Culture
ബ്ലാസ്റ്റേഴ്സിന് ഇന്ന് നിര്ണായകം; ഫോര്ലാനില്ല
![](https://demo.chandrikadaily.com/wp-content/uploads/2016/10/45088817-1.jpg)
കൊച്ചി: സൂപ്പര് ലീഗില് വിജയ പ്രതീക്ഷയുമായി കേരള ബ്ലാസ്റ്റേഴ്സ് ഇന്ന് വീണ്ടുമിറങ്ങുന്നു. തോല്വിയറിയാതെ മുന്നേറുന്ന മുംബൈ സിറ്റി എഫ്.സിയാണ് വൈകിട്ട് 7ന് നടക്കുന്ന അങ്കത്തിലെ എതിരാളികള്. രണ്ടു പ്രധാന താരങ്ങളില്ലാതെയാണ് ഇരുടീമുകളും ഇന്ന് അങ്കത്തിനിറങ്ങുന്നത്. പരിക്കേറ്റതിനാല് ഇതിഹാസ താരം ഡീഗോ ഫോര്ലാന് ഇന്ന് മുംബൈക്കൊപ്പമുണ്ടാവില്ല, പ്രതിരോധത്തിലെ കുന്തമുനയായ സെഡ്രിക് ഹെങ്ബര്ത്തിന്റെ സേവനം ഇന്ന് ബ്ലാസ്റ്റേഴ്സിനും ലഭിക്കില്ല. എന്നാല്, ലോകകപ്പ് യോഗ്യത റൗണ്ടില് ദേശീയ ടീമിനായി കളിക്കാന് പോയ മാര്ക്വിതാരം ആരോണ് ഹ്യൂസിന്റെ തിരിച്ചുവരവ് ടീമിന് ആത്മവിശ്വാസമേകും.
സ്വന്തം ഗ്രൗണ്ടിലെ തുടര്ച്ചയായ മൂന്നാം മത്സരത്തില് ജയം അനിവാര്യമാണ് ബ്ലാസ്റ്റേഴ്സിന്, ഇനിയുള്ള നാലു മത്സരങ്ങളും എവേ ഗ്രൗണ്ടിലാണെന്നത് തന്നെ കാരണം. നവംബര് എട്ടിനാണ് ടീമിന്റെ നാലാം ഹോം മത്സരം. അതിനാല് കടലോളം ആരാധനയുമായി എത്തുന്ന കാണികള്ക്ക് മുന്നില് ജയിക്കാനുള്ള സകല അടവുകളും ഇന്ന് ബ്ലാസ്റ്റേഴ്സ് പയറ്റും. ഇന്ന് കൂടി തോറ്റാല് എവേ ഗ്രൗണ്ടിലെ മത്സരങ്ങളില് തിരിച്ചു വരവ് എളുപ്പമാവില്ല ടീമിന്, ജയിച്ചാല് ഉയിര്ത്തെഴുന്നേല്പിന്റെ ഊര്ജ്ജവുമായി മടങ്ങാം. കഴിഞ്ഞ രണ്ടു മത്സരങ്ങളിലും സ്റ്റേഡിയത്തില് ഒഴുകിയെത്തിയ അര ലക്ഷത്തോളം കാണികളും ടീമില് നിന്ന് ആഗ്രഹിക്കുന്നതും ഇത് തന്നെ.
ഫോര്ലാനില്ല;
ആരാധകര്ക്ക് നഷ്ടം
ബ്ലാസ്റ്റേഴ്സ് ടീമിന് സന്തോഷം നല്കുന്ന വാര്ത്തയാണെങ്കിലും ആരാധകരെ നിരാശയിലാക്കുന്നതാണ് ഡീഗോ ഫോര്ലാന്റെ അഭാവം. നോര്ത്ത് ഈസ്റ്റിനെതിരായ മത്സരത്തില് ഫോര്ലാന് പരിക്കേറ്റിരുന്നു. പരിക്ക് ഭേദമാകുന്നതിന് വിശ്രമം ആവശ്യമായതിനല് കൊച്ചിയിലേക്കുള്ള യാത്ര അദ്ദേഹം ഉപേക്ഷിച്ചു. ടീമിനോടൊപ്പം ഫോര്ലാന് വന്നിട്ടില്ലെന്നും അദ്ദേഹം മെഡിക്കല് ടീമിന്റെ പരിചരണത്തിലാണെന്നും പരുക്ക് ഭേദമായാല് ഉടനടി ടീമില് തിരിച്ചെത്തുമെന്നും മുംബൈ പരിശീലകന് അലക്സാന്ദ്രെ ഗുയിമാറെസ് പറഞ്ഞു. സെഡ്രിക് ഹെങ്ബര്ത്തിന് കഴിഞ്ഞ ഡല്ഹി ഡൈനാമോസിനെതിരായ മത്സരത്തിനിടെയാണ് പരിക്കേറ്റത്. 64ാം മിനിറ്റില് ഹെങ്ബാര്ട്ട് മുടന്തി കളിക്കളം വിട്ടതിനു ശേഷം എന്ഡോയ്ക്കായിരുന്നു പ്രതിരോധ ചുമതല. പരുക്കിന്റെ ഗൗരവം കണക്കാക്കിയാല് ഹെങ്ബര്ത്തിന് ഇന്ന് കളിക്കാനാവില്ല. എന്നാല്, ഇന്നത്തെ മത്സരം ഏറെ നിര്ണായകമായതിനാല് പരിക്ക് അവഗണിച്ച് ഹെങ്ബര്ത്ത് കളിക്കാനുള്ള സാധ്യതയും തള്ളിക്കളയാനാവില്ലന്ന് ടീമിന്റെ പരിശീലകന് സ്റ്റീവ് കോപ്പല് പറഞ്ഞു. അവസാന ഫിറ്റ്നസ് പരിശോധനക്ക് ശേഷമേ എന്തെങ്കിലും പറയാനാകുയുളളുവെന്നും കോപ്പല് വ്യക്തമാക്കി.
ഒന്നു ജയിക്കൂ പ്ലീസ്
മൂന്ന് മത്സരങ്ങള് കളിച്ചു, ഒരു വിജയം പോലും നേടാന് ബ്ലാസ്റ്റേഴ്സിനായിട്ടില്ല. എതിര്വലയില് ഇതുവരെ പന്തെത്തിക്കാനാവാത്ത ഏക ടീമെന്ന ദുഷ്പേരും കൂട്ടിനുണ്ട്. ഡല്ഹിക്കെതിരായ അവസാന മത്സരത്തില് സമനിലയിലൂടെ ഒരു പോയിന്റ് കണ്ടെത്തിയെന്നതാണ് ഏക ആശ്വാസം. ആദ്യത്തെ രണ്ടു മത്സരങ്ങളില് നിന്ന് വ്യത്യസ്തമായി താരതമ്യേന മികച്ച പ്രകടനമായിരുന്നു ഡല്ഹിക്കെതിരെ ടീമിന്റേത്. അതിനാല് ഇന്ന് ടീമില് കാര്യമായ അഴിച്ചു പണിക്ക് സാധ്യതയില്ല. ഇതുവരെ കളത്തിലിറങ്ങാത്ത മണിപ്പൂരി സ്ട്രൈക്കര് തോങ്കോസിം ഹോകിപിനെ ഇന്ന് കോച്ച് കളിപ്പിക്കുമോയെന്നാണ് ആരാധകര് ഉറ്റുനോക്കുന്നത്. പുതിയ സീസണില് ടീമിലെത്തിയ ഏറ്റവും മികച്ച ഇന്ത്യന് താരമെന്ന വിശേഷണമുള്ള ഹോകിപിനെ കോപ്പല് ഇതുവരെ പരീക്ഷിച്ചിട്ടില്ല. പോയ സീസണില് ഗോവക്കായി ആറു മത്സരങ്ങള് കളിച്ച താരം നാലു ഗോളുകള് നേടിയിരുന്നു.
ഫോര്ലാനില്ലെങ്കിലും ഫോമില്
ഫോര്ലാന് ഇല്ലെങ്കിലും മികച്ച ഫോമിലാണ് മുംബൈ സിറ്റി എഫ്.സി. മൂന്ന് മത്സരങ്ങളില് ഇത് വരെ തോല്വിയറിഞ്ഞിട്ടില്ല, രണ്ടു ജയവും ഒരു സമനിലയുമായി പോയിന്റ് ടേബിളില് നോര്ത്ത് ഈസ്റ്റിന് പിന്നില് രണ്ടാം സ്ഥാനത്താണ് ടീം. ഫോര്ലാനില്ലാതെയായിരുന്നു അവസാന മത്സരത്തില് ടീം കൊല്ക്കത്തക്കെതിരെ ഇറങ്ങിയത്. അതേ ടീമിനെ തന്നെയായിരിക്കും കോച്ച് ഗുയിമാറെസ് ഇന്നും പരീക്ഷിക്കുക. കഴിഞ്ഞ രണ്ടു മത്സരങ്ങളിലും ഗോള് കണ്ടെത്തിയ മാത്യാസ് ഡെഫെഡെറിക്കോ, ഫോര്ലാന് പകരക്കാരനായി എത്തി മികച്ച കളി പുറത്തെടുത്ത ബോയ്താങ് ഹോകിപ്, ലിയോ കോസ്റ്റ, കഴിഞ്ഞ മത്സരത്തില് പകരക്കാരനായി ഇറങ്ങിയ ഹെയ്തി താരം സോണി നോര്ദെ എന്നിവരെയെല്ലാം ഇന്ന് ആദ്യ ഇലവനില് തന്നെ പ്രതീക്ഷിക്കാം. കഴിഞ്ഞ രണ്ടു സീസണുകളിലായി രണ്ടു വട്ടം ഇരുടീമുകളും കൊച്ചിയില് നേര്ക്കുനേര് വന്നെങ്കിലും ഗോള് രഹിത സമനിലയായിരുന്നു ഫലം. മുംബൈയില് ഏറ്റവുമൊടുവില് നടന്ന മത്സരവും സമനിലയിലാണ് കലാശിച്ചത്. ആദ്യ സീസണിലെ ആദ്യ മത്സരത്തില് 1-0ന് മുംബൈക്കായിരുന്നു വിജയം.
![](https://demo.chandrikadaily.com/wp-content/uploads/2022/06/shammi.jpg)
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
![](https://demo.chandrikadaily.com/wp-content/uploads/2022/04/ch.jpg)
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
![](https://demo.chandrikadaily.com/wp-content/uploads/2022/05/indrans.jpg)
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ