Culture
ഐ.എസ്.എല്‍: കൊച്ചിയില്‍ ഗോളടിക്കാന്‍ മറന്ന് ബ്ലാസ്‌റ്റേഴ്‌സും ജംഷെഡ്പൂരും
കൊച്ചി;കളി മാറിയിയിട്ടും കേരള ബ്ലാസ്റ്റേഴ്സിന് രക്ഷയില്ല. ഹോം ഗ്രൗണ്ടിലെ തുടര്‍ച്ചായ രണ്ടാം മത്സരത്തിലും ബ്ലാസ്റ്റേഴ്സ് സമനിലയില്‍ കുരുങ്ങി. കന്നിക്കാരായ ജംഷെഡ്പൂരാണ് ആതിഥേയരെ വീണ്ടും ഗോളില്ലാ സമനിലയില്‍ പൂട്ടിയത്. തുടര്‍ച്ചായ രണ്ടു സമനിലയോടെ ഇരുടീമുകള്‍ക്കും രണ്ട് പോയിന്റ് വീതമായി. ഡിസംബര്‍ 3ന് മുംബൈ സിറ്റി എഫ്.സിക്കെതിരെയാണ് കേരളത്തിന്റെ മൂന്നാം മത്സരം.
കളിയുടെ പത്താം മിനുറ്റില്‍ സി.കെ വിനീതിലൂടെ ബ്ലാസ്‌റ്റേഴ്‌സിനും ഇഞ്ചുറി ടൈമില്‍ ബെല്‍ഫോര്‍ട്ടിലൂടെ ജംഷെഡ്പൂരിനും ഗോള്‍ കുറിക്കാന്‍ മികച്ച അവസരം ലഭിച്ചെങ്കിലും ഫലമുണ്ടായില്ല. തകര്‍പ്പന്‍ സേവുകളുമായി ഗോളി റച്ചുബ്ക തുടര്‍ച്ചയായ രണ്ടാം മത്സരത്തിലും ബ്ലാസ്റ്റേഴ്‌സിന്റെയും ഗാലറിയുടെയും താരമായി. ബെര്‍ബതോവിനെ പ്രതിരോധത്തിലാക്കിയ ജംഷ്ഡ്പൂരിന്റെ മെഹ്താബ് ഹുസൈനാണ് കളിയിലെ താരം. ഗോളടിക്കാന്‍ മറന്നെങ്കിലും കൊല്‍ക്കത്തക്കെതിരായ ടീമായിരുന്നില്ല ഇന്നലെ ബ്ലാസ്റ്റേഴ്സ്. ഗോള്‍ നേടാനുറച്ചായിരുന്നു കളമിറക്കം. പ്ലേമേക്കറുടെ റോളിലായിരുന്നു ബെര്‍ബറ്റോവ്. വിങ്ങുകളിലേക്ക് നിരന്തരം പന്തു നല്‍കി കളിയെ നിയന്ത്രിച്ചു. ജാക്കിചന്ദ് സിങും ലാല്‍റുവത്താരയും അധ്വാനിച്ചു കളിച്ചു. പ്രതിരോധ നിരയും ഗോള്‍ വഴങ്ങാതെ കോട്ട കാത്തു. സൂപ്പര്‍ ലീഗില്‍ ഏറ്റവും കൂടുതല്‍ മത്സരങ്ങള്‍ കളിച്ച താരമെന്ന റെക്കോഡ് (48 മത്സരങ്ങള്‍) സ്വന്തമായ മത്സരത്തിലും ഹ്യൂമിന് തിളങ്ങാനായില്ല. മലയാളി താരങ്ങളായ വിനീതും റിനോയും ഒരിക്കല്‍ കൂടി നിരാശപ്പെടുത്തി.
ആദ്യ കളിയില്‍ നിന്ന് ഒരേയൊരു മാറ്റവുമായാണ് ഇരുടീമുകളും ഇന്നലെ ഇറങ്ങിയത്. 4-2-3-1 ശൈലിയില്‍ കളിച്ച ബ്ലാസ്റ്റേഴ്സ് മധ്യനിരയില്‍ മിലന്‍ സിങിനെ മാറ്റി ജാക്കിചന്ദ് സിങിന് അവസരം നല്‍കി. സമീഗ് ദ്യൂതിയെ മാറ്റി മുന്നേറ്റത്തില്‍ ബ്ലാസ്റ്റേഴ്സിന്റെ മുന്‍ താരം ബെല്‍ഫോര്‍ട്ടിനെ കളിപ്പിച്ചതായിരുന്നു സന്ദര്‍ശക നിരയിലെ ഏക മാറ്റം. തുടക്കത്തില്‍ വേഗമുള്ള കളിയായിരുന്നു ഇരുടീമിന്റേതും. പത്താം മിനുറ്റില്‍ സി.കെ വിനീതിലൂടെ ലീഡെടുക്കാന്‍ മികച്ചൊരു അവസരം ബ്ലാസ്റ്റേഴ്സിന് ലഭിച്ചു. ഇയാന്‍ ഹ്യൂം നല്‍കിയ ക്രോസില്‍ തല വെക്കേണ്ട കാര്യമേ വിനീതിനുണ്ടായുള്ളു. പക്ഷേ ഗോളി മാത്രം മുന്നില്‍ നില്‍ക്കെ വിനീതിന്റെ ഫ്രീ ഹെഡ്ഡര്‍ വലക്ക് പുറത്തായി. ഗാലറിയില്‍ നിരാശയുടെ നെടുവീര്‍പ്പ്. ബ്ലാസ്റ്റേഴ്സ് അടങ്ങിയില്ല. പന്തില്‍ പതിയെ ആധിപത്യം സ്ഥാപിച്ചു. ജംഷെഡ്പൂരിന്റെ ബോക്‌സ് നിരന്തരം ആക്രമിച്ചു. 17ാം മിനുറ്റില്‍ ബെര്‍ബറ്റോവിന്റെ ഒരു മാന്ത്രിക ഗോള്‍ കാണാനുള്ള അവസരം ഗോളി സുബ്രതാ പോള്‍ ഇല്ലാതാക്കി. ഇടതു കോര്‍ണറില്‍ നിന്ന് ലാല്‍റുവത്താറ നല്‍കിയ ക്രോസ് ബോക്‌സിനകത്തേക്ക്. വലക്ക് മുന്നില്‍ നിന്ന ബെര്‍ബ വലംകാലില്‍ ഒരു വോളിക്കായി ശ്രമിച്ചു. സുബ്രതാ പോള്‍ തടുത്തു. ജംഷെഡ്പൂരിന്റെ ഒരു പ്രതിരോധ താരത്തില്‍ തട്ടി പന്ത് വീണ്ടും വല ലക്ഷ്യമാക്കിയെങ്കിലും ഗോളിക്ക് പിഴച്ചില്ല.
പന്ത് കിട്ടിയപ്പോഴൊക്കെ ജംഷഡ്പൂരും ഗോളിനായി ശ്രമിച്ചു. അസാമാന്യ പ്രകടനമായിരുന്നു ബ്ലാസ്റ്റേഴ്സ് ഗോളി പോള്‍ റച്ചുബ്കയുടേത്. 31ാം മിനുറ്റില്‍ ബ്ലാസ്റ്റേഴ്സ് ഗോളടിച്ച പ്രതീതിയായിരുന്നു ഗാലറിയില്‍. ബ്ലാസ്റ്റേഴ്സിന്റെ വലയിലെത്തേണ്ട ബ്രസീല്‍ താരം എമേഴ്‌സണ്‍ മൗറയുടെ ഒന്നാന്തരം ഷോട്ട്് റച്ചുബ്ക സേവ് ചെയ്തതിന്റെ ആരവമായിരുന്നു അത്.
ഫ്രീകിക്കില്‍ നിന്ന് നിലംപറ്റെയുള്ള ഷോട്ട് പ്രതിരോധ ഭടന്‍മാരുടെ കാലുകള്‍ക്കിടയിലൂടെ പോയപ്പോള്‍ ബ്ലാസ്റ്റേഴ്സിന്റെ വല കുലുങ്ങുമെന്ന് തോന്നിച്ചതാണ്, റച്ചുബ്ക ഉജ്ജ്വലമായി സേവ് ചെയ്ത് പന്ത് തട്ടിയകറ്റി. ജെറി മവിഹ്മിങ്താങയുടെ കാലിലായിരുന്നു പന്തെത്തിയത്. ആ ശ്രമവും കൂടി റച്ചുബ്ക വിഫലമാക്കി. ഗാലറിയിലാകെ ആഹ്ലാദത്തിര. ആദ്യപകുതിക്ക് ശേഷം കളമിറങ്ങുമ്പോള്‍ 72 ശതമാനമായിരുന്നു ബ്ലാസ്റ്റേഴ്സിന്റെ പന്തടക്കം.
ആദ്യ പകുതിയിലെ വീര്യം ബ്ലാസ്റ്റേഴ്സ് നിരയില്‍ പിന്നീട് കണ്ടില്ല. ഇരുടീമും സമനിലക്കായി കളിച്ചതോടെ താരങ്ങളും പരുക്കരായി. ബെര്‍ബതോവിനെ കളിയിലുടനീളം ഫൗള്‍ ചെയ്യാന്‍ ശ്രമിച്ച മെഹ്താബ് ഹുസൈന് ഒടുവില്‍ റഫറി മഞ്ഞക്കാര്‍ഡ് കാണിച്ചു. മെഹ്താബിനെ തള്ളിയതിന് പിന്നീട് ബെര്‍ബതോവും യെല്ലോ ബുക്കിലെത്തി. ജിങ്കനെ വീഴ്ത്തിയതിനെ തുടര്‍ന്നുള്ള തര്‍ക്കത്തില്‍ ജെറി മവിഹ്മിങ്താങ്ങക്കും മഞ്ഞക്കാര്‍ഡ് ലഭിച്ചു. കൊപ്പല്‍ താരത്തെ പിന്‍വലിച്ചു. ഫാറൂഖ് ചൗധരി പകരക്കാരനായി. കളിയുടെ വേഗം കുറഞ്ഞു. ആക്രമണവും കുറഞ്ഞതോടെ കളി വിരസമായി തുടങ്ങി. സമനിലപൂട്ടഴിക്കാനുള്ള അവസാന ശ്രമമെന്നോണം ഇരുടീമിലും തുടര്‍ച്ചയായ മാറ്റങ്ങള്‍ വന്നു. ഇയാന്‍ ഹ്യൂമിന് പകരം മാര്‍ക്ക് സിഫ്‌നോസും പെക്കൂസണ് പകരം മിലന്‍ സിങും വന്നു. ജാക്കിചന്ദിന് പകരക്കാരനായി പ്രശാന്തിനും മ്യൂളെന്‍സ്റ്റീന്‍ അവസരം നല്‍കി. ജംഷെഡ്പൂര്‍ അനസിനെ പിന്‍വലിച്ച് ദൂതിയെ ഇറക്കി. കളത്തിലെ മാറ്റം സ്‌കോര്‍ ബോര്‍ഡില്‍ ചലനമുണ്ടാക്കിയില്ല.
Free header for @ckvineeth, who should've done better!
Watch it LIVE on @hotstartweets: https://t.co/swUXofiv7n
JioTV users can watch it LIVE on the app. #ISLMoments #KERJAM #LetsFootball pic.twitter.com/0Nornvtldv— Indian Super League (@IndSuperLeague) November 24, 2017
Shot in saved! Rachubka received the 'Memo' 😉
Watch it LIVE on @hotstartweets: https://t.co/swUXofiv7n
JioTV users can watch it LIVE on the app. #ISLMoments #KERJAM #LetsFootball pic.twitter.com/ciachFUq31— Indian Super League (@IndSuperLeague) November 24, 2017
Pekuson tries his luck from distance!
Watch it LIVE on @hotstartweets: https://t.co/swUXofiv7n
JioTV users can watch it LIVE on the app. #ISLMoments #KERJAM #LetsFootball pic.twitter.com/k8lx1FEOvP— Indian Super League (@IndSuperLeague) November 24, 2017
നടന്‍ ഷമ്മിതിലകനെ അമ്മ സംഘടനയില്‍ നിന്ന് പുറത്താക്കി. അച്ചടക്ക ലംഘനത്തെ തുടര്‍ന്നാണ് നടപടി. ഇന്ന് കൊച്ചിയില്‍ നടന്ന ജനറല്‍ ബോഡി യോഗത്തിലാണ് തീരുമാനം.
കഴിഞ്ഞ യോഗത്തില്‍ ഷമ്മിതിലകന്‍ ചില ദൃശ്യങ്ങള്‍ ചിത്രീകരിച്ചിരുന്നു. ഇത് വിവാദമായതിനെത്തുടര്‍ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല്‍ വിശദീകരണം നല്‍കാന്‍ തയ്യാറാകാത്ത സാഹചര്യത്തിലാണ്് പുറത്താക്കല്‍ നടപടി ഉണ്ടായിരിക്കുന്നത്.
Culture
സി.എച്ച് ചെയര്‍ ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല്‍ പ്രവര്‍ത്തനമാരംഭിച്ച ചെയര്‍ ഇത് വരെറോഡരികിലെ പഴയ കെട്ടിടത്തില്‍ പ്രവര്‍ത്തിച്ച് വരികയായിരുന്നു. കാമ്പസില്‍ പരീക്ഷാ ഭവന് പിറകില്‍ ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എന്നിവരുടെ എം.പി ഫണ്ടില്‍ നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില്‍ വിഭാവനം ചെയ്ത കെട്ടിടത്തിന്റെ ഒരു നിലയും ബേസ്‌മെന്റ് ഏരിയയുമാണ് പൂര്‍ത്തിയാക്കിയത്.
2004 ല്‍ പാണക്കാട് ഹൈദരലി ശിഹാബ് തങ്ങള്‍ ചെയര്‍മാനും അഷ്‌റഫ് തങ്ങള്‍ ജനറല്‍ സെക്രട്ടറിയുമായി രൂപീകരിച്ച ഗ്രെയ്‌സ് എജുക്കേഷണല്‍ അസോസിയേഷനാണ് ചെയറിന്റെ ഡോണര്‍ സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില്‍ വൈസ് ചാന്‍സലര്‍ ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല്‍ വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന്‍ ഡോ. എം. ഗംഗാധരന്റെ പുസ്തകം കുടുംബാംഗങ്ങള്‍ ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര്‍ എം.എല്‍.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര്‍ പുതിയ കെട്ടിടത്തില്‍ പ്രവര്‍ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്‍മാര്‍ക്കും ഗവേഷകര്‍ക്കും ഉപയോഗപ്പെടുത്താവുന്ന റിസര്‍ച്ച് ജേണല്‍, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്‍സ്റ്റാന്റിംഗ് ഒപ്പു വെയ്ക്കല്‍,അഫിര്‍മേറ്റീവ് ആക്ഷനും ഇന്ത്യന്‍ ഭരണഘടനയും എന്ന വിഷയത്തിലുളള ഓണ്‍ലൈന്‍ പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്‌കൂള്‍ ഓഫ് കമ്മ്യൂണിറ്റി. ഡവലപ്‌മെന്റ്, ഓറിയന്റേഷന്‍ പ്രോഗ്രാമുകള്‍, ഫെലോഷിപ്പുകള്‍ തുടങ്ങിയവയാണ് നിലവില്‍ ചെയറിന്റെ പ്രവര്‍ത്തനങ്ങള്‍.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്‍ശനവുമായി നടന്‍ ഇന്ദ്രന്‍സ്
കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
ചലച്ചിത്ര അവാര്‍ഡ് വിവാദത്തില്‍ മാധ്യമങ്ങളോട് പ്രതികരണം നടത്തി നടന്‍ ഇന്ദ്രന്‍സ്. സംസ്ഥാന ചലച്ചിത്ര പുരസ്‌കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്‍ഡ് ലഭിക്കാത്തതില്‍ വിഷമമില്ല. എന്നാല്‍ ഹോം സിനിമക്ക് അവാര്‍ഡ് പ്രതീക്ഷിച്ചെന്ന് ഇന്ദ്രന്‍സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്‍സിനെ മികച്ച നടനുള്ള പുരസ്‌കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില്‍ വിമര്‍ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്‍ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന്‍ നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല്‍ തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ