Culture
ഫാസിസത്തിനെതിരെ മതേതര കൂട്ടായ്മ: തീരുമാനമെടുക്കേണ്ടത് സി.പി.എം; പി.കെ കുഞ്ഞാലിക്കുട്ടി
കാസര്‍കോട്: ഫാസിസ്റ്റ് ശക്തികളെ എതിര്‍ക്കാന്‍ ദേശീയ തലത്തില്‍ മതേതര ജനാധിപത്യ കൂട്ടായ്മ രൂപപ്പെടേണ്ടതുണ്ടെന്ന് മുസ്്‌ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി എം.പി പറഞ്ഞു. കാസര്‍കോട്ട് മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. ഫാസിസ്റ്റ് പ്രതിരോധത്തിന്റെ പ്രായോഗികമായ ജനാധിപത്യമാര്‍ഗം കോണ്‍ഗ്രസ് നേതൃത്വം നല്‍കുന്ന മതേതര കക്ഷികളുടെ കൂട്ടായ്മയാണ്.
മതേതര ജനാധിപത്യ കൂട്ടായ്മക്ക് നല്ലകാലമാണ് വരാന്‍പോകുന്നത്. നിലവിലെ സാഹചര്യത്തില്‍ മതേതര കക്ഷികള്‍ക്കാണ് കൂടുതല്‍ സാധ്യതയും. ഇതിന് വേണ്ടവിധം സി.പി.എം സഹകരിക്കുന്നില്ല. ഇതിനിടയില്‍ ഒരു മൂന്നാംചേരി ഫലപ്രദമല്ലെന്ന് സമകാലിക അനുഭവങ്ങള്‍ തെളിയിച്ചതാണ്. ബി.ജെ.പി.യെ ചെറുക്കാന്‍ ദേശീയതലത്തില്‍ കോണ്‍ഗ്രസ് നേതൃത്വം നല്‍കുന്ന ഒരു സഖ്യത്തിനേ കഴിയൂ എന്ന് തിരിച്ചറിഞ്ഞിട്ടും ഇക്കാര്യത്തില്‍ സി.പി.എമ്മിന്റെ നിലപാട് അപ്രസക്തമാണ്.
സംഘ്പരിവാര്‍ ഭീഷണിയെ കുറിച്ച് കേരളത്തില്‍ മാത്രം പറയുന്നതിലും ബി.ജെ.പി മുഖ്യശത്രുവാണെന്ന് പ്രസംഗിക്കുന്നതിലും കാര്യമില്ല. ഇനിയും യോജിപ്പിന് തയാറാവേണ്ടതും ബാക്കി നയ തീരുമാനമെടുക്കേണ്ടതും ഇടതുപക്ഷമാണ്. സമകാലിക സാഹചര്യവും അനുഭവങ്ങളും മനസിലാക്കി കാര്യക്ഷമമായ തീരുമാനം എടുക്കുമെന്ന് പ്രതീക്ഷിക്കുന്നുവെന്നും അദ്ദേഹം കൂട്ടിച്ചേര്‍ത്തു.
സംസ്ഥാനത്ത് പാര്‍ട്ടി പുനസംഘടിച്ചു കഴിഞ്ഞു. വരുംകാലയളവില്‍ ഊര്‍ജിതമായ പദ്ധതികള്‍ ആവിഷ്‌ക്കരിച്ച് നടപ്പാക്കാനുള്ള ഒരുക്കത്തിലാണ് മുസ്്‌ലിം ലീഗ് പാര്‍ട്ടി. കേരളത്തിന് പുറമെ തമിഴ്‌നാട്ടിലും പാര്‍ട്ടി കരുത്താര്‍ജിക്കും. ഇതൊക്കെ അജണ്ടയാക്കി അടുത്തുതന്നെ കേരളത്തില്‍ ദേശീയ സമിതി ചേരുന്നുണ്ട്. ബി.ജെ.പിക്ക് ഗ്രൗണ്ട് ലൂസ് സംഭവിച്ചിരിക്കുന്നുവെന്നാണ് പൊതുവെയുള്ള വിലയിരുത്തല്‍. ഇതിന്റെ ഭാഗമായി തമിഴ്‌നാട്ടിലും കേരളത്തിലും ദേശീയ കക്ഷിയെന്ന നിലയില്‍ അംഗീകാരമുള്ള പാര്‍ട്ടിയെന്ന നിലയില്‍ നല്ല പ്രകടനം കാഴ്ചവെച്ച വെക്കും.
വരാനിരിക്കുന്ന ലോക്‌സഭ തെരഞ്ഞെടുപ്പില്‍ യു.പി.എയുടെ പ്രകടനം മെച്ചപ്പെടും. നിലവിലെ സാഹചര്യത്തില്‍ ദേശീയതലത്തിലും സംസ്ഥാനത്തും ഭരണ വിരുദ്ധവികാരം ശക്തമാണ്. നേരത്തെ യു.ഡി.എഫിനെതിരെയുണ്ടായ ബാര്‍ക്കോഴ ആരോപണം രാഷ്ട്രീയ പ്രേരിതമെന്ന് വ്യക്തമായിരിക്കുകയാണ്. എല്‍.ഡി.എഫിന്റെ സമ്മര്‍ദം കൊണ്ടാണ് ആരോപണം ഉന്നയിച്ചതെന്ന് ബാര്‍ മുതലാളിമാര്‍തന്നെ പറഞ്ഞുകഴിഞ്ഞു. ആരോപണം സംബന്ധിച്ച് നടന്ന അന്വേഷണവും എവിടെയും എത്തിയിട്ടില്ലെന്നതും യു.ഡി.എഫിനെതിരെയും മാണി സാറിനെതിരെയും എല്‍.ഡി.എഫ് തൊടുത്തുവിട്ട ആരോപണം അടിസ്ഥാന രഹിതമായിരുന്നുവെന്നതിന് തെളിവാണ്.
കേന്ദ്ര സര്‍ക്കാറിന്റെ നയപരിപാടികളും തീരുമാനങ്ങളും കുത്തക കമ്പനികളെ കേന്ദ്രീകരിച്ചാണ് നടക്കുന്നത്. ഒന്നും നടക്കാത്ത സംസ്ഥാന ഭരണത്തില്‍ ജനങ്ങള്‍ക്ക് വലിയ അസംതൃപ്തിയുണ്ടെന്നതും ഗൗരവമുള്ള വിഷയമാണ്. ജനവികാരം പൂര്‍ണമായും ദേശീയതലത്തില്‍ യു.പി.എക്കും സംസ്ഥാനത്ത് യു.ഡി.എഫിനും അനുകൂലമാണ്. യു.പി.എ അധ്യക്ഷന്‍ എന്ന നിലയില്‍ രാഹുല്‍ ഗാന്ധിയുടെ ജനസമ്മിതിയും മനക്കരുത്തും ദേശീയ തലത്തില്‍ വലിയ ഗുണംചെയ്യും. ഏതുരീതിയിലും യു.പി.എക്ക് മികച്ച തിരിച്ചുവരവുണ്ടാകുമെന്നും കുഞ്ഞാലിക്കുട്ടി പറഞ്ഞു.
നടന്‍ ഷമ്മിതിലകനെ അമ്മ സംഘടനയില്‍ നിന്ന് പുറത്താക്കി. അച്ചടക്ക ലംഘനത്തെ തുടര്‍ന്നാണ് നടപടി. ഇന്ന് കൊച്ചിയില്‍ നടന്ന ജനറല്‍ ബോഡി യോഗത്തിലാണ് തീരുമാനം.
കഴിഞ്ഞ യോഗത്തില്‍ ഷമ്മിതിലകന്‍ ചില ദൃശ്യങ്ങള്‍ ചിത്രീകരിച്ചിരുന്നു. ഇത് വിവാദമായതിനെത്തുടര്‍ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല്‍ വിശദീകരണം നല്‍കാന്‍ തയ്യാറാകാത്ത സാഹചര്യത്തിലാണ്് പുറത്താക്കല്‍ നടപടി ഉണ്ടായിരിക്കുന്നത്.
Culture
സി.എച്ച് ചെയര്‍ ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല്‍ പ്രവര്‍ത്തനമാരംഭിച്ച ചെയര്‍ ഇത് വരെറോഡരികിലെ പഴയ കെട്ടിടത്തില്‍ പ്രവര്‍ത്തിച്ച് വരികയായിരുന്നു. കാമ്പസില്‍ പരീക്ഷാ ഭവന് പിറകില്‍ ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എന്നിവരുടെ എം.പി ഫണ്ടില്‍ നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില്‍ വിഭാവനം ചെയ്ത കെട്ടിടത്തിന്റെ ഒരു നിലയും ബേസ്‌മെന്റ് ഏരിയയുമാണ് പൂര്‍ത്തിയാക്കിയത്.
2004 ല്‍ പാണക്കാട് ഹൈദരലി ശിഹാബ് തങ്ങള്‍ ചെയര്‍മാനും അഷ്‌റഫ് തങ്ങള്‍ ജനറല്‍ സെക്രട്ടറിയുമായി രൂപീകരിച്ച ഗ്രെയ്‌സ് എജുക്കേഷണല്‍ അസോസിയേഷനാണ് ചെയറിന്റെ ഡോണര്‍ സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില്‍ വൈസ് ചാന്‍സലര്‍ ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല്‍ വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന്‍ ഡോ. എം. ഗംഗാധരന്റെ പുസ്തകം കുടുംബാംഗങ്ങള്‍ ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര്‍ എം.എല്‍.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര്‍ പുതിയ കെട്ടിടത്തില്‍ പ്രവര്‍ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്‍മാര്‍ക്കും ഗവേഷകര്‍ക്കും ഉപയോഗപ്പെടുത്താവുന്ന റിസര്‍ച്ച് ജേണല്‍, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്‍സ്റ്റാന്റിംഗ് ഒപ്പു വെയ്ക്കല്‍,അഫിര്‍മേറ്റീവ് ആക്ഷനും ഇന്ത്യന്‍ ഭരണഘടനയും എന്ന വിഷയത്തിലുളള ഓണ്‍ലൈന്‍ പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്‌കൂള്‍ ഓഫ് കമ്മ്യൂണിറ്റി. ഡവലപ്‌മെന്റ്, ഓറിയന്റേഷന്‍ പ്രോഗ്രാമുകള്‍, ഫെലോഷിപ്പുകള്‍ തുടങ്ങിയവയാണ് നിലവില്‍ ചെയറിന്റെ പ്രവര്‍ത്തനങ്ങള്‍.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്‍ശനവുമായി നടന്‍ ഇന്ദ്രന്‍സ്
കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
ചലച്ചിത്ര അവാര്‍ഡ് വിവാദത്തില്‍ മാധ്യമങ്ങളോട് പ്രതികരണം നടത്തി നടന്‍ ഇന്ദ്രന്‍സ്. സംസ്ഥാന ചലച്ചിത്ര പുരസ്‌കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്‍ഡ് ലഭിക്കാത്തതില്‍ വിഷമമില്ല. എന്നാല്‍ ഹോം സിനിമക്ക് അവാര്‍ഡ് പ്രതീക്ഷിച്ചെന്ന് ഇന്ദ്രന്‍സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്‍സിനെ മികച്ച നടനുള്ള പുരസ്‌കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില്‍ വിമര്‍ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്‍ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന്‍ നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല്‍ തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ