Culture
ആഴ്ചയില് 28 ലക്ഷം സമ്പാദിച്ചിരുന്ന ചെല്സി താരം ഇപ്പോള് ദരിദ്രന്; കോടതി പാപ്പരായി പ്രഖ്യാപിച്ചു
ലണ്ടന്: യൂറോപ്പിലെ പ്രൊഫഷണല് ഫുട്ബോള് കളിനിലവാരം കൊണ്ടു മാത്രമല്ല, കളിക്കാര്ക്ക് ലഭിക്കുന്ന ഭീമന് പ്രതിഫലം കൊണ്ടുകൂടി ശ്രദ്ധേയമാണ്. ഇന്ത്യ പോലുള്ള വികസ്വര രാജ്യങ്ങളില് ജീവിതകാലം മുഴുവന് അധ്വാനിച്ചാല് കിട്ടുന്ന തുക യൂറോപ്പിലെ പല ഫുട്ബോള് താരങ്ങളും ഒറ്റ സീസണില് സ്വന്തമാക്കും. പത്തോ പതിനഞ്ചോ വര്ഷം മാത്രം നീളുന്ന ആ കാലയളവില് ലഭിക്കുന്ന സമ്പത്ത് പില്ക്കാല ജീവിതത്തിനു വേണ്ടി ഉപയോഗിക്കുകയാണ് സാധാരണ ഗതിയില് കളിക്കാര് ചെയ്യാറുള്ളത്.
എന്നാല്, ഇംഗ്ലണ്ടിനും ചെല്സി, വെസ്റ്റ്ഹാം, ആസ്റ്റന്വില്ല തുടങ്ങിയ മുന്നിര ക്ലബ്ബുകള്ക്കും വേണ്ടി കളിച്ചിരുന്ന കാള്ട്ടന് കോളിനെ ലണ്ടനിലെ ഹൈക്കോടതി പാപ്പരായി പ്രഖ്യാപിച്ചത് ഞെട്ടലോടെയാണ് ഫുട്ബോള് ലോകം കേട്ടത്. മികച്ച ഫോമില് നില്ക്കുന്ന കാലത്ത് ആഴ്ചയില് 30,000 പൗണ്ട് (28 ലക്ഷം രൂപ) സമ്പാദിച്ച താരം 34-ാം വയസ്സില് കഴിഞ്ഞ മാര്ച്ചിലാണ് പ്രൊഫഷണല് ഫുട്ബോളില് നിന്നു വിരമിച്ചത്. ചില സാമ്പത്തിക ഇടപാടുകളുമായി ബന്ധപ്പെട്ട കേസിലാണ് ഇംഗ്ലീഷ് താരത്തിന്റെ അഭ്യര്ത്ഥന പരിഗണിച്ച കോടതി പാപ്പരായി പ്രഖ്യാപിച്ചത്.
സാമ്പത്തിക കാര്യങ്ങളില് യുവ കളിക്കാര് സൂക്ഷ്മത പുലര്ത്തേണ്ടതിന്റെ അനിവാര്യതയാണ് തന്റെ ജീവിതം ബോധ്യപ്പെടുത്തുന്നതെന്ന് കാള്ട്ടന് കോള് പറഞ്ഞു: ‘ആരു പറയുന്നതാണ് കേള്ക്കേണ്ടത്, ആരില് നിന്നാണ് ഉപദേശം സ്വീകരിക്കേണ്ടത് തുടങ്ങിയ കാര്യങ്ങള് പഠിക്കാന് യുവ ഫുട്ബോളര്മാര്ക്ക് എന്റെ കഥ പാഠമാകുമെന്നാണ് എന്റെ പ്രതീക്ഷ. എന്റെ കാര്യത്തില് എന്താണ് സംഭവിക്കുന്നതെന്ന് അവസാന ഘട്ടത്തില് മാത്രമാണ് എനിക്കു തിരിച്ചറിയാന് കഴിഞ്ഞത്. കാര്യങ്ങള് അപ്പോഴേക്കും കൈവിട്ടു പോയിരുന്നു.’ താരം കോടതിയില് പറഞ്ഞു.
ചെല്സിയിലൂടെ യൂത്ത് കരിയര് ആരംഭിച്ച കോള് ചെല്സി, ചാള്ട്ടന്, ആസ്റ്റന്വില്ല, വെസ്റ്റ്ഹാം തുടങ്ങിയ ക്ലബ്ബുകള്ക്കു വേണ്ടി കളിക്കുകയും പ്രീമിയര് ലീഗില് 51 ഗോളുകള് നേടുകയും ചെയ്തു. ഇന്തൊനേഷ്യയിലെ പെര്സിബ് ബാന്ദുങിനു വേണ്ടിയാണ് താരം അവസാനമായി കളിച്ചത്.
സാമ്പത്തികമായി കാള്ട്ടന് കോള് തകരാനുണ്ടായ കാരണത്തിന്റെ വിശദാംശങ്ങള് വരും ആഴ്ചകളില് താരം വ്യക്തമാക്കുമെന്ന് അദ്ദേഹത്തിന്റെ അഭിഭാഷകന് പറഞ്ഞു.
കുട്ടികള്ക്കു പരിശീലനം നല്കുന്നതിനു വേണ്ടി കിഴക്കന് ലണ്ടനില് സിസിട്വല്വ് ഫുട്ബോള് അക്കാദമി കോള് ആരംഭിച്ചിട്ടുണ്ട്. ഏഴു മുതല് 14 വരെ പ്രായമുള്ള കുട്ടികളെ പരിശീലിപ്പിക്കുകയും പ്രൊഫഷണല് അക്കാദമികള്ക്കെതിരെ കളിക്കാന് അവസരമൊരുക്കുകയും ചെയ്യുകയാണ് അക്കാദമിയുടെ ലക്ഷ്യം.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ