kerala
വെല്ലുവിളിയായി അജൈവ മാലിന്യ നീക്കം : കോവിഡ് പ്രതിരോധ രംഗത്തും ഒഴിവാക്കാനാകാതെ പ്ലാസ്റ്റിക്
![](https://demo.chandrikadaily.com/wp-content/uploads/2021/06/Untitled-1-120.jpg)
കോവിഡ് പ്രതിരോധ മേഖലയിലും ഒഴിച്ച് കൂടാനാകാത്ത വിധം പ്ലാസ്റ്റിക് കയ്യടക്കുമ്പോള് പാളുന്നു നിയന്ത്രണവും സംസ്കരണവും. ഉപയോഗ ശേഷം ആസ്പത്രികളില് നിന്നുള്പ്പെടെ പുറന്തള്ളുന്ന അജൈവ മാലിന്യം നീക്കം ചെയ്യുന്നതും വെല്ലുവിളിയാകുന്നു.
കോവിഡ് പ്രതിരോധവുമായി ബന്ധപ്പെട്ട് ഉപയോഗിക്കുന്ന സാമഗ്രികളില് ഭൂരിഭാഗവും പ്ലാസ്റ്റിക് നിര്മിതമായതിനാല് പ്ലാസ്റ്റിക് നിയന്ത്രണത്തെയാണ് ബാധിക്കുന്നത്. പ്ലാസ്റ്റിക്കിനാല് നിറഞ്ഞ് അജൈവ മാലിന്യങ്ങള് കുന്നുകൂടുന്ന അവസ്ഥയില് ഇവയുടെ സംസ്കരണവും പാളുകയാണ്. കോവിഡ് പ്രതിരോധ സാമഗ്രികളായി ഉപയോഗിക്കുന്ന പിപിഇ കിറ്റ് മുതല് ഡിസ്പോസബിള് ഏപ്രണ്, ഫെയ്സ് ഷീല്ഡ്, ഓക്സിജന് മാസ്ക് ഉള്പ്പെടെ പ്രതിരോധ സാമഗ്രികള് ഏറെയും പ്ലാസ്റ്റിക് നിര്മിതമാണ്. ഒരിക്കല് മാത്രം ഉപയോഗിച്ച് പുറന്തള്ളുന്ന ഇത്തരം മാലിന്യങ്ങള് ഒന്നിച്ച് കത്തിക്കാറാണ് പതിവ്. ആസ്പത്രികളില് നിന്ന് ലോഡ് കണക്കിനാണ് ഇത്തരം മാലിന്യങ്ങള് പുറന്തള്ളുന്നത്.
ഇവകൂടാതെ മാളുകളില് ഉള്പ്പെടെ ഉപഭോക്താക്കള് എത്തുമ്പോള് നല്കുന്ന കട്ടികുറഞ്ഞ പ്ലാസ്റ്റിക് ഗ്ലൗസും ഉപയോഗ ശേഷം വലിച്ചെറിയുന്ന സ്ഥിതിയാണ്. ഇവ പാരിസ്ഥിതിക ഭീഷണിയുയര്ത്തുന്നതോടൊപ്പം കടുത്ത ആരോഗ്യ പ്രശ്നങ്ങള്ക്കുമിടയാക്കുകയാണ്. ഇത്തരം പ്ലാസ്റ്റിക് ഗ്ലൗസുകളാണേറെയും മാളുകള്ക്ക് മുന്നിലെ വീപ്പയില് കുമിഞ്ഞ് കൂടുന്നത്. പ്ലാസ്റ്റിക് ഉള്പ്പെടെയുള്ള മാലിന്യങ്ങള് പൊതുസ്ഥലങ്ങളില് വെച്ച് കത്തിക്കുകയാണ് പതിവ്. ഒരിക്കല് മാത്രം ഉപയോഗിക്കാനാകുന്ന പ്ലാസ്റ്റിക് നിര്മിത പ്രതിരോധ സാമഗ്രികള് പൊതുസ്ഥലങ്ങളില് വലിച്ചെറിയുന്നതും പുഴയിലും തോട്ടിലും തള്ളുന്നതും പാരിസ്ഥിതിക ഭീഷണിയുയര്ത്തുകയാണ്. പ്ലാസ്റ്റിക് നിര്മിതമായ കോവിഡ് പ്രതിരോധ സാമഗ്രികള് ഉപയോഗിക്കേണ്ട സാഹചര്യത്തിലും ഇവ ശാസ്ത്രീയമായി സംസ്കരിക്കാന് സംവിധാനമില്ലെന്ന പരാതികളും ഉയര്ന്നിട്ടുണ്ട്.
തിരിച്ചെത്തി നിരോധിച്ച
പ്ലാസ്റ്റിക് ക്യാരിബാഗുകളും
അതേസമയം പരിസ്ഥിതിക്ക് ദോഷകരമെന്ന കണ്ടെത്തലിനെ തുടര്ന്ന് നിരോധിച്ച പ്ലാസ്റ്റിക് ക്യാരിബാഗുകളും കോവിഡിന്റെ മറവില് വ്യാപാര സ്ഥാപനങ്ങളില് തിരികെയെത്തിയിട്ടുണ്ട്. ഭൂരിഭാഗം കടകളിലും സുലഭമാണ് ഇത്തരം കവറുകള്. പ്ലാസ്റ്റിക് കവറിനൊപ്പം പ്ലാസ്റ്റിക്ക് കോട്ടിംഗോടും കൂടിയ പേപ്പര് ഇലയുള്പ്പെടെ നിരോധിച്ചിരുന്നു. എന്നാല് ഇവ വ്യാപാര സ്ഥാപനങ്ങളില് ലഭ്യമാണ്. പ്ലാസ്റ്റിക്കിനെതിരെ തദ്ദേശ സ്ഥാപനങ്ങള്ക്ക് കീഴില് ആരോഗ്യ വിഭാഗമാണ് നടപടികള് കൈകൊണ്ടത്. ഇതേതുടര്ന്ന് വ്യാപാര സ്ഥാപനങ്ങളില് പ്ലാസ്റ്റിക് കവറുകള് നല്കുന്നത് കുറഞ്ഞിരുന്നു. ജനങ്ങള്ക്കിടയില് തുണിസഞ്ചിയുടെ ഉപയോഗത്തിന് പ്രോത്സാഹനം നല്കിയാണ് പ്ലാസ്റ്റിക് നിരോധിച്ചത്. എന്നാല് കോവിഡ് പശ്ചാത്തലത്തില് പ്ലാസ്റ്റിക്കിനെതിരെയുള്ള നടപടികള് നിലച്ചതോടെ പ്ലാസ്റ്റിക് കവറുകള് കടകളില് തിരിച്ചെത്തുകയായിരുന്നു. ഇപ്പോള് എല്ലാ കടകളിലും പ്ലാസ്റ്റിക് കവറുകളിലാണ് സാധനങ്ങള് നല്കുന്നത്. കോവിഡ് പ്രതിരോധത്തിനിടയില് പ്ലാസ്റ്റിക്കിനെതിരെയുള്ള നടപടികള് തുടരാനായില്ലെങ്കില് പരിസ്ഥിതിക്ക് ആഘാതം സൃഷ്ടിക്കുന്ന പ്ലാസ്റ്റിക് മാലിന്യങ്ങള് കൊണ്ട് നാട് നിറയുന്ന സ്ഥിതിയാകും.
പ്രയോജനമില്ലാതെ
ബോധവല്കരണം
ബോധവല്കരണം കൊണ്ട് കാര്യമായ പ്രയോജനം ഉണ്ടായിട്ടില്ല. ഇപ്പോഴും ഗ്രാമങ്ങളില് പ്ലാസ്റ്റിക് മാലിന്യങ്ങള് കൊണ്ട് നിറയുകയാണ്. രാത്രി കാലങ്ങളില് ദൂരസ്ഥലങ്ങളില് നിന്നുപോലും ഗ്രാമങ്ങളിലെ പാതയോരത്ത് വ്യാപകമായാണ് പ്ലാസ്റ്റിക് മാലിന്യങ്ങള് കൊണ്ടുവന്ന് തള്ളുന്നത്. അതിര്ത്തിക്കപ്പുറത്ത് പ്ലാസ്റ്റിക് ഉല്പ്പാദനം തടഞ്ഞുവെങ്കിലും അതീവ രഹസ്യമായി ഇവ കേരളത്തില് കച്ചവടത്തിന് എത്തിക്കുന്ന സംഘങ്ങള് സജീവമാണ്. ശക്തമായ നിയമനടപടികള് സ്വീകരിച്ചാല് മാത്രമെ പ്ലാസ്റ്റിക് ഉപയോഗം നിയന്ത്രിക്കാന് സാധിക്കൂ. മത്സ്യചന്തകളിലും ഇപ്പോള് വ്യാപകമായാണ് പ്ലാസ്റ്റിക് ക്യാരിബാഗുകള് ഉപയോഗിക്കുന്നത്. നിരോധനം പ്രഖ്യാപനത്തില് മാത്രം ഒതുങ്ങിയ അവസ്ഥയാണ്.
അപകടകാരി പ്ലാസ്റ്റിക്
പ്ലാസ്റ്റിക് ഉപയോഗത്തെ തുടര്ന്നുണ്ടാകുന്ന രോഗങ്ങളെ കുറിച്ച് കാര്യമായ അറിവ് ലഭിക്കാത്തതാണ് ഉപയോഗം വീണ്ടും വര്ധിക്കാന് ഇടയാക്കുന്നത്. പ്ലാസ്റ്റിക് കത്തുമ്പോഴുണ്ടാകുന്ന പുക അത്യന്തം അപകടകരമാണ്. അര്ബുദത്തിന് വഴിയൊരുക്കുന്നതാണ് ഈ പുക. അറിഞ്ഞോ അറിയാതെയോ ഈ പുക ശ്വസിക്കുമ്പോള് ഇതിലടങ്ങിയ രാസപദാര്ത്ഥങ്ങള് ശ്വാസകോശത്തിലൂടെ ശരീരത്തിലെത്തും. അര്ബുദത്തിന്റെ ഒരു പ്രധാന കാരണക്കാരനായിട്ടാണ് ഡോക്ടര്മാര് പ്ലാസ്റ്റിക്കിനെ ചൂണ്ടിക്കാട്ടുന്നത്. പൊതുസ്ഥലത്ത് പ്ലാസ്റ്റിക് ഉല്പ്പന്നങ്ങള് കത്തിക്കുന്നത് നിരോധിച്ചുകൊണ്ട് ഹൈക്കോടതി ഉത്തരവിറക്കിയിരുന്നു. പ്ലാസ്റ്റിക് ഉല്പന്നങ്ങളില് വലിയൊരു വിഭാഗം തന്നെ കാര്സിനോജന് ആണെന്ന് ഡോക്ടര്മാര് നേരത്തെ വ്യക്തമാക്കിയിട്ടുണ്ട്. പ്ലാസ്റ്റിക് കത്തുമ്പോള് ഡയോക്സിന്, ഫുറാന്സ്, കാര്ബണ് മോണോക്സൈഡ്, നൈട്രജന് ഓക്സൈഡ് തുടങ്ങി നിരവധി മാരകമായ വിഷവാതകങ്ങളാണ് പുറംതള്ളപ്പെടുന്നത്. ഇവ ശ്വസിക്കുന്നതിനും ഇടയാക്കുകയാണ്.
kerala
അപേക്ഷ പോലും വേണ്ട; കെട്ടിട നമ്പര് റെഡി
സംസ്ഥാനത്തെ നഗരസഭകളിലും മുനിസിപ്പാലിറ്റികളിലും ‘ഓപ്പറേഷന് ട്രൂ ഹൗസ്’ എന്ന പേരില് വിജിലന്സ് നടത്തിയ പരിശോധനയില് കെട്ടിട നമ്പര് നല്കുന്നതില് വ്യാപക ക്രമക്കേട് കണ്ടെത്തി.
![](https://demo.chandrikadaily.com/wp-content/uploads/2018/03/file.jpg)
തിരുവനന്തപുരം: സംസ്ഥാനത്തെ നഗരസഭകളിലും മുനിസിപ്പാലിറ്റികളിലും ‘ഓപ്പറേഷന് ട്രൂ ഹൗസ്’ എന്ന പേരില് വിജിലന്സ് നടത്തിയ പരിശോധനയില് കെട്ടിട നമ്പര് നല്കുന്നതില് വ്യാപക ക്രമക്കേട് കണ്ടെത്തി. കെട്ടിട്ടത്തിന്റെ പ്ലാന് പോലും സമര്പ്പിക്കാതെ പലയിടത്തും നമ്പര് അനുവദിച്ചു നല്കിയതായും പണി പൂര്ത്തിയാക്കാത്ത കെട്ടിടങ്ങള്ക്കുവരെ കെട്ടിട നമ്പര് നല്കിയതായും കണ്ടെത്തി.
സംസ്ഥാനത്തെ കോര്പറേഷനുകളിലും 53 മുന്സിപ്പാലിറ്റികളുമാണ് മിന്നല് പരിശോധന നടന്നത്. കണ്ണൂരിലെ പാനൂര് മുനിസിപ്പാലിറ്റിയില് അപേക്ഷ കൂടാതെ തന്നെ 4 കെട്ടിടങ്ങള്ക്കും തിരുവനന്തപുരം കുന്നുകുഴിയില് ഒരു കെട്ടിടത്തിനും ഫയല് പോലുമില്ലാതെ തന്നെ അനധികൃതമായി നമ്പരുകള് അനുവദിച്ച് നല്കിയിട്ടുള്ളതായും വിജിലന്സ് കണ്ടെത്തി. തിരുവനന്തപുരം കോര്പ്പറേഷനില് വഞ്ചിയൂരില് ഡോക്ടറുടെ ഉടമസ്ഥതയിലുള്ള ഷോപ്പിംഗ് കോംപ്ലക്സിന് സ്ഥലപരിശോധന നടത്താതെ നിര്മ്മാണാനുമതി നല്കിയതായും പണി പൂര്ത്തിയാക്കാത്ത കെട്ടിടങ്ങള്ക്ക് കെട്ടിട നമ്പര് നല്കുന്നതായും കണ്ടെത്തി.
കരുനാഗപ്പള്ളി, കോട്ടയ്ക്കല് മുനിസിപ്പാലിറ്റിയില് നടന്ന പരിശോധനയില് കരാര് ജീവനക്കാര് അസി.എഞ്ചിനീയറുടെയും ഓവര്സീയറുടെയും യൂസര് ഐ.ഡി, പാസ്വേര്ഡ് എന്നിവ ഉപയോഗിച്ച് പ്ലാന്റ മാനേജ്മെന്റ് സിസ്റ്റം ഓപ്പറേറ്റ് ചെയ്യുന്നതായി കണ്ടെത്തി.കൊച്ചി വൈറ്റില, ഇടപ്പള്ളി സോണല് മേഖലകളില് കെട്ടിട നിര്മ്മാണ ചട്ടം കാറ്റില് പറത്തി നിര്മ്മാണം പൂര്ത്തിയാക്കിയ നിരവധി കെട്ടിടങ്ങള് വിജിലന്സ് കണ്ടെത്തി. ഇടപ്പള്ളി സോണല് ഓഫീസിലെ വെണ്ണല ജനതാ റോഡിലെ മൂന്നു നില കെട്ടിടത്തിന് അനുമതി വാങ്ങി നാലുനില കെട്ടിടം നിര്മ്മിച്ചതായും കാസര്കോട് മുനിസിപ്പാലിറ്റി പരിധിയിലെ 45 അനധികൃത നിര്മ്മാണങ്ങള്ക്ക് നിര്മ്മാണ അനുമതി നല്കിയിട്ടുള്ളതായും തുടര്ന്ന് കംപ്ളീഷന് സര്ട്ടിഫിക്കറ്റ് നല്കിയതായും കണ്ടെത്തി.
പന്തളം മുനിസിപ്പാലിറ്റിയില് ഫയര് ആന്ഡ് സോഫ്റ്റ് സര്ട്ടിഫിക്കറ്റ് ഇല്ലാത്ത ബഹുനില കെട്ടിടങ്ങള്ക്കും കെട്ടിടനമ്പര് നല്കി. തിരുവനന്തപുരം കോര്പ്പറേഷന് കടകംപള്ളി സോണല്, തൃപ്പൂണിത്തുറ, വര്ക്കല, കാഞ്ഞങ്ങാട്, വടകര, പെരിന്തല്മണ്ണ, ഗുരുവായൂര് തുടങ്ങിയ മുനിസിപ്പാലിറ്റി പരിധിയില് കെട്ടിട നിര്മാണ ചട്ടം ലംഘിച്ച് നിര്മാണം നടത്തിയ നിരവധി കെട്ടിടങ്ങള് വിജിലന്സ് പരിശോധനയില് കണ്ടെത്തി. ആറ്റിങ്ങല് മുനിസിപ്പാലിറ്റി, കോട്ടയം മുനിസിപ്പാലിറ്റി, ഏറ്റുമാനൂര് എന്നിവിടങ്ങളിലും ക്രമക്കേട് കണ്ടെത്തി.കണ്ണൂര് കോപ്പറേഷനിലും ക്രമക്കേട് കണ്ടെത്തിയിട്ടുണ്ട്. തൃശ്ശൂര് കോര്പ്പറേഷനിലെ ശക്തന് ബസ് സ്റ്റാന്ഡിന് സമീപം കെട്ടിട നിര്മ്മാണ ചട്ടങ്ങള് ലംഘിച്ച് പുതുക്കി പണിത കെട്ടിടത്തിന് നിര്മ്മാണ ശേഷം അനുമതി നല്കി നമ്പര് അനുവദിച്ചതായും വിജിലന്സ് കണ്ടെത്തി. പൊതുജനങ്ങളുടെ ശ്രദ്ധയില് അഴിമതി സംബന്ധിച്ച വിവരങ്ങള് ലഭിക്കുകയാണെങ്കില് വിജിലന്സിന്റെ ടോള് ഫ്രീ നമ്പരായ 1064 എന്ന നമ്പരിലോ 8592900900 എന്ന നമ്പരിലോ വാട്ട്സ് ആപ്പ് നമ്പരായ 9447789100എന്ന നമ്പരിലോ അറിയിക്കണം,.
india
രാജ്യത്ത് കാന്സര് രോഗം വര്ധിക്കുന്നു; മരണ നിരക്കും മുകളിലേക്ക്
സമദാനിക്ക് കേന്ദ്രമന്ത്രിയുടെ മറുപടി
![](https://demo.chandrikadaily.com/wp-content/uploads/2017/07/ss-best-medical-fiction-for-doctors.jpg)
ന്യൂഡല്ഹി: രാജ്യത്ത് കാന്സര് രോഗബാധ വര്ദ്ധിച്ചു വരുന്നതായി ആരോഗ്യ, കുടുംബ ക്ഷേമ മന്ത്രി ഡോ. ഭാരതി പ്രവീണ് പവാര് ഡോ.എം. പി അബ്ദുസ്സമദ് സമദാനി എം.പിയെ അറിയിച്ചു. വിവിധ സംസ്ഥാനങ്ങളില് വിവിധ തോതിലാണ് രോഗം വര്ധിച്ചുവരുന്നത്. കേരളത്തില് 2018ല് 55,145 പേര്ക്കും 2019 ല് 56,148 പേര്ക്കും 2020ല് 57,155 പേര്ക്കും കാന്സര് ബാധിച്ചു. രാജ്യത്ത് വര്ധിച്ചുവരുന്ന കാന്സര് ബാധ തടയാന് സ്വീകരിക്കുന്ന നടപടിയെപ്പറ്റി ലോക്സഭയില് ഉന്നയിച്ച ചോദ്യത്തിനാണ് മന്ത്രിയുടെ രേഖാമൂലമുള്ള മറുപടി. സംസ്ഥാനത്ത് 2018ല് 30,057 പേരും 2019 ല് 30,615 പേരും 2020ല് 31,166 പേരും കാന്സര് ബാധിച്ച് മരണപ്പെട്ടതായും മന്ത്രി മറുപടിയില് പറഞ്ഞു. കാന്സര് രോഗം ചികിത്സിക്കാന് കേന്ദ്ര ആരോഗ്യ, കുടുംബക്ഷേമ വകുപ്പ് സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും സാങ്കേതികവും സാമ്പത്തികവുമായ പിന്തുണ നല്കുന്നുണ്ടെന്നും മന്ത്രി അറിയിച്ചു.
ഓരോ പ്രദേശത്തെയും ആവശ്യങ്ങള്ക്കനുസരിച്ചാണ് നാഷണല് ഹെല്ത്ത് മിഷന് കീഴില് പദ്ധതികളും ഫണ്ടും അനുവദിക്കുന്നത്. ഭൗതിക സൗകര്യങ്ങളുടെ ശാക്തീകരണം, മാനവ വിഭവശേഷി വികസനം, ആരോഗ്യ പരിപോഷണവും ബോധവല്ക്കരണവും തുടങ്ങിയ പ്രവര്ത്തനങ്ങള്ക്കായാണ് മുഖ്യമായും കേന്ദ്രസഹായം നല്കുന്നത്.
സര്ക്കാര് ആശുപത്രികളിലെ ചികിത്സ സൗജന്യമായോ പാവപ്പെട്ടവരും അവശരുമായ രോഗികള്ക്ക് വലിയ തോതിലുള്ള സബ്സിഡിയോടുകൂടിയോ നല്കുന്നുണ്ട്. ആയുഷ്മാന് ഭാരത് പ്രധാന് മന്ത്രി ജന് ആരോഗ്യ യോജന പദ്ധതിക്ക് കീഴിലും കാന്സ ര് ചികിത്സ ലഭ്യമാക്കുന്നു. ഉന്നതനിലവാരമുള്ള ജനറിക് മരുന്നുകള് പ്രധാന് മന്ത്രി ഭാരതീയ ജന് ഔഷധി പരിയോജനക്ക് കീഴില് സംസ്ഥാന സര്ക്കാറുകളുമായി സഹകരിച്ച് താങ്ങാവുന്ന വിലക്ക് ലഭ്യമാക്കാനും നടപടി സ്വീകരിച്ചു. മരുന്നുകള്ക്കും ഇംപ്ലാന്റ് സിനുമായി അമൃത് ഫാര്മസി സ്റ്റോറുകള് ചില ആശുപത്രികളിലും സ്ഥാപനങ്ങളിലും സംവിധാനിക്കുകയും ചെയ്തിട്ടുണ്ട്. ദാരിദ്ര്യരേഖക്ക് താഴെയുള്ള കുടുംബങ്ങള്ക്ക് രാഷ്ട്രീയ ആരോഗ്യനിധിയുടെ കീഴില് സാമ്പത്തിക സഹായം നല്കുന്നതായും മന്ത്രി പറഞ്ഞു.
Health
സോനു സൂദും ആസ്റ്റര് മെഡ്സിറ്റിയും കൈകോര്ത്തു; ഏഴു മാസം പ്രായമുള്ള കുഞ്ഞില് കരള് മാറ്റിവയ്ക്കല് വിജയകരമായി പൂര്ത്തിയാക്കി
ആസ്റ്റര് വോളന്റിയേഴ്സ്, ബോളിവുഡ് നടന് സോനു സൂദുമായി സഹകരിച്ച്, കരള് രോഗബാധിതരായ നിര്ധന കുടുംബങ്ങളിലെ കുട്ടികളുടെ ചികിത്സയ്ക്കു വേണ്ടി തുടങ്ങിയ ദി സെക്കന്റ് ചാന്സ് ഇനീഷ്യേറ്റീവ് പദ്ധതിയിലെ ആദ്യത്തെ കരള് മാറ്റിവയ്ക്കല് ശസ്ത്രക്രിയ ആസ്റ്റര് മെഡ്സിറ്റിയില് വിജയകരമായി പൂര്ത്തിയാക്കി.
![](https://demo.chandrikadaily.com/wp-content/uploads/2022/07/IMG-20220722-WA0017.jpg)
കൊച്ചി: ആസ്റ്റര് വോളന്റിയേഴ്സ്, ബോളിവുഡ് നടന് സോനു സൂദുമായി സഹകരിച്ച്, കരള് രോഗബാധിതരായ നിര്ധന കുടുംബങ്ങളിലെ കുട്ടികളുടെ ചികിത്സയ്ക്കു വേണ്ടി തുടങ്ങിയ ദി സെക്കന്റ് ചാന്സ് ഇനീഷ്യേറ്റീവ് പദ്ധതിയിലെ ആദ്യത്തെ കരള് മാറ്റിവയ്ക്കല് ശസ്ത്രക്രിയ ആസ്റ്റര് മെഡ്സിറ്റിയില് വിജയകരമായി പൂര്ത്തിയാക്കി. മുഹമ്മദ് സഫാന് അലി എന്ന ഏഴുമാസം പ്രായമുള്ള കുഞ്ഞിന്റെ കരളാണ് മാറ്റിവച്ചത്. കൊച്ചി ആസ്റ്റര് മെഡ്സിറ്റി ആശുപത്രിയില് നടന്ന ശസ്ത്രക്രിയയില് കുട്ടിയുടെ അമ്മ തന്നെയായിരുന്നു കരള് ദാതാവ്.
നാല് മാസം പ്രായമുള്ളപ്പോഴാണ് സഫാന് അലിയെ ആസ്റ്റര് മെഡ്സിറ്റിയിലേക്ക് കൊണ്ടുവരുന്നത്. പിത്തരസം കുഴലുകള് അഥവാ, കരളിനെ കുടലുമായി ബന്ധിപ്പിക്കുന്ന ട്യൂബ് വികസിക്കാത്ത അപൂര്വ രോഗാവസ്ഥയായ ബിലിയറി അട്രേസിയയാണ് കുഞ്ഞിനെന്ന് രോഗനിര്ണയത്തിലൂടെ കണ്ടെത്തി. മഞ്ഞപ്പിത്തത്തിനും കണ്ണുകളുടെ മഞ്ഞനിറത്തിനും കാരണമാകുന്ന രോഗം ക്രമേണ കരളിന്റെ പ്രവര്ത്തനത്തെ തകരാറിലാക്കുകയാണ് ചെയ്യുക. തെലങ്കാന സ്വദേശികളായ കുടുംബം ജന്മനാടായ കരിംനഗറിലെ ആശുപത്രിയില് വച്ച് നടത്തിയ ശസ്ത്രക്രിയ പരാജയപ്പെട്ടിരുന്നു. ഇത് മഞ്ഞപ്പിത്തത്തിന്റേയും സിറോസിസ് ബാധയുടേയും മൂര്ച്ച കൂട്ടി. ഇതോടെ കരള് മാറ്റിവയ്ക്കുകയെല്ലാതെ വേറെ വഴിയില്ലെന്നായി. കുഞ്ഞിന്റെ രോഗവിവരം അറിഞ്ഞ സോനു സൂദിന്റെ സഹായത്തോടെയാണ് കുടുംബം കൊച്ചിയിലെ ആസ്റ്റര് മെഡ്സിറ്റിയിലേക്ക് എത്തുന്നതും കഴിഞ്ഞ ദിവസം ശസ്ത്രക്രിയ വിജയകരമായി പൂര്ത്തിയാക്കിയതും.
സഫാന് ആസ്റ്റര് മെഡ്സിറ്റിയിലെത്തുമ്പോള് മഞ്ഞപ്പിത്തം, പോഷകാഹാരക്കുറവ്, വളര്ച്ചക്കുറവ് തുടങ്ങിയ ആരോഗ്യപ്രശ്നങ്ങള് കാര്യമായി അലട്ടിയിരുന്നതായി ആസ്റ്റര് മെഡ്സിറ്റി ലീഡ് സീനിയര് കണ്സള്ട്ടന്റ് ഡോ. മാത്യു ജേക്കബ് പറഞ്ഞു. കുഞ്ഞിന്റെ രോഗസ്ഥിതിയെ കുറിച്ചും, അടിയന്തരമായി ശസ്ത്രക്രിയ വേണമെന്നും കുടുംബത്തെ അറിയിച്ചു. കുട്ടിയുടെ പ്രായവും അവികസിത ശരീരഘടനയുള്പ്പടെ വലിയ വെല്ലുവിളിയായിരുന്നു എങ്കിലും തടസ്സങ്ങളില്ലാതെ ശസ്ത്രക്രിയ പൂര്ത്തിയാക്കാനായി. കുഞ്ഞ് വളരെ വേഗം സുഖം പ്രാപിച്ചു വരുന്നതായും മഞ്ഞപ്പിത്തം ഉള്പ്പടെയുള്ള ആരോഗ്യപ്രശ്നങ്ങള് നീങ്ങിയതായും ഡോ. മാത്യു ജേക്കബ് വ്യക്തമാക്കി.
ഹെപ്പറ്റോളജിസ്റ്റ് വിഭാഗം സീനിയര് കണ്സള്ട്ടന്റ് ഡോ. ചാള്സ് പനക്കല്, പീഡിയാട്രിക് ഗ്യാസ്ട്രോ എന്ട്രോളജി വിഭാഗത്തിലെ ഡോ. ഗീത മമ്മയില്, കണ്സള്ട്ടന്റ് സര്ജന് ഡോ. സുധീര് മുഹമ്മദ് എം, ഡോ. ബിജു ചന്ദ്രന് എന്നിവരുള്പ്പെട്ട വിദഗ്ധ സംഘമാണ് ശസ്ത്രക്രിയക്ക് നേതൃത്വം നല്കിയത്.സഫാനെ പോലെ വളരെ ചെറിയ പ്രായമുള്ള കുഞ്ഞിനെ ജീവിതത്തിലേക്ക് മടക്കി കൊണ്ടുവരാനായതില് അതിയായ സന്തോഷമുണ്ടെന്ന് ആസ്റ്റര് ഡിഎം ഹെല്ത്ത് കെയര് സ്ഥാപക ചെയര്മാനും മാനേജിംഗ് ഡയറക്ടറുമായ ഡോ. ആസാദ് മൂപ്പന് പറഞ്ഞു. കരള് മാറ്റിവയ്ക്കല് ഏറെ ചിലവേറിയതും രാജ്യത്ത് ചുരുക്കം ചില ആശുപത്രികളില് മാത്രം സൗകര്യവുമുള്ള ചികിത്സ രീതിയാണ്. ആസ്റ്റര് മെഡ്സിറ്റിയിലെ ഇന്റഗ്രേറ്റഡ് ലിവര് ട്രാന്സ്പ്ലാന്റ് ടീം രാജ്യത്തെ തന്നെ ഏറ്റവും മികച്ച പീഡിയാട്രിക് കരള് മാറ്റിവയ്ക്കല് വിഭാഗമാണ്. മെഡ്സിറ്റിയിലെ കരള് മാറ്റിവയ്ക്കല് ശസ്ത്രക്രിയക്ക് മറ്റിടങ്ങളേക്കാള് ചിലവ് കുറവാണെങ്കിലും, പല രക്ഷിതാക്കള്ക്കും അത് താങ്ങാനാവുന്നതിലും അപ്പുറമാണ്. സോനു സൂദിനെ പോലെ ജീവകാരുണ്യ പ്രവര്ത്തനങ്ങളില് ഏറെ തല്പരനായ താരത്തോടടൊപ്പം പദ്ധതിയില് സഹകരിക്കാനായതിലും, നിരാലംബരായ നിരവധി കുടുംബങ്ങള്ക്ക് പ്രതീക്ഷയാകാനായതിലും ആസ്റ്ററിന് വലിയ സന്തോഷമുണ്ടെന്നും ആസാദ് മൂപ്പന് വ്യക്തമാക്കി.
സാമ്പത്തികമായി പിന്നോക്കം നില്ക്കുന്ന 50 കുടുംബങ്ങളിലെ കുട്ടികള്ക്കാണ് ദി സെക്കന്റ് ചാന്സ് ഇനീഷ്യേറ്റീവിന്റെ ഭാഗമായി ചികിത്സ സഹായം ലഭിക്കുക. മെയ് മാസത്തില് പദ്ധതിയുടെ പ്രഖ്യാപനം വന്നതിന് പിന്നാലെ അര്ഹരായ നിരവധി പേരാണ് ചികിത്സ സഹായം ആവശ്യപ്പെട്ട് മുന്നോട്ട് വന്നത്. മെഡിക്കല് രംഗത്ത് രാജ്യം വലിയ പുരോഗതി കൈവരിച്ചിട്ടുണ്ടെങ്കിലും സഫാന് അലിയെയും കുടുംബത്തെയും പോലുള്ളവര്ക്ക് ഉയര്ന്ന ചിലവ് കാരണം അതിന്റെ പ്രയോജനം ഇപ്പോഴും അകലെയാണെന്ന് സോനു സൂദ് പറഞ്ഞു. സെക്കന്ഡ് ചാന്സ് ഇനീഷ്യേറ്റീവിലൂടെ കൂടുതല് കുട്ടികള്ക്ക് പുതിയ ജീവിതം സമ്മാനിക്കാനാവുമെന്നാണ് പ്രതീക്ഷയെന്നും അദ്ദേഹം കൂട്ടിച്ചേര്ത്തു.
അവയവം മാറ്റിവയ്ക്കല് ശസ്ത്രക്രിയകള്ക്കായി അത്യാധുനിക സൗകര്യങ്ങളോട് കൂടിയ മള്ട്ടി-ഓര്ഗന് ട്രാന്സ്പ്ലാന്റ് സെന്ററിന് ആസ്റ്റര് ഹോസ്പിറ്റല്സ് രൂപം നല്കിയിരുന്നു. കരള്, വൃക്ക, ഹൃദയം, ശ്വാസകോശം, കോര്ണിയ, മജ്ജ തുടങ്ങി വിവിധ മാറ്റിവയ്ക്കല് ശസ്ത്രക്രിയകള് നടത്തുന്നതില് ഏറെ വൈദഗ്ധ്യമുള്ള സര്ജന്മാരുടെ സംഘമാണ് ഈ കേന്ദ്രത്തെ നയിക്കുന്നത്. ദക്ഷിണേന്ത്യയിലെ തന്നെ ഏറ്റവും വലിയ പീഡിയാട്രിക് കരള് മാറ്റിവയ്ക്കല് വിഭാഗവും ഇവിടെയുണ്ട്. കുട്ടികളിലെ കരള് രോഗ സംബന്ധമായി സമഗ്രമായ പരിചരണം ലക്ഷ്യമിട്ടുള്ളതാണ് ഇത്. മികച്ച കരള് രോഗ വിദഗ്ധര്, കരള് ശസ്ത്രക്രിയാ വിദഗ്ധര്, പരിശീലനം ലഭിച്ച കോര്ഡിനേറ്റര്മാര്, കൗണ്സിലര്മാര് എന്നിവര്ക്ക് പുറമേ ക്രിട്ടിക്കല് കെയര് സ്പെഷ്യലിസ്റ്റുകള്, അനസ്തെറ്റിസ്റ്റുകള്, ഇന്റര്വെന്ഷണല് റേഡിയോളജിസ്റ്റുകള്, ഫിസിയോതെറാപ്പിസ്റ്റുകള് എന്നിവരും മികച്ച ഒരു നഴ്സിങ്ങ് ടീമും ഈ മള്ട്ടി-ഓര്ഗന് ട്രാന്സ്പ്ലാന്റ് കേന്ദ്രത്തിലുണ്ട്. അഞ്ഞൂറിലധികം കരള് മാറ്റിവയ്ക്കല് ശസ്ത്രക്രിയകള് ഇതിനോടകം വിജകരമായി ഇവിടെ പൂര്ത്തിയാക്കി കഴിഞ്ഞു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ