india
ട്രാക്ടറില് കുഷ്യനിട്ട സോഫയില് ഇരുന്ന രാഹുല് ഷെഹ്സാദ; എണ്ണായിരം കോടി രൂപയ്ക്ക് വിമാനം വാങ്ങിയ മോദി ഫഖീര്!
സുഹൃത്ത് ഡൊണാള്ഡ് ട്രംപിന് അത്തരത്തില് ഒരു വിമാനം ഉള്ളതു കൊണ്ടാണ് മോദിയും അങ്ങനെയൊന്ന് വാങ്ങിയത് എന്നാണ് രാഹുല് പരിഹസിച്ചത്.
ന്യൂഡല്ഹി: പഞ്ചാബില് കര്ഷകരുടെ റാലിക്കെത്തിയ രാഹുല് ഗാന്ധിയുടെ ചിത്രങ്ങള് സാമൂഹിക മാധ്യമങ്ങളില് ഇപ്പോള് വൈറലാണ്. കാര്ഷിക ബില്ലിനെതിരെ സംഘടിപ്പിക്കപ്പെട്ട റാലി കോണ്ഗ്രസിന് ദേശീയ തലത്തില് തന്നെ പുതിയ ഉണര്വു സമ്മാനിച്ചു എന്നാണ് രാഷ്ട്രീയ നിരീക്ഷകരുടെ വിലയിരുത്തല്. എന്നാല് റാലിയില് രാഹുല് സഞ്ചരിച്ച ട്രാക്ടറിലെ കുഷ്യന് പിടിപ്പിച്ച സീറ്റുകളെ ചൊല്ലി വിവാദങ്ങള് ഉണ്ടാക്കാനുള്ള ശ്രമങ്ങളും ആരംഭിച്ചു കഴിഞ്ഞു.
ബിജെപി അനുകൂല സാമൂഹിക മാധ്യമ അക്കൗണ്ടുകള് വഴിയാണ് രാഹുലിനെതിരെ സംഘടിത പ്രചാരണം അഴിച്ചുവിട്ടത്. സോഫയിലിരുന്നു രാജകുമാരനെ (ഷെഹ്സാദ) പോലെയാണ് രാഹുല് പ്രതിഷേധിച്ചത് എന്നാണ് ആരോപണം. രാഹുലിന്റെ സീറ്റില് ഉണ്ടായിരുന്ന പത്തു രൂപയുടെ വെള്ളക്കുപ്പി കാണിച്ച് സോഫ്റ്റ് ഡ്രിങ്ക്സ് കുടിച്ചും പ്രചാരണത്തിന്റെ ഭാഗമായി എന്നും ആക്ഷേപമുയര്ത്തി. എബിപി ന്യൂസ് അടക്കമുള്ള മാധ്യമങ്ങള് ഈ വാര്ത്ത റിപ്പോര്ട്ട് ചെയ്തു. കേന്ദ്രമന്ത്രി ഹര്ദീപ് സിങ് പുരി, ബിജെപി വക്താവ് അമിത് മാളവ്യ, സ്മൃതി ഇറാനി അടക്കമുള്ളവര് റാലിയുടെ ചിത്രം പങ്കുവയ്ക്കുകയും ചെയ്തു. പ്രൊട്ടസ്റ്റ് ടൂറിസം എന്നാണ് പുരി പരിഹസിച്ചത്. വിഐപി കിസാന് എന്നായിരുന്നു സ്മൃതിയുടെ പരിഹാസം.
Sofa-Cum-Tractor? Netizens Take A Dig At #RahulGandhi, Other Congress Leaders For Comfy Seats On Tractors Amid Protest Against #FarmBills https://t.co/mXyttJUAXa
— ABP News (@ABPNews) October 4, 2020
എന്നാല് നികുതി ദായകരുടെ എണ്ണായിരം കോടി രൂപ ഉപയോഗിച്ച് വിമാനം വാങ്ങിയ നരേന്ദ്രമോദി ഇപ്പോഴും ഫഖീര് (ദരിദ്രന്) ആണെന്നാണ് സാമൂഹിക മാധ്യമങ്ങള് തിരിച്ചടിക്കുന്നത്. നരേന്ദ്രമോദി എന്നെഴുതിയ ലക്ഷക്കണക്കിന് രൂപയുടെ സ്യൂട്ട് ധരിച്ച മോദിയുടെ ചിത്രങ്ങളും ട്വിറ്ററില് വൈറലാണ്. യുഎസില് തയ്യാറാക്കിയ ബോയിങ് 777 വിമാനമാണ് കഴിഞ്ഞ ദിവസം ഇന്ത്യയിലെത്തിയത്. മറ്റൊരു വിമാനം കൂടി അടുത്തിടെ രാജ്യത്തെത്തുമെന്ന് കരുതപ്പെടുന്നു. 8400 കോടി രൂപയുടെ കരാറാണിത്. മണിക്കൂറില് 900 കിലോമീറ്റര് വേഗത്തില് പറക്കുന്ന വിമാനമാണിത്.
This is the luxury with which our PM travels in style on board Air India one !!
This plane cost the tax payer 8458 Cr !
If these pictures are on social media think about the security Modi providing the Country !!! pic.twitter.com/nKdMsQIou9
— Augustine Varkey (@logicalindianz) October 6, 2020
ബിജെപി നേതാക്കള് ഉയര്ത്തിയ ആരോപണങ്ങള് മറുപടിയുമായി രാഹുലും രംഗത്തെത്തി. സുഹൃത്ത് ഡൊണാള്ഡ് ട്രംപിന് അത്തരത്തില് ഒരു വിമാനം ഉള്ളതു കൊണ്ടാണ് മോദിയും അങ്ങനെയൊന്ന് വാങ്ങിയത് എന്നാണ് രാഹുല് പരിഹസിച്ചത്. വന്തുകയ്ക്ക് വിമാനങ്ങള് വാങ്ങിയതിനെ കുറിച്ച് അവരോട് ചോദ്യങ്ങള് ചോദിക്കാത്തത് എന്തുകൊണ്ടാണെന്നും രാഹുല് ചോദിച്ചു. ഇത്രയും വലിയ തുകയ്ക്ക് വി.വി.ഐ.പി. ബോയിങ് 777 വിമാനം വാങ്ങിയത് ആരും കാണുകയോ ചോദ്യം ചെയ്യുന്നോ ഇല്ലെന്നത് അസാധാരണമാണ്. എന്നാല് ട്രാക്ടറില് തന്റെ അഭ്യുദയാകാംക്ഷികളില് ആരോ കുഷ്യന് വെച്ചത് എല്ലാവരും ശ്രദ്ധിക്കുകയും ചെയ്തു- രാഹുല് പറഞ്ഞു.
മാല്വ മേഖലയിലെ മോഗ, ലുധിയാന, സന്ഗ്രൂര്, പാട്യാല ജില്ലകളില് അമ്പത് കിലോമീറ്റര് പിന്നിട്ടായിരുന്നു രാഹുലിന്റെ യാത്ര. ആയിരക്കണക്കിന് കര്ഷകരാണ് രാഹുലിന് പിന്നില് അണിനിരന്നത്. മുഖ്യമന്ത്രി ക്യാപ്റ്റന് അമരീന്ദര് സിങ്, മന്ത്രിമാര്, എംപിമാര്, എംഎല്എമാര് തുടങ്ങിയവരും റാലിയുടെ ഭാഗമായി.
india
സ്മൃതിയുടെ മകളുടെ റസ്റ്റോറന്റിന്റെ മദ്യ ലൈസന്സ് അനധികൃതം
വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്.
പനജി: വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്. മരിച്ചയാളുടെ പേരിലാണ് ലൈസന്സ് പുതുക്കിയതെന്നാണ് ആരോപണം. ഇതേത്തുടര്ന്ന് ഗോവ എക്സൈസ് കമ്മിഷണര് നാരായണ് എം. ഗാഡ് ലൈസന്സ് റദ്ദാക്കാതിരിക്കണമെങ്കില് കാരണം കാണിക്കണമെന്ന് ആവശ്യപ്പെട്ട് നോട്ടീസ് അയച്ചിരിക്കുകയാണ്.
ഗോവയിലെ അസന്ഗൗവിലാണ് സ്മൃതിയുടെ മകള് സോയിഷ് ഇറാനിയുടെ പോഷ് റസ്റ്ററന്റായ സില്ലി സോള്സ് കഫേ ആന്റ് ബാര് ഉള്ളത്. ബാറിനുള്ള ലൈസന്സ് കൃത്രിമ രേഖകള് നല്കിയാണ് ഉടമകള് കൈവശപ്പെടുത്തിയതെന്ന് അഭിഭാഷകനായ എയ്റിസ് റോഡ്രിഗസ് നല്കിയ പരാതിയിലാണ് ജൂലൈ 21ന് എക്സൈസ് കമ്മിഷണര് നോട്ടിസ് അയച്ചത്. വിഷയം ജൂലൈ 29ന് കോടതി പരിഗണിക്കും.
കഴിഞ്ഞമാസമാണ് ലൈസന്സ് പുതുക്കിയത്. എന്നാല് ലൈസന്സിന്റെ ഉടമ ആയിരുന്ന ആന്തണി ഡിഗാമ 2021 മേയ് 17ന് അന്തരിച്ചിരുന്നു. ഡിഗാമയുടെ ആധാര് കാര്ഡിലെ വിവരം അനുസരിച്ച് മുംബൈയിലെ വിലേ പാര്ലെയിലെ താമസക്കാരനാണിയാള്. ഇയാളുടെ മരണ സര്ട്ടിഫിക്കറ്റ് മുംബൈ മുനിസിപ്പല് കോര്പ്പറേഷനില്നിന്ന് റോഡ്രിഗസിന് ലഭിച്ചിട്ടുമുണ്ട്.
ആറുമാസത്തിനുള്ളില് ലൈസന്സ് ട്രാന്സ്ഫര് ചെയ്യുമെന്നാണ് അപേക്ഷയില് വ്യക്തമാക്കിയിരുന്നതെന്ന് സംസ്ഥാന എക്സൈസ് വിഭാഗം പറയുന്നു.വിവരാവകാശ നിയമപ്രകാരമാണ് റോഡ്രിഗസ് വിവരങ്ങള് ശേഖരിച്ചത്. സില്ലി സോള്സ് കഫേ ആന്റ് ബാറിന് സംസ്ഥാനത്ത് പ്രവര്ത്തിക്കുന്നതിന് റസ്റ്ററന്റ് ലൈസന്സ് ഇല്ലെന്നും അഭിഭാഷകനായ റോഡ്രിഗസ് പറയുന്നു.
india
സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് യു.പിയിലെ സ്കൂള്
ലഖ്നൗ: ഉത്തര്പ്രദേശിലെ സ്കൂളല് സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് ആവശ്യപ്പെട്ട സംഭവത്തില് ശക്തമായ പ്രതിഷേധം അറിയിച്ച് പ്രമുഖ സിഖ് മത നേതൃത്വമായ ശിരോമണി ഗുരുദ്വാര പര്ബന്ധക് കമ്മിറ്റി (എസ്.ജി.പി.സി). രാജസ്ഥാനിലെ അല്വാര് ജില്ലയില് അജ്ഞാതര് സിഖ് പുരോഹിതനെ മര്ദിക്കുകയും മുടി മുറിക്കുകയും ചെയ്ത സംഭവത്തെയും സിഖുകാരുടെ പരമോന്നത മതസംഘടന അപലപിച്ചു.
വ്യാഴാഴ്ച ഉത്തര്പ്രദേശിലെ ബറേലിയിലെ സിഖ് സമുദായാംഗങ്ങള് സ്കൂള് മാനേജ്മെന്റിന്റെ ഉത്തരവിനെതിരെ പ്രതിഷേധിച്ചിരുന്നു. ഉത്തരവ് പാലിക്കാത്തതിനാല് കുട്ടികളോട് സ്കൂളിലേക്ക് പ്രവേശിക്കരുതെന്ന് പറഞ്ഞതായും അവര് ആരോപിച്ചു.
india
ഇന്ത്യയില് ഒരു ഡോസ് വാക്സിന് പോലും എടുക്കാതെ 4 കോടി ആളുകള്
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്.
ന്യൂഡല്ഹി: ഇന്ത്യയില് യോഗ്യരായ നാലു കോടി ആളുകള് ഇതുവരെ ഒരു ഡോസ് വാക്സിന് പോലും സ്വീകരിച്ചിട്ടില്ലെന്ന് കേന്ദ്ര ആരോഗ്യ സഹമന്ത്രി ഭാരതി പ്രവീണ് പവാര്. ജൂലൈ 18 വരെ സര്ക്കാര് കോവിഡ് വാക്സിനേഷന് സെന്ററുകളില് 1,78,38,52,566 വാക്സിന് ഡോസുകള് സൗജന്യമായി നല്കിയിട്ടുണ്ടെന്നും രേഖാമൂലമുള്ള മറുപടിയില് വ്യക്തമാക്കി.
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്. 90 ശതമാനം പേര് പൂര്ണമായി വാക്സിന് എടുത്തിട്ടുണ്ടെന്നും കണക്കില് പറയുന്നു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ