്റ്, ഓറിയന്റേഷന്‍ പ്രോഗ്രാമുകള്‍, ഫെലോഷിപ്പുകള്‍ തുടങ്ങിയവയാണ് നിലവില്‍ ചെയറിന്റെ പ്രവര്‍ത്തനങ്ങള്‍.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്‍ശനവുമായി നടന്‍ ഇന്ദ്രന്‍സ്
കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
ചലച്ചിത്ര അവാര്‍ഡ് വിവാദത്തില്‍ മാധ്യമങ്ങളോട് പ്രതികരണം നടത്തി നടന്‍ ഇന്ദ്രന്‍സ്. സംസ്ഥാന ചലച്ചിത്ര പുരസ്‌കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്‍ഡ് ലഭിക്കാത്തതില്‍ വിഷമമില്ല. എന്നാല്‍ ഹോം സിനിമക്ക് അവാര്‍ഡ് പ്രതീക്ഷിച്ചെന്ന് ഇന്ദ്രന്‍സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്‍സിനെ മികച്ച നടനുള്ള പുരസ്‌കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില്‍ വിമര്‍ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്‍ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന്‍ നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല്‍ തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ