Culture
നോട്ട് അസാധുവാക്കല്: തിരിച്ചെത്തിയത് 12.44 ലക്ഷം കോടി രൂപ
മുംബൈ: അസാധുവാക്കിയ 500, 1000 രൂപ നോട്ടുകളുടെ ഏറിയ പങ്കും ബാങ്കുകളില് തിരിച്ചെത്തിയതായി ആര്.ബി.ഐ. ഈ മാസം 10 വരെ 12.44 ലക്ഷം കോടി രൂപയുടെ അസാധു നോട്ടുകള് തിരിച്ചെത്തിയതായി റിസര്വ് ബാങ്ക് ഓഫ് ഇന്ത്യ ഡെപ്യൂട്ടി ഗവര്ണര് ആര് ഗാന്ധി അറിയിച്ചു. നോട്ട് അസാധുവാക്കല് നടപടിയിലൂടെ കള്ളപ്പണവും കള്ള നോട്ടുമായി വലിയൊരു പങ്ക് ബാങ്കിലെത്തില്ലെന്ന കേന്ദ്ര സര്ക്കാറിന്റെ കണക്കു കൂട്ടലുകള് തെറ്റിയെന്ന് വ്യക്തമാക്കുന്നതാണ് റിസര്വ് ബാങ്ക് പുറത്തു വിട്ട കണക്കുകള്.
രാജ്യത്തെ വിവിധ ബാങ്കുകള് അവരുടെ കൗണ്ടറുകളിലൂടേയും എ.ടി.എം വഴിയും നവംബര് 10 മുതല് ഡിസംബര് 10 വരെ വിതരണം ചെയ്തത് 4.61 ലക്ഷം കോടി രൂപയുടെ പുതിയ നോട്ടുകളാണെന്നും ആര്. ബി.ഐ അറിയിച്ചു. 2180 കോടി നോട്ടുകളാണ് ആകെ വിതരണം ചെയ്തത്. ഇതില് 2010 കോടി നോട്ടുകള് 10, 20, 50, 100 രൂപ നോട്ടുകളാണ്. 500, 2000 രൂപയുടെ 170 കോടി നോട്ടുകളും വിതരണം ചെയ്തു. അസാധു നോട്ടുകള് തിരിച്ചെത്തിയത് ലക്ഷം കോടി കവിഞ്ഞതിനെ തുടര്ന്ന് ഡിസംബര് ഏഴിന് ശേഷം മാത്രമാണ് പുതിയ നോട്ടുകള് വിതരണം ചെയ്യുന്നതിന്റെ തോത് അല്പം ഉയര്ത്തിയത്.
പൊതു ജനങ്ങള്ക്ക് കറന്സി ലഭ്യമാക്കുന്നതിനായി മുഴുവന് സംവിധാനവും തുടര്ച്ചയായി പ്രവര്ത്തിക്കുന്നുണ്ടെന്നും ദിനേന കൂടുതല് നോട്ടുകള് പുറത്തിറക്കുന്നുണ്ടെന്നും ആര്.ബി.ഐ പറയുന്നു. പൊതുജനം അവരുടെ കൈവശമുള്ള നോട്ടുകള് സ്വതന്ത്രമായി വിനിയോഗിക്കണമെന്നും കറന്സി പൂഴ്ത്തിവെക്കേണ്ട കാര്യമില്ലെന്നും ആര്.ബി.ഐ ഡെപ്യൂട്ടി ഗവര്ണര് പറഞ്ഞു.
കള്ളപ്പണം തടയുന്നതിനായാണ് ഉയര്ന്ന മൂല്യമുള്ള കറന്സികള് അസാധുവാക്കിയതെന്നായിരുന്നു കേന്ദ്ര സര്ക്കാറിന്റെ വാദം. മൊത്തം പണത്തിന്റെ 86 ശതമാനത്തോളം വരുന്ന (15 ലക്ഷം കോടി രൂപ) 500, 1000 രൂപ നോട്ടുകളാണ് നവംബര് എട്ടിന് അസാധുവാക്കിയത്. ഇതില് 20 ശതമാനമെങ്കിലും(ചുരുങ്ങിയത് 2.8 ലക്ഷം കോടി രൂപ) ബാങ്കുകളിലേക്ക് തിരിച്ചെത്തില്ലെന്നായിരുന്നു കേന്ദ്ര സര്ക്കാറിന്റെ വാദം. എന്നാല് ആര്.ബി.ഐ പുറത്തു വിട്ട പുതിയ കണക്കുകള് സര്ക്കാര് വാദത്തെ പൂര്ണമായും തള്ളുന്നതാണ്. 1.66 ലക്ഷം കോടി രൂപ മാത്രമാണ് ഇനി തിരിച്ചെത്താനുള്ളത്. അസാധു നോട്ടുകള് ബാങ്കുകളില് നിക്ഷേപിക്കാന് 17 ദിവസം കൂടി ശേഷിക്കുന്നുണ്ട്.
ഡിസംബര് 30 പൂര്ത്തിയാകുന്നതോടെ കണക്കു കൂട്ടിയതിനേക്കാള് കൂടുതല് അസാധു നോട്ടുകള് ബാങ്കുകളില് തിരിച്ചെത്തിയേക്കും. സംസ്ഥാന സഹകരണ ബാങ്കുകള് ഉള്പ്പെടെയുള്ളവയുടെ കൈവശം കെട്ടിക്കിടക്കുന്ന അസാധു നോട്ടുകള്, വിവിധ കേസുകളില് പിടിച്ചെടുത്ത് കോടതികളില് സൂക്ഷിച്ചിട്ടുള്ള അസാധു നോട്ടുകള് എന്നിവയെല്ലാം ചേരുന്നതോടെ എല്ലാ കണക്കുകളും തെറ്റുമെന്നാണ് വിലയിരുത്തല്. ബാങ്കിലെത്തുന്ന പഴയ നോട്ടുകളുടെ എണ്ണം കൂടുന്നത് കള്ളപ്പണം സംബന്ധിച്ച കേന്ദ്ര സര്ക്കാര് വാദങ്ങളുടെ മുനയൊടിക്കും. അല്ലെങ്കില് നോട്ട് അസാധുവാക്കപ്പെട്ട ശേഷം വഴിവിട്ട മാര്ഗങ്ങളിലൂടെ വന്തോതില് കള്ളപ്പണം വെളുപ്പിക്കപ്പെട്ടുവെന്ന് സര്ക്കാറിന് സമ്മതിക്കേണ്ടി വരും.
500, 1000 രൂപ നോട്ടുകള് അസാധുവാക്കിയതിനെ തുടര്ന്ന് ബാങ്ക് വായ്പകളുടെ കാര്യത്തില് നേരിയ കുറവ് വന്നതായും റിസര്വ് ബാങ്ക് കണക്കുകള് വ്യക്തമാക്കുന്നു. 61,000 കോടി രൂപയായാണ് വായ്പ കുറഞ്ഞത്. വായ്പ വിതരണത്തില് 0.8 ശതമാനത്തിന്റെ കുറവാണ് ഇതു രേഖപ്പെടുത്തിയിരിക്കുന്നത്. നോട്ട് അസാധുവാക്കിയതിനെ തുടര്ന്ന് വായ്പാ അടവുകളില് വീഴ്ച വരുത്തിയവരുള്പ്പെടെ ചിലര് മുടങ്ങിക്കിടന്ന വായ്പകള് അടച്ചു തീര്ക്കാന് തയാറായതിനെ തുടര്ന്ന് ഈ ഇനത്തില് 66,000 കോടി രൂപ ബാങ്കുകളിലെത്തിയതായും കണക്കുകള് വ്യക്തമാക്കുന്നു.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ