Culture
പരസ്യനികുതി പിരിവ്; തദ്ദേശസ്ഥാപനങ്ങളില് ജി.എസ്.ടി കൗണ്സിലില് അവ്യക്തത
കോഴിക്കോട്: കോര്പറേഷനുകളിലും മറ്റ് തദ്ദേശസ്ഥാപനങ്ങളിലും പരസ്യനികുതി പിരിക്കാന് ജി.എസ്.ടി കൗണ്സിലിന് അംഗീകാരം നല്കിയതായി സര്ക്കാര് പറയുമ്പോഴും ഇക്കാര്യത്തില് അവ്യക്തതയും ആശയക്കുഴപ്പവും തുടരുന്നു. നിലവില് പരസ്യനികുതി പിരിക്കാന് തദ്ദേശസ്ഥാപനങ്ങള് സ്വന്തമായി താരിഫ് തയാറാക്കി കരാറുകാരെ ഏല്പിക്കുകയാണ് പതിവ്.
കോഴിക്കോട് കോര്പറേഷനില് 2018 മാര്ച്ച് 31 വരെ ഇതിനായി ആഡ് സൊല്യൂഷന് എന്ന സ്ഥാപനത്തെയാണ് ഏല്പിച്ചിരുന്നത്. 60 സ്ക്വയര്ഫീറ്റ് അളവിലുള്ള ബോര്ഡുകള്ക്ക് 900 രൂപവരെ ഈടാക്കാനാണ് വ്യവസ്ഥ ചെയ്തിരുന്നത്. അതില് താഴെ വരുന്ന ബോര്ഡുകള്ക്ക് ഫീസ് ഈടാക്കിയിരുന്നില്ല. എന്നാല് അടുത്തകാലത്ത് ചെറിയ ബോര്ഡുകള്ക്ക് പോലും 3000 മുതല് 3500 രൂപ വരെ ഈടാക്കുന്നുണ്ട്. ഇത് പ്രതിഷേധത്തിന് ഇടയാക്കിയിരിക്കുകയാണ്.
അതേസമയം, പരസ്യനികുതി ഈടാക്കാന് കോര്പറേഷന് ഇനി മുതല് അധികാരമില്ല എന്നാണ് അധികൃതര് പറയുന്നത്. ജി.എസ്.ടി കൗണ്സില് നിലവില് വന്നിട്ടുണ്ടെങ്കിലും പരസ്യനികുതി ഈടാക്കുന്നതുമായി ബന്ധപ്പെട്ട ജോലികളൊന്നും അവര് തുടങ്ങിയിട്ടില്ല. കോര്പറേഷനിലെ കരാര് എടുത്ത സ്ഥാപനം അധികതുക ഈടാക്കുന്നത് ശ്രദ്ധയില്പെട്ടിട്ടും അധികൃതര്ക്ക് അനക്കമില്ല. ജി.എസ്.ടി കൗണ്സില് എന്നുമുതലാണ് നികുതി ഈടാക്കി തുടങ്ങുക എന്ന കാര്യത്തില് വ്യക്തതയില്ല. ഇതുവരെ കോര്പറേഷന് ഈടാക്കിയ തുക ജി.എസ്.ടി കൗണ്സിലിന് കൈമാറണമോ എന്ന കാര്യവും അനിശ്ചിതത്വത്തിലാണ്. ഇക്കാര്യത്തില് യാതൊരു ഉത്തരവും സര്ക്കാറിന്റെ ഭാഗത്തുനിന്ന് ഉണ്ടായിട്ടില്ല. ആശയക്കുഴപ്പത്തിന്റെ ഇടവേളയില് അധികനികുതി ഈടാക്കാന് കരാര് ഏറ്റെടുത്ത സ്ഥാപനം തുനിഞ്ഞിറങ്ങുന്നത് തടയാനും സംവിധാനമില്ല. ഈ വിഷയത്തില് കോര്പറേഷന് അധികാരികള് അഴകൊഴമ്പന് നയമാണ് തുടരുന്നതെന്ന് ആക്ഷേപമുണ്ട്.
ജി.എസ്.ടി സംവിധാനം വന്നതോടെ വിനോദനികുതി പിരിക്കാനുള്ള അവകാശവും അവര്ക്കാണെന്ന് ചൂണ്ടികാണിക്കപ്പെടുന്നു. നിലവില് തദ്ദേശസ്ഥാപനങ്ങളാണ് വിനോദനികുതി സ്വീകരിക്കുന്നത്. അവരുടെ പ്രധാന വരുമാനമാര്ഗവുമാണത്. ജി.എസ്.ടി കൗണ്സില് അതിലും കൈവെക്കുന്നതോടെ തദ്ദേശസ്ഥാപനങ്ങളുടെ നില പരുങ്ങലിലാവും.
കോഴിക്കോട് കോര്പറേഷനില് ഭരണകക്ഷിയുമായി ബന്ധമുള്ള സ്ഥാപനമാണ് പരസ്യനികുതി പിരിക്കാന് കരാര് എടുത്തിരുന്നത്. അവര് അധികതുക ഈടാക്കാന് തുടങ്ങിയപ്പോഴാണ് വിവാദം ഉയര്ന്നത്. എന്നാല് പ്രശ്നങ്ങളെല്ലാം ജി.എസ്.ടിയുടെ തലയിലിടാനാണ് കോര്പറേഷന് ആലോചിക്കുന്നത്.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ