Culture
ഇന്ത്യക്കാരനെ സഹായിച്ചതിന്റെ പേരില് കാണാതായ പാക് മാധ്യമ പ്രവര്ത്തകയെ രണ്ടു വര്ഷത്തിനു ശേഷം രക്ഷപ്പെടുത്തി
ലാഹോര്: രണ്ടു വര്ഷം മുമ്പ് ദുരൂഹ സാഹചര്യത്തില് കാണാതായ മാധ്യമ പ്രവര്ത്തക സീനത്ത് ഷാഹ്സാദിയെ കണ്ടെത്തിയതായി പാകിസ്താന്. 2015 ഓഗസ്റ്റ് 19 മുതല് കാണാതായ 26-കാരിയെ പാക്-അഫ്ഗാന് അതിര്ത്തിയില് വെച്ചാണ് രക്ഷപ്പെടുത്തിയത്. ഡെയ്ലി നയി ഖബര്, മെട്രോ ന്യൂസ് ടി.വി ചാനല് എന്നിവയുടെ റിപ്പോര്ട്ടറായിരുന്ന സീനത്ത് ഷാഹ്സാദി, പാകിസ്താനില് വെച്ച് കാണാതായ ഇന്ത്യന് പൗരന് ഹാമിദ് അന്സാരിക്കു വേണ്ടി രംഗത്തിറങ്ങിയത് മാധ്യമ ശ്രദ്ധ നേടിയിരുന്നു.
ഓണ്ലൈനില് പരിചയപ്പെട്ട പെണ്കുട്ടിയെ കണ്ടുമുട്ടുന്നതിനു വേണ്ടി അഫ്ഗാനിസ്താനില് നിന്ന് പാകിസ്താനിലേക്ക് കടന്ന മുംബൈ സ്വദേശിയായ ഹാമിദ് അന്സാരിയെ 2012 നവംബര് മുതല് കാണാനില്ലായിരുന്നു. മകനെ കണ്ടെത്തുന്നതിനു വേണ്ടി ഹാമിദിന്റെ ഉമ്മ ഫൗസിയ അന്സാരി പാകിസ്താനില് നിയമ പോരാട്ടം തുടങ്ങിയിരുന്നു. ഫൗസിയയെ സഹായിക്കുന്നതിനായി രംഗത്തിറങ്ങിയതാണ് സീനത്തിന്റെ തിരോധാനത്തിലേക്ക് നയിച്ചത്.
സുപ്രീം കോടതിയുടെ കീഴിലുള്ള മനുഷ്യാവകാശ സെല്ലില് ഫൗസിയക്കു വേണ്ടി പരാതി നല്കിയ സീനത്ത്, 2013-ല് അവരില് നിന്ന് പവര് ഓഫ് അറ്റോര്ണി നേടിയെടുത്തു. പെഷവാര് ഹൈക്കോടതിയില് അന്സാരിക്കു വേണ്ടി ഹേബിയസ് കോര്പസ് ഫയല് ചെയ്യുകയും ചെയ്തു. ഹാമിദിനു വേണ്ടി നിയമ പോരാട്ടം തുടങ്ങിയതു മുതല് നിരവധി ഭീഷണികള് നേരിടേണ്ടി വന്നിരുന്ന സീനത്ത് അല്പകാലം ഒളിവിലായിരുന്നു. പിന്നീടാണ് അജ്ഞാതര് ഇവരെ തട്ടിക്കൊണ്ടു പോയത്.
ഹാമിദ് അന്സാരി സൈനികരുടെ തടവിലാണെന്നും ഇയാളെ സൈനിക കോടതി ചാരപ്രവര്ത്തന കുറ്റം ചുമത്തി മൂന്നു വര്ഷം തടവിനു വിധിച്ചതായും പിന്നീട് വ്യക്തമായി. ശിക്ഷാ കാലാവധി കഴിഞ്ഞിട്ടും അന്സാരി ജയിലില് തുടരുകയാണ്. സീനത്തിന്റെ തിരോധാനത്തിനു പിന്നില് സൈനിക വൃത്തങ്ങളാണെന്ന് ആരോപണമുണ്ടായിരുന്നു.
കാണാതായി ഒരു വര്ഷം പിന്നിട്ടിട്ടും സഹോദരി തിരിച്ചുവരാത്തതില് മനംനൊന്ത് സീനത്തിന്റെ സഹോദരന് സദ്ദാം ഹുസൈന് ആത്മഹത്യ ചെയ്തു. ഈ സംഭവം, സീനത്തിനെ കണ്ടെത്താനുള്ള സമ്മര്ദം അധികൃതര്ക്കു മേല് വര്ധിപ്പിച്ചു.
അതിര്ത്തി പ്രദേശങ്ങളായ ബലൂചിസ്താനിലെയും ഖൈബര് പഖ്തുന്ക്വയിലെയും ഗോത്ര വര്ഗക്കാരുടെ സഹായത്തോടെയാണ് സീനത്തിനെ മോചിപ്പിച്ചതെന്ന് അന്വേഷണ ഉദ്യോഗസ്ഥര് പറഞ്ഞു. സീനത്തിനെ സുരക്ഷിതായി രക്ഷപ്പെടുത്താന് കഴിഞ്ഞതില് സന്തോഷമുണ്ടെന്നും അവര് കുടുംബവുമായി കണ്ടുമുട്ടിയെന്നും ഉദ്യോഗസ്ഥര് വ്യക്തമാക്കി. ദേശ വിരുദ്ധരാണ് സീനത്തിന്റെ തട്ടിക്കൊണ്ടു പോയതെന്ന് അന്വേഷണ സംഘം തലവന് ജാവേദ് ഇഖ്ബാല് പറഞ്ഞു.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ