Culture
പ്രധാനമന്ത്രിയുടെ സന്ദര്ശനം: വ്യാജ ബോംബ് ഭീഷണിക്ക് തീവ്രവാദ ബന്ധമില്ലെന്ന്
![](https://demo.chandrikadaily.com/wp-content/uploads/2016/10/pm-modi-7591.jpg)
കോഴിക്കോട്: പ്രധാനമന്ത്രി നരേന്ദ്ര മോദിയുടെ കോഴിക്കോട്ടെ സന്ദര്ശനത്തിനിടെയുണ്ടായ വ്യാജ ബോംബ് ഭീഷണിക്ക് തീവ്രവാദബന്ധമില്ലെന്ന് അന്വേഷണസംഘം. കോയമ്പത്തൂരില് നിന്ന് വന്ന വ്യാജബോംബ് ഭീഷണിയുമായി ബന്ധപ്പെട്ട് നടത്തിയ അന്വേഷണത്തെ തുടര്ന്നാണ് സംഘം ഇത്തരമൊരു നിഗമനത്തിലെത്തിയത്. കോയമ്പത്തൂര് സ്വദേശിയായ മുത്തുമാള് എന്നയാളുടെ മൊബൈല് ഫോണ് സിം കാര്ഡ് ദുരുപയോഗം ചെയ്താണ് ഇന്റര്നെറ്റ് വഴി നടക്കാവ് പൊലീസ് സ്റ്റേഷനിലേക്ക് ഫോണ്വിളി ഉണ്ടായതെന്ന് സംഘം പറയുന്നു. സ്വകാര്യ മൊബൈല് കമ്പനിയുടെ 11127 എന്ന അവസാന അഞ്ച് അക്കനമ്പറിലുളള മുത്തുമാളിന്റെ മൊബൈല് ഫോണില് നിന്ന് വന്നതും പോയതുമായ കോളുകള് പരിശോധിച്ചപ്പോള് ഇയാള്ക്ക് മറ്റു തരത്തിലുള്ള ബന്ധങ്ങളൊന്നുമില്ലെന്ന കണ്ടെത്തലാണ് ഉണ്ടായത്. കേന്ദ്ര അന്വേഷണ ഏജന്സിയും കേരള തമിഴ്നാട് പൊലീസ് സംഘവും എല്ലാ കോളുകളുടെയും വിശദാംശങ്ങള് നോക്കിയിരുന്നു.മുത്തുമാളിനെ വിവിധ അന്വേഷസംഘങ്ങള് ചോദ്യം ചെയ്യുകയും ചെയ്തിരുന്നു. ഇയാളുടെ നമ്പര് ഉപയോഗപ്പെടുത്തി വിദേശത്ത് നിന്ന് ഇന്റര്നെറ്റ് മുഖേനയാണ് ഫോണ് വിളി വന്നതെന്നും അന്വേഷണഏജന്സികള്ക്ക് ബോധ്യപ്പെട്ടതായാണ് അറിയുന്നത്. മോദിയുടെ കോഴിക്കോട്ടെ സന്ദര്ശനത്തിനിടെ ഉണ്ടായ വ്യാജ ബോംബ് ഭീഷണിയുമായി ബന്ധപ്പെട്ട് നടക്കാവ് പൊലീസ് നേരത്തെ കേസെടുത്തിരുന്നു. സെപ്തംബര് 24 ന് പുലര്ച്ചെ 3.30 ഓടെയാണ് സംഭവം. അന്ന് നടക്കാവ് പൊലീസ് സ്റ്റേഷനിലെ ലാന്റ് ഫോണിലേക്കാണ് ബോംബ് ഭീഷണിയുമായി ബന്ധപ്പെട്ട ഫോണ് സന്ദേശമുണ്ടായത്. പ്രധാനമന്ത്രി പങ്കെടുക്കുന്ന ഒരു സ്ഥലത്ത് ഉടന് ബോംബ് ഭീഷണിയുണ്ടാകുമെന്നായിരുന്നു വിളിച്ചയാള് പറഞ്ഞത്. ഹിന്ദിയിലായിരുന്നു സംഭാഷണം. തുടര്ന്ന് പുലര്ച്ചെ ബോംബ് സ്ക്വാഡും എസ്.പി.ജി വിഭാഗവും ഉള്പ്പെടുന്ന സംഘം ഡോഗ് സ്ക്വാഡിന്റെ സഹായത്തോടെ പരിശോധനയും തുടങ്ങി. ഡല്ഹിയില് നിന്ന് എത്തിയ ബോംബ് സ്ക്വാഡിലെ 45 അംഗസംഘം വിവിധ സംഘങ്ങളായി തിരിഞ്ഞ് സംസ്ഥാന പൊലീസിന്റെ ബോംബ് സ്ക്വാഡിന്റെ സഹായത്തോടെ പ്രധാനമന്ത്രിയെത്തുന്ന നഗരത്തിലെ വിവിധ സ്ഥലങ്ങള് അരിച്ചുപെറുക്കി.
രണ്ട് മണിക്കൂറിനുളളില് സൈബര് സെല്ലിന്റെ സഹായത്തോടെ കേന്ദ്രസംസ്ഥാന രഹസ്യാന്വേഷണവിഭാഗവും ഐ.ബിയും എസ്.പി.ജിയും ഉള്പ്പെടെ നടത്തിയ അന്വേഷണത്തില് തമിഴ്നാട് പൊലീസിന്റെ സഹായത്തോടെ ഫോണിന്റെ ഉറവിടവും വ്യക്തമാവുകയായിരുന്നു.
![](https://demo.chandrikadaily.com/wp-content/uploads/2022/06/shammi.jpg)
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
![](https://demo.chandrikadaily.com/wp-content/uploads/2022/04/ch.jpg)
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
![](https://demo.chandrikadaily.com/wp-content/uploads/2022/05/indrans.jpg)
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ