Health
‘കോവിഡ് വാക്സിനേഷന് മനുഷ്യരാശിയുടെ അന്ത്യംകുറിക്കും’; മുന്നറിയിപ്പുമായി വാക്സിന് വിദഗ്ധന്
ലോകാരോഗ്യ സംഘടനയോടുള്ള അപേക്ഷയുടെ രൂപത്തിലാണ് വീഡിയോയും കുറിപ്പും പുറത്തിറക്കിയിരിക്കുന്നത്
കോവിഡിനെതിരേ നടക്കുന്ന കൂട്ട വാക്സിനേഷന് മനുഷ്യരാശിക്കുതന്നെ അപകടകമാണെന്ന വാദവുമായി വാക്സിന് വിദഗ്ധന് ഗീര്ത് വാന്ഡന് ബോഷ്. സമൂഹമാധ്യമങ്ങളില് പങ്കുവച്ച കുറിപ്പിലും വീഡിയോയിലുമാണ് അദ്ദേഹം നിലവില് നടക്കുന്ന കോവിഡ് വാക്സിനേഷന്റെ അപകടങ്ങളെപറ്റി മുന്നറിയിപ്പ് നല്കുന്നത്. ലോകാരോഗ്യ സംഘടനയോടുള്ള അപേക്ഷയുടെ രൂപത്തിലാണ് വീഡിയോയും കുറിപ്പും പുറത്തിറക്കിയിരിക്കുന്നത്.
താനൊരു സ്വതന്ത്ര വൈറോളജിസ്റ്റും വാക്സിന് വിദഗ്ധനുമാണെന്നാണ് ഗീര്ത് അവകാശപ്പെടുന്നത്. ലോകപ്രശസ്ത വാക്സിന് കൂട്ടായ്മയായ ഗാവി, ദി വാക്സിന് അലയന്സിലും മെലിന്ഡ ഗേറ്റ് ഫൗണ്ടേഷനിലും താന് ജോലി ചെയ്തിട്ടുള്ളതായും ഗീര്ത് പറയുന്നു. ലോക ജനതയെപറ്റി ചിന്തിക്കുന്ന എല്ലാ കൂട്ടായ്മകളോടും വിദഗ്ധരോടുമുള്ള അഭ്യര്ഥനയായാണ് ഗീര്ത് തന്റെ പ്രസ്താവന പുറത്തിറക്കിയിരിക്കുന്നത്. വാക്സിന് സംബന്ധമായ വിഷയങ്ങളില് നിലപാട് അറിയിക്കാന് ശാസ്ത്രജ്ഞനെന്ന നിലയില് ഞാന് സാധാരണയായി ഇത്തരം മാര്ഗങ്ങള് സ്വീകരിക്കാറില്ലെന്ന് അദ്ദേഹം പറയുന്നു. താനൊരിക്കലും ആരോടും ഒരുതരം അഭ്യര്ഥനകളും നടത്താറുമില്ല. ഒരു സമര്പ്പിത വൈറോളജിസ്റ്റ്, വാക്സിന് വിദഗ്ധന് എന്ന നിലയില് പൊതുജനാരോഗ്യത്തെ അപകടപ്പെടുത്തുന്ന വിധത്തില് വാക്സിനുകള് നല്കാന് അധികാരികള് അനുവദിക്കുമ്പോള് മാത്രമാണ് താനതില് ഇടപെടാറുള്ളൂ.
ശാസ്ത്രീയ തെളിവുകള് അവഗണിക്കപ്പെടുന്ന അത്യന്തം ഗുരുതരമായ സാഹചര്യമാണ് നിലവില്. അതാണ് തന്നെ മുന്നറിയിപ്പ് നല്കാന് പ്രേരിപ്പിക്കുന്നതെന്നും ഗീര്ത് പറഞ്ഞു. ‘കോവിഡ് മഹാമാരിയിലെ അഭൂതപൂര്വമായ മനുഷ്യ ഇടപെടല് തുല്യമല്ലാത്ത ആഗോള ദുരന്തത്തിന് കാരണമാകും. നേരത്തേ പറഞ്ഞതുപോലെ, ഞാന് വാക്സിനേഷന് എതിരല്ല. നിലവിലെ ഓരോ വാകസിനും ബുദ്ധിമാന്മാരും സമര്ഥരുമായ ശാസ്ത്രജ്ഞരാണ് രൂപകല്പ്പന ചെയ്യുകയും വികസിപ്പിക്കുകയും നിര്മ്മിക്കുകയും ചെയ്യുന്നതെന്നും സമ്മതിക്കുന്നു. എന്നാല്, നിലവില് കോവിഡിന് നല്കുന്നപോലുള്ള പ്രതിരോധ വാക്സിനുകള് ഒരിക്കലും അനുയോജ്യമല്ല. അതും ഒരു വൈറസ് രോഗം അതിന്റെ മൂര്ധന്യതയില് നില്ക്കുന്ന സമയത്ത് നല്കുന്ന കൂട്ട പ്രതിരോധ കുത്തിവയ്പ്പ് അതീവ അപകടകരമാണ്.
Urgent call to WHO: it's time to switch gears. https://t.co/dBjWqQB0P6 @WHO
— Geert Vanden Bossche (@GVDBossche) March 11, 2021
വ്യക്തിഗത രോഗികളിലെ ഹ്രസ്വകാല ഗുണങ്ങളാണ് വാക്സിനോളജിസ്റ്റുകളും ശാസ്ത്രജ്ഞരും ക്ലിനിക്കുകളും ഇത് പ്രോത്സാഹിപ്പിക്കാന് കാരണം. പക്ഷേ അവര് മനുഷ്യരാശിയുടെ ആരോഗ്യത്തിന് ദോഷകരമായ പ്രത്യാഘാതങ്ങളെക്കുറിച്ച് ചിന്തിക്കുന്നില്ല. ഞാന് പറയുന്നത് ശാസ്ത്രീയമായി തെറ്റാണെന്ന് തെളിയിക്കാന് നിങ്ങള്ക്ക് കഴിഞ്ഞില്ലെങ്കില് ഒന്ന് ഉറപ്പിച്ചോളൂ. നിലവില് കോവിഡ് വൈറസുകളില് മനുഷ്യന് നടത്തുന്ന ഇടപെടലുകള് ഒരു രാക്ഷസനെ നമ്മുക്കിടയില് വളര്ത്തുന്നതെന്ന് ഉറപ്പായും പറയാന് കഴിയും’-ഗീര്ത് പറഞ്ഞു.
കോവിഡിനെക്കുറിച്ചുള്ള തന്റെവിശകലനങ്ങള് ലോകാരോഗ്യ സംഘടന ഉള്പ്പെടെയുള്ള അന്താരാഷ്ട്ര ആരോഗ്യ സംഘടനകള്ക്ക് നല്കിയതായും നിലവില് നടക്കുന്ന പ്രതിരോധ വാക്സിന് വിതരണത്തിന്റെ പ്രത്യാഘാതങ്ങളെക്കുറിച്ച് ചര്ച്ച നടത്തണമെന്ന് അവരോട് അഭ്യര്ഥിച്ചതായും ഗീര്ത് പറയുന്നു.
എന്നാല് ഗീര്തിന്റെ വാദങ്ങളോടുള്ള ആരോഗ്യ രംഗത്തെ വിദഗ്ധരുടെ പ്രതികരണങ്ങളൊന്നും പുറത്തുവന്നിട്ടല്ല.
Health
സോനു സൂദും ആസ്റ്റര് മെഡ്സിറ്റിയും കൈകോര്ത്തു; ഏഴു മാസം പ്രായമുള്ള കുഞ്ഞില് കരള് മാറ്റിവയ്ക്കല് വിജയകരമായി പൂര്ത്തിയാക്കി
ആസ്റ്റര് വോളന്റിയേഴ്സ്, ബോളിവുഡ് നടന് സോനു സൂദുമായി സഹകരിച്ച്, കരള് രോഗബാധിതരായ നിര്ധന കുടുംബങ്ങളിലെ കുട്ടികളുടെ ചികിത്സയ്ക്കു വേണ്ടി തുടങ്ങിയ ദി സെക്കന്റ് ചാന്സ് ഇനീഷ്യേറ്റീവ് പദ്ധതിയിലെ ആദ്യത്തെ കരള് മാറ്റിവയ്ക്കല് ശസ്ത്രക്രിയ ആസ്റ്റര് മെഡ്സിറ്റിയില് വിജയകരമായി പൂര്ത്തിയാക്കി.
കൊച്ചി: ആസ്റ്റര് വോളന്റിയേഴ്സ്, ബോളിവുഡ് നടന് സോനു സൂദുമായി സഹകരിച്ച്, കരള് രോഗബാധിതരായ നിര്ധന കുടുംബങ്ങളിലെ കുട്ടികളുടെ ചികിത്സയ്ക്കു വേണ്ടി തുടങ്ങിയ ദി സെക്കന്റ് ചാന്സ് ഇനീഷ്യേറ്റീവ് പദ്ധതിയിലെ ആദ്യത്തെ കരള് മാറ്റിവയ്ക്കല് ശസ്ത്രക്രിയ ആസ്റ്റര് മെഡ്സിറ്റിയില് വിജയകരമായി പൂര്ത്തിയാക്കി. മുഹമ്മദ് സഫാന് അലി എന്ന ഏഴുമാസം പ്രായമുള്ള കുഞ്ഞിന്റെ കരളാണ് മാറ്റിവച്ചത്. കൊച്ചി ആസ്റ്റര് മെഡ്സിറ്റി ആശുപത്രിയില് നടന്ന ശസ്ത്രക്രിയയില് കുട്ടിയുടെ അമ്മ തന്നെയായിരുന്നു കരള് ദാതാവ്.
നാല് മാസം പ്രായമുള്ളപ്പോഴാണ് സഫാന് അലിയെ ആസ്റ്റര് മെഡ്സിറ്റിയിലേക്ക് കൊണ്ടുവരുന്നത്. പിത്തരസം കുഴലുകള് അഥവാ, കരളിനെ കുടലുമായി ബന്ധിപ്പിക്കുന്ന ട്യൂബ് വികസിക്കാത്ത അപൂര്വ രോഗാവസ്ഥയായ ബിലിയറി അട്രേസിയയാണ് കുഞ്ഞിനെന്ന് രോഗനിര്ണയത്തിലൂടെ കണ്ടെത്തി. മഞ്ഞപ്പിത്തത്തിനും കണ്ണുകളുടെ മഞ്ഞനിറത്തിനും കാരണമാകുന്ന രോഗം ക്രമേണ കരളിന്റെ പ്രവര്ത്തനത്തെ തകരാറിലാക്കുകയാണ് ചെയ്യുക. തെലങ്കാന സ്വദേശികളായ കുടുംബം ജന്മനാടായ കരിംനഗറിലെ ആശുപത്രിയില് വച്ച് നടത്തിയ ശസ്ത്രക്രിയ പരാജയപ്പെട്ടിരുന്നു. ഇത് മഞ്ഞപ്പിത്തത്തിന്റേയും സിറോസിസ് ബാധയുടേയും മൂര്ച്ച കൂട്ടി. ഇതോടെ കരള് മാറ്റിവയ്ക്കുകയെല്ലാതെ വേറെ വഴിയില്ലെന്നായി. കുഞ്ഞിന്റെ രോഗവിവരം അറിഞ്ഞ സോനു സൂദിന്റെ സഹായത്തോടെയാണ് കുടുംബം കൊച്ചിയിലെ ആസ്റ്റര് മെഡ്സിറ്റിയിലേക്ക് എത്തുന്നതും കഴിഞ്ഞ ദിവസം ശസ്ത്രക്രിയ വിജയകരമായി പൂര്ത്തിയാക്കിയതും.
സഫാന് ആസ്റ്റര് മെഡ്സിറ്റിയിലെത്തുമ്പോള് മഞ്ഞപ്പിത്തം, പോഷകാഹാരക്കുറവ്, വളര്ച്ചക്കുറവ് തുടങ്ങിയ ആരോഗ്യപ്രശ്നങ്ങള് കാര്യമായി അലട്ടിയിരുന്നതായി ആസ്റ്റര് മെഡ്സിറ്റി ലീഡ് സീനിയര് കണ്സള്ട്ടന്റ് ഡോ. മാത്യു ജേക്കബ് പറഞ്ഞു. കുഞ്ഞിന്റെ രോഗസ്ഥിതിയെ കുറിച്ചും, അടിയന്തരമായി ശസ്ത്രക്രിയ വേണമെന്നും കുടുംബത്തെ അറിയിച്ചു. കുട്ടിയുടെ പ്രായവും അവികസിത ശരീരഘടനയുള്പ്പടെ വലിയ വെല്ലുവിളിയായിരുന്നു എങ്കിലും തടസ്സങ്ങളില്ലാതെ ശസ്ത്രക്രിയ പൂര്ത്തിയാക്കാനായി. കുഞ്ഞ് വളരെ വേഗം സുഖം പ്രാപിച്ചു വരുന്നതായും മഞ്ഞപ്പിത്തം ഉള്പ്പടെയുള്ള ആരോഗ്യപ്രശ്നങ്ങള് നീങ്ങിയതായും ഡോ. മാത്യു ജേക്കബ് വ്യക്തമാക്കി.
ഹെപ്പറ്റോളജിസ്റ്റ് വിഭാഗം സീനിയര് കണ്സള്ട്ടന്റ് ഡോ. ചാള്സ് പനക്കല്, പീഡിയാട്രിക് ഗ്യാസ്ട്രോ എന്ട്രോളജി വിഭാഗത്തിലെ ഡോ. ഗീത മമ്മയില്, കണ്സള്ട്ടന്റ് സര്ജന് ഡോ. സുധീര് മുഹമ്മദ് എം, ഡോ. ബിജു ചന്ദ്രന് എന്നിവരുള്പ്പെട്ട വിദഗ്ധ സംഘമാണ് ശസ്ത്രക്രിയക്ക് നേതൃത്വം നല്കിയത്.സഫാനെ പോലെ വളരെ ചെറിയ പ്രായമുള്ള കുഞ്ഞിനെ ജീവിതത്തിലേക്ക് മടക്കി കൊണ്ടുവരാനായതില് അതിയായ സന്തോഷമുണ്ടെന്ന് ആസ്റ്റര് ഡിഎം ഹെല്ത്ത് കെയര് സ്ഥാപക ചെയര്മാനും മാനേജിംഗ് ഡയറക്ടറുമായ ഡോ. ആസാദ് മൂപ്പന് പറഞ്ഞു. കരള് മാറ്റിവയ്ക്കല് ഏറെ ചിലവേറിയതും രാജ്യത്ത് ചുരുക്കം ചില ആശുപത്രികളില് മാത്രം സൗകര്യവുമുള്ള ചികിത്സ രീതിയാണ്. ആസ്റ്റര് മെഡ്സിറ്റിയിലെ ഇന്റഗ്രേറ്റഡ് ലിവര് ട്രാന്സ്പ്ലാന്റ് ടീം രാജ്യത്തെ തന്നെ ഏറ്റവും മികച്ച പീഡിയാട്രിക് കരള് മാറ്റിവയ്ക്കല് വിഭാഗമാണ്. മെഡ്സിറ്റിയിലെ കരള് മാറ്റിവയ്ക്കല് ശസ്ത്രക്രിയക്ക് മറ്റിടങ്ങളേക്കാള് ചിലവ് കുറവാണെങ്കിലും, പല രക്ഷിതാക്കള്ക്കും അത് താങ്ങാനാവുന്നതിലും അപ്പുറമാണ്. സോനു സൂദിനെ പോലെ ജീവകാരുണ്യ പ്രവര്ത്തനങ്ങളില് ഏറെ തല്പരനായ താരത്തോടടൊപ്പം പദ്ധതിയില് സഹകരിക്കാനായതിലും, നിരാലംബരായ നിരവധി കുടുംബങ്ങള്ക്ക് പ്രതീക്ഷയാകാനായതിലും ആസ്റ്ററിന് വലിയ സന്തോഷമുണ്ടെന്നും ആസാദ് മൂപ്പന് വ്യക്തമാക്കി.
സാമ്പത്തികമായി പിന്നോക്കം നില്ക്കുന്ന 50 കുടുംബങ്ങളിലെ കുട്ടികള്ക്കാണ് ദി സെക്കന്റ് ചാന്സ് ഇനീഷ്യേറ്റീവിന്റെ ഭാഗമായി ചികിത്സ സഹായം ലഭിക്കുക. മെയ് മാസത്തില് പദ്ധതിയുടെ പ്രഖ്യാപനം വന്നതിന് പിന്നാലെ അര്ഹരായ നിരവധി പേരാണ് ചികിത്സ സഹായം ആവശ്യപ്പെട്ട് മുന്നോട്ട് വന്നത്. മെഡിക്കല് രംഗത്ത് രാജ്യം വലിയ പുരോഗതി കൈവരിച്ചിട്ടുണ്ടെങ്കിലും സഫാന് അലിയെയും കുടുംബത്തെയും പോലുള്ളവര്ക്ക് ഉയര്ന്ന ചിലവ് കാരണം അതിന്റെ പ്രയോജനം ഇപ്പോഴും അകലെയാണെന്ന് സോനു സൂദ് പറഞ്ഞു. സെക്കന്ഡ് ചാന്സ് ഇനീഷ്യേറ്റീവിലൂടെ കൂടുതല് കുട്ടികള്ക്ക് പുതിയ ജീവിതം സമ്മാനിക്കാനാവുമെന്നാണ് പ്രതീക്ഷയെന്നും അദ്ദേഹം കൂട്ടിച്ചേര്ത്തു.
അവയവം മാറ്റിവയ്ക്കല് ശസ്ത്രക്രിയകള്ക്കായി അത്യാധുനിക സൗകര്യങ്ങളോട് കൂടിയ മള്ട്ടി-ഓര്ഗന് ട്രാന്സ്പ്ലാന്റ് സെന്ററിന് ആസ്റ്റര് ഹോസ്പിറ്റല്സ് രൂപം നല്കിയിരുന്നു. കരള്, വൃക്ക, ഹൃദയം, ശ്വാസകോശം, കോര്ണിയ, മജ്ജ തുടങ്ങി വിവിധ മാറ്റിവയ്ക്കല് ശസ്ത്രക്രിയകള് നടത്തുന്നതില് ഏറെ വൈദഗ്ധ്യമുള്ള സര്ജന്മാരുടെ സംഘമാണ് ഈ കേന്ദ്രത്തെ നയിക്കുന്നത്. ദക്ഷിണേന്ത്യയിലെ തന്നെ ഏറ്റവും വലിയ പീഡിയാട്രിക് കരള് മാറ്റിവയ്ക്കല് വിഭാഗവും ഇവിടെയുണ്ട്. കുട്ടികളിലെ കരള് രോഗ സംബന്ധമായി സമഗ്രമായ പരിചരണം ലക്ഷ്യമിട്ടുള്ളതാണ് ഇത്. മികച്ച കരള് രോഗ വിദഗ്ധര്, കരള് ശസ്ത്രക്രിയാ വിദഗ്ധര്, പരിശീലനം ലഭിച്ച കോര്ഡിനേറ്റര്മാര്, കൗണ്സിലര്മാര് എന്നിവര്ക്ക് പുറമേ ക്രിട്ടിക്കല് കെയര് സ്പെഷ്യലിസ്റ്റുകള്, അനസ്തെറ്റിസ്റ്റുകള്, ഇന്റര്വെന്ഷണല് റേഡിയോളജിസ്റ്റുകള്, ഫിസിയോതെറാപ്പിസ്റ്റുകള് എന്നിവരും മികച്ച ഒരു നഴ്സിങ്ങ് ടീമും ഈ മള്ട്ടി-ഓര്ഗന് ട്രാന്സ്പ്ലാന്റ് കേന്ദ്രത്തിലുണ്ട്. അഞ്ഞൂറിലധികം കരള് മാറ്റിവയ്ക്കല് ശസ്ത്രക്രിയകള് ഇതിനോടകം വിജകരമായി ഇവിടെ പൂര്ത്തിയാക്കി കഴിഞ്ഞു.
Health
ഓള് ഇന്ത്യ ക്രിട്ടിക്കല് കെയര് ഹോസ്പിറ്റല് സര്വ്വേയില് ആസ്റ്റര് ഹോസ്പിറ്റലുകള്ക്ക് മികച്ച നേട്ടം
ആതുര സേവന രംഗത്ത് രാജ്യത്തെ മികച്ച ആശുപത്രികളെ തിരഞ്ഞെടുക്കുന്ന ഓള് ഇന്ത്യ ക്രിട്ടിക്കല് കെയര് സര്വ്വേ 2022ല് ആസ്റ്റര് ഹോസ്പിറ്റലുകള്ക്ക് നേട്ടം.
ആതുര സേവന രംഗത്ത് രാജ്യത്തെ മികച്ച ആശുപത്രികളെ തിരഞ്ഞെടുക്കുന്ന ഓള് ഇന്ത്യ ക്രിട്ടിക്കല് കെയര് സര്വ്വേ 2022ല് ആസ്റ്റര് ഹോസ്പിറ്റലുകള്ക്ക് നേട്ടം. കേരളത്തില് നിന്നുള്ള ഏറ്റവും മികച്ച മള്ട്ടി സ്പെഷ്യലിറ്റി ഹോസ്പിറ്റലായി ആസ്റ്റര് മെഡ്സിറ്റി കൊച്ചി തിരഞ്ഞെടുക്കപ്പെട്ടു.
കാര്ഡിയോളജി, യൂറോളജി, ഗ്യാസ്ട്രോഎന്ട്രോളജി&ഹീപ്പറ്റോളജി, ഓന്കോളജി, നെഫ്റോളജി, ന്യൂറോസയന്സസ്, എമര്ജന്സി ആന്ഡ് ട്രോമ, പീടിയാട്രിക്സ്, ഒബ്സ്റ്റെട്രിക്സ് ആന്ഡ് ഗൈനക്കോളജി എന്നീ വിഭാഗങ്ങളില് ആസ്റ്റര് മെഡ്സിറ്റി കൊച്ചി, ആസ്റ്റര് മിംസ് കോഴിക്കോട് എന്നിവ ദേശീയ തലത്തില് ഉയര്ന്ന റാങ്കുകള് കരസ്ഥമാക്കി.
Health
കുട്ടികളിലെ മഴക്കാല രോഗങ്ങളെ ചെറുക്കാം, ചില മുൻകരുതലിലൂടെ
കോവിഡ് കാലയളവിന് ശേഷം സ്കൂളുകൾ പൂർണ്ണമായി തുറന്നതോടെ വൈറൽ പനി പോലെയുള്ള രോഗങ്ങളുമായി ആശുപത്രികളിൽ എത്തുന്ന കുട്ടികൾ നിരവധിയാണ്.
മഴക്കാലം എന്നാൽ പല രോഗങ്ങളുടെയും കൂടെ കാലമാണ് , പ്രത്യേകിച്ച് കുട്ടികളിലെ രോഗങ്ങൾ. പനി ,ജലദോഷം മുതൽ ഡെങ്കിപനി പോലുള്ള നിരവധി രോഗങ്ങളാണ് ഈ കാലയളവിൽ പടർന്ന് പിടിക്കുന്നത്.
കോവിഡ് കാലയളവിന് ശേഷം സ്കൂളുകൾ പൂർണ്ണമായി തുറന്നതോടെ വൈറൽ പനി പോലെയുള്ള രോഗങ്ങളുമായി ആശുപത്രികളിൽ എത്തുന്ന കുട്ടികൾ നിരവധിയാണ്. ഇതിന്റെ പ്രധാന കാരണമായി കണക്കാക്കപ്പടുന്നത് കഴിഞ്ഞ 2-3 വർഷമായി കുട്ടികൾ കൊവിഡ് ഐസൊലേഷനിൽ ആയിരുന്നതിനാൽ വൈറസുകളുമായുള്ള സമ്പർക്ക കുറവ്മൂലം കുട്ടികളിലെ ആന്റിബോഡികൾ ഇല്ലാതാവുകയും പ്രതിരോധശേഷി കുറയുകയും ചെയ്യുന്നു.
മഴക്കാല രോഗങ്ങളെ ചെറുക്കാൻ മാതാപിതാക്കൾക്കായി ചില പൊടി കൈകൾ:
• കുട്ടികൾ ധാരാളം വെള്ളം കുടിക്കുന്നുണ്ട് എന്ന് മാതാപിതാക്കൾ ഉറപ്പുവരുത്തുക, ഇത് പനി വരുമ്പോൾ ഉണ്ടാകുന്ന നിർജ്ജലീകരണത്തിന് ഒരു പരിധി വരെ സഹായകമാകും. ചായയോ കഫീൻ അടങ്ങിയ പാനിയങ്ങളോ കുട്ടികൾക്ക് അധികം നൽകാതിരിക്കുക, ഇത് നിർജ്ജലീകരണത്തിന് കാരണമാകും.
• കുട്ടികൾക്ക് പനി ഉണ്ടാകുമ്പോൾ ശരീരത്തിലെ ജലാംശം കുറയുന്നതും ഭക്ഷണം കഴിക്കാതിരിക്കുന്നതുമൊക്കെ സർവ്വ സാധാരണമാണ്. എന്നാൽ ശരീരത്തിലെ ജലാംശം നിലനിർത്തുന്നതിന് ആവശ്യമായ ഭക്ഷണം കുട്ടികൾക്ക് നൽകാൻ മാതാപിതാങ്ങൾ ശ്രദ്ധിക്കുക.കുട്ടികൾക്ക് പനി വരുമ്പോൾ മാതാപിതാക്കൾ പരിഭ്രാന്ത്രരാകേണ്ട ആവശ്യമില്ല, കുട്ടികൾ പനി മൂലം അസ്വസ്ഥരാണെങ്കിൽ പാരസെറ്റമോൾ മാത്രം നൽകുക. പനി കുട്ടിയുടെ പ്രതിരോധ സംവിധാനത്തിന്റെ ഭാഗം മാത്രമാണ്.
• വ്യക്തി ശുചിത്വം പാലിക്കുക എന്നത് വളരെ പ്രധാനപ്പെട്ട ഒന്നാണ്. സോപ്പും വെള്ളവും ഉപയോഗിച്ച് കൈ കഴുകുന്നത് മഴക്കാലത്ത് സാധാരണ കണ്ടുവരുന്ന വയറിളക്ക രോഗങ്ങൾ തടയാൻ സഹായിക്കുന്നു.
• സമീകൃതാഹാരം ശീലമാക്കുക , പുറത്തുനിന്നുള്ള ഭക്ഷണ പാനിയങ്ങൾ പരമാവധി ഒഴിവാക്കുക. കഴിവതും വീട്ടിൽ ഉണ്ടാക്കിയ ഭക്ഷണം കഴിക്കുവാൻശ്രദ്ധിക്കുക.
• ഭക്ഷണത്തിൽധാരാളം പച്ചക്കറികളും ,പഴവർഗങ്ങളും, ഡ്രൈ ഫ്രൂട്ട്സും, നട്സും ഉൾപ്പെടുത്തുക. കുട്ടികളുടെ ഭക്ഷണത്തിൽ ബീറ്റ്റൂട്ട് ഉൾപ്പെടുത്തുന്നത് നല്ലതായിരിക്കും, കാരണം ഇത് ആന്റി ഓക്സിഡന്റുകൾ അടങ്ങിയതാണ്, കൂടാതെ ഇത് പ്രതിരോധ ശേഷി വർദ്ധിപ്പിക്കുവാനും സഹായകമാണ് .
• മഴക്കാലത്തെ മറ്റൊരു പ്രധാന പ്രശ്നമാണ് കൊതുകുകൾ പെരുകുന്നത്, ഇത് ഡെങ്കിപനി പോലെയുള്ള അപകടകരമായ രോഗങ്ങൾക്ക് കാരണമാകുന്നു. അതിനാൽ വീടും പരിസരവും വൃത്തിയായി സൂക്ഷിക്കുകയും, കുട്ടികളെ ഫുൾസ്ലിവ് കോട്ടൺ വസ്ത്രങ്ങൾ ധരിപ്പിക്കാനും ശ്രദ്ധിക്കുക.
• ചെറിയ കുട്ടികൾ ഉണ്ടെങ്കിൽ, നനവും ഫംഗസ് അണുബാധയും ഒഴിവാക്കാൻ കൃത്യമായ ഇടവേളകളിൽ ഡയപ്പറുകൾ മാറ്റേണ്ടതാണ്.
• മഴക്കാലമായതിനാൽ കുട്ടികൾ പുറത്തിറങ്ങുമ്പോൾ കുടയോ റെയിൻ കോട്ടോ കൈയ്യിൽ കരുതുക. കുട്ടികൾ നനഞ്ഞ് വീട്ടിൽ എത്തിയാൽ ഉടൻ തന്നെ വസ്ത്രങ്ങൾ മാറ്റി ഉണങ്ങിയതും വൃത്തിയുള്ളതുമായ വസ്ത്രം ധരിപ്പിക്കാൻ മാതാപിതാക്കൾ പ്രത്യേകം ശ്രദ്ധിക്കുക.
തയ്യാറാക്കിയത് :ഡോ. സുരേഷ് കുമാർ ഇ കെ, പീഡിയാട്രിക്സ് സീനിയർ കൺസൾട്ടന്റ് & എച്ച് ഒഡി ആസ്റ്റർ മിംസ് ,കോഴിക്കോട്
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ