Culture
രോഷം അണപൊട്ടുന്നു; പലയിടത്തും സംഘര്ഷം
ന്യൂഡല്ഹി: ഉയര്ന്ന മൂല്യമുള്ള പഴയ നോട്ടുകള് തിടുക്കപ്പെട്ട് അസാധുവാക്കിയതിനെ തുടര്ന്ന് രാജ്യത്തുണ്ടായ അനിശ്ചിതത്വം രോഷത്തിലേക്ക് വഴിമാറുന്നു.
വിതരണം ചെയ്യാന് പണമില്ലെന്ന് അറിയിച്ചതിനെ തുടര്ന്ന് ബിഹാറില് പലയിടത്തും അനിഷ്ട സംഭവങ്ങള് റിപ്പോര്ട്ട് ചെയ്തു. ഗോപാല്ഗഞ്ച്, ഔറംഗാബാദ്, പട്ന, ഗയ, മുസഫര്പൂര്, സിതാമര്ഹി, മധുബനി, ഭാഗല്പൂര്, ഖഗാരിയ ജില്ലകളിലെല്ലാം പ്രശ്നങ്ങളുണ്ടായി. ഗോപാല് ഗഞ്ച് ജില്ലയിലെ മീര്ഗഞ്ചില് ഗ്രാമവാസികള് പഞ്ചാബ് നാഷണല് ബാങ്ക് സമുച്ചയത്തിന്റെ പൂട്ട് തകര്ത്ത് അകത്തു കയറി. കൈയില് പണമില്ലാതായ ആളുകള് ഞായറാഴ്ച രാവിലെ തന്നെ ബാങ്കില് എത്തിയിരുന്നു. എന്നാല് വിതരണം ചെയ്യാന് പണമില്ലെന്ന് ബാങ്ക് അധികൃതര് അറിയിച്ചു. ബാങ്കിന്റെ ഗേറ്റ് പൂട്ടുകയും ചെയ്തു. ഇതോടെ രോഷാകുലരായ ജനക്കൂട്ടം ബാങ്കിന്റെ ഗേറ്റ് തകര്ത്ത് ഉള്ളില് കടക്കുകയായിരുന്നു. പൂട്ട് തകര്ത്ത് ഉള്ളിലെത്തിയ ജനം ബാങ്കിനും സര്ക്കാറിനുമെതിരെ പ്രതിഷേധം നടത്തി. ബാങ്ക് ഉപരോധിക്കുകയും ചെയ്തു. രോഷാകുലരായ ജനത്തെ പിരിച്ചുവിടാന് പൊലീസിന് ലാത്തിച്ചാര്ജ് പ്രയോഗിക്കേണ്ടി വന്നു. ചമ്പാരന് ജില്ലയിലെ നര്കടിഗഞ്ച് മേഖലയിലും അനിഷ്ട സംഭവങ്ങളുണ്ടായി. ക്യൂവില് നിന്ന് ആളുകള് അഴുക്കു ചാലിലേക്ക് വീണതാണ് പ്രശ്നങ്ങളുണ്ടാക്കിയത്.
ഞായറാഴ്ച ബാങ്കുകള് പ്രവര്ത്തിക്കുമെന്ന് അറിയിച്ചിരുന്നെങ്കിലും സംസ്ഥാനത്തിന്റെ വിവിധ ഭാഗങ്ങളില് രാവിലെ ബാങ്കിലെത്തിയവര്ക്കു പോലും പണം ലഭിച്ചതുമില്ല. മിക്കയിടങ്ങളിലും ജനങ്ങള് പ്രതിഷേധ പ്രകടനങ്ങള് നടത്തി. എടിഎമ്മില്നിന്നു പണമെടുക്കുന്നതിനെ ചൊല്ലിയും വിവിധയിടങ്ങളില് സംഘര്ഷമുണ്ടായി. സംസ്ഥാനത്ത് അഞ്ചു ശതമാനത്തില് താഴെ എ.ടി.എമ്മുകള് മാത്രമാണ് ഇന്നലെ പ്രവര്ത്തിച്ചത്.
ഉത്തര്പ്രദേശിലെ മുറാദാബാദിലും സംഘര്ഷം റിപ്പോര്ട്ടു ചെയ്തു. വൈകിട്ട് നാലു മണിക്ക് ശേഷം ബാങ്ക് പ്രവര്ത്തനം നിര്ത്തിയതാണ് വരി നിന്ന ആള്ക്കൂട്ടത്തെ ചൊടിപ്പിച്ചത്. കാട്ഘഡിലാണ് സംഭവം. ബാങ്ക് പൂട്ടുകയാണെന്ന് അറിയിച്ചതോടെ ജനം ബാങ്കിന്റെ പൂട്ടുതകര്ത്തു. എട്ടു മണിവരെ തുറക്കണമെന്നായിരുന്നു ജനത്തിന്റെ ആവശ്യം.
അതിനിടെ, സ്ഥിതിഗതികളെ കുറിച്ച് പ്രധാനമന്ത്രിയുടെ ഓഫീസ് ബാങ്കുകളില് നിന്നും പോസ്റ്റ്ഓഫീസുകളില് നിന്നും റിപ്പോര്ട്ട് തേടി. വിഷയത്തില് പ്രധാനമന്ത്രി നരേന്ദ്രമോദിയുടെ അധ്യക്ഷതയില് ഉന്നത തല യോഗം ഉടന് ചേരുമെന്നാണ് റിപ്പോര്ട്ട്.
ഡല്ഹിയില് കാശിനായി വരി നിന്ന് മടുത്ത സ്ത്രീ വസ്ത്രമുരിഞ്ഞ് പ്രതിഷേധിച്ചു ഡല്ഹിയിലെ മയൂര് വിഹാര് മൂന്നിലെ എ.ടി.എമ്മിനു മുമ്പില് കാത്തുനില്ക്കുകയായിരുന്ന സ്ത്രീയാണ് ഷര്ട്ടൂരി ജനക്കൂട്ടത്തെ സ്്തബ്ധമാക്കിയത്. ഇവരെ പൊലീസ് പിന്നീട് ഗാസിപൂര് പൊലീസ് സ്റ്റേഷനിലേക്ക് കൊണ്ടുപോയി.
![](https://demo.chandrikadaily.com/wp-content/uploads/2022/06/shammi.jpg)
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
![](https://demo.chandrikadaily.com/wp-content/uploads/2022/04/ch.jpg)
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
![](https://demo.chandrikadaily.com/wp-content/uploads/2022/05/indrans.jpg)
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ