Connect with us

Culture

അവനില്‍ നിന്നും അവളിലേക്കുള്ള ദൂരം

Published

on

എട്ടുവര്‍ഷങ്ങള്‍ക്ക് മുമ്പ് കലോത്സവത്തിനെത്തുന്ന കുട്ടികള്‍ക്ക് മേയ്ക്കപ്പിട്ടുകൊടുക്കുമ്പോള്‍ രഞ്ചു ഉള്ളില്‍ പെണ്ണിന്റെ സ്്വപ്‌നങ്ങള്‍ പേറി നടന്ന ആണ്‍കുട്ടിയായിരുന്നു . അവനില്‍ നിന്നു അവളിലേക്കുള്ള ദൂരം കടന്ന് വര്‍ഷങ്ങള്‍ക്കു ശേഷം തൃശൂരില്‍ മെയ്ക്കപ്പ് ആര്‍ട്ടിസ്റ്റായി എത്തിയപ്പോള്‍ രൂപമാറ്റം സംഭവിച്ച് പെണ്ണായിരുന്നു. ട്രാന്‍സ്‌ജെന്ററായ കേരളത്തിലെ ആദ്യത്തെ മേക്കപ്പ് ആര്‍ടിസ്റ്റാണ് രഞ്ചു രഞ്ചിമാട്.

കൊല്ലം പൂന്തലത്താലം ഗ്രാമത്തില്‍ ജനിച്ച രഞ്ചുവിനെ ആര്‍ടിസ്റ്റായ ആര്‍.എല്‍.വി ഉണ്ണികൃഷ്ണന്‍ മേയ്ക്കപ്പ് സഹായിയായി ജോലി നല്‍കി. തന്റെ വഴി ഇതാണെന്ന് തിരിച്ചറിഞ്ഞ രഞ്ചിമയുടെ വളര്‍ച്ച പെട്ടെന്നായിരുന്നു.മലയാളം തമിഴ്, തെലുങ്ക്, കന്നഡ തുടങ്ങിതെന്നിന്ത്യയിലെ അഞ്ചുഭാഷകളിലെ സിനിമ മേഖലയില്‍ തിരക്കുള്ള മെയ്ക്കപ്പ് ആര്‍ടിസ്റ്റാണ് രഞ്ചു ഇപ്പോള്‍, മമത മോഹന്‍ദാസ്, പ്രിയാമണി, രമ്യനമ്പീശന്‍, ഭാവന തുടങ്ങിയവരുടെയും മേയ്ക്കപ്പ് ആര്‍ടിസ്റ്റ് രഞ്ചുവാണ്. പ്രവാസി മലയാളി മേക്കപ്പ് ആര്‍ടിസ്റ്റ്, പോപ്പുലര്‍ മേക്കപ്പ് ആര്‍ടിസ്റ്റ്, കേരള റോട്ടറി ക്ലബ് അവാര്‍ഡ്, കേരള പോപ്പുലര്‍ മേക്കപ്പ് ആര്‍ടിസ്റ്റ് അവാര്‍ഡ് തുടങ്ങിയ അവാര്‍ഡും ഇതിനകം ലഭിച്ചു.

കലോത്സവമെന്ന ഗൃഹാതുരമായ ഓര്‍മകള്‍ അയവിറക്കാന്‍ തൃശൂരിലെത്തിയ രഞ്ചു, പ്രാരാബ്ധങ്ങള്‍ക്കു നടുവിലും കലയെ ഉപാസിക്കുന്ന ആലപ്പുഴ വടുതല ജമാഅത്ത് ഹയര്‍സെക്കന്ററി പ്ലസ് വണ്‍വിദ്യാര്‍ത്ഥിയായ ചന്ദനരാജേന്ദ്രനു മേക്കപ്പിടാന്‍ വേണ്ടിയാണ് എത്തിയത്. എസ്.എസ്.എല്‍.സിക്കു ശേഷം പതിനാറാമത്തെ വയസ്സില്‍ ഇഷ്ടിക ജോലി, ട്യൂഷന്‍ ക്ലാസെടുക്കല്‍, അടുക്കളപ്പണി, തട്ടുകടയില്‍ ജോലി തുടങ്ങിയ ജോലിചെയ്താണ് ഇഷ്ടപ്പെട്ട മേഖലയായ മെയ്ക്കപ്പിലെക്ക് കാലെടുത്തുവെക്കുന്നത്. പിന്നീട് നിരവധി അവസരങ്ങാണ് രഞ്ചുവിനെ തേടിയെത്തിയത്. ഇതിനിടയിലാണ് പെണ്‍കുട്ടി നാടോടിനൃത്തത്തില്‍ മത്സരിച്ച ചന്ദന എ ഗ്രേഡ്് നേടി.മേളയില്‍ പങ്കെടുക്കാന്‍ പണമില്ലാത്തതിനാല്‍ മൂന്ന് വര്‍ഷം മുമ്പ് നടി മഞ്ചു വാര്യര്‍ ചന്ദനക്ക് സഹായം നല്‍കി. മൂന്ന് വര്‍ഷമായി എല്ലാ മാസവും ചന്ദനയെത്തേടി ഈ സഹായമെത്തുന്നുണ്ട്. തൃശൂരില്‍ കലോത്സവത്തില്‍ പങ്കെടുക്കാന്‍ പതിനഞ്ചായിരം രൂപയാണ് നല്‍കിയത്.എട്ടാം ക്ലാസ് മുതല്‍ സംസ്ഥാന കലോത്സവത്തിവെ വിജയിയാണ് ചന്ദന. അമ്മ സന്ധ്യ രാജേന്ദ്രനില്‍ നിന്ന് നൃത്തത്തിന്റെ ബാലപാഠങ്ങള്‍ അഭ്യസിച്ചു. മഞ്ചു വാര്യറെയടക്കം പരിശീലിപ്പിച്ച ഗീത ടീച്ചറുടെ അടുത്ത് പരിശീലനം സിദ്ധിച്ചു.ആര്‍.എല്‍.വി ആനന്ദിന്റെ അടുത്ത് നിന്ന് ഭരനാട്യവും പഠിച്ചു.

Continue Reading
Click to comment

Leave a Reply

Your email address will not be published.

Culture

ഷമ്മി തിലകനെ ‘അമ്മ’ പുറത്താക്കി

അച്ചടക്ക ലംഘനത്തെ തുടര്‍ന്നാണ് നടപടി.

Published

on

നടന്‍ ഷമ്മിതിലകനെ അമ്മ സംഘടനയില്‍ നിന്ന് പുറത്താക്കി. അച്ചടക്ക ലംഘനത്തെ തുടര്‍ന്നാണ് നടപടി. ഇന്ന് കൊച്ചിയില്‍ നടന്ന ജനറല്‍ ബോഡി യോഗത്തിലാണ് തീരുമാനം.

കഴിഞ്ഞ യോഗത്തില്‍ ഷമ്മിതിലകന്‍ ചില ദൃശ്യങ്ങള്‍ ചിത്രീകരിച്ചിരുന്നു. ഇത് വിവാദമായതിനെത്തുടര്‍ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല്‍ വിശദീകരണം നല്‍കാന്‍ തയ്യാറാകാത്ത സാഹചര്യത്തിലാണ്് പുറത്താക്കല്‍ നടപടി ഉണ്ടായിരിക്കുന്നത്.

Continue Reading

Culture

സി.എച്ച് ചെയര്‍ ഇന്ന് പുതിയ കെട്ടിടത്തിലേക്ക്

കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.

Published

on

കോഴിക്കോട്: കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല്‍ പ്രവര്‍ത്തനമാരംഭിച്ച ചെയര്‍ ഇത് വരെറോഡരികിലെ പഴയ കെട്ടിടത്തില്‍ പ്രവര്‍ത്തിച്ച് വരികയായിരുന്നു. കാമ്പസില്‍ പരീക്ഷാ ഭവന് പിറകില്‍ ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എന്നിവരുടെ എം.പി ഫണ്ടില്‍ നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില്‍ വിഭാവനം ചെയ്ത കെട്ടിടത്തിന്റെ ഒരു നിലയും ബേസ്‌മെന്റ് ഏരിയയുമാണ് പൂര്‍ത്തിയാക്കിയത്.

2004 ല്‍ പാണക്കാട് ഹൈദരലി ശിഹാബ് തങ്ങള്‍ ചെയര്‍മാനും അഷ്‌റഫ് തങ്ങള്‍ ജനറല്‍ സെക്രട്ടറിയുമായി രൂപീകരിച്ച ഗ്രെയ്‌സ് എജുക്കേഷണല്‍ അസോസിയേഷനാണ് ചെയറിന്റെ ഡോണര്‍ സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില്‍ വൈസ് ചാന്‍സലര്‍ ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല്‍ വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന്‍ ഡോ. എം. ഗംഗാധരന്റെ പുസ്തകം കുടുംബാംഗങ്ങള്‍ ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര്‍ എം.എല്‍.എ ഏറ്റുവാങ്ങും.

മൂന്ന് പദ്ധതികളോടെയാണ് ചെയര്‍ പുതിയ കെട്ടിടത്തില്‍ പ്രവര്‍ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്‍മാര്‍ക്കും ഗവേഷകര്‍ക്കും ഉപയോഗപ്പെടുത്താവുന്ന റിസര്‍ച്ച് ജേണല്‍, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്‍സ്റ്റാന്റിംഗ് ഒപ്പു വെയ്ക്കല്‍,അഫിര്‍മേറ്റീവ് ആക്ഷനും ഇന്ത്യന്‍ ഭരണഘടനയും എന്ന വിഷയത്തിലുളള ഓണ്‍ലൈന്‍ പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്‌കൂള്‍ ഓഫ് കമ്മ്യൂണിറ്റി. ഡവലപ്‌മെന്റ്, ഓറിയന്റേഷന്‍ പ്രോഗ്രാമുകള്‍, ഫെലോഷിപ്പുകള്‍ തുടങ്ങിയവയാണ് നിലവില്‍ ചെയറിന്റെ പ്രവര്‍ത്തനങ്ങള്‍.

Continue Reading

Culture

ജൂറി ഹോം സിനിമ കണ്ടിട്ടുണ്ടാകില്ല: വിമര്‍ശനവുമായി നടന്‍ ഇന്ദ്രന്‍സ്

കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.

Published

on

ചലച്ചിത്ര അവാര്‍ഡ് വിവാദത്തില്‍ മാധ്യമങ്ങളോട് പ്രതികരണം നടത്തി നടന്‍ ഇന്ദ്രന്‍സ്. സംസ്ഥാന ചലച്ചിത്ര പുരസ്‌കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്‍ഡ് ലഭിക്കാത്തതില്‍ വിഷമമില്ല. എന്നാല്‍ ഹോം സിനിമക്ക് അവാര്‍ഡ് പ്രതീക്ഷിച്ചെന്ന് ഇന്ദ്രന്‍സ് പറഞ്ഞു.

ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്‍സിനെ മികച്ച നടനുള്ള പുരസ്‌കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില്‍ വിമര്‍ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.

ഹൃദയം സിനിമയും മികച്ചതാണെന്നും അതോടോപ്പം ചേര്‍ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന്‍ നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.

Continue Reading

Trending

Copyright © 2017 Zox News Theme. Theme by MVP Themes, powered by WordPress.