india
കോവിഡ് കാലത്തെ കുതിപ്പ്;ഓണ്‍ലൈന്‍ വ്യാപാരത്തില്‍ ഇരട്ടി വളര്‍ച്ച
020ന്റെ അവസാനം മുതലാണ് രാജ്യത്ത് ഇ കൊമേഴ്‌സ് ആപ്പുകള്‍ ഉപയോഗിച്ചുള്ള വ്യാപാരത്തില്‍ കുതിപ്പുണ്ടായത്
കോവിഡ് അടച്ചിടല്‍ കാലത്ത് ഓണ്‍ലൈനിലൂടെ സജീവമായ ഇ കൊമേഴ്‌സ് വ്യാപാരം നേടിയത് ഇരട്ടി വളര്‍ച്ച. നിലവിലെ സാമ്പത്തിക മാന്ദ്യത്തെ മറികടന്ന മേഖല 77 ശതമാനം വളര്‍ച്ചയാണ് നേടിയത്. കഴിഞ്ഞ വര്‍ഷത്തെക്കാള്‍ 42 ശതമാനമാണിത്. അടുത്ത രണ്ടു വര്‍ഷത്തിനകം വ്യാപാരം 100 ബില്യണ്‍ കടക്കുമെന്നാണ് വിലയിരുത്തല്‍. വ്യാപാര വളര്‍ച്ച 85 ശതമാനം കടക്കും.
ആമസോണും ഫഌപ്പ്കാര്‍ട്ടും അടക്കമുള്ള വ്യാപാര സൈറ്റുകള്‍ വഴി ഈ സാമ്പത്തിക വര്‍ഷത്തിന്റെ രണ്ടാം പാദത്തില്‍ മാത്രം 46,000 കോടി ഡോളറിന്റെ വില്‍പനയാണ് നടത്തിയത്. ഈ ഒക്ടോബറില്‍ നടന്ന ഓഫര്‍ കാര്‍ണിവലില്‍ ഫഌപ്പ്കാര്‍ട്ടും ആമസോണും അടക്കമുള്ള മുന്‍നിര കമ്പനികള്‍ 32,000 കോടി രൂപയുടെ ഉല്‍പ്പന്നങ്ങള്‍ രാജ്യത്ത് വിറ്റഴിച്ചു. ഇതില്‍ 64 ശതമാനം വിപണി വിഹിതം ഫഌപ്പ്കാര്‍ട്ട് സ്വന്തമാക്കിയപ്പോള്‍ ആമസോണിനൊപ്പം ടാറ്റാ ക്ലിക്, റിലയന്‍സ് ജിയോ മാര്‍ട്ട് എന്നിവയും മുന്നില്‍ നിന്നു.
2020ന്റെ അവസാനം മുതലാണ് രാജ്യത്ത് ഇ കൊമേഴ്‌സ് ആപ്പുകള്‍ ഉപയോഗിച്ചുള്ള വ്യാപാരത്തില്‍ കുതിപ്പുണ്ടായത്. ഈ വര്‍ഷം ജൂലൈയിലെ കണക്കനുസരിച്ച് എട്ടു കോടി പേര്‍ ആപ്പുകള്‍ ഡൗണ്‍ലോഡ് ചെയ്തിട്ടുണ്ട്. ഇതുവഴി സജീവമായവരാണ് ഓണ്‍ലൈന്‍ വ്യാപാരത്തിന് കരുത്തായത്. ഇതിന് പുത്തന്‍തലമുറ സ്റ്റാര്‍ട്ടപ്പുകളും സഹായകമായി.
ഇന്റര്‍നെറ്റ് അധിഷ്ഠിത സാങ്കേതിക വിദ്യയുടെ വളര്‍ച്ചയാണ് ഈ കുതിച്ചുചാട്ടത്തിലേക്ക് നയിച്ചതെന്ന് ഇ കൊമേഴ്‌സ് റിപ്പോര്‍ട്ടില്‍ പറയുന്നു. പുതുസംരംഭകരുടെ രംഗപ്രവേശനത്തിനൊപ്പം സാങ്കേതികവിദ്യാ പ്രചാരണവും ഇതിന് കരുത്തേകി. സ്റ്റാര്‍ട്ടപ്പ് കമ്പനികള്‍ വിവിധ സോഷ്യല്‍ മീഡിയ പ്ലാറ്റ്‌ഫോമുകള്‍ ഉപയോഗപ്പെടുത്തി നടത്തുന്ന ഇ കൊമേഴ്‌സ് വ്യാപാരം വലിയതോതില്‍ വിജയം കാണുകയും ചെയ്തു.
ഓണ്‍ലൈന്‍ വ്യാപാരത്തിലെ ചതിക്കുഴികളുടെ ആധിക്യം ഇല്ലാതാക്കാന്‍ മുന്‍നിര കമ്പനികള്‍ തയ്യാറായതാണ് ഇ കൊമേഴ്‌സിന് ശക്തി പകര്‍ന്നത്. വ്യാജ ഉല്‍പ്പന്നങ്ങള്‍ വിതരണം ചെയ്യുന്നതും വൈകിയുള്ള ഡെലിവറിയും അവസാനിപ്പിച്ചതോടെ ഉപഭോക്താക്കളുടെ വിശ്വാസ്യത ഏറി. ലാഭം മാത്രമല്ല ഉല്‍പ്പന്നത്തിന്റെ ഗുണനിലവാരവും ഒത്തുവന്നപ്പോള്‍ കടകളെ ആളുകള്‍ കൈവിട്ടു. വിതരണസംവിധാനത്തിലെ വ്യാപനമാണ് മറ്റൊരു അനുകൂല ഘടകമായത്. പിന്‍കോഡ് അനുസരിച്ചുള്ള വിതരണത്തിന് കൂടുതല്‍ ചെറുകിട ഏജന്‍സികള്‍ തയ്യാറായതോടെ ഉല്‍പ്പന്നം വീട്ടില്‍ ലഭിക്കാനുള്ള കാലതാമസം കുറഞ്ഞു. പ്രമുഖ ബ്രാന്‍ഡുകള്‍ ഇ കൊമേഴ്‌സ് വിപണിയില്‍ മുഖം കാണിച്ചതും കച്ചവടം കൂട്ടി. സാഹചര്യത്തിന്റെ പ്രതിഫലനമാണ് ഇ കൊമേഴ്‌സ് വിപണി വളര്‍ച്ചയില്‍ കണ്ടത്. എന്നാല്‍ സാഹചര്യം മാറിയാലും ഓണ്‍ലൈന്‍ വ്യാപാരം വളര്‍ച്ചയുടെ പാതയിലായിരിക്കുമെന്നും ഇത് ശീലമാക്കുന്നവരുടെ എണ്ണത്തില്‍ വന്‍ വര്‍ധനവുണ്ടായെന്നുമാണ് കണക്കുകള്‍ സൂചിപ്പിക്കുന്നത്.
india
സ്മൃതിയുടെ മകളുടെ റസ്റ്റോറന്റിന്റെ മദ്യ ലൈസന്‍സ് അനധികൃതം
വടക്കന്‍ ഗോവയില്‍ കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്‍സ് ലഭിച്ചത് അനധികൃതമാണെന്ന് റിപ്പോര്‍ട്ട്.
പനജി: വടക്കന്‍ ഗോവയില്‍ കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്‍സ് ലഭിച്ചത് അനധികൃതമാണെന്ന് റിപ്പോര്‍ട്ട്. മരിച്ചയാളുടെ പേരിലാണ് ലൈസന്‍സ് പുതുക്കിയതെന്നാണ് ആരോപണം. ഇതേത്തുടര്‍ന്ന് ഗോവ എക്‌സൈസ് കമ്മിഷണര്‍ നാരായണ്‍ എം. ഗാഡ് ലൈസന്‍സ് റദ്ദാക്കാതിരിക്കണമെങ്കില്‍ കാരണം കാണിക്കണമെന്ന് ആവശ്യപ്പെട്ട് നോട്ടീസ് അയച്ചിരിക്കുകയാണ്.
ഗോവയിലെ അസന്‍ഗൗവിലാണ് സ്മൃതിയുടെ മകള്‍ സോയിഷ് ഇറാനിയുടെ പോഷ് റസ്റ്ററന്റായ സില്ലി സോള്‍സ് കഫേ ആന്റ് ബാര്‍ ഉള്ളത്. ബാറിനുള്ള ലൈസന്‍സ് കൃത്രിമ രേഖകള്‍ നല്‍കിയാണ് ഉടമകള്‍ കൈവശപ്പെടുത്തിയതെന്ന് അഭിഭാഷകനായ എയ്‌റിസ് റോഡ്രിഗസ് നല്‍കിയ പരാതിയിലാണ് ജൂലൈ 21ന് എക്‌സൈസ് കമ്മിഷണര്‍ നോട്ടിസ് അയച്ചത്. വിഷയം ജൂലൈ 29ന് കോടതി പരിഗണിക്കും.
കഴിഞ്ഞമാസമാണ് ലൈസന്‍സ് പുതുക്കിയത്. എന്നാല്‍ ലൈസന്‍സിന്റെ ഉടമ ആയിരുന്ന ആന്തണി ഡിഗാമ 2021 മേയ് 17ന് അന്തരിച്ചിരുന്നു. ഡിഗാമയുടെ ആധാര്‍ കാര്‍ഡിലെ വിവരം അനുസരിച്ച് മുംബൈയിലെ വിലേ പാര്‍ലെയിലെ താമസക്കാരനാണിയാള്‍. ഇയാളുടെ മരണ സര്‍ട്ടിഫിക്കറ്റ് മുംബൈ മുനിസിപ്പല്‍ കോര്‍പ്പറേഷനില്‍നിന്ന് റോഡ്രിഗസിന് ലഭിച്ചിട്ടുമുണ്ട്.
ആറുമാസത്തിനുള്ളില്‍ ലൈസന്‍സ് ട്രാന്‍സ്ഫര്‍ ചെയ്യുമെന്നാണ് അപേക്ഷയില്‍ വ്യക്തമാക്കിയിരുന്നതെന്ന് സംസ്ഥാന എക്‌സൈസ് വിഭാഗം പറയുന്നു.വിവരാവകാശ നിയമപ്രകാരമാണ് റോഡ്രിഗസ് വിവരങ്ങള്‍ ശേഖരിച്ചത്. സില്ലി സോള്‍സ് കഫേ ആന്റ് ബാറിന് സംസ്ഥാനത്ത് പ്രവര്‍ത്തിക്കുന്നതിന് റസ്റ്ററന്റ് ലൈസന്‍സ് ഇല്ലെന്നും അഭിഭാഷകനായ റോഡ്രിഗസ് പറയുന്നു.
ലഖ്‌നൗ: ഉത്തര്‍പ്രദേശിലെ സ്‌കൂളല്‍ സിഖ് വിദ്യാര്‍ഥികളോട് തലപ്പാവും കൃപാണും ധരിക്കരുതെന്ന് ആവശ്യപ്പെട്ട സംഭവത്തില്‍ ശക്തമായ പ്രതിഷേധം അറിയിച്ച് പ്രമുഖ സിഖ് മത നേതൃത്വമായ ശിരോമണി ഗുരുദ്വാര പര്‍ബന്ധക് കമ്മിറ്റി (എസ്.ജി.പി.സി). രാജസ്ഥാനിലെ അല്‍വാര്‍ ജില്ലയില്‍ അജ്ഞാതര്‍ സിഖ് പുരോഹിതനെ മര്‍ദിക്കുകയും മുടി മുറിക്കുകയും ചെയ്ത സംഭവത്തെയും സിഖുകാരുടെ പരമോന്നത മതസംഘടന അപലപിച്ചു.
വ്യാഴാഴ്ച ഉത്തര്‍പ്രദേശിലെ ബറേലിയിലെ സിഖ് സമുദായാംഗങ്ങള്‍ സ്‌കൂള്‍ മാനേജ്‌മെന്റിന്റെ ഉത്തരവിനെതിരെ പ്രതിഷേധിച്ചിരുന്നു. ഉത്തരവ് പാലിക്കാത്തതിനാല്‍ കുട്ടികളോട് സ്‌കൂളിലേക്ക് പ്രവേശിക്കരുതെന്ന് പറഞ്ഞതായും അവര്‍ ആരോപിച്ചു.
india
ഇന്ത്യയില്‍ ഒരു ഡോസ് വാക്‌സിന്‍ പോലും എടുക്കാതെ 4 കോടി ആളുകള്‍
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില്‍ 98 ശതമാനം പേര്‍ക്കും കുറഞ്ഞത് ഒരു ഡോസ് വാക്‌സിനെങ്കിലും ലഭിച്ചിട്ടുണ്ട്.
ന്യൂഡല്‍ഹി: ഇന്ത്യയില്‍ യോഗ്യരായ നാലു കോടി ആളുകള്‍ ഇതുവരെ ഒരു ഡോസ് വാക്‌സിന്‍ പോലും സ്വീകരിച്ചിട്ടില്ലെന്ന് കേന്ദ്ര ആരോഗ്യ സഹമന്ത്രി ഭാരതി പ്രവീണ്‍ പവാര്‍. ജൂലൈ 18 വരെ സര്‍ക്കാര്‍ കോവിഡ് വാക്‌സിനേഷന്‍ സെന്ററുകളില്‍ 1,78,38,52,566 വാക്‌സിന്‍ ഡോസുകള്‍ സൗജന്യമായി നല്‍കിയിട്ടുണ്ടെന്നും രേഖാമൂലമുള്ള മറുപടിയില്‍ വ്യക്തമാക്കി.
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില്‍ 98 ശതമാനം പേര്‍ക്കും കുറഞ്ഞത് ഒരു ഡോസ് വാക്‌സിനെങ്കിലും ലഭിച്ചിട്ടുണ്ട്. 90 ശതമാനം പേര്‍ പൂര്‍ണമായി വാക്‌സിന്‍ എടുത്തിട്ടുണ്ടെന്നും കണക്കില്‍ പറയുന്നു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല്‍ തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ