Science
ആകാശത്ത് ‘നീല പറക്കും തളിക’, പരിഭ്രാന്ത്രരായി ജനം; വൈറലായി വിഡിയോ
കഴിഞ്ഞ ചൊവ്വാഴ്ചയാണ് സംഭവം. പറക്കുന്ന അജ്ഞാത വസ്തുവിന്റെ ദൃശ്യങ്ങള് നിരവധി പേര് റിപ്പോര്ട്ട് ചെയ്തതായി ഹവായ് ന്യൂസ് നൗ റിപ്പോര്ട്ട് ചെയ്തു
കഴിഞ്ഞ ആഴ്ച ഹവായ് ദ്വീപായ ഒവാഹുവിലെ നിവാസികള് ഒരു അദ്ഭുത കാഴ്ച കണ്ടു. രാത്രി സമയത്ത് ആകാശത്ത് നീല നിറത്തിലുള്ള വസ്തു കണ്ടുവെന്നും ഇത് പിന്നീട് കടലില് പതിച്ചുവെന്നുമാണ് പ്രദേശവാസികള് പറഞ്ഞത്. കഴിഞ്ഞ ചൊവ്വാഴ്ചയാണ് സംഭവം. പറക്കുന്ന അജ്ഞാത വസ്തുവിന്റെ ദൃശ്യങ്ങള് നിരവധി പേര് റിപ്പോര്ട്ട് ചെയ്തതായി ഹവായ് ന്യൂസ് നൗ റിപ്പോര്ട്ട് ചെയ്തു.
ഓണ്ലൈനില് പ്രചരിക്കുന്ന ഫോട്ടോകളിലും വിഡിയോകളിലും തിളങ്ങുന്ന നീല നിറത്തിലുള്ള വസ്തു ആകാശത്തിലൂടെ സഞ്ചരിക്കുന്നതായാണ് കാണിക്കുന്നത്. ഈ കാഴ്ച കണ്ട നിരവധി പേര് വിവിധ ഊഹാപോഹങ്ങളാണ് നടത്തിയത്. ചിലര് അന്യഗ്രഹജീവികളെക്കുറിച്ച് പറഞ്ഞപ്പോള് മറ്റുചിലര് താഴേക്കിറങ്ങിയ വിമാനങ്ങളെക്കുറിച്ചാണ് ചര്ച്ച ചെയ്തത്. ചിലര് കൂടുതല് ന്യായമായ, ശാസ്ത്രീയ വിശദീകരണങ്ങളുമായി വരാന് ശ്രമിച്ചു. ഒരു ട്വിറ്റര് ഉപയോക്താവ് പറഞ്ഞത്, ഇത് യുഎഫ്ഒ ഒന്നുമല്ല, ഒരു എല്ഇഡി പട്ടം ആയിരിക്കാമെന്നാണ്
സംഭവത്തിന്റെ വിഡിയോകളും ചിത്രങ്ങളും വ്യാപകമായി പ്രചരിക്കുന്നുണ്ട്. നീലനിറത്തിലുള്ള വസ്തു ഏറെ നേരം ആകാശത്ത് അതിവേഗം സഞ്ചരിക്കുന്നത് വിഡിയോകളില് കാണാം. അന്യഗ്രഹ ജീവികളാണോ അതല്ല, സാങ്കേതിക പ്രശ്നത്തില്പെട്ട വിമാനമാണോ എന്നുവരെ അഭ്യൂഹങ്ങള് പരന്നിരുന്നു. വിഷയത്തില് അമേരിക്കന് ഏജന്സിയായ ഫെഡറല് ഏവിയേഷന് അഡ്മിനിസ്ട്രേഷനും ഇടപെട്ടെങ്കിലും കൃത്യമായ വിശദീകരണം നല്കിയില്ല. സംഭവത്തെ കുറിച്ച് അന്വേഷിക്കുന്നുണ്ടെന്നാണ് അധികൃതര് പറഞ്ഞത്.
യുഎഫ്ഒ കടന്നുപോകുന്നത് താന് കണ്ടതായി മോറിയ എന്ന സ്ത്രീ ഹവായ് ന്യൂസിനോട് പറഞ്ഞു. ‘ഞാന് മുകളിലേക്ക് നോക്കി, കണ്ടത് അദ്ഭുത കാഴ്ചയായിരുന്നു! അവള് പറഞ്ഞു. ഈ കാഴ്ച എല്ലാവരെയും വിളിച്ച് കാണിച്ചുവെന്നും അവര് പറഞ്ഞു. വിചിത്ര വസ്തു പിന്നീട് സമുദ്രത്തിലേക്ക് വീഴുകയായിരുന്നു.
പൊലീസില് നിന്ന് യുഎഫ്ഒയുടെ റിപ്പോര്ട്ടുകള് ലഭിച്ചതായി എഫ്എഎ സ്ഥിരീകരിച്ചു. അവര്ക്ക് ഇതേക്കുറിച്ച് നിരവധി കോളുകള് ലഭിച്ചു. വിമാനാപകടങ്ങളോ സംഭവങ്ങളോ ഈ സമയത്ത് ഉണ്ടായിട്ടില്ലെന്നാണ് എഫ്എഎ ഉദ്യോഗസ്ഥര് പറഞ്ഞത്.
Health
ഹൈബ്രിഡ് ഇമ്മ്യൂണിറ്റി; ഒമിക്രോണിനെതിരെ ഫലപ്രദമെന്ന് പഠനം
അണുബാധ മുമ്പുണ്ടായ ഒരാള്ക്ക് വാക്സിനേഷന് എടുക്കുന്നതിലൂടെ രൂപപ്പെടുന്ന സങ്കര പ്രതിരോധ ശേഷിയെയാണ് ഹൈബ്രിഡ് ഇമ്മ്യൂണിറ്റി എന്ന് വിളിക്കുന്നത്.
കൊച്ചി: ഹൈബ്രിഡ് ഇമ്മ്യൂണിറ്റി ഒമിക്രോണ് വൈറസിനെ ഫലപ്രദമായി നിര്വീര്യമാക്കുന്നുവെന്ന് പ്രമുഖ ക്ലിനിക്കല് ഇമ്മ്യൂണോളജിസ്റ്റും റൂമറ്റോളജിസ്റ്റുമായ ഡോ.പദ്മനാഭ ഷേണായി. ഭൂരിഭാഗം ഇന്ത്യക്കാര്ക്കും ഹൈബ്രിഡ് ഇമ്മ്യൂണിറ്റി ഉള്ളതിനാലാണ് ഒമിക്രോണിന്റെ രൂപത്തിലെത്തിയ കോവിഡ് മൂന്നാം തരംഗം യുഎസ്, യുകെ പോലുള്ള രാജ്യങ്ങളെ അപേക്ഷിച്ച് ഇന്ത്യയില് മരണ നിരക്ക് കുറയാന് കാരണമെന്ന് തന്റെ പഠനത്തിലൂടെ കണ്ടെത്തിയതായി ഡോ.ഷേണായി വാര്ത്താ സമ്മേളനത്തില് പറഞ്ഞു.
കൊച്ചിയിലെ സെന്റര് ഫോര് ആര്െ്രെതറ്റിസ് ആന്ഡ് റുമാറ്റിസം എക്സലന്സില് കോവിഡ് ബാധിച്ചവരോ ഒരു ഡോസ് കോവിഷീല്ഡ് വാക്സിന് എടുത്തവരോ ആയ രണ്ടായിരം പേരില് നടത്തിയ പഠനത്തിലാണ് പുതിയ കണ്ടെത്തല്. കോവിഡ് പോലുള്ള ഏത് വൈറസ് ബാധയെയും ചെറുക്കുന്നത് ശരീരത്തിലെ പ്രതിരോധശേഷിയാണ്. ഏതൊരാള്ക്കും പ്രതിരോധശേഷി ലഭിക്കുന്നത് സ്വാഭാവികമായ അണുബാധയിലൂടെയോ വാക്സിനേഷനിലൂടെയോ ആണ്. അണുബാധ മുമ്പുണ്ടായ ഒരാള്ക്ക് വാക്സിനേഷന് എടുക്കുന്നതിലൂടെ രൂപപ്പെടുന്ന സങ്കര പ്രതിരോധ ശേഷിയെയാണ് ഹൈബ്രിഡ് ഇമ്മ്യൂണിറ്റി എന്ന് വിളിക്കുന്നത്.
കോവിഡ് വരാത്ത ഒരാള്ക്ക് രണ്ട് ഡോസ് കോവിഷീല്ഡ് വാക്സിനിലൂടെ ലഭിച്ച പ്രതിരോധശേഷിയേക്കാള് 30 മടങ്ങ് അധിക പ്രതിരോധശേഷി കോവിഡ് വന്നതിന് ശേഷം ഒരു ഡോസ് വാക്സിന് മാത്രം സ്വീകരിച്ചവരിലുള്ളതായി മുമ്പ് നടത്തിയ പഠനത്തിലൂടെ കണ്ടെത്തിയിരുന്നു. ഇപ്രകാരം അധിക പ്രതിരോധശേഷി കൈവരിച്ചവരെയാണ് ഹൈബ്രിഡ് ഇമ്മ്യൂണിറ്റി ഗണത്തില് പെടുത്തിയിരിക്കുന്നത്.
രണ്ട് ഡോസ് വാക്സിന് സ്വീകരിച്ച 60% ആളുകള്ക്കും, ഹൈബ്രിഡ് പ്രതിരോധശേഷിയുള്ള 90% ആളുകള്ക്കും യഥാര്ഥ കോവിഡ് വൈറസിനെ പ്രതിരോധിക്കാന് കഴിഞ്ഞു. ഡെല്റ്റ വകഭേദത്തിലും ഈ കണക്കുകള് ഏതാണ്ട് സമാനമായിരുന്നു. കോവിഡ് വന്നതിന് ശേഷം കോവാക്സിന് സ്വീകരിച്ചവരില് ഒമിക്രോണ് വകഭേദത്തെ നിര്വീര്യമാക്കാനുള്ള കഴിവ് എത്രത്തോളമുണ്ട്, കോവിഡ് വന്നവരില് രണ്ടാം ഡോസ് കോവിഷീല്ഡ് വാക്സിന് നല്കുന്നതിലൂടെ ഒമിക്രോണിനെ നേരിടുന്നതിനായി ഉയര്ന്ന പ്രതിരോധശേഷി ലഭിക്കുന്നുണ്ടോ എന്നിവയെക്കുറിച്ചുള്ള പഠനങ്ങള് പുരോഗമിക്കുകയാണെന്നും ഡോക്ടര് അറിയിച്ചു. പഠന റിപ്പോര്ട്ട് ലണ്ടനില് നിന്നും പ്രസിദ്ധീകരിക്കുന്ന വിഖ്യാതമായ ലാന്സെറ്റ് റുമറ്റോളജി ജേണലിന്റെ 2021 നവംബര് ലക്കത്തില് പ്രസിദ്ധീകരിച്ചിട്ടുണ്ട്.
Health
കോവിഡ്,അടുത്ത വകഭേദത്തെ കുറിച്ച് വ്യക്തതയില്ല:ഡബ്ല്യു.എച്ച്.ഒ
വൈറസിന്റെ അവസാന വകഭേദമായിരിക്കില്ല ഒമിക്രോണെന്ന് ശാസ്ത്രജ്ഞര് മുന്നറിയിപ്പ് നല്കിയതിന് ദിവസങ്ങള്ക്ക് ശേഷമാണ് ലോകാരോഗ്യ സംഘടന ഇത്തരമൊരു പ്രസ്താവന നടത്തുന്നത്.
ജനീവ: കോവിഡ് വൈറസിന്റെ പരിണാമത്തെക്കുറിച്ച് ആരോഗ്യ വിദഗ്ധര്ക്ക് ഇതുവരെ വ്യക്തമായ നിഗമനത്തിലെത്താന് കഴിഞ്ഞിട്ടില്ലെന്ന് ലോകാരോഗ്യ സംഘടന. വൈറസ് ഇപ്പോഴും പരിണമിച്ച് കൊണ്ടിരിക്കുന്നതിനാല് അടുത്ത വകഭേദം എങ്ങനെയായിരിക്കുമെന്ന് പ്രവചിക്കാനാവില്ലെന്ന് ലോകാരോഗ്യ സംഘടനയിലെ സാംക്രമികരോഗ വിദഗ്ധയും കോവിഡ് 19 സാങ്കേതിക സംഘത്തിന്റെ മേധാവിയുമായ മരിയ വാന് കെര്ഖോവ് അഭിപ്രായപ്പെട്ടു.
ഗ്ലോബല് ഇന്ഫ്ലുവന്സ് സര്വൈലന്സ് ആന്ഡ് റെസ്പോണ്സ് സിസ്റ്റത്തിന് കൂടുതല് ഡാറ്റ കിട്ടിയാല് മാത്രമേ വൈറസിന്റെ പരിണാമത്തെക്കുറിച്ച് മനസ്സിലാക്കാന് സാധിക്കൂവെന്ന് തന്റെ പ്രസ്താവനക്ക് വ്യക്തത വരുത്തി കെര്ഖോവ് ട്വീറ്റ് ചെയ്തു. സാധാരണ പകര്ച്ചപ്പനികളെ അപേക്ഷിച്ച് കാലാനുസൃതമല്ലാതെയാണ് കൊറോണ വൈറസ് പരിണമിക്കുന്നതെന്നും അതുകൊണ്ട് പരിണാമത്തെക്കുറിച്ച് പ്രവചിക്കാനാവില്ലെന്നും അവര് കൂട്ടിച്ചേര്ത്തു.
വൈറസിന്റെ അവസാന വകഭേദമായിരിക്കില്ല ഒമിക്രോണെന്ന് ശാസ്ത്രജ്ഞര് മുന്നറിയിപ്പ് നല്കിയതിന് ദിവസങ്ങള്ക്ക് ശേഷമാണ് ലോകാരോഗ്യ സംഘടന ഇത്തരമൊരു പ്രസ്താവന നടത്തുന്നത്.
india
രാജ്യത്ത് അടുത്ത വര്ഷം മുതല് 5 ജി
രാജ്യത്ത് അടുത്ത വര്ഷം ഇന്റര്നെറ്റ് 5ജി ആരംഭിക്കും. 2022 ഏപ്രില്, മെയ് മാസങ്ങളിലായി 5ജി സ്പെക്ട്രം വിതരണം നടക്കുമെന്ന് കേന്ദ്ര സര്ക്കാര്
ന്യൂഡല്ഹി: രാജ്യത്ത് അടുത്ത വര്ഷം ഇന്റര്നെറ്റ് 5ജി ആരംഭിക്കും. 2022 ഏപ്രില്, മെയ് മാസങ്ങളിലായി 5ജി സ്പെക്ട്രം വിതരണം നടക്കുമെന്ന് കേന്ദ്ര സര്ക്കാര് അറിയിച്ചു. ടെലികോം മന്ത്രി അശ്വനി വൈഷ്ണവാണ് ഇക്കാര്യം അറിയിച്ചത്.
5ജി മാറ്റത്തെ കുറിച്ചുള്ള ട്രായിയുടെ റിപ്പോര്ട്ട് ഫെബ്രുവരിയില് കേന്ദ്രത്തിന് കിട്ടും. ടെലികോം ദാതാക്കള് അടുത്തവര്ഷം മെയ് വരെ സ്പെക്ട്രം ലേലത്തിന് അധികസമയം ടെലി കമ്മ്യൂണിക്കേഷന് വകുപ്പില് ആവശ്യപ്പെട്ടിട്ടുണ്ട്.
മെയ് മാസം മുതലുള്ള ആറു മാസം രാജ്യത്ത് 5ജി പരീക്ഷണങ്ങള് നടത്തുന്നതിനായിട്ടായിരിക്കും ഉപയോഗപ്പെടുത്തുക. നഗരങ്ങളിലെന്ന പോലെ ഗ്രാമങ്ങളിലും ഇക്കാലയളവില് 5ജി പരീക്ഷണം നടത്തും.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ