Connect with us

india

ഒന്നര ലക്ഷം രൂപയുടെ ഐഫോണിന്റെ പുതിയ വില ഏഴര ലക്ഷം; കാരണമിതാണ്

2000 ഡോളറില്‍ താഴെ വിലയുള്ള ഉപയോഗിച്ച ഐഫോണ്‍ ടെന്‍ ഫോണുകള്‍ 10,000 ഡോളര്‍ വരെ വിലയ്ക്കാണ് ആളുകള്‍ വില്‍പ്പനയ്ക്ക് വെച്ചിരിക്കുന്നത്.

Published

on

ആപ്പിളിന്റെ ആപ്പ് സ്റ്റോറില്‍ നിന്ന് എപ്പിക് ഗെയിംസിന്റെ ഏറ്റവും ജനപ്രിയമായ ഫോര്‍ട്ട്നൈറ്റ് എന്ന ഗെയിം നീക്കം ചെയ്യപ്പെട്ടതിന് പിന്നാലെ സംഭവം മറ്റൊരു തലത്തിലേക്ക് നീങ്ങുന്നു.

നിരോധിക്കപ്പെട്ട ഫോര്‍ട്ട് നൈറ്റ് ഇന്‍സ്റ്റാള്‍ ചെയ്ത ഐഫോണുകള്‍ക്ക് ഇപ്പോള്‍ ആവശ്യക്കാര്‍ ഏറെയാണ്. 2000 ഡോളറില്‍ താഴെ വിലയുള്ള ഉപയോഗിച്ച ഐഫോണ്‍ ടെന്‍ ഫോണുകള്‍ 10,000 ഡോളര്‍ വരെ വിലയ്ക്കാണ് ആളുകള്‍ വില്‍പ്പനയ്ക്ക് വെച്ചിരിക്കുന്നത്.

ഗൂഗിളിന്റേയും ആപ്പിളിന്റെയും മാനദണ്ഡങ്ങള്‍ക്ക് വിരുദ്ധമായി സ്വന്തം പേമെന്റ് പ്ലാറ്റ്ഫോം അവതരിപ്പിക്കുകയും അതുവഴി ഇന്‍-ആപ്പ് ഇടപാടുകള്‍ക്ക് ഉപയോക്താക്കളില്‍ നിന്ന് എപിക് ഗെയിംസ് നേരിട്ട് പണം വാങ്ങാന്‍ തുടങ്ങിയതിനെ തുടര്‍ന്നുമാണ് ഗൂഗിളിന്റെ പ്ലേ സ്റ്റോറില്‍ നിന്നും, ആപ്പിളിന്റെ ആപ്പ് സ്റ്റോറില്‍ നിന്നും എപിക് ഗെയിംസിന്റെ ഫോര്‍ട്ട് നൈറ്റ് ഗെയിം നീക്കം ചെയ്തത്.

ആപ്പ് സ്റ്റോറില്‍ നിന്നും ഫോര്‍ട്ട് നൈറ്റ് നീക്കം ചെയ്തതിനാല്‍ പുതിയ ഉപയോക്താക്കള്‍ക്ക് ഗെയിം ഇന്‍സ്റ്റാള്‍ ചെയ്യാന്‍ സാധിക്കില്ല. എന്നാല്‍ നേരത്തെ തന്നെ ഗെയിം ഇന്‍സ്റ്റാള്‍ ചെയ്ത ഫോണുകളില്‍ നിന്നും അവ നീക്കം ചെയ്യപ്പെട്ടില്ല. അത് തുടര്‍ന്നും ഉപയോഗിക്കാനും സാധിക്കും.

ഈ അവസരം മുതലെടുത്ത് ചില ഉപയോക്താക്കള്‍ ഫോര്‍ട്ട്നൈറ്റ് ഗെയിം ഇന്‍സ്റ്റാള്‍ ചെയ്തിട്ടുള്ള അവരുടെ പഴയ ഐഫോണുകള്‍ വില്‍പനയ്ക്ക് വെച്ചു. അതില്‍ ഒരാള്‍ 10000 ഡോളറിനാണ് (7,50,000 രൂപ) തന്റെ ഐഫോണ്‍ ടെന്‍ വില്‍പനയ്ക്ക് വെച്ചത്. അതേസമയം മറ്റൊരാള്‍ തന്നെ ഐഫോണ്‍ 8 വില്‍പനയ്ക്ക് വെച്ചത് 3000 ഡോളറിനാണ് ( 2,25,000 രൂപ).

ഈ സാഹചര്യത്തില്‍ എപിക് ഗെയിംസിന്റെ ഡെവലപ്പര്‍ അക്കൗണ്ട് പ്രവര്‍ത്തന രഹിതമാക്കാനുള്ള നീക്കത്തിലാണ് ആപ്പിള്‍ എന്നാണ് വിവരം. ആപ്പിളിന്റെ ഈ നീക്കം തടയാന്‍ എപിക് ഗെയിംസ് കോടതിയെ സമീപിക്കുമെന്നും റിപ്പോര്‍ട്ടുകളില്‍ പറയുന്നു. അതേസമയം മാനദണ്ഡങ്ങള്‍ പാലിച്ചാല്‍ ഗെയിം തിരികെ കൊണ്ടുവരുന്നതിന് തടസമില്ലെന്നാണ് ആപ്പിളിന്റെ നിലപാട്.

 

india

സ്മൃതിയുടെ മകളുടെ റസ്റ്റോറന്റിന്റെ മദ്യ ലൈസന്‍സ് അനധികൃതം

വടക്കന്‍ ഗോവയില്‍ കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്‍സ് ലഭിച്ചത് അനധികൃതമാണെന്ന് റിപ്പോര്‍ട്ട്.

Published

on

പനജി: വടക്കന്‍ ഗോവയില്‍ കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്‍സ് ലഭിച്ചത് അനധികൃതമാണെന്ന് റിപ്പോര്‍ട്ട്. മരിച്ചയാളുടെ പേരിലാണ് ലൈസന്‍സ് പുതുക്കിയതെന്നാണ് ആരോപണം. ഇതേത്തുടര്‍ന്ന് ഗോവ എക്‌സൈസ് കമ്മിഷണര്‍ നാരായണ്‍ എം. ഗാഡ് ലൈസന്‍സ് റദ്ദാക്കാതിരിക്കണമെങ്കില്‍ കാരണം കാണിക്കണമെന്ന് ആവശ്യപ്പെട്ട് നോട്ടീസ് അയച്ചിരിക്കുകയാണ്.

ഗോവയിലെ അസന്‍ഗൗവിലാണ് സ്മൃതിയുടെ മകള്‍ സോയിഷ് ഇറാനിയുടെ പോഷ് റസ്റ്ററന്റായ സില്ലി സോള്‍സ് കഫേ ആന്റ് ബാര്‍ ഉള്ളത്. ബാറിനുള്ള ലൈസന്‍സ് കൃത്രിമ രേഖകള്‍ നല്‍കിയാണ് ഉടമകള്‍ കൈവശപ്പെടുത്തിയതെന്ന് അഭിഭാഷകനായ എയ്‌റിസ് റോഡ്രിഗസ് നല്‍കിയ പരാതിയിലാണ് ജൂലൈ 21ന് എക്‌സൈസ് കമ്മിഷണര്‍ നോട്ടിസ് അയച്ചത്. വിഷയം ജൂലൈ 29ന് കോടതി പരിഗണിക്കും.
കഴിഞ്ഞമാസമാണ് ലൈസന്‍സ് പുതുക്കിയത്. എന്നാല്‍ ലൈസന്‍സിന്റെ ഉടമ ആയിരുന്ന ആന്തണി ഡിഗാമ 2021 മേയ് 17ന് അന്തരിച്ചിരുന്നു. ഡിഗാമയുടെ ആധാര്‍ കാര്‍ഡിലെ വിവരം അനുസരിച്ച് മുംബൈയിലെ വിലേ പാര്‍ലെയിലെ താമസക്കാരനാണിയാള്‍. ഇയാളുടെ മരണ സര്‍ട്ടിഫിക്കറ്റ് മുംബൈ മുനിസിപ്പല്‍ കോര്‍പ്പറേഷനില്‍നിന്ന് റോഡ്രിഗസിന് ലഭിച്ചിട്ടുമുണ്ട്.

ആറുമാസത്തിനുള്ളില്‍ ലൈസന്‍സ് ട്രാന്‍സ്ഫര്‍ ചെയ്യുമെന്നാണ് അപേക്ഷയില്‍ വ്യക്തമാക്കിയിരുന്നതെന്ന് സംസ്ഥാന എക്‌സൈസ് വിഭാഗം പറയുന്നു.വിവരാവകാശ നിയമപ്രകാരമാണ് റോഡ്രിഗസ് വിവരങ്ങള്‍ ശേഖരിച്ചത്. സില്ലി സോള്‍സ് കഫേ ആന്റ് ബാറിന് സംസ്ഥാനത്ത് പ്രവര്‍ത്തിക്കുന്നതിന് റസ്റ്ററന്റ് ലൈസന്‍സ് ഇല്ലെന്നും അഭിഭാഷകനായ റോഡ്രിഗസ് പറയുന്നു.

Continue Reading

india

സിഖ് വിദ്യാര്‍ഥികളോട് തലപ്പാവും കൃപാണും ധരിക്കരുതെന്ന് യു.പിയിലെ സ്‌കൂള്‍

Published

on

ലഖ്‌നൗ: ഉത്തര്‍പ്രദേശിലെ സ്‌കൂളല്‍ സിഖ് വിദ്യാര്‍ഥികളോട് തലപ്പാവും കൃപാണും ധരിക്കരുതെന്ന് ആവശ്യപ്പെട്ട സംഭവത്തില്‍ ശക്തമായ പ്രതിഷേധം അറിയിച്ച് പ്രമുഖ സിഖ് മത നേതൃത്വമായ ശിരോമണി ഗുരുദ്വാര പര്‍ബന്ധക് കമ്മിറ്റി (എസ്.ജി.പി.സി). രാജസ്ഥാനിലെ അല്‍വാര്‍ ജില്ലയില്‍ അജ്ഞാതര്‍ സിഖ് പുരോഹിതനെ മര്‍ദിക്കുകയും മുടി മുറിക്കുകയും ചെയ്ത സംഭവത്തെയും സിഖുകാരുടെ പരമോന്നത മതസംഘടന അപലപിച്ചു.

വ്യാഴാഴ്ച ഉത്തര്‍പ്രദേശിലെ ബറേലിയിലെ സിഖ് സമുദായാംഗങ്ങള്‍ സ്‌കൂള്‍ മാനേജ്‌മെന്റിന്റെ ഉത്തരവിനെതിരെ പ്രതിഷേധിച്ചിരുന്നു. ഉത്തരവ് പാലിക്കാത്തതിനാല്‍ കുട്ടികളോട് സ്‌കൂളിലേക്ക് പ്രവേശിക്കരുതെന്ന് പറഞ്ഞതായും അവര്‍ ആരോപിച്ചു.

Continue Reading

india

ഇന്ത്യയില്‍ ഒരു ഡോസ് വാക്‌സിന്‍ പോലും എടുക്കാതെ 4 കോടി ആളുകള്‍

കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില്‍ 98 ശതമാനം പേര്‍ക്കും കുറഞ്ഞത് ഒരു ഡോസ് വാക്‌സിനെങ്കിലും ലഭിച്ചിട്ടുണ്ട്.

Published

on

ന്യൂഡല്‍ഹി: ഇന്ത്യയില്‍ യോഗ്യരായ നാലു കോടി ആളുകള്‍ ഇതുവരെ ഒരു ഡോസ് വാക്‌സിന്‍ പോലും സ്വീകരിച്ചിട്ടില്ലെന്ന് കേന്ദ്ര ആരോഗ്യ സഹമന്ത്രി ഭാരതി പ്രവീണ്‍ പവാര്‍. ജൂലൈ 18 വരെ സര്‍ക്കാര്‍ കോവിഡ് വാക്‌സിനേഷന്‍ സെന്ററുകളില്‍ 1,78,38,52,566 വാക്‌സിന്‍ ഡോസുകള്‍ സൗജന്യമായി നല്‍കിയിട്ടുണ്ടെന്നും രേഖാമൂലമുള്ള മറുപടിയില്‍ വ്യക്തമാക്കി.

കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില്‍ 98 ശതമാനം പേര്‍ക്കും കുറഞ്ഞത് ഒരു ഡോസ് വാക്‌സിനെങ്കിലും ലഭിച്ചിട്ടുണ്ട്. 90 ശതമാനം പേര്‍ പൂര്‍ണമായി വാക്‌സിന്‍ എടുത്തിട്ടുണ്ടെന്നും കണക്കില്‍ പറയുന്നു.

Continue Reading

Trending

Copyright © 2017 Zox News Theme. Theme by MVP Themes, powered by WordPress.