Culture
ട്രോളുണ്ടാക്കി കാത്തിരിക്കുന്നു പൊലീസ്; ഒരു ഫോണ്‍ കോളിനായി
കണ്ണൂര്‍: പ്രതിയെ തിരിച്ചറിഞ്ഞെങ്കിലും പിടികൂടാനാത്തതിനാല്‍ ട്രോളുണ്ടാക്കി കാത്തിരിക്കുകയാണ് തളിപ്പറമ്പ പൊലീസ്. പ്രതിയുടെ ചിത്രം ഉള്‍പ്പെടുത്തി ട്രോളുണ്ടാക്കി സമൂഹ മാധ്യമങ്ങളില്‍ പ്രചാരിപ്പിക്കുമ്പോള്‍ പ്രതിയെ തിരിച്ചറിഞ്ഞു ആരെങ്കിലും വിളിച്ചറിയിച്ചാലോ…. ആ വിളിക്ക് കാത്തിരിക്കുകയാണ് പൊലീസ്..
നാട്ടുകാരെ ചിരിപ്പിച്ചു കള്ളനെ പിടിക്കാനാള്ള ഈ ശ്രമം എത്രകണ്ട് വിജയിക്കുമെന്നത് വലിയ സംശയം തന്നെയാണ് പക്ഷേ, പ്രതീക്ഷയ്ക്ക് ഒട്ടും കുറവുമില്ല. അന്വേഷണം നടത്തി ഫലമില്ലെന്ന് കണ്ടപ്പോഴാണ് പുതിയ കാലത്ത് നവീനഅന്വേഷണ രീതിയുമായി രംഗത്ത് എത്തിയത്. തൃക്കരിപ്പൂര്‍ തങ്കയം മുക്ക് സ്വദേശിനിയും വിരമിച്ച അധ്യാപകയുമായ ലീലക്കുട്ടിയുടെ അഞ്ച് പവന്‍ മാല കവര്‍ന്ന യുവാവിനെ കണ്ടെത്താനുള്ള ശ്രമമാണ് പരീക്ഷണാടിസ്ഥാനത്തില്‍ നടപ്പാക്കുന്നത്.
കേസ് ഇങ്ങനെ
കഴിഞ്ഞ ദിവസം ഉച്ചയോടെ പയ്യന്നൂര്‍ സൗത്ത് ബസറില്‍ ലീലക്കുട്ടിയും മകള്‍ നവ്യയും നടന്ന് പോകുമ്പോള്‍ ടീച്ചറേ എന്നും വിളിച്ച് യുവാവ് അടുത്തെത്തി. സുഖാന്വേഷണം നടത്തി. അത്യാവശ്യമായി അന്‍പതിനായിരം രൂപ ആവശ്യമുണ്ടെന്നും എന്നാല്‍ കയ്യില്‍ പത്തായിരം രൂപ മാത്രമാണുള്ളതെന്നും പറഞ്ഞു. തുക ഇല്ലെന്ന് പറഞ്ഞ അധ്യാപികയോട് കഴുത്തിലെ മാല ഊരി പണയം വെച്ച് പണം തന്നാല്‍ വൈകിട്ട് തന്നെ മാലയെടുത്ത് തരാമെന്നും പറഞ്ഞു കയ്യിലുള്ള പത്തായിരം രൂപ ടീച്ചറുടെ കൈയ്യില്‍ വെച്ച് കൊടുത്തു. പാവം ടീച്ചറാവട്ടെ അതു വിശ്വസിച്ചു മാല നല്‍കി. യുവാവ് മാലയും വാങ്ങി പയ്യന്നൂര്‍ സഹകരണ ആസ്പത്രിയുടെ പ്രധാന കവാടത്തിലൂടെ അകത്തേക്ക് പോയി. കുറച്ച് നേരം കഴിഞ്ഞപ്പോഴാണ് അധ്യാപികയ്ക്ക് ബോധം വന്നത്. ആസ്പത്രിയിലെത്തി സി.സി ടി.വി ദൃശ്യങ്ങള്‍ പരിശോധിച്ചപ്പോള്‍ യുവാവിന്റെ സിസിടിവി ദൃശ്യം കിട്ടിയപ്പോള്‍ പയ്യന്നൂര്‍ പോലീസില്‍ പരാതി യും നല്‍കി.
ആരാണ് ആ കള്ളന്‍
ആരാണെന്ന് പൊലീസിനും അറിയില്ല. ആളെ കണ്ടെത്താന്‍ പലവഴികളും നോക്കി. വാട്‌സ് ആപ്പില്‍ പ്രചരിപ്പിച്ചു ഫലമില്ല. അന്വേഷണം പലവഴിക്കു നടന്നു. ഒരു തുമ്പുമില്ല. ഇതിനിടയിലാണ് ഈ ആശയം ഉതിച്ചത്. തമാശ വായിച്ചു തള്ളുന്നതിനിടയില്‍ ആരെങ്കിലും തിരിച്ചറിഞ്ഞാലോ.. അധ്യാപിക പയ്യന്നൂരിലെ ഇന്റര്‍നെറ്റ് കഫെയില്‍ പോയപ്പോഴാണ് അവിടെയെത്തിയയുവാവ് തന്ത്രപരമായി വിശദവിവരങ്ങള്‍ മനസ്സിലാക്കിയത്. തുടര്‍ന്നാണ് തട്ടിപ്പ്.
മാര്‍ച്ച് ഏഴിന് പയ്യന്നൂര്‍ കോര്‍ട്ട് റോഡില്‍ നിന്ന് വിരമിച്ച അധ്യാപകനായ പി.പത്മനാഭന്റെ പത്തായിരം രൂപ തട്ടിയത് ഇയാളെണെന്നും പൊലീസ് സംശയിക്കുന്നു. സര്‍വ്വീസില്‍ നിന്നും വിരമിച്ചവര്‍ക്ക് സര്‍ക്കാറില്‍
നിന്നും ഇരുപത്തിയയ്യായിരം രൂപ ലഭിക്കുന്ന പദ്ധതിയുണ്ടെന്നും പത്തായിരം രൂപ ഇതിനായി ചെലവ് വരുമെന്നു പറഞ്ഞു പണം തട്ടിയിരുന്നു.
ലക്ഷ്യം ബോധവല്‍ക്കരണം കൂടി
പ്രതിയെ പിടികൂടാനുള്ള ശ്രമം മാത്രമല്ല ഈ ട്രോള്‍. പുതിയ കാലത്തെ തട്ടിപ്പിനെ കുറിച്ചുള്ള ബോധവല്‍ക്കരണത്തിനു കൂടിയാണ്. പതിനായിരക്കണക്കിനു ജനങ്ങളോട് വളരെ എളുപ്പത്തില്‍ സംവദിക്കാനാവുന്നു എന്നതാണ് ഈ പ്രചാരണം കൊണ്ട് തളിപ്പറമ്പ് എസ്.ഐ ബിനുമോഹന്റെ നേതൃത്വത്തിലുള്ള ടീം ഉദ്ദേശിക്കുന്നത്. പിന്നെ പ്രതിയെ തിരിച്ചറിഞ്ഞാല്‍ വിളിക്കാന്‍ മറക്കേണ്ട…9497935312,9539007721.
നടന്‍ ഷമ്മിതിലകനെ അമ്മ സംഘടനയില്‍ നിന്ന് പുറത്താക്കി. അച്ചടക്ക ലംഘനത്തെ തുടര്‍ന്നാണ് നടപടി. ഇന്ന് കൊച്ചിയില്‍ നടന്ന ജനറല്‍ ബോഡി യോഗത്തിലാണ് തീരുമാനം.
കഴിഞ്ഞ യോഗത്തില്‍ ഷമ്മിതിലകന്‍ ചില ദൃശ്യങ്ങള്‍ ചിത്രീകരിച്ചിരുന്നു. ഇത് വിവാദമായതിനെത്തുടര്‍ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല്‍ വിശദീകരണം നല്‍കാന്‍ തയ്യാറാകാത്ത സാഹചര്യത്തിലാണ്് പുറത്താക്കല്‍ നടപടി ഉണ്ടായിരിക്കുന്നത്.
Culture
സി.എച്ച് ചെയര്‍ ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല്‍ പ്രവര്‍ത്തനമാരംഭിച്ച ചെയര്‍ ഇത് വരെറോഡരികിലെ പഴയ കെട്ടിടത്തില്‍ പ്രവര്‍ത്തിച്ച് വരികയായിരുന്നു. കാമ്പസില്‍ പരീക്ഷാ ഭവന് പിറകില്‍ ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എന്നിവരുടെ എം.പി ഫണ്ടില്‍ നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില്‍ വിഭാവനം ചെയ്ത കെട്ടിടത്തിന്റെ ഒരു നിലയും ബേസ്‌മെന്റ് ഏരിയയുമാണ് പൂര്‍ത്തിയാക്കിയത്.
2004 ല്‍ പാണക്കാട് ഹൈദരലി ശിഹാബ് തങ്ങള്‍ ചെയര്‍മാനും അഷ്‌റഫ് തങ്ങള്‍ ജനറല്‍ സെക്രട്ടറിയുമായി രൂപീകരിച്ച ഗ്രെയ്‌സ് എജുക്കേഷണല്‍ അസോസിയേഷനാണ് ചെയറിന്റെ ഡോണര്‍ സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില്‍ വൈസ് ചാന്‍സലര്‍ ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല്‍ വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന്‍ ഡോ. എം. ഗംഗാധരന്റെ പുസ്തകം കുടുംബാംഗങ്ങള്‍ ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര്‍ എം.എല്‍.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര്‍ പുതിയ കെട്ടിടത്തില്‍ പ്രവര്‍ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്‍മാര്‍ക്കും ഗവേഷകര്‍ക്കും ഉപയോഗപ്പെടുത്താവുന്ന റിസര്‍ച്ച് ജേണല്‍, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്‍സ്റ്റാന്റിംഗ് ഒപ്പു വെയ്ക്കല്‍,അഫിര്‍മേറ്റീവ് ആക്ഷനും ഇന്ത്യന്‍ ഭരണഘടനയും എന്ന വിഷയത്തിലുളള ഓണ്‍ലൈന്‍ പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്‌കൂള്‍ ഓഫ് കമ്മ്യൂണിറ്റി. ഡവലപ്‌മെന്റ്, ഓറിയന്റേഷന്‍ പ്രോഗ്രാമുകള്‍, ഫെലോഷിപ്പുകള്‍ തുടങ്ങിയവയാണ് നിലവില്‍ ചെയറിന്റെ പ്രവര്‍ത്തനങ്ങള്‍.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്‍ശനവുമായി നടന്‍ ഇന്ദ്രന്‍സ്
കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
ചലച്ചിത്ര അവാര്‍ഡ് വിവാദത്തില്‍ മാധ്യമങ്ങളോട് പ്രതികരണം നടത്തി നടന്‍ ഇന്ദ്രന്‍സ്. സംസ്ഥാന ചലച്ചിത്ര പുരസ്‌കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്‍ഡ് ലഭിക്കാത്തതില്‍ വിഷമമില്ല. എന്നാല്‍ ഹോം സിനിമക്ക് അവാര്‍ഡ് പ്രതീക്ഷിച്ചെന്ന് ഇന്ദ്രന്‍സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്‍സിനെ മികച്ച നടനുള്ള പുരസ്‌കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില്‍ വിമര്‍ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്‍ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന്‍ നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്‌സ് ആപ്പില്‍; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ