india
ഹിജാബ് നിരോധനം;ഹര്ജിക്കാരായ വിദ്യാര്ത്ഥിനികളുടെ വിവരങ്ങള് പരസ്യമാക്കി ബി.ജെ.പി
സംഭവം വന് പ്രതിഷേധത്തിനിടയാക്കിയിട്ടുണ്ട്.
ബെംഗളൂരു: കര്ണാടകയില് വിദ്യാഭ്യാസ സ്ഥാപനങ്ങളിലെ ഹിജാബ് നിരോധനത്തിനെതിരെ ഹര്ജി നല്കിയ വിദ്യാര്ത്ഥിനികളുടെ വ്യക്തിഗത വിവരങ്ങള് പരസ്യമാക്കി ബി.ജെ. പി. രാഷ്ട്രീയ ലക്ഷ്യത്തിനായി കോണ്ഗ്രസ് പ്രായപൂര്ത്തിയാകാത്ത പെണ്കുട്ടികളെ ഉപയോഗിക്കുന്നുവെന്ന് ആരോപിച്ചാണ് കര്ണാടക ബി.ജെ.പി യൂണിറ്റ് വിദ്യാര്ത്ഥിനികളുടെ പേരും വിലാസവും അടക്കം ട്വീറ്റ് ചെയ്തത്.സംഭവം വന് പ്രതിഷേധത്തിനിടയാക്കിയിട്ടുണ്ട്.
ബി. ജെ.പിയുടെ ഹീനകൃത്യത്തെ അപലപിച്ച് ശിവസേന എം.പി പ്രിയങ്ക ചതുര്വേദി രംഗത്തെത്തി. ‘നാണമില്ലാത്ത ബി.ജെ. പിക്കാര് പ്രതിപക്ഷത്തെ ആക്രമിക്കാന് പ്രായപൂര്ത്തിയാകാത്ത പെണ്കുട്ടികളുടെ വിലാസവും വിവരങ്ങളും പരസ്യപ്പെടുത്തുകയാണെന്ന് അവര് ട്വിറ്ററില് കുറിച്ചു. ഇത് എത്രമാത്രം നിര്വികാരവും ദയനീയവുമാണെന്ന് നിങ്ങള് മനസിലാക്കുന്നുണ്ടോ?- പ്രിയങ്ക ചതുര്വേദി ചോദിച്ചു.
കുറ്റക്കാര്ക്കെതിരെ ഉടന് നടപടിയെടുക്കണമെന്നും ബി.ജെ.പിയുടെ വിവാദ ട്വീറ്റ് നീക്കം ചെയ്യണമെന്നും ട്വിറ്റര് ഇന്ത്യയെ ടാഗ് ചെയ്ത പോസ്റ്റില് അവര് ആവശ്യപ്പെട്ടു. സംഭവത്തില് കേന്ദ്ര ഇലക്ട്രോണിക്സ്, ഇന്ഫര്മേഷന് ആന്റ് ടെക്നോളജി മന്ത്രാലയം ഇടപെടണമെന്നും ശിവസേന എം.പി പറഞ്ഞു.
കശ്മീരി വിദ്യാര്ത്ഥികളുടെ
വിവരം ശേഖരിച്ച് പൊലീസ്
ബെംഗളൂരു: ഹിജാബ് വിവാദങ്ങള്ക്കിടെ കര്ണാടകയില് പഠിക്കുന്ന കശ്മീരി വിദ്യാര്ത്ഥികളുടെ വിവരം ശേഖരിച്ച് പൊലീസ്. ചില വിദ്യാര്ത്ഥികളെ സ്റ്റേഷനുകളിലേക്ക് വിളിച്ചു വരുത്തി തിരിച്ചറിയില് രേഖകളും മറ്റും പരിശോധിക്കുകയും ചെയ്തു. വീട്ടുവിലാസം, പഠന പശ്ചാത്തലം, മാതാപിതാക്കളുടെ സംഘടനാ ബന്ധങ്ങള് അടക്കം ശേഖരിക്കാന് കോളജുകള്ക്ക് പൊലീസ് നിര്ദേശം നല്കി.
വിവരങ്ങള് കൃത്യമായി നല്കണമെന്ന് ആവശ്യപ്പെട്ട് കോളജുകള് വഴി വിദ്യാര്ത്ഥിനികള്ക്ക് നോട്ടീസ് നല്കി. ഉഡുപ്പിയിലും ശിവമൊക്ഷയിലും കശ്മീരി വിദ്യാര്ത്ഥികളെ സ്റ്റേഷനിലേക്ക് വിളിച്ചുവരുത്തി. ഇവരുടെ തിരിച്ചറിയില് രേഖ പരിശോധിച്ചു. പങ്കെടുത്ത പ്രതിഷേധങ്ങളുടെ വിവരങ്ങളും തേടി. ദേശസുരക്ഷ കണക്കിലെടുള്ള നടപടി എന്നാണ് പൊലീസ് വിശദീകരണം. അതേ സമയം വിദ്യാഭ്യാസ സ്ഥാപനങ്ങളില് ഹിജാബ് അനുവദിക്കാത്തതില് പ്രതിഷേധിച്ച് നിരവധി വിദ്യാര്ത്ഥികള് ഇന്നലെയും ക്ലാസ് ബഹിഷ്കരിച്ചു.
കലബുറഗി ഉര്ദു ഗേള്സ് സ്കൂളില് ഹിജാബ് അനുവദിക്കാത്തതില് പ്രതിഷേധിച്ച് 80 വിദ്യാര്ത്ഥിനികളാണ് ക്ലാസ് ബഹിഷ്കരിച്ചത്. ക്ലാസില് ഒരു വിദ്യാര്ത്ഥി പോലും ഇല്ലാത്തതിനാല് അധ്യാപികയ്ക്ക് ഓണ്ലൈനിലൂടെ പഠിപ്പിക്കേണ്ടി വന്നു.
സംസ്ഥാനത്തെ വിവിധയിടങ്ങളില് ഹിജാബും ബുര്ഖയും ധരിച്ചെത്തിയ വിദ്യാര്ത്ഥിനികളെ സ്കൂളില് പ്രവേശിപ്പിച്ചില്ല. ചില സ്കൂളുകളില് ഹിജാബ് ധരിച്ചെത്തിയ അധ്യാപകരെയും തടഞ്ഞു.
india
സ്മൃതിയുടെ മകളുടെ റസ്റ്റോറന്റിന്റെ മദ്യ ലൈസന്സ് അനധികൃതം
വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്.
പനജി: വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്. മരിച്ചയാളുടെ പേരിലാണ് ലൈസന്സ് പുതുക്കിയതെന്നാണ് ആരോപണം. ഇതേത്തുടര്ന്ന് ഗോവ എക്സൈസ് കമ്മിഷണര് നാരായണ് എം. ഗാഡ് ലൈസന്സ് റദ്ദാക്കാതിരിക്കണമെങ്കില് കാരണം കാണിക്കണമെന്ന് ആവശ്യപ്പെട്ട് നോട്ടീസ് അയച്ചിരിക്കുകയാണ്.
ഗോവയിലെ അസന്ഗൗവിലാണ് സ്മൃതിയുടെ മകള് സോയിഷ് ഇറാനിയുടെ പോഷ് റസ്റ്ററന്റായ സില്ലി സോള്സ് കഫേ ആന്റ് ബാര് ഉള്ളത്. ബാറിനുള്ള ലൈസന്സ് കൃത്രിമ രേഖകള് നല്കിയാണ് ഉടമകള് കൈവശപ്പെടുത്തിയതെന്ന് അഭിഭാഷകനായ എയ്റിസ് റോഡ്രിഗസ് നല്കിയ പരാതിയിലാണ് ജൂലൈ 21ന് എക്സൈസ് കമ്മിഷണര് നോട്ടിസ് അയച്ചത്. വിഷയം ജൂലൈ 29ന് കോടതി പരിഗണിക്കും.
കഴിഞ്ഞമാസമാണ് ലൈസന്സ് പുതുക്കിയത്. എന്നാല് ലൈസന്സിന്റെ ഉടമ ആയിരുന്ന ആന്തണി ഡിഗാമ 2021 മേയ് 17ന് അന്തരിച്ചിരുന്നു. ഡിഗാമയുടെ ആധാര് കാര്ഡിലെ വിവരം അനുസരിച്ച് മുംബൈയിലെ വിലേ പാര്ലെയിലെ താമസക്കാരനാണിയാള്. ഇയാളുടെ മരണ സര്ട്ടിഫിക്കറ്റ് മുംബൈ മുനിസിപ്പല് കോര്പ്പറേഷനില്നിന്ന് റോഡ്രിഗസിന് ലഭിച്ചിട്ടുമുണ്ട്.
ആറുമാസത്തിനുള്ളില് ലൈസന്സ് ട്രാന്സ്ഫര് ചെയ്യുമെന്നാണ് അപേക്ഷയില് വ്യക്തമാക്കിയിരുന്നതെന്ന് സംസ്ഥാന എക്സൈസ് വിഭാഗം പറയുന്നു.വിവരാവകാശ നിയമപ്രകാരമാണ് റോഡ്രിഗസ് വിവരങ്ങള് ശേഖരിച്ചത്. സില്ലി സോള്സ് കഫേ ആന്റ് ബാറിന് സംസ്ഥാനത്ത് പ്രവര്ത്തിക്കുന്നതിന് റസ്റ്ററന്റ് ലൈസന്സ് ഇല്ലെന്നും അഭിഭാഷകനായ റോഡ്രിഗസ് പറയുന്നു.
india
സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് യു.പിയിലെ സ്കൂള്
ലഖ്നൗ: ഉത്തര്പ്രദേശിലെ സ്കൂളല് സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് ആവശ്യപ്പെട്ട സംഭവത്തില് ശക്തമായ പ്രതിഷേധം അറിയിച്ച് പ്രമുഖ സിഖ് മത നേതൃത്വമായ ശിരോമണി ഗുരുദ്വാര പര്ബന്ധക് കമ്മിറ്റി (എസ്.ജി.പി.സി). രാജസ്ഥാനിലെ അല്വാര് ജില്ലയില് അജ്ഞാതര് സിഖ് പുരോഹിതനെ മര്ദിക്കുകയും മുടി മുറിക്കുകയും ചെയ്ത സംഭവത്തെയും സിഖുകാരുടെ പരമോന്നത മതസംഘടന അപലപിച്ചു.
വ്യാഴാഴ്ച ഉത്തര്പ്രദേശിലെ ബറേലിയിലെ സിഖ് സമുദായാംഗങ്ങള് സ്കൂള് മാനേജ്മെന്റിന്റെ ഉത്തരവിനെതിരെ പ്രതിഷേധിച്ചിരുന്നു. ഉത്തരവ് പാലിക്കാത്തതിനാല് കുട്ടികളോട് സ്കൂളിലേക്ക് പ്രവേശിക്കരുതെന്ന് പറഞ്ഞതായും അവര് ആരോപിച്ചു.
india
ഇന്ത്യയില് ഒരു ഡോസ് വാക്സിന് പോലും എടുക്കാതെ 4 കോടി ആളുകള്
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്.
ന്യൂഡല്ഹി: ഇന്ത്യയില് യോഗ്യരായ നാലു കോടി ആളുകള് ഇതുവരെ ഒരു ഡോസ് വാക്സിന് പോലും സ്വീകരിച്ചിട്ടില്ലെന്ന് കേന്ദ്ര ആരോഗ്യ സഹമന്ത്രി ഭാരതി പ്രവീണ് പവാര്. ജൂലൈ 18 വരെ സര്ക്കാര് കോവിഡ് വാക്സിനേഷന് സെന്ററുകളില് 1,78,38,52,566 വാക്സിന് ഡോസുകള് സൗജന്യമായി നല്കിയിട്ടുണ്ടെന്നും രേഖാമൂലമുള്ള മറുപടിയില് വ്യക്തമാക്കി.
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്. 90 ശതമാനം പേര് പൂര്ണമായി വാക്സിന് എടുത്തിട്ടുണ്ടെന്നും കണക്കില് പറയുന്നു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ