tech
ഇന്ത്യക്കാര്‍ നാല് ദിവസത്തിനിടെ ആമസോണിലും ഫില്പ്കാര്‍ട്ടിലുമായി പൊടി പൊടിച്ചത് 26,000 കോടി രൂപ
കൊറോണ വൈറസ് കാരണം വിപണികളിലെല്ലാം വന്‍ പ്രതിസന്ധി നേരിടുന്നുണ്ടെങ്കിലും ഓണ്‍ലൈന്‍ കച്ചവടം പൊടി പൊടിക്കുകയാണ്
ഡല്‍ഹി : ഉത്സവ സീസണ്‍ വില്‍പ്പനയില്‍ വന്‍ നേട്ടം കൊയ്ത് ഫില്പ്കാര്‍ട്ടും ആമസോണും. വില്‍പ്പനയുടെ ആദ്യ നാല് ദിവസങ്ങളില്‍ ആമസോണ്‍, ഫ്‌ലിപ്കാര്‍ട്ട് വഴി നടന്നത് 3.5 ബില്യണ്‍ ഡോളറിന്റെ (ഏകദേശം 26,000 കോടി രൂപ) ഇടപാടുകളാണ്. കൊറോണ വൈറസ് കാരണം വിപണികളിലെല്ലാം വന്‍ പ്രതിസന്ധി നേരിടുന്നുണ്ടെങ്കിലും ഓണ്‍ലൈന്‍ കച്ചവടം പൊടി പൊടിക്കുകയാണ്.
ഉത്സവ സീസന്‍ വില്‍പ്പന അവസാനിക്കുമ്പോള്‍ രാജ്യത്തെ ഇ-കൊമേഴ്‌സ് വില്‍പ്പനയിലെ എല്ലാ റെക്കോര്‍ഡുകളും മറികടക്കുമെന്നാണ് കരുതുന്നത്. മുന്‍നിര ബ്രാന്‍ഡുകളായ സാംസങ്, ആപ്പിള്‍, ഷഓമി, വണ്‍പ്ലസ്, അസൂസ്, ലെനോവോ, എച്ച്പി, എല്‍ജി, വേള്‍പൂള്‍, ബജാജ് അപ്ലയന്‍സസ് എന്നിവര്‍ തങ്ങളുടെ രണ്ട് ദിവസത്തെ ഏറ്റവും വലിയ വില്‍പ്പനയ്ക്കാണ് സാക്ഷ്യം വഹിച്ചത്.
2019 ഒക്ടോബറിലെ ആറ് ദിവസത്തെ സെയിലില്‍ ആമസോണിന്റെയും ഫ്‌ലിപ്കാര്‍ട്ടിന്റെയും വില്‍പ്പന 2.7 ബില്യണ്‍ ഡോളറിലെത്തിയിരുന്നു (ഏകദേശം 20,000 കോടി രൂപ). റെഡ്‌സീറിന്റെ കണക്കനുസരിച്ച് 2018 ലെ 2.1 ബില്യണ്‍ ഡോളറില്‍ നിന്ന് 30 ശതമാനം വര്‍ധനയാണ് ഇത് കാണിക്കുന്നത്. ഇക്കോമേഴ്‌സ് കമ്പനികള്‍, മുന്‍നിര ബ്രാന്‍ഡുകള്‍, സ്വതന്ത്ര അനലിസ്റ്റുകള്‍ എന്നിവരുടെ അഭിപ്രായത്തില്‍ കഴിഞ്ഞ വര്‍ഷത്തെ അപേക്ഷിച്ച് ഈ വര്‍ഷത്തെ ഉത്സവ വില്‍പ്പനയുടെ ഒരാഴ്ച കാലയളവില്‍ മൊത്തത്തിലുള്ള ഇകൊമേഴ്‌സ് വ്യവസായം വില്‍പ്പന 30-36 ശതമാനം വര്‍ധിക്കുമെന്നാണ്.
ഈ വര്‍ഷം ബ്രാന്‍ഡുകള്‍ ശരാശരി കുറഞ്ഞ കിഴിവുകള്‍ നല്‍കിയിട്ടും ആദ്യ നാല് ദിവസത്തെ വില്‍പ്പന കുതിച്ചുയര്‍ന്നു. ഉയര്‍ന്ന നിലവാരമുള്ള സ്മാര്‍ട് ഫോണുകള്‍, ഫാഷന്‍, ഫര്‍ണിച്ചര്‍ എന്നിവ പോലുള്ള വിഭാഗങ്ങളില്‍ പരമാവധി കിഴിവുകള്‍ നല്‍കുന്നുണ്ട്.
News
ഐഫോണിന്റെ ഈ മോഡലുകളില്‍ ഇനിമുതല്‍ വാട്‌സാപ്പ് ലഭിക്കില്ല
എന്നാല്‍ സോഫ്റ്റ്വെയര്‍ പുതുക്കിയാല്‍ ഒരുപക്ഷേ വാട്‌സ്ആപ്പ് തുടര്‍ന്ന് ലഭിച്ചേക്കാം.
ഐ ഫോണിലെ ചില മോഡലുകളില്‍ ഇനിമുതല്‍ വാട്‌സ്ആപ്പ് ലഭിക്കില്ല. ഐഒഎസ് 10, 11 സോഫ്റ്റ്വെയര്‍ പ്രവര്‍ത്തിക്കുന്ന മോഡലുകളിലാണ് ഇനിമുതല്‍ വാട്‌സ്ആപ്പ് സപ്പോര്‍ട്ട് ചെയ്യാതിരിക്കുക.
ഇതുപ്രകാരം ഐഫോണ്‍ 5,5സി എന്നിവയില്‍ വാട്‌സ്ആപ്പ് സേവനം ഇനി മുതല്‍ ലഭ്യമാവില്ല. ഈ മോഡലുകളില്‍ വാട്‌സാപ്പിലെ പുതിയ അപ്‌ഡേറ്റുകളും സുരക്ഷയും ലഭ്യമാകാതെ ഇരിക്കുകയാണ് ചെയ്യുക. ഒക്ടോബര്‍ 24 മുതലായിരിക്കും ഈ മോഡലുകളില്‍ വാട്ട്‌സ്ആപ്പ് ലഭിക്കാതിരിക്കുക.
എന്നാല്‍ സോഫ്റ്റ്വെയര്‍ പുതുക്കിയാല്‍ ഒരുപക്ഷേ വാട്‌സ്ആപ്പ് തുടര്‍ന്ന് ലഭിച്ചേക്കാം.
News
‘ടേക്ക് എ ബ്രേക്ക്’ ഫീച്ചര്‍ ആഗോള തലത്തില്‍ അവതരിപ്പിച്ച് ഇന്‍സ്റ്റാഗ്രാം
യൂറോപ്യന്‍ രാജ്യങ്ങളില്‍ ആദ്യം കൊണ്ടുവന്ന ഈ ഫീച്ചര്‍ നിലവില്‍ ഇന്ത്യയില്‍ ഉള്‍പ്പെടെയുള്ള രാജ്യങ്ങള്‍ ലഭ്യമാക്കിയിട്ടുണ്ട്.
‘ടേക്ക് എ ബ്രേക്ക്’ ഫീച്ചര്‍ ആഗോള തലത്തില്‍ അവതരിപ്പിച്ച് ഇന്‍സ്റ്റാഗ്രാം. ടേക്ക് എ ബ്രേക്ക് എന്ന പുത്തന്‍ ഫീച്ചറാണ് ഇന്‍സ്റ്റഗ്രാം പുതുതായി കൊണ്ടുവന്നിട്ടുള്ളത്. ഇടവേള എടുക്കാന്‍ ഉപഭോക്താവിനെ ഓര്‍മിപ്പിക്കുന്ന ഒരു സംവിധാനമാണിത്.
നിശ്ചിതസമയ പരിധിയില്‍ ഇന്‍സ്റ്റഗ്രാമില്‍ ഇരിക്കുമ്പോള്‍ ഇടവേള എടുക്കാന്‍ ഇന്‍സ്റ്റഗ്രാം ഓര്‍മിപ്പിക്കും ഇതാണ് പുതിയ ഫീച്ചര്‍ ആയി വന്നിട്ടുള്ളത്.
ഇത് ഉപഭോക്താവിന്റെ താല്‍പര്യങ്ങള്‍ക്കനുസരിച്ച് എത്ര മിനുട്ട് വേണം എന്നത് സെലക്ട് ചെയ്യാന്‍ കഴിയും. 10 മിനിറ്റ, 20 മിനിറ്റ് ,30 മിനിറ്റ് എന്നിങ്ങനെ ഓപ്ഷനുകള്‍ ആണ് നിലവിലുള്ളത്.
യൂറോപ്യന്‍ രാജ്യങ്ങളില്‍ ആദ്യം കൊണ്ടുവന്ന ഈ ഫീച്ചര്‍ നിലവില്‍ ഇന്ത്യയില്‍ ഉള്‍പ്പെടെയുള്ള രാജ്യങ്ങള്‍ ലഭ്യമാക്കിയിട്ടുണ്ട്.
india
രാജ്യത്ത് അടുത്ത വര്‍ഷം മുതല്‍ 5 ജി
രാജ്യത്ത് അടുത്ത വര്‍ഷം ഇന്റര്‍നെറ്റ് 5ജി ആരംഭിക്കും. 2022 ഏപ്രില്‍, മെയ് മാസങ്ങളിലായി 5ജി സ്‌പെക്ട്രം വിതരണം നടക്കുമെന്ന് കേന്ദ്ര സര്‍ക്കാര്‍
ന്യൂഡല്‍ഹി: രാജ്യത്ത് അടുത്ത വര്‍ഷം ഇന്റര്‍നെറ്റ് 5ജി ആരംഭിക്കും. 2022 ഏപ്രില്‍, മെയ് മാസങ്ങളിലായി 5ജി സ്‌പെക്ട്രം വിതരണം നടക്കുമെന്ന് കേന്ദ്ര സര്‍ക്കാര്‍ അറിയിച്ചു. ടെലികോം മന്ത്രി അശ്വനി വൈഷ്ണവാണ് ഇക്കാര്യം അറിയിച്ചത്.
5ജി മാറ്റത്തെ കുറിച്ചുള്ള ട്രായിയുടെ റിപ്പോര്‍ട്ട് ഫെബ്രുവരിയില്‍ കേന്ദ്രത്തിന് കിട്ടും. ടെലികോം ദാതാക്കള്‍ അടുത്തവര്‍ഷം മെയ് വരെ സ്‌പെക്ട്രം ലേലത്തിന് അധികസമയം ടെലി കമ്മ്യൂണിക്കേഷന്‍ വകുപ്പില്‍ ആവശ്യപ്പെട്ടിട്ടുണ്ട്.
മെയ് മാസം മുതലുള്ള ആറു മാസം രാജ്യത്ത് 5ജി പരീക്ഷണങ്ങള്‍ നടത്തുന്നതിനായിട്ടായിരിക്കും ഉപയോഗപ്പെടുത്തുക. നഗരങ്ങളിലെന്ന പോലെ ഗ്രാമങ്ങളിലും ഇക്കാലയളവില്‍ 5ജി പരീക്ഷണം നടത്തും.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ