india
നാലു വര്‍ഷത്തേക്ക് സൈന്യത്തില്‍ ചേരാം; 45,000 പേര്‍ക്ക് നിയമനം
സൈനികരുടെ ശമ്പള, പെന്‍ഷന്‍ ഇനത്തിലുള്ള ചെലവ് വെട്ടിക്കുറക്കുന്നതിന് കുറുക്കുവഴിയുമായി കേന്ദ്ര സര്‍ക്കാര്‍.
ന്യൂഡല്‍ഹി: സൈനികരുടെ ശമ്പള, പെന്‍ഷന്‍ ഇനത്തിലുള്ള ചെലവ് വെട്ടിക്കുറക്കുന്നതിന് കുറുക്കുവഴിയുമായി കേന്ദ്ര സര്‍ക്കാര്‍. നാലു വര്‍ഷ കാലയളവിലേക്ക് മാത്രമായി, പെന്‍ഷനോ മറ്റ് ആനുകൂല്യങ്ങളോ ഇല്ലാതെയും കുറഞ്ഞ ശമ്പളം നിശ്ചയിച്ചും സൈനിക സേവനത്തിന് യുവാക്കളെ റിക്രൂട്ട് ചെയ്യുന്ന അഗ്നിപഥ് എന്ന പദ്ധതിയാണ് കേന്ദ്ര പ്രതിരോധ മന്ത്രാലയം പ്രഖ്യാപിച്ചിരിക്കുന്നത്.
ആധുനിക സൈനികോപകരണങ്ങള്‍ വാങ്ങുന്നതിന് ഫണ്ട് കണ്ടെത്തുന്നതിനു വേണ്ടിയാണ് സൈനികരുടെ ശമ്പള , പെന്‍ഷന്‍ ഇനത്തിലുള്ള ചിലവ് വെട്ടിക്കുറക്കുന്നതെന്നാണ് കേന്ദ്ര സര്‍ക്കാര്‍ വാദം. അഗ്നിപഥ് പദ്ധതി പ്രകാരം പതിനേഴര വയസിനും 21 വയസിനും ഇടയില്‍ പ്രായമുള്ള 45,000 പേര്‍ക്കാണ് നിയമനം നല്‍കുക. 90 ദിവസത്തിനകം നിയമന നടപടികള്‍ പൂര്‍ത്തിയാക്കും. 2023 ജൂലൈയില്‍ ആദ്യ ബാച്ചിന്റെ പാസിങ് ഔട്ട് പരേഡ് നടത്താനാണ് ലക്ഷ്യമിടുന്നതെന്നും പ്രതിരോധ മന്ത്രി രാജ്‌നാഥ് സിങ് പറഞ്ഞു.
ചരിത്രപരമായ തീരുമാനമാണിതെന്നും പദ്ധതിയുടെ ഉദ്ഘാടന ചടങ്ങില്‍ കര, നാവിക, വ്യോമ സേനാ മേധാവികള്‍ സംബന്ധിക്കുമെന്നും രാജ്‌നാഥ് വ്യക്തമാക്കി. അഗ്നിവേഴ്‌സ് എന്ന പേരിലായിരിക്കും ഇങ്ങനെ നിയമിക്കപ്പെടുന്ന സൈനികര്‍ അറിയപ്പെടുക. സാധാരണ സൈനിക നിയമനത്തിനുള്ള വിദ്യാഭ്യാസ യോഗ്യത തന്നെയാണ് അഗ്നിപഥിനും ഉണ്ടാവുക. കേന്ദ്രീകൃത ഓണ്‍ലൈന്‍ സംവിധാനം വഴിയാകും നിയമനം. സ്ത്രീകള്‍ക്കും നിയമനം ലഭിക്കും.
നാലു വര്‍ഷത്തില്‍ ആറു മാസം പരിശീലന കാലയളവ് ആയിരിക്കും. 30,000 മുതല്‍ 40,000 രൂപ വരെയാണ് ശമ്പളം. മെഡിക്കല്‍, ഇന്‍ഷൂറന്‍സ് ആനുകൂല്യങ്ങളും ലഭിക്കും. നാലു വര്‍ഷത്തിനു ശേഷം ഇതില്‍ 25 ശതമാനം പേരെ മാത്രം നിലനിര്‍ത്തും. ഇവര്‍ക്ക് സാധാരണ സൈനിക തസ്തികകളില്‍ നിയമനം ലഭിക്കും. 15 വര്‍ഷം വരെ നോണ്‍ -ഓഫിസര്‍ റാങ്കിലായിരിക്കും നിയമനം. നാലു വര്‍ഷത്തിനു ശേഷം വിരമിക്കുന്നവര്‍ക്ക് 11-12 ലക്ഷം രൂപ വരെ ആനുകൂല്യം ലഭിക്കുന്ന എക്‌സിറ്റ് സ്‌കീമില്‍ പുറത്തു പോകാം. പെന്‍ഷനോ മറ്റ് ആനൂകൂല്യങ്ങളോ ലഭിക്കില്ല. ഡ്യൂട്ടിക്കിടെ ജീവഹാനി, അംഗവൈകല്യം എന്നിവ നേരിടുന്നവരുടെ കാര്യത്തില്‍ പ്രത്യേക ക്ലോസുകള്‍ ഉള്‍പ്പെടുത്തും. പദ്ധതി വഴി കേന്ദ്ര ഖജനാവിന് പ്രതിവര്‍ഷം 5.2 ലക്ഷം കോടിയുടെ ലാഭമുണ്ടാകുമെന്നാണ് കണക്കുകൂട്ടല്‍. അതേസമയം പദ്ധതിക്കെതിരെ വ്യാപക വിമര്‍ശനങ്ങളും ഉയരുന്നുണ്ട്.
സൈന്യത്തിന്റെ മനോബലം തകര്‍ക്കുന്നതാണ് നീക്കമെന്നാണ് ആരോപണം. സൈനിക സേവനത്തിന് എത്തുന്നവര്‍ സ്വജീവന്‍ സമര്‍പ്പിക്കാന്‍ തയ്യാറായാണ് വരുന്നത്. നാലു വര്‍ഷത്തെ താല്‍ക്കാലിക ഉദ്യോഗത്തിന് ആരാണ് ഇങ്ങനെ റിസ്‌ക് എടുക്കാന്‍ തയ്യാറാവുക എന്ന താണ് വിമര്‍ശനം.
india
സ്മൃതിയുടെ മകളുടെ റസ്റ്റോറന്റിന്റെ മദ്യ ലൈസന്‍സ് അനധികൃതം
വടക്കന്‍ ഗോവയില്‍ കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്‍സ് ലഭിച്ചത് അനധികൃതമാണെന്ന് റിപ്പോര്‍ട്ട്.
പനജി: വടക്കന്‍ ഗോവയില്‍ കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്‍സ് ലഭിച്ചത് അനധികൃതമാണെന്ന് റിപ്പോര്‍ട്ട്. മരിച്ചയാളുടെ പേരിലാണ് ലൈസന്‍സ് പുതുക്കിയതെന്നാണ് ആരോപണം. ഇതേത്തുടര്‍ന്ന് ഗോവ എക്‌സൈസ് കമ്മിഷണര്‍ നാരായണ്‍ എം. ഗാഡ് ലൈസന്‍സ് റദ്ദാക്കാതിരിക്കണമെങ്കില്‍ കാരണം കാണിക്കണമെന്ന് ആവശ്യപ്പെട്ട് നോട്ടീസ് അയച്ചിരിക്കുകയാണ്.
ഗോവയിലെ അസന്‍ഗൗവിലാണ് സ്മൃതിയുടെ മകള്‍ സോയിഷ് ഇറാനിയുടെ പോഷ് റസ്റ്ററന്റായ സില്ലി സോള്‍സ് കഫേ ആന്റ് ബാര്‍ ഉള്ളത്. ബാറിനുള്ള ലൈസന്‍സ് കൃത്രിമ രേഖകള്‍ നല്‍കിയാണ് ഉടമകള്‍ കൈവശപ്പെടുത്തിയതെന്ന് അഭിഭാഷകനായ എയ്‌റിസ് റോഡ്രിഗസ് നല്‍കിയ പരാതിയിലാണ് ജൂലൈ 21ന് എക്‌സൈസ് കമ്മിഷണര്‍ നോട്ടിസ് അയച്ചത്. വിഷയം ജൂലൈ 29ന് കോടതി പരിഗണിക്കും.
കഴിഞ്ഞമാസമാണ് ലൈസന്‍സ് പുതുക്കിയത്. എന്നാല്‍ ലൈസന്‍സിന്റെ ഉടമ ആയിരുന്ന ആന്തണി ഡിഗാമ 2021 മേയ് 17ന് അന്തരിച്ചിരുന്നു. ഡിഗാമയുടെ ആധാര്‍ കാര്‍ഡിലെ വിവരം അനുസരിച്ച് മുംബൈയിലെ വിലേ പാര്‍ലെയിലെ താമസക്കാരനാണിയാള്‍. ഇയാളുടെ മരണ സര്‍ട്ടിഫിക്കറ്റ് മുംബൈ മുനിസിപ്പല്‍ കോര്‍പ്പറേഷനില്‍നിന്ന് റോഡ്രിഗസിന് ലഭിച്ചിട്ടുമുണ്ട്.
ആറുമാസത്തിനുള്ളില്‍ ലൈസന്‍സ് ട്രാന്‍സ്ഫര്‍ ചെയ്യുമെന്നാണ് അപേക്ഷയില്‍ വ്യക്തമാക്കിയിരുന്നതെന്ന് സംസ്ഥാന എക്‌സൈസ് വിഭാഗം പറയുന്നു.വിവരാവകാശ നിയമപ്രകാരമാണ് റോഡ്രിഗസ് വിവരങ്ങള്‍ ശേഖരിച്ചത്. സില്ലി സോള്‍സ് കഫേ ആന്റ് ബാറിന് സംസ്ഥാനത്ത് പ്രവര്‍ത്തിക്കുന്നതിന് റസ്റ്ററന്റ് ലൈസന്‍സ് ഇല്ലെന്നും അഭിഭാഷകനായ റോഡ്രിഗസ് പറയുന്നു.
ലഖ്‌നൗ: ഉത്തര്‍പ്രദേശിലെ സ്‌കൂളല്‍ സിഖ് വിദ്യാര്‍ഥികളോട് തലപ്പാവും കൃപാണും ധരിക്കരുതെന്ന് ആവശ്യപ്പെട്ട സംഭവത്തില്‍ ശക്തമായ പ്രതിഷേധം അറിയിച്ച് പ്രമുഖ സിഖ് മത നേതൃത്വമായ ശിരോമണി ഗുരുദ്വാര പര്‍ബന്ധക് കമ്മിറ്റി (എസ്.ജി.പി.സി). രാജസ്ഥാനിലെ അല്‍വാര്‍ ജില്ലയില്‍ അജ്ഞാതര്‍ സിഖ് പുരോഹിതനെ മര്‍ദിക്കുകയും മുടി മുറിക്കുകയും ചെയ്ത സംഭവത്തെയും സിഖുകാരുടെ പരമോന്നത മതസംഘടന അപലപിച്ചു.
വ്യാഴാഴ്ച ഉത്തര്‍പ്രദേശിലെ ബറേലിയിലെ സിഖ് സമുദായാംഗങ്ങള്‍ സ്‌കൂള്‍ മാനേജ്‌മെന്റിന്റെ ഉത്തരവിനെതിരെ പ്രതിഷേധിച്ചിരുന്നു. ഉത്തരവ് പാലിക്കാത്തതിനാല്‍ കുട്ടികളോട് സ്‌കൂളിലേക്ക് പ്രവേശിക്കരുതെന്ന് പറഞ്ഞതായും അവര്‍ ആരോപിച്ചു.
india
ഇന്ത്യയില്‍ ഒരു ഡോസ് വാക്‌സിന്‍ പോലും എടുക്കാതെ 4 കോടി ആളുകള്‍
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില്‍ 98 ശതമാനം പേര്‍ക്കും കുറഞ്ഞത് ഒരു ഡോസ് വാക്‌സിനെങ്കിലും ലഭിച്ചിട്ടുണ്ട്.
ന്യൂഡല്‍ഹി: ഇന്ത്യയില്‍ യോഗ്യരായ നാലു കോടി ആളുകള്‍ ഇതുവരെ ഒരു ഡോസ് വാക്‌സിന്‍ പോലും സ്വീകരിച്ചിട്ടില്ലെന്ന് കേന്ദ്ര ആരോഗ്യ സഹമന്ത്രി ഭാരതി പ്രവീണ്‍ പവാര്‍. ജൂലൈ 18 വരെ സര്‍ക്കാര്‍ കോവിഡ് വാക്‌സിനേഷന്‍ സെന്ററുകളില്‍ 1,78,38,52,566 വാക്‌സിന്‍ ഡോസുകള്‍ സൗജന്യമായി നല്‍കിയിട്ടുണ്ടെന്നും രേഖാമൂലമുള്ള മറുപടിയില്‍ വ്യക്തമാക്കി.
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില്‍ 98 ശതമാനം പേര്‍ക്കും കുറഞ്ഞത് ഒരു ഡോസ് വാക്‌സിനെങ്കിലും ലഭിച്ചിട്ടുണ്ട്. 90 ശതമാനം പേര്‍ പൂര്‍ണമായി വാക്‌സിന്‍ എടുത്തിട്ടുണ്ടെന്നും കണക്കില്‍ പറയുന്നു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ