Culture
പഴയ പന്തു പൊട്ടി, പുതിയ പന്തു വാങ്ങാന്‍ പറമ്പില്‍ ഉന്നതതല യോഗം ചേര്‍ന്ന് കൊച്ചുകുട്ടികള്‍ വൈറലായി വീഡിയോ
ഉമ്മര്‍ വിളയില്‍
മലപ്പുറം: കാല്‍പന്തിനെ മറ്റെന്തിനെക്കാളും അളവില്‍ സ്‌നേഹിക്കുന്നവരാണ് മലപ്പുറത്തുകാര്‍. ഫുട്‌ബോള്‍ കളിക്കുന്നതിനോളം വലിയ ഊറ്റം വേറെയുണ്ടാവില്ല അവര്‍ക്ക്. കാല്‍പന്തിനെ പ്രണയിക്കുന്ന ഇന്നാട്ടില്‍ ഒരു ഫുട്‌ബോള്‍ വാങ്ങിക്കാന്‍ നടത്തിയ യോഗത്തിന്റെ വീഡിയോ കണ്ട് ചിരി തൂകുകയാണ് ഇപ്പോള്‍ സോഷ്യല്‍ മീഡിയ. അങ്ങേയറ്റത്തെ സംഘടനാ പാടവം കൂടി ഉള്‍കൊണ്ടതായിരുന്നു ആ യോഗം.
പന്ത് പുതിയതു വാങ്ങുന്നതിനായി അവര്‍ വീട്ടുപറമ്പില്‍ ഒരുമിച്ചു കൂടി. ഒരു കമ്മിറ്റിയൊക്കെ ഉണ്ടാക്കിയാണ് പിരിവു നടത്തിയത്. ഓലമടലില്‍ മരക്കൊമ്പ് കെട്ടി അതിനെ മൈക്കാക്കി ഉപയോഗിച്ചാണ് പിരിവുയോഗം. പ്രസിഡന്റ് അദിനും സെക്രട്ടറി അര്‍ജുനും ചേര്‍ന്നാണ് കാര്യങ്ങള്‍ വിശദീകരിക്കുന്നത്. മുമ്പ് പിരിവെടുത്തു വാങ്ങിയ പന്തു പൊട്ടിപ്പോയി. അതേതുടര്‍ന്നാണ് പുതിയ ധനശേഖരണം. എല്ലാ ഞായറാഴ്ചയും പത്തു രൂപ വെച്ച് എല്ലാവരും എത്തിക്കണം. ചെറിയ കുട്ടികളല്ലേ, ഒറ്റയടിക്ക് പത്തുരൂപ എവിടെ നിന്നു കിട്ടാന്‍? അതിനുള്ള വഴിയും അവര്‍ തന്നെ പറഞ്ഞുവെക്കുന്നു. ഓരോ ദിവസവും ഒന്നോ രണ്ടോ രൂപ പന്തു വാങ്ങല്‍ ശേഖരത്തിലേക്കായി നീക്കിവെക്കുക. പന്തു വാങ്ങുംവരെ മിഠായി വാങ്ങിത്തിന്നുന്നത് നിര്‍ത്തുക. ഫുട്‌ബോളും ജഴ്‌സിയും വാങ്ങാനുള്ള തുക കണ്ടെത്തുന്നതിനുള്ള തങ്ങളാലാവുന്ന മാര്‍ഗത്തെ പ്രയോജനപ്പെടുത്തുകയായിരുന്നു അവര്‍.
വളരെ ജനാധിപത്യപരമായിട്ടായിരുന്നു കൊച്ചുകുട്ടികളുടെ യോഗം. പൈസ പിരിക്കുന്നതില്‍ ആര്‍ക്കെങ്കിലും എതിര്‍പ്പുണ്ടോ എന്നു ചോദിക്കുമ്പോള്‍ എല്ലാവരും ഒറ്റ ശ്വാസത്തില്‍ ഇല്ല എന്നു പറയുന്നതോടെ ആ യോഗം ഒരു തീര്‍പ്പിലെത്തുന്നു. എല്ലാവര്‍ക്കും പ്രസംഗിക്കാനും അവസരം നല്‍കി. കൂട്ടത്തില്‍ ഏറ്റവും മികച്ച ഗോള്‍ക്കീപ്പറെ പൊന്നാടയണിയിക്കുന്ന ചടങ്ങും നടത്തി. കൂട്ടത്തില്‍ നിന്ന് പ്രസംഗിക്കാന്‍ വിളിച്ചപ്പോഴും അവന്‍ തന്നെയാണ് ധൈര്യസമേതം മുന്നോട്ടു വന്നത്്. പ്രസംഗിക്കുന്നതിനിടെ അവനു വേണ്ട വിധം വാക്കുകിട്ടാതായപ്പോള്‍ സെക്രട്ടറിയുടെ കരുതല്‍.’ഈ കുട്ടിക്ക് പറയുമ്പൊ ഒരു ഇത് വരും. തെറ്റൊക്കെ വരും. ചിരിക്കരുത് ആരും. എല്ലാരേം വിളിച്ചപ്പൊ ഇവനാണ് വന്നത്.’ അത്ര കണ്ട് കരുതലോടെയും സിദ്ധിയോടെയുമാണ് അവരാ യോഗം കൂടിയത്.
പ്രശാന്ത് നിലമ്പൂരാണ് ഈ കുട്ടിയോഗത്തിന്റെ വീഡിയോ എടുത്ത് ഫെയ്‌സ്ബുക്കിലിട്ടത്. വീട്ടില്‍ നിന്ന് യോഗം ചേരാനെന്നും പറഞ്ഞ് സ്റ്റൂളെടുത്തു കൊണ്ടു പോയപ്പോള്‍ പിന്നാലെ ചെന്നു നോക്കിയതായിരുന്നു പ്രശാന്ത്. പൊട്ടിപ്പോയ പന്തിനു പകരം പുതിയതൊന്നു വാങ്ങുന്നതിലേക്കുള്ള ആലോചന ക്ഷണിക്കുന്ന മീറ്റിങ്ങാണ് അതെന്നു കണ്ട് ഫെയ്‌സ്ബുക്കില്‍ ലൈവിടുകയായിരുന്നു.
നടന്‍ ഷമ്മിതിലകനെ അമ്മ സംഘടനയില്‍ നിന്ന് പുറത്താക്കി. അച്ചടക്ക ലംഘനത്തെ തുടര്‍ന്നാണ് നടപടി. ഇന്ന് കൊച്ചിയില്‍ നടന്ന ജനറല്‍ ബോഡി യോഗത്തിലാണ് തീരുമാനം.
കഴിഞ്ഞ യോഗത്തില്‍ ഷമ്മിതിലകന്‍ ചില ദൃശ്യങ്ങള്‍ ചിത്രീകരിച്ചിരുന്നു. ഇത് വിവാദമായതിനെത്തുടര്‍ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല്‍ വിശദീകരണം നല്‍കാന്‍ തയ്യാറാകാത്ത സാഹചര്യത്തിലാണ്് പുറത്താക്കല്‍ നടപടി ഉണ്ടായിരിക്കുന്നത്.
Culture
സി.എച്ച് ചെയര്‍ ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല്‍ പ്രവര്‍ത്തനമാരംഭിച്ച ചെയര്‍ ഇത് വരെറോഡരികിലെ പഴയ കെട്ടിടത്തില്‍ പ്രവര്‍ത്തിച്ച് വരികയായിരുന്നു. കാമ്പസില്‍ പരീക്ഷാ ഭവന് പിറകില്‍ ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എന്നിവരുടെ എം.പി ഫണ്ടില്‍ നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില്‍ വിഭാവനം ചെയ്ത കെട്ടിടത്തിന്റെ ഒരു നിലയും ബേസ്‌മെന്റ് ഏരിയയുമാണ് പൂര്‍ത്തിയാക്കിയത്.
2004 ല്‍ പാണക്കാട് ഹൈദരലി ശിഹാബ് തങ്ങള്‍ ചെയര്‍മാനും അഷ്‌റഫ് തങ്ങള്‍ ജനറല്‍ സെക്രട്ടറിയുമായി രൂപീകരിച്ച ഗ്രെയ്‌സ് എജുക്കേഷണല്‍ അസോസിയേഷനാണ് ചെയറിന്റെ ഡോണര്‍ സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില്‍ വൈസ് ചാന്‍സലര്‍ ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല്‍ വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന്‍ ഡോ. എം. ഗംഗാധരന്റെ പുസ്തകം കുടുംബാംഗങ്ങള്‍ ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര്‍ എം.എല്‍.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര്‍ പുതിയ കെട്ടിടത്തില്‍ പ്രവര്‍ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്‍മാര്‍ക്കും ഗവേഷകര്‍ക്കും ഉപയോഗപ്പെടുത്താവുന്ന റിസര്‍ച്ച് ജേണല്‍, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്‍സ്റ്റാന്റിംഗ് ഒപ്പു വെയ്ക്കല്‍,അഫിര്‍മേറ്റീവ് ആക്ഷനും ഇന്ത്യന്‍ ഭരണഘടനയും എന്ന വിഷയത്തിലുളള ഓണ്‍ലൈന്‍ പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്‌കൂള്‍ ഓഫ് കമ്മ്യൂണിറ്റി. ഡവലപ്‌മെന്റ്, ഓറിയന്റേഷന്‍ പ്രോഗ്രാമുകള്‍, ഫെലോഷിപ്പുകള്‍ തുടങ്ങിയവയാണ് നിലവില്‍ ചെയറിന്റെ പ്രവര്‍ത്തനങ്ങള്‍.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്‍ശനവുമായി നടന്‍ ഇന്ദ്രന്‍സ്
കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
ചലച്ചിത്ര അവാര്‍ഡ് വിവാദത്തില്‍ മാധ്യമങ്ങളോട് പ്രതികരണം നടത്തി നടന്‍ ഇന്ദ്രന്‍സ്. സംസ്ഥാന ചലച്ചിത്ര പുരസ്‌കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്‍ഡ് ലഭിക്കാത്തതില്‍ വിഷമമില്ല. എന്നാല്‍ ഹോം സിനിമക്ക് അവാര്‍ഡ് പ്രതീക്ഷിച്ചെന്ന് ഇന്ദ്രന്‍സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്‍സിനെ മികച്ച നടനുള്ള പുരസ്‌കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില്‍ വിമര്‍ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്‍ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന്‍ നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
-
Video Stories7 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ