india
കാര്ഷിക സമരം; പോരാട്ടത്തിന്റെ നാള്വഴികള്
നാളുകളായി തെരുവിലിറങ്ങി പ്രതിഷേധിക്കുന്ന കര്ഷകരുടെ നിശ്ചയദാര്ഢ്യത്തിന് മുന്നില് അടിയറവ് പറഞ്ഞിരിക്കുകയാണ് മോദി സര്ക്കാര്.
ന്യൂഡല്ഹി: പ്രക്ഷോഭം കത്തിപ്പടര്ന്ന ദിനരാത്രങ്ങള്ക്ക് വിട. നാളുകളായി തെരുവിലിറങ്ങി പ്രതിഷേധിക്കുന്ന കര്ഷകരുടെ നിശ്ചയദാര്ഢ്യത്തിന് മുന്നില് അടിയറവ് പറഞ്ഞിരിക്കുകയാണ് മോദി സര്ക്കാര്. ഖലിസ്ഥാനികളെന്നും മാവോയിസ്റ്റുകളെന്നും രാജ്യദ്രോഹികളെന്നും ആക്ഷേപിച്ചിട്ടും നട്ടെല്ലു വളയ്ക്കാത്ത മണ്ണിന്റെ മക്കള് പിന്നിട്ട വഴികളിലൂടെ…
സെപ്തംബര് 14: 2020 പുതിയ കാര്ഷിക നിയമങ്ങളടങ്ങിയ ഓര്ഡിനന്സ് പാര്ലമെന്റില് അവതരിപ്പിച്ചു.
സെപ്തംബര് 17: ഓര്ഡിനന്സ് ലോക്സഭയില് പാസായി
സെപ്തംബര് 24: ശബ്ദ വോട്ടേടെ ഓര്ഡിനന്സ് രാജ്യസഭയില് പാസായി.
സെപ്തംബര് 24: കാര്ഷിക നിയമങ്ങള്ക്കെതിരേ കര്ഷകരുടെ ആദ്യ പ്രതിഷേധം.
സെപ്തംബര് 25: ഓള് ഇന്ത്യ കിസാന് സംഘര്ഷ് കോ-ഓര്ഡിനേഷന് കമ്മിറ്റിയുടെ നേതൃത്വത്തില് കര്ഷകര് പ്രതിഷേധവുമായി തെരുവുകളിലേക്ക്
സെപ്തംബര് 27: മൂന്ന് കാര്ഷിക ബില്ലുകള്ക്ക് രാഷ്ട്രപതിയുടെ അംഗീകാരം. വിജ്ഞാപനത്തിലൂടെ ബില്ലുകള് നിയമമായി.
നവംബര് 3: നിയമങ്ങള്ക്കെതിരേ കര്ഷകരുടെ ദേശവ്യാപക പ്രതിഷേധം.
നവംബര് 26: കാര്ഷിക നിയമങ്ങള് പിന്വലിക്കണമെന്നാവശ്യപ്പെട്ട് ഡല്ഹിയിലേക്ക് പ്രതിഷേധ മാര്ച്ച്. സമരം നടത്തിയ കര്ഷകരെ ഡല്ഹി അതിര്ത്തികളില് പൊലീസ് ജലപീരങ്കിയും കണ്ണീര് വാതകവും ഉപയോഗിച്ച് നേരിട്ടു.
നവംബര് 28: പ്രതിഷേധിക്കുന്ന കര്ഷകരുമായി ചര്ച്ചയ്ക്ക് തയ്യാറാണെന്ന് കേന്ദ്രആഭ്യന്തരമന്ത്രി അമിത് ഷായുടെ പ്രഖ്യാപനം. കര്ഷകരുടെ പ്രതിഷേധ സ്ഥലം ബുരാരിയിലേക്ക് മാറ്റണമെന്ന നിബന്ധനയും ആഭ്യന്തരമന്ത്രി മുന്നോട്ടുവെച്ചു. എന്നാല് കര്ഷകര് ഈ വാഗ്ദാനം നിരസിച്ചു.
നവംബര് 29: കാര്ഷിക പ്രതിഷേധങ്ങള് ആരംഭിച്ചതിനുശേഷം ആദ്യമായി രാജ്യത്തെ അഭിസംബോധന ചെയ്ത മോദി കര്ഷകരുടെ എല്ലാ ആവശ്യങ്ങളും നിറവേറ്റിയത് തന്റെ സര്ക്കാരാണെന്ന് മന് കി ബാത്തില്.
ഡിസംബര് 3: പ്രതിഷേധിക്കുന്ന കര്ഷകരുടെ പ്രതിനിധികളുമായി കേന്ദ്രസര്ക്കാരിന്റെ ആദ്യ ചര്ച്ച. പരിഹാരമാവാതെ പിരിഞ്ഞു.
ഡിസംബര് 5: കര്ഷകരുമായി സര്ക്കാരിന്റെ രണ്ടാം ഘട്ട ചര്ച്ചയും പരാജയപ്പെട്ടു.
ഡിസംബര് 8: ഭാരത് ബന്ദിന് ആഹ്വാനം ചെയ്ത് കര്ഷകര്.
ഡിസംബര് 9: കാര്ഷിക നിയമങ്ങള് ഭേദഗതി ചെയ്യാന് തയ്യാറാണെന്ന കേന്ദ്രവാഗ്ദാനത്തിനെതിരെ കര്ഷകര്. നിയമങ്ങള് പിന്വലിക്കണമെന്ന് ആവര്ത്തിച്ച് കര്ഷകര്.
ഡിസംബര് 11: കാര്ഷിക നിയമങ്ങള്ക്കെതിരേ ഭാരതീയ കിസാന് യൂണിയന് സുപ്രീംകോടതിയിലേക്ക്.
ഡിസംബര് 16: വിവാദ നിയമങ്ങള് പരിശോധിക്കാന് പാനല് രൂപീകരിക്കുമെന്ന് സുപ്രീംകോടതി.
ഡിസംബര് 30: കാര്ഷിക നിയമങ്ങള് സംബന്ധിച്ച് കര്ഷക പ്രതിനിധികളും കേന്ദ്രവും തമ്മില് ആറാം വട്ട ചര്ച്ചകള്. കര്ഷകര് മുന്നോട്ടുവെച്ച ഏതാനും ആവശ്യങ്ങള് കേന്ദ്രം അംഗീകരിച്ചു.
ജനുവരി 4 2021: കര്ഷകരുമായി ഏഴാം വട്ട ചര്ച്ചയും പരിഹാരമാവാതെ പിരിഞ്ഞു.
ജനുവരി 11: കര്ഷക പ്രതിഷേധത്തെ കൈകാര്യം ചെയ്യുന്ന രീതിയില് കേന്ദ്രത്തിന് സുപ്രീംകോടതിയുടെ രൂക്ഷവിമര്ശനം. തര്ക്കം പരിഹരിക്കാന് മുന് ചീഫ് ജസ്റ്റിസിന്റെ നേതൃത്വത്തില് ഒരു കമ്മിറ്റി രൂപീകരിക്കുമെന്ന് സുപ്രീംകോടതി.
ജനുവരി 12: വിവാദ നിയമങ്ങള് നടപ്പാക്കുന്നതിന് സുപ്രീംകോടതിയുടെ സ്റ്റേ.
ജനുവരി 26 റിപ്പബ്ലിക് ദിനം: ഡല്ഹിയിലെ ചെങ്കോട്ടയിലേക്ക് കര്ഷകരുടെ ട്രാക്ടര് റാലി. സമരത്തിനിടെ പൊലീസുമായി ഏറ്റമുട്ടല്. സംഘര്ഷത്തിനിടെ ഒരു കര്ഷകന് കൊല്ലപ്പെട്ടു. ചെങ്കോട്ടയുടെ കമാനത്തിന് മുകളില് നിഷാന് സാഹിബ് പതാക ഉയര്തത്തി.
ജനുവരി 28: ഗാസിപുരിലും ഗാസിയാബാദിലും പ്രതിഷേധിക്കുന്ന കര്ഷകര് രാത്രിക്കുള്ളില് സമരസ്ഥലം ഒഴിയണമെന്ന് അധികൃതരുടെ നിര്ദേശം. പോവില്ലെന്ന് കര്ഷകര്.
ഫെബ്രുവരി 3: കര്ഷകപ്രതിഷേധത്തെ പിന്തുണച്ചവര്ക്കെതിരെ കേന്ദ്രസര്ക്കാര് പരാമര്ശം. പോപ് താരം റിഹാന്ന, പരിസ്ഥിതി പ്രവര്ത്തക ഗ്രെറ്റ തൂന്ബെ, യു.എസ് വൈസ് പ്രസിഡന്റ് എന്നിവര് കര്ഷക സമരത്തെ പിന്തുണച്ച് രംഗത്തെത്തിയിരുന്നു.
ഫെബ്രുവരി 5: കര്ഷകരെ പിന്തുണച്ച് ഗ്രെറ്റയുടെ നേതൃത്വത്തില് സോഷ്യല് മീഡിയയില് ടൂള്കിറ്റ് കാമ്പയ്നെതിരേ ഡല്ഹി പൊലീസ് കേസെടുത്തു.
ഫെബ്രുവരി 6: വീണ്ടും രാജ്യവ്യാപക സമരം പ്രഖ്യാപിച്ച് കര്ഷകര്.
ഫെബ്രുവരി 18: സംയുക്ത കിസാന് മോര്ച്ചയുടെ നേതൃത്വത്തില് റെയില് തടയല് പ്രക്ഷോഭം.
മാര്ച്ച് 5: കര്ഷകരുടെയും പഞ്ചാബിന്റെയും താല്പ്പര്യങ്ങള് കണക്കിലെടുത്ത് കാര്ഷിക നിയമങ്ങള് നിരുപാധികം പിന്വലിക്കണമെന്നും എം.എസ്.പി അടിസ്ഥാനമാക്കിയുള്ള നിലവിലുള്ള സമ്പ്രദായം തുടരണമെന്നും കാണിച്ച് പഞ്ചാബ് പ്രമേയം പാസാക്കി.
മാര്ച്ച് 6: ഡല്ഹി അതിര്ത്തിയിലെ കര്ഷക സമരം നൂറാം ദിവസത്തിലേക്ക്
മാര്ച്ച് 8: കര്ഷകരും പൊലീസും തമ്മില് സിംഗുവില് സംഘര്ഷം. വെടിവെപ്പ്.
മെയ് 27: കര്ഷക പ്രക്ഷോഭത്തിന്റെ ആറാം മാസം പൂര്ത്തിയായി. കരിദിനം ആചരിച്ച് കര്ഷകര്.
ജൂണ് 5: കര്ഷക പ്രതിഷേധം ഒരു വര്ഷം പൂര്ത്തിയായി. ക്രാന്തികാരി ദിവസം ആചരിച്ച് കര്ഷകര്.
ജൂലൈ: പാര്ലമെന്റ് മണ്സൂണ് സമ്മേളനത്തിന് സമാന്തരമായി കിസാന് പാര്ലമെന്റ് ആരംഭിച്ച് കര്ഷകര്. പിന്തുണച്ച് പ്രതിപക്ഷ പാര്ട്ടികളും. ഐക്യദാര്ഢ്യം പ്രഖ്യാപിച്ച് രാഹുല് ഗാന്ധി ട്രാക്ടറില് കര്ഷകരെ കാണാനെത്തി.
ഒക്ടോബര് 3: ലഖിംപുരില് കര്ഷക പ്രതിഷേധത്തിനിടയിലേക്ക് വാഹനമിടിച്ചുകയറ്റി. നാല് കര്ഷകര് ഉള്പ്പെടെ എട്ട് പേര് കൊല്ലപ്പെട്ടു. വാഹനം ഇടിച്ചുകയറ്റിയ കേസില് കേന്ദ്ര ആഭ്യന്തരസഹമന്ത്രി അജയ് മിശ്രയുടെ മകന് ആശിഷ് മിശ്ര ഉള്പ്പെടെ പത്തുപേര് പിന്നീട് അറസ്റ്റിലായി.
ഓഗസ്റ്റ് 27: പ്രതിപക്ഷ പാര്ട്ടികളില് നിന്നുള്ള 14 പ്രതിനിധികള് കര്ഷകരുമായി കൂടിക്കാഴ്ച നടത്തി.
ഓഗസ്റ്റ് 28: കര്ണാലില് ബി.ജെ.പി യോഗത്തിനെതിരേ പ്രതിഷേധിച്ച കര്ഷകര്ക്ക് നേരെ പൊലീസ് അതിക്രമം.
സെപ്തംബര് 25: കേന്ദ്രത്തിനും കാര്ഷിക നിയമങ്ങള്ക്കുമെതിരെ മുസഫര്നഗറില് കര്ഷകരുടെ വന്ശക്തിപ്രകടന സമരം.
ഒക്ടോബര് 22: പ്രതിഷേധിക്കാനുള്ള ജനങ്ങളുടെ അവകാശത്തിനെതിരല്ലെന്ന് പറഞ്ഞ കോടതി സമരക്കാര്ക്ക് അനിശ്ചിതമായി പൊതുവഴികള് തടയാനാവില്ലെന്നും വ്യക്തമാക്കി.
ഒക്ടോബര് 29: ഗാസിപുര്, തിക്രി അതിര്ത്തികളിലെ ബാരിക്കേഡുകള് പൊലീസ് എടുത്തുമാറ്റിത്തുടങ്ങി.
നവംബര് 19: വിവാദമായ കാര്ഷിക ബില്ലുകള് പിന്വലിക്കുന്നുവെന്ന് പ്രധാനമന്ത്രിയുടെ പ്രഖ്യാപനം.
india
സ്മൃതിയുടെ മകളുടെ റസ്റ്റോറന്റിന്റെ മദ്യ ലൈസന്സ് അനധികൃതം
വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്.
പനജി: വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്. മരിച്ചയാളുടെ പേരിലാണ് ലൈസന്സ് പുതുക്കിയതെന്നാണ് ആരോപണം. ഇതേത്തുടര്ന്ന് ഗോവ എക്സൈസ് കമ്മിഷണര് നാരായണ് എം. ഗാഡ് ലൈസന്സ് റദ്ദാക്കാതിരിക്കണമെങ്കില് കാരണം കാണിക്കണമെന്ന് ആവശ്യപ്പെട്ട് നോട്ടീസ് അയച്ചിരിക്കുകയാണ്.
ഗോവയിലെ അസന്ഗൗവിലാണ് സ്മൃതിയുടെ മകള് സോയിഷ് ഇറാനിയുടെ പോഷ് റസ്റ്ററന്റായ സില്ലി സോള്സ് കഫേ ആന്റ് ബാര് ഉള്ളത്. ബാറിനുള്ള ലൈസന്സ് കൃത്രിമ രേഖകള് നല്കിയാണ് ഉടമകള് കൈവശപ്പെടുത്തിയതെന്ന് അഭിഭാഷകനായ എയ്റിസ് റോഡ്രിഗസ് നല്കിയ പരാതിയിലാണ് ജൂലൈ 21ന് എക്സൈസ് കമ്മിഷണര് നോട്ടിസ് അയച്ചത്. വിഷയം ജൂലൈ 29ന് കോടതി പരിഗണിക്കും.
കഴിഞ്ഞമാസമാണ് ലൈസന്സ് പുതുക്കിയത്. എന്നാല് ലൈസന്സിന്റെ ഉടമ ആയിരുന്ന ആന്തണി ഡിഗാമ 2021 മേയ് 17ന് അന്തരിച്ചിരുന്നു. ഡിഗാമയുടെ ആധാര് കാര്ഡിലെ വിവരം അനുസരിച്ച് മുംബൈയിലെ വിലേ പാര്ലെയിലെ താമസക്കാരനാണിയാള്. ഇയാളുടെ മരണ സര്ട്ടിഫിക്കറ്റ് മുംബൈ മുനിസിപ്പല് കോര്പ്പറേഷനില്നിന്ന് റോഡ്രിഗസിന് ലഭിച്ചിട്ടുമുണ്ട്.
ആറുമാസത്തിനുള്ളില് ലൈസന്സ് ട്രാന്സ്ഫര് ചെയ്യുമെന്നാണ് അപേക്ഷയില് വ്യക്തമാക്കിയിരുന്നതെന്ന് സംസ്ഥാന എക്സൈസ് വിഭാഗം പറയുന്നു.വിവരാവകാശ നിയമപ്രകാരമാണ് റോഡ്രിഗസ് വിവരങ്ങള് ശേഖരിച്ചത്. സില്ലി സോള്സ് കഫേ ആന്റ് ബാറിന് സംസ്ഥാനത്ത് പ്രവര്ത്തിക്കുന്നതിന് റസ്റ്ററന്റ് ലൈസന്സ് ഇല്ലെന്നും അഭിഭാഷകനായ റോഡ്രിഗസ് പറയുന്നു.
india
സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് യു.പിയിലെ സ്കൂള്
ലഖ്നൗ: ഉത്തര്പ്രദേശിലെ സ്കൂളല് സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് ആവശ്യപ്പെട്ട സംഭവത്തില് ശക്തമായ പ്രതിഷേധം അറിയിച്ച് പ്രമുഖ സിഖ് മത നേതൃത്വമായ ശിരോമണി ഗുരുദ്വാര പര്ബന്ധക് കമ്മിറ്റി (എസ്.ജി.പി.സി). രാജസ്ഥാനിലെ അല്വാര് ജില്ലയില് അജ്ഞാതര് സിഖ് പുരോഹിതനെ മര്ദിക്കുകയും മുടി മുറിക്കുകയും ചെയ്ത സംഭവത്തെയും സിഖുകാരുടെ പരമോന്നത മതസംഘടന അപലപിച്ചു.
വ്യാഴാഴ്ച ഉത്തര്പ്രദേശിലെ ബറേലിയിലെ സിഖ് സമുദായാംഗങ്ങള് സ്കൂള് മാനേജ്മെന്റിന്റെ ഉത്തരവിനെതിരെ പ്രതിഷേധിച്ചിരുന്നു. ഉത്തരവ് പാലിക്കാത്തതിനാല് കുട്ടികളോട് സ്കൂളിലേക്ക് പ്രവേശിക്കരുതെന്ന് പറഞ്ഞതായും അവര് ആരോപിച്ചു.
india
ഇന്ത്യയില് ഒരു ഡോസ് വാക്സിന് പോലും എടുക്കാതെ 4 കോടി ആളുകള്
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്.
ന്യൂഡല്ഹി: ഇന്ത്യയില് യോഗ്യരായ നാലു കോടി ആളുകള് ഇതുവരെ ഒരു ഡോസ് വാക്സിന് പോലും സ്വീകരിച്ചിട്ടില്ലെന്ന് കേന്ദ്ര ആരോഗ്യ സഹമന്ത്രി ഭാരതി പ്രവീണ് പവാര്. ജൂലൈ 18 വരെ സര്ക്കാര് കോവിഡ് വാക്സിനേഷന് സെന്ററുകളില് 1,78,38,52,566 വാക്സിന് ഡോസുകള് സൗജന്യമായി നല്കിയിട്ടുണ്ടെന്നും രേഖാമൂലമുള്ള മറുപടിയില് വ്യക്തമാക്കി.
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്. 90 ശതമാനം പേര് പൂര്ണമായി വാക്സിന് എടുത്തിട്ടുണ്ടെന്നും കണക്കില് പറയുന്നു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ