Culture
സംഘ്പരിവാര് അടിച്ചുകൊന്ന ശഹീദ് മുഹമ്മദ് ഖാസിമിയുടെ കുടുംബത്തിന് തണലേകാന് യൂത്ത്ലീഗ് വക ബൈത്തുറഹ്മ
ലക്നൗ: ഉത്തര്പ്രദേശിലെ പിലാക്വയില് സംഘപരിവാര് അടിച്ചുകൊന്ന ശഹീദ് മുഹമ്മദ് ഖാസിമിന്റെ കുടുംബത്തിന് വീടുവച്ചു നല്കാന് മുസ്ലിം യൂത്ത്ലീഗ്. വീടും കുടുംബത്തിന് സ്ഥിരമായ വരുമാനം ഉറപ്പാക്കുന്നതിനായി ഒരു നിലയില് വാടക വീടും എന്ന രീതിയിലാണ് നിര്മാണം. ഇതിനു വേണ്ട ആറു ലക്ഷം രൂപ നിലവില് സമാഹരിച്ചു കഴിഞ്ഞു. പന്ത്രണ്ടു ലക്ഷം രൂപയാണ് ആകെ ചെലവ്. ഉത്തര്പ്രദേശ് സംസ്ഥാന കമ്മിറ്റി നേതാക്കളും പിലക്വയിലെ പൗരപ്രമുഖരും അടങ്ങുന്ന കമ്മിറ്റിയാണ് നിര്മാണത്തിന് മേല്നോട്ടം വഹിക്കുന്നത്.
ഇതു സംബന്ധിച്ച് മുസ്ലിംലീഗ് നേതാവ് സി.കെ സുബൈറിന്റെ ഫെയ്സ്ബുക് കുറിപ്പ്:
അബ്ബ ഉണ്ടായിരുന്നപ്പോ ആ കാണുന്നതായിരുന്നു ഞങ്ങളുടെ വീട്. ആലിയമോള് വിരല് ചൂണ്ടിയത് അവരുടെ പഴയ വാടക വീടിനു നേര്ക്കാണ്. കാസിമിന്റെ സഹോദരന് സലീമിന്റെ വീട്ടിലാണ് ഇപ്പോള് ആ കുടുംബം താമസിക്കുന്നത്. വാടക നല്കാന് അബ്ബ ഇല്ലാതായപ്പോഴാണ് ആലിയയെയും മൂന്ന് സഹോദരങ്ങളെയും കൂട്ടി അവരുടെ ഉമ്മ കാസിമിന്റെ സഹോദരന് സലീമിന്റെ വീട്ടിലേക്ക് താമസം മാറ്റേണ്ടി വന്നത്. മൂന്ന് സഹോദരന്മാരും രണ്ട് സഹോദരിമാരും ഉണ്ട് ആലിയക്ക്. മൂത്ത സഹോദരിയുടെ വിവാഹം കഴിഞ്ഞു. ആലിയയുടെ തൊട്ടു മൂത്ത സഹോദരന് അര്ഷ് മൈല്ഡ് ഓട്ടിസ്റ്റിക് രോഗിയാണ്. അന്ന് തറക്കല്ലിടല് ചടങ്ങില് ആള്ക്കൂട്ടത്തെ കണ്ടതോടെ അവന് കരയാനാരംഭിച്ചു വന്നതും വിശേഷങ്ങള് പറഞ്ഞതും ഈ കൊച്ചു മിടുക്കി ആലിയയാണ്. മകളെ പോലെ അവള് ചേര്ന്നു നിന്നു, കൈ പിടിച്ച് നടന്നു. ഞങ്ങളുടെയൊക്കെ മനം കവര്ന്നു. ഇനിയധികകാലം പിതൃസഹോദരന്റെ ചെറിയ വീട്ടില് ശ്വാസം മുട്ടി കഴിയേണ്ടി വരില്ലെന്നവര്ക്ക് ഞങ്ങള് വാക്ക് കൊടുത്തു.
ഈ വീടിന്റെ പ്രഖ്യാപനം നടന്നത് മോദി അധികാരത്തിലേറുന്നതിന്റെ തലേന്നാളായിരുന്നു.
ഇപ്പോള് ഉത്തര്പ്രദേശിലെ പിലക്വയിലെ ശഹീദ് മുഹമ്മദ് കാസിമിന്റെ വീടിന് ചുവരുകളുയര്ന്നുകഴിഞ്ഞു. സ്വന്തം പിതാവിനെ ക്രൂരമായി അടിച്ച് കൊന്ന് വയലിലൂടെ വലിച്ചിഴച്ചു കൊണ്ടുവരുന്ന ദൃശ്യം ഒരു പേക്കിനാവു പോലെ ആ കുരുന്നു മക്കളെ ഇപ്പോഴും വേട്ടയാടുന്നുണ്ടാവും.. ബാപ്പയില്ലായെന്ന നഷ്ടം നമുക്ക് പരിഹരിക്കാനുമാവില്ല…
എങ്കിലും, അവരനുഭവിക്കുന്ന അനാഥത്വത്തിന് നമ്മളെ കൊണ്ടാകുന്ന പരിഹാരശ്രമമാണ് ഈ വീട്. വീടു മാത്രമല്ല, കുടുംബത്തിന് സ്ഥിരമായ ഒരു വരുമാന മാര്ഗവും നമുക്ക് ഇതിനോട് ചേര്ന്ന് ഉറപ്പാക്കണം. താഴത്തെ നിലയില് വാടക മുറിയും, മുകളില് വീടും നിര്മ്മിക്കാന് പത്ത് പന്ത്രണ്ട് ലക്ഷം രൂപ ചിലവു വരും. ചില നന്മ മനസുകളുടെ സഹായത്തോടെ ആറ് ലക്ഷം രൂപ നിലവില് സമാഹരിച്ചിട്ടുണ്ട്. മുസ്ലിം യൂത്ത്ലീഗിന്റെ ദേശീയ കമ്മിറ്റിക്കു വേണ്ടി, ഉത്തര്പ്രദേശ് സംസ്ഥാന കമ്മിറ്റി നേതാക്കളും പിലക്വയിലെ പൗരപ്രമുഖരും അടങ്ങുന്ന കമ്മിറ്റിയാണ് നിര്മ്മാണത്തിന്റെ മേല്നോട്ടം വഹിക്കുന്നത്.എത്രയും വേഗം പണി പൂര്ത്തിയാക്കി ഒറ്റമുറി വാടക വീട്ടിലെ ദുരിത ജീവിതത്തില് നിന്ന് അവരെ ഈ വീട്ടിലേക്ക് മാറ്റി താമസിപ്പിക്കാന് കഴിയണം. കൂടെ നിത്യവരുമാന മാര്ഗത്തിനായി ഒരു നിലയും കൂടി പണിയണം. ഈ നന്മയുടെ കൂടെ നിങ്ങളുടെ മനഃസാന്നിധ്യവും സഹായവും ഉണ്ടാകണം.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ