tech
കുറഞ്ഞ നിരക്കില് കൂടുതല് ഡേറ്റ; ഉപയോക്താക്കളെ ഞെട്ടിക്കാനൊരുങ്ങി ബിഎസ്എന്എല്
28 ദിവസത്തെ കാലാവധിയില് നിന്ന് 100 ദിവസത്തെ കാലാവധി നല്കുന്നതിന് 106, 107 രൂപ പ്ലാനുകള് പരിഷ്കരിക്കാനും പോകുന്നു
രാജ്യത്തെ പൊതുമേഖലാ ടെലികോം സേവനദാതാക്കളായ ബിഎസ്എന്എല് ഡിസംബര് 1 മുതല് നിരവധി പ്ലാനുകള് നവീകരിക്കുന്നു. പോസ്റ്റ്പെയ്ഡ് പ്ലാനുകളായ 199 രൂപ, 798 രൂപ, 999 രൂപ എന്നിവയ്ക്ക് ഡേറ്റാ റോള്ഓവര്, ആഡ്ഓണ് ആനുകൂല്യങ്ങള് കൊണ്ടുവരാനാണ് പോകുന്നത്. 28 ദിവസത്തെ കാലാവധിയില് നിന്ന് 100 ദിവസത്തെ കാലാവധി നല്കുന്നതിന് 106, 107 രൂപ പ്ലാനുകള് പരിഷ്കരിക്കാനും പോകുന്നു.
ബിഎസ്എന്എല്ലിന്റെ 106 രൂപ, 107 രൂപ പ്രീപെയ്ഡ് പ്ലാനുകളും പുതുക്കുന്നുണ്ട്. ഡിസംബര് 1 മുതല് 28 ദിവസത്തില് നിന്ന് 100 ദിവസത്തേക്ക് അതിന്റെ കാലാവധി വര്ധിപ്പിക്കും. 106 രൂപ, 107 രൂപ പ്ലാനില് 3 ദിവസത്തേക്ക് 3 ജിബി സൗജന്യ ഡേറ്റ ഉപയോഗിക്കാം. മുംബൈയും ഡല്ഹിയും ഉള്പ്പെടെയുള്ള ദേശീയ റോമിങ് ഉള്ള ഏതെങ്കിലും നെറ്റ്വര്ക്കിലേക്ക് 100 മിനിറ്റ് സൗജന്യ വോയ്സ് കോള് ചെയ്യാം. 100 ദിവസത്തെ പ്ലാനില് 60 ദിവസത്തേക്ക് സൗജന്യ ബിഎസ്എന്എല് ട്യൂണുകളും ലഭിക്കും.
പ്രീപെയ്ഡ് പ്ലാനുകളില് ബിഎസ്എന്എല് 25 ശതമാനം ഇളവാണ് നല്കുന്നത്. നിലവിലുള്ളതും കാര്യമായി സര്വീസ് ഉപയോഗിക്കാത്തതുമായ ഉപയോക്താക്കള്ക്ക് 187,1477 എന്നിവയ്ക്ക് ബിഎസ്എന്എല് 25 ശതമാനം കിഴിവ് പ്രഖ്യാപിച്ചു. ഗ്രേസ് പിരീഡ് ഓഫര് രണ്ട് പ്ലാനിനും ലഭ്യമാണ്. അതായത് സിം കാലാവധി കഴിഞ്ഞ് 172 ദിവസത്തിനുശേഷം ഈ ഓഫര് ഉപയോക്താക്കള്ക്ക് ലഭിക്കും.
ബിഎസ്എന്എല് എസ്ടിവി 187 പ്ലാനില് പരിധിയില്ലാത്ത വോയ്സ് കോളുകള് നല്കും. മുംബൈ, ഡല്ഹി ഉള്പ്പെടെയുള്ള സര്ക്കിളുകളില് ലോക്കല്, എസ്ടിഡി, റോമിങ് സേവനങ്ങള് ലഭിക്കും. പ്രതിദിനം 2 ജിബി ഡേറ്റയും നല്കുന്നു. 2 ജിബിക്ക് ശേഷം ഡേറ്റാ വേഗം 80 കെബിപിഎസായി കുറയ്ക്കും. പ്രതിദിനം 100 എസ്എംഎസും നല്കുന്നുണ്ട്.
News
ഐഫോണിന്റെ ഈ മോഡലുകളില് ഇനിമുതല് വാട്സാപ്പ് ലഭിക്കില്ല
എന്നാല് സോഫ്റ്റ്വെയര് പുതുക്കിയാല് ഒരുപക്ഷേ വാട്സ്ആപ്പ് തുടര്ന്ന് ലഭിച്ചേക്കാം.
ഐ ഫോണിലെ ചില മോഡലുകളില് ഇനിമുതല് വാട്സ്ആപ്പ് ലഭിക്കില്ല. ഐഒഎസ് 10, 11 സോഫ്റ്റ്വെയര് പ്രവര്ത്തിക്കുന്ന മോഡലുകളിലാണ് ഇനിമുതല് വാട്സ്ആപ്പ് സപ്പോര്ട്ട് ചെയ്യാതിരിക്കുക.
ഇതുപ്രകാരം ഐഫോണ് 5,5സി എന്നിവയില് വാട്സ്ആപ്പ് സേവനം ഇനി മുതല് ലഭ്യമാവില്ല. ഈ മോഡലുകളില് വാട്സാപ്പിലെ പുതിയ അപ്ഡേറ്റുകളും സുരക്ഷയും ലഭ്യമാകാതെ ഇരിക്കുകയാണ് ചെയ്യുക. ഒക്ടോബര് 24 മുതലായിരിക്കും ഈ മോഡലുകളില് വാട്ട്സ്ആപ്പ് ലഭിക്കാതിരിക്കുക.
എന്നാല് സോഫ്റ്റ്വെയര് പുതുക്കിയാല് ഒരുപക്ഷേ വാട്സ്ആപ്പ് തുടര്ന്ന് ലഭിച്ചേക്കാം.
News
‘ടേക്ക് എ ബ്രേക്ക്’ ഫീച്ചര് ആഗോള തലത്തില് അവതരിപ്പിച്ച് ഇന്സ്റ്റാഗ്രാം
യൂറോപ്യന് രാജ്യങ്ങളില് ആദ്യം കൊണ്ടുവന്ന ഈ ഫീച്ചര് നിലവില് ഇന്ത്യയില് ഉള്പ്പെടെയുള്ള രാജ്യങ്ങള് ലഭ്യമാക്കിയിട്ടുണ്ട്.
‘ടേക്ക് എ ബ്രേക്ക്’ ഫീച്ചര് ആഗോള തലത്തില് അവതരിപ്പിച്ച് ഇന്സ്റ്റാഗ്രാം. ടേക്ക് എ ബ്രേക്ക് എന്ന പുത്തന് ഫീച്ചറാണ് ഇന്സ്റ്റഗ്രാം പുതുതായി കൊണ്ടുവന്നിട്ടുള്ളത്. ഇടവേള എടുക്കാന് ഉപഭോക്താവിനെ ഓര്മിപ്പിക്കുന്ന ഒരു സംവിധാനമാണിത്.
നിശ്ചിതസമയ പരിധിയില് ഇന്സ്റ്റഗ്രാമില് ഇരിക്കുമ്പോള് ഇടവേള എടുക്കാന് ഇന്സ്റ്റഗ്രാം ഓര്മിപ്പിക്കും ഇതാണ് പുതിയ ഫീച്ചര് ആയി വന്നിട്ടുള്ളത്.
ഇത് ഉപഭോക്താവിന്റെ താല്പര്യങ്ങള്ക്കനുസരിച്ച് എത്ര മിനുട്ട് വേണം എന്നത് സെലക്ട് ചെയ്യാന് കഴിയും. 10 മിനിറ്റ, 20 മിനിറ്റ് ,30 മിനിറ്റ് എന്നിങ്ങനെ ഓപ്ഷനുകള് ആണ് നിലവിലുള്ളത്.
യൂറോപ്യന് രാജ്യങ്ങളില് ആദ്യം കൊണ്ടുവന്ന ഈ ഫീച്ചര് നിലവില് ഇന്ത്യയില് ഉള്പ്പെടെയുള്ള രാജ്യങ്ങള് ലഭ്യമാക്കിയിട്ടുണ്ട്.
india
രാജ്യത്ത് അടുത്ത വര്ഷം മുതല് 5 ജി
രാജ്യത്ത് അടുത്ത വര്ഷം ഇന്റര്നെറ്റ് 5ജി ആരംഭിക്കും. 2022 ഏപ്രില്, മെയ് മാസങ്ങളിലായി 5ജി സ്പെക്ട്രം വിതരണം നടക്കുമെന്ന് കേന്ദ്ര സര്ക്കാര്
ന്യൂഡല്ഹി: രാജ്യത്ത് അടുത്ത വര്ഷം ഇന്റര്നെറ്റ് 5ജി ആരംഭിക്കും. 2022 ഏപ്രില്, മെയ് മാസങ്ങളിലായി 5ജി സ്പെക്ട്രം വിതരണം നടക്കുമെന്ന് കേന്ദ്ര സര്ക്കാര് അറിയിച്ചു. ടെലികോം മന്ത്രി അശ്വനി വൈഷ്ണവാണ് ഇക്കാര്യം അറിയിച്ചത്.
5ജി മാറ്റത്തെ കുറിച്ചുള്ള ട്രായിയുടെ റിപ്പോര്ട്ട് ഫെബ്രുവരിയില് കേന്ദ്രത്തിന് കിട്ടും. ടെലികോം ദാതാക്കള് അടുത്തവര്ഷം മെയ് വരെ സ്പെക്ട്രം ലേലത്തിന് അധികസമയം ടെലി കമ്മ്യൂണിക്കേഷന് വകുപ്പില് ആവശ്യപ്പെട്ടിട്ടുണ്ട്.
മെയ് മാസം മുതലുള്ള ആറു മാസം രാജ്യത്ത് 5ജി പരീക്ഷണങ്ങള് നടത്തുന്നതിനായിട്ടായിരിക്കും ഉപയോഗപ്പെടുത്തുക. നഗരങ്ങളിലെന്ന പോലെ ഗ്രാമങ്ങളിലും ഇക്കാലയളവില് 5ജി പരീക്ഷണം നടത്തും.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ