Culture
കള്ളവോട്ടില് കുരുങ്ങി കൂടുതല് പേര് മുഖ്യമന്ത്രിയുടെ മണ്ഡലം പ്രതിനിധിയുടെ പൗത്രിയും വിചാരണക്ക് ഹാജരാകാന് 400 പേര്ക്ക് നോട്ടീസ്
കണ്ണൂര്: കള്ളവോട്ടുമായി ബന്ധപ്പെട്ട് നിയമപോരാട്ടം ശക്തമാക്കി യുഡിഎഫ്. ദൃശ്യം തെളിവായി നല്കിയ പരാതിയില് കുടുങ്ങി മുഖ്യമന്ത്രിയുടെ മണ്ഡലം പ്രതിനിധിയുടെ പൗത്രിയും. 400 പേര്ക്ക് ജില്ലാ വരണാധികാരി നോട്ടീസ് നല്കി.
കണ്ണൂര് പാര്ലമെന്റ് മണ്ഡലത്തില് നടന്ന കള്ളവോട്ടുമായി ബന്ധപ്പെട്ട് യുഡിഎഫ് പരാതിയിലാണ് ജില്ലാ കലക്ടര് നടപടി തുടങ്ങിയത്. കള്ളവോട്ട് ചെയ്തതുമായി ബന്ധപ്പെട്ട് 199 പേര്ക്കെതിരെ നോട്ടീസ് അയച്ച് വിശദീകരണം തേടാനാണ് കലക്ടറുടെ തീരുമാനം. വോട്ടവകാശം നിഷേധിക്കപ്പെട്ടവരും തെരഞ്ഞെടുപ്പ് ഉദ്യോഗസ്ഥരും ഉള്പ്പെടെ 400 പേരെ വിചാരണ നടത്തി തെളിവെടുക്കാനാണ് ആലോചന. ഇവര്ക്കും നോട്ടീസ് നല്കും. ധര്മ്മടം മണ്ഡലത്തിലെ 22 പേര്ക്ക് നോട്ടീസ് അയച്ചുകഴിഞ്ഞതായാണ് വിവരം. ഇവരില് ഒരാളായ കെ സായൂജിനെതിരെ പൊലീസ് കേസെടുത്തു. പേരാവൂര് നിയമസഭാ മണ്ഡലത്തിലെ 350 പേര്ക്കും തളിപ്പറമ്പ് മണ്ഡലത്തിലെ 77 പേര്ക്കും മട്ടന്നൂര് മണ്ഡലത്തിലെ 65 പേര്ക്കുമെതിരെ നടപടിയുണ്ടാകും. ധര്മ്മടത്ത് കള്ളവോട്ട് ആരോപണത്തില് പെട്ട 16 കാരിയോട് നാളെ കലക്ടറുടെ ചേംബറിലെത്തി വിശദീകരണം നല്കാന് ആവശ്യപ്പെട്ടിട്ടുണ്ട്.
മുഖ്യമന്ത്രിയുടെ മണ്ഡലം പ്രതിനിധി പി ബാലന്റെ പൗത്രിയാണ് പെണ്കുട്ടി. വേങ്ങാട് പഞ്ചായത്തിലെ 46-ാം നമ്പര് ബൂത്തില് 1049-ാം നമ്പര് വോട്ടറായ വിസ്മയ മനോഹരന്റെ വോട്ട് പി ബാലന്റെ ബന്ധുവായ പെണ്കുട്ടി ചെയ്തെന്നായിരുന്നു യുഡിഎഫ് സ്ഥാനാര്ത്ഥി കെ സുധാകരന്റെ ചീഫ് ഏജന്റ് കെ സുരേന്ദ്രന് ദൃശ്യങ്ങള് സഹിതം നല്കിയ പരാതി.
ഇതിന് പുറമെ മംഗളുരുവില് താമസിക്കുന്ന 56-ാം നമ്പര് ബൂത്തിലെ 1224-ാം നമ്പര് വോട്ടര് കെ വിദ്യയുടെ വോട്ട് അഞ്ജനയെന്ന മറ്റൊരാള് ചെയ്തതായി വീഡിയോ പരിശോധനയില് വ്യക്തമായിരുന്നു. 14ന് രാവിലെ അഞ്ജനയോടും ഹാജരാകാന് ജില്ലാ വരണാധികാരി ആവശ്യപ്പെട്ടിട്ടുണ്ട്.
വര്ഷങ്ങളായി ഗുജറാത്തില് താമസിക്കുന്ന എന്കെ മുഹമ്മദിന്റെയും അബ്ദുല് അസീസിന്റെയും വോട്ടുകള് ആളുമാറി ചെയ്തതായും പരിശോധനയില് വ്യക്തമായിട്ടുണ്ട്. 56-ാം നമ്പര് ബൂത്തില് 188-ാം നമ്പര് വോട്ടറായ മുഹമ്മദിന്റെ വോട്ട് 63-ാം നമ്പര് ബൂത്തിലെ 23-ാം നമ്പര് വോട്ടര് രഞ്ജിത്താണ് ചെയ്തതെന്നും കണ്ടെത്തിയിരുന്നു. 56-ാം നമ്പര് ബൂത്തിലെ 191-ാം നമ്പര് വോട്ടറായ അബ്ദുല് അസീസിന്റെ വോട്ട് 78-ാം നമ്പര് വോട്ടര് അസീസാണ് ചെയ്തത്. ഇവര്ക്കും കലക്ടര് നോട്ടീസ് നല്കി. തളിപ്പറമ്പ് മണ്ഡലത്തില് പെട്ട 77 പേരില് 17 പേര് സ്ത്രീകളാണ്. വീഡിയോ ദൃശ്യങ്ങളുടെ പരിശോധനയില് തിരിച്ചറിഞ്ഞവര്ക്കാണ് നോട്ടീസ് അയക്കുന്നത്. സിപിഎം കേന്ദ്രങ്ങളില് നടന്ന കള്ളവോട്ടുകളുടെ കൂടുതല് വിവരങ്ങള് പുറത്ത് വരുമെന്നാണ് സൂചന.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ