Culture
കൊച്ചി ബ്ലാസ്റ്റഡ്; ബ്ലാസ്റ്റേഴ്സ്-2 ഗോവ-1.
![](https://demo.chandrikadaily.com/wp-content/uploads/2016/11/keralablasters-m.jpg)
അഷ്റഫ് തൈവളപ്പ്
കൊച്ചി: ഇന്ത്യന് സൂപ്പര് ലീഗില് അവസാനക്കാര് തമ്മിലുള്ള മത്സരത്തില് ബ്ലാസ്റ്റേഴ്സിന് നാടകീയ വിജയം. ആദ്യ പകുതിയില് റാഫേല് കൊയ്ലോ നേടിയ ഗോളിലൂടെ മുന്നിലെത്തിയ ഗോവയെ രണ്ടാം പകുതിയിലെ രണ്ടു ഗോളുകള്ക്ക് വീഴ്ത്തിയാണ് ബ്ലാസ്റ്റേഴ്സ് 12 പോയിന്റോടെ പോയിന്റ് പട്ടികയില് നാലാം സ്ഥാനക്കാരായി കുതിച്ചത്.
ബ്ലാസ്റ്റേഴ്സിനായി 48ാം മിനുറ്റില് ബെല്ഫോര്ട്ടും (പെനാല്റ്റി) ഇഞ്ചുറി ടൈമില് സീസണിലെ അരങ്ങേറ്റ മത്സരത്തില് മലയാളി താരം സി.കെ വിനീതും വല കുലുക്കി. ഗോവയിലെ ആദ്യ പാദത്തിന്റെ തനിയാവര്ത്തനമായിരുന്നു ഇന്നലത്തെ വിജയവും. അന്ന് ആദ്യ പകുതിയില് ഒരു ഗോളിന് പിന്നില് നിന്ന ശേഷമായിരുന്നു ഗോവക്കെതിരെ 2-1ന് കേരളം ജയിച്ചു കയറിയത്. തുടക്കം മുതല് ഒടുക്കം വരെ കയ്യാങ്കളി കണ്ട കളത്തില് ന്യൂസിലാന്റുകാരന് റഫറി നിക്ക് വാല്ഡ്രോമിന് ഉയര്ത്തേണ്ടി വന്നത് രണ്ടു ചുവപ്പ് കാര്ഡടക്കം പത്തു കാര്ഡുകള്. ഗോവയുടെ നായകന് ആര്നോലിനും റിച്ചാര്ലിസണുമാണ് ചുവപ്പ് കാര്ഡ് കണ്ടത്. ഗോവയുടെ ആറ് താരങ്ങള്ക്കും ബ്ലാസ്റ്റേഴ്സിന്റെ രണ്ടു താരങ്ങള്ക്കുമെതിരെ റഫറി മഞ്ഞക്കാര്ഡുയര്ത്തി. കളിയുടെ ഒടുക്കത്തില് റഫറിയെ ഗോവന് ടീം കയ്യേറ്റം ചെയ്യുന്നതിലേക്ക് വരെ കാര്യങ്ങളെത്തി. സുരക്ഷ ജീവനക്കാര് ഇടപെട്ടാണ് ഇവരെ നിയന്ത്രണ വിധേയരാക്കിയത്. ഒമ്പതു പേരുമായാണ് രണ്ടാം പകുതിയില് ഗോവ മത്സരം പൂര്ത്തിയാക്കിയത്. 12ന് ഹോം ഗ്രൗണ്ടില് ചെന്നൈയിനെതിരെയാണ് ബ്ലാസ്റ്റേഴ്സിന്റെ അടുത്ത മത്സരം.
കഴിഞ്ഞ മത്സരത്തില് നിന്ന് നാലു മാറ്റങ്ങളുമായി റാഫിയെ മുന്നില് നിര്ത്തിയായിരുന്നു ബ്ലാസ്റ്റേഴ്സ് ഇന്നലെ ഇറങ്ങിയത്. സന്ദീപ് നന്ദിക്ക് പകരം ബാറിന് കീഴില് ഗ്രഹാം സ്റ്റാക്കെത്തി. എ.എഫ്.സി കപ്പിന് ശേഷം തിരിച്ചെത്തിയ സി.കെ വിനീതും റിനോ ആന്റോയും പകരക്കാരുടെ ലിസ്റ്റില് ഇടം പിടിച്ചു. മുന്നിരയില് ജോഫ്രെക്ക് പകരം ലെഫ്റ്റ്ബാക്കില് രാജു ഗെയ്ക്ക് വാദ് ഇറങ്ങിയതായിരുന്നു ഗോവയിലെ ഏക മാറ്റം. കളി ചൂടുപിടിക്കും മുമ്പേ ഗാലറിയെ ഞെട്ടിച്ച് ഗോവ ലീഡ് നേടി. ബോക്സിന് പുറത്ത് നിന്ന് ലഭിച്ച ഫ്രീകിക്ക് എടുത്തത് റിച്ചാര്ലിസണ്, ഉയര്ന്നു പൊങ്ങിയ പന്ത് ലഭിച്ചത് റാഫേല് കൊയ്ലോക്ക്, സുന്ദരമായ ഹെഡര് ഗ്രഹാം സ്റ്റാക്കിന്റെ കാലിനടിയിലൂടെ ചെന്ന് വല തൊട്ടു, 0-1. ബ്ലാസ്റ്റേഴ്സ് മഹ്മതിന് പകരം കാദിയോയെയും ഗോവ റാഫേല് കൊയ്ലോക്ക് പകരം ഗോണ്സാല്വ്സിനെയും ഇറക്കി രണ്ടാം പകുതിക്കിറങ്ങി. നിമിഷ നേരം കൊണ്ട് പെനാല്റ്റി ഗോളിലൂടെ ബ്ലാസ്റ്റേഴ്സ് സമനില പിടിച്ചു. റഫീഖിന്റെ വല ലക്ഷ്യമാക്കിയുള്ള ഷോട്ട് കട്ടിമാണിക്ക് മുന്നില് നിന്ന ഗോവയുടെ നായകന് കൂടിയായ ഗ്രിഗ്രറി അര്നോലിന് തടഞ്ഞത് വലത് കൈകൊണ്ട്, ബോധപൂര്വ്വമല്ലെന്ന് ഗോവ വാദിച്ചെങ്കിലും ചുവപ്പ് കാര്ഡ് എടുക്കാനും പെനാല്റ്റി കിക്ക് അനുവദിക്കാനും റഫറിക്ക് അധികസമയം വേണ്ടി വന്നില്ല, കിക്കെടുത്ത ബെല്ഫോര്ട്ടിന്റെ ഷോട്ട് കൃത്യമായി വലയില് പതിച്ചു, (1-1).
ഗാലറിയില് മഞ്ഞക്കടലിരമ്പം. ആക്രമണത്തിന് മൂര്ച്ച പോരെന്ന് തോന്നിയ കോപ്പല് മുഹമ്മദ് റഫീഖിനെ പിന്വലിച്ച് മലയാളി താരം സി.കെ വിനീതിനെ കളത്തിലിറക്കി. നിറഞ്ഞ കയ്യടിയോടെയാണ് സീസണിലെ ആദ്യ മത്സരത്തിന് വിനീത് ഇറങ്ങിയത്. 81ാം മിനുറ്റില് വിനീതിനെ ബോക്സിന് പുറത്ത് നിന്ന് വീഴ്ത്തിയതിന് ബ്രസീല് താരം റിച്ചാര്ലിസണ് രണ്ടാം മഞ്ഞക്കാര്ഡും പിന്നാലെ ചുവപ്പുകാര്ഡും കണ്ട് പുറത്തായി. ഗോവന് താരങ്ങളോട് കയര്ത്ത സി.കെ വിനീതിനും കാര്ഡ് ലഭിച്ചു. കയ്യാങ്കളി മൂലം പലവട്ടം മത്സരം തടസ്സപ്പെട്ടു. ഒടുവില് സമനിലയില് പിരിയുമെന്ന ഘട്ടത്തില് സി.കെ വിനീതിലൂടെ ബ്ലാസ്റ്റേഴ്സ് വിജയഗോള് നേടി, ബോക്സിനകത്ത് നിന്ന് ഹെങ്ബാര്ത്തിന്റെ ഹെഡര് വഴി കിട്ടിയ പന്ത് വലക്ക് തൊട്ടുമുന്നില് നിന്ന വിനീത് ഇടങ്കാല് ഷോട്ടിലൂടെ വലയിലെത്തിച്ചു.
![](https://demo.chandrikadaily.com/wp-content/uploads/2022/06/shammi.jpg)
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
![](https://demo.chandrikadaily.com/wp-content/uploads/2022/04/ch.jpg)
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
![](https://demo.chandrikadaily.com/wp-content/uploads/2022/05/indrans.jpg)
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ