Culture
കെവിന്റെ കൊലപാതകത്തെ പറ്റി പോസ്റ്റിട്ട ദളിത് പ്രവര്ത്തകന്റെ വീട്ടില് കയറി സിപിഎം അക്രമം; പിതാവിനെ മര്ദിച്ചു
![](https://demo.chandrikadaily.com/wp-content/uploads/2018/06/34984839_1998513970181804_5616913643653300224_n.jpg)
കെവിന്റെ കൊലപാതകത്തെ കുറിച്ച് സമൂഹ മാധ്യമങ്ങളില് പോസ്റ്റിട്ട ഷിബി പീറ്റര് എന്ന ദലിത് പ്രവര്ത്തകന്റെ വീട്ടില് സി.പി.എം പ്രവര്ത്തകരുടെ അക്രമം. മൂന്നു പേരടങ്ങുന്ന സംഘമാണ് ഇന്ന് ഉച്ചയോടെ ഷിബി പീറ്ററുടെ പറശ്ശിക്കാട്ടെ വീട്ടിലെത്തിയത്. ‘വീട്ടില് നിന്ന് ഇറങ്ങിപ്പോടാ….’ എന്ന ആക്രോഷിച്ചു കൊണ്ട് വീട്ടിലേക്ക് അക്രമിച്ചു കയറിയ പ്രവര്ത്തകര് ഹൃദ്രോഗിയായ അഛന് ടി.ജെ പീറ്ററെ മര്ദ്ദിച്ചു. അദ്ദേഹം കഴിഞ്ഞ ആഴ്ച നടന്ന സര്ജറിക്കു ശേഷം വീട്ടില് വിശ്രമിക്കുകയായിരുന്നു. അക്രമി സംഘത്തിന് നാട്ടകം ലോക്കല് ഏരിയ കമ്മിറ്റി അംഗമായ രാജേന്ദ്രനാണ് നേതൃത്വം നല്കിയത്.
അപരിചിതരോട് ആരാണ് നിങ്ങള് എന്ന് ആവര്ത്തിച്ചു ചോദിച്ചെങ്കിലും മറുപടിയൊന്നും ഉണ്ടായില്ല. പ്രതിരോധിക്കാന് ശ്രമിച്ച അമ്മയെ തട്ടി മാറ്റി അഛനെ മര്ദ്ദിക്കുകയായിരുന്നു. അഛന് ടി.ജെ. പീറ്ററെ ആസ്പത്രിയില് അത്യാഹിത വിഭാഗത്തില് പ്രവേശിച്ചിട്ടുണ്ട്.
ദലിത് പ്രവര്ത്തകനായ ഷിബീ പീറ്റര് കെവിന് കൊലപാതകത്തില് ഫെയ്സ്ബുക്കില് നിരന്തരം പോസ്റ്റുകളിട്ടിരുന്നു. സമൂഹ മാധ്യമങ്ങളില് വൈറലായ ഈ പോസ്റ്റുകളോട് ഭീഷണി സ്വരത്തിലായിരുന്നു സി.പിഎമ്മിന്റെ പ്രതികരണം. അംബേദ്കര് സ്റ്റുഡന്റ് അസോസിയേഷന്റെ കേരളത്തിലെ പ്രവര്ത്തനങ്ങള്ക്കും ഷിബി പീറ്റര് പിന്തുണ നല്കിയിരുന്നു.
ഇതേ കുറിച്ച് ഷിബി പീറ്റര് തന്നെ ഫെയ്സ്ബുക്കില് പങ്കുവെച്ച കുറിപ്പ് താഴെ ചേര്ക്കുന്നു.
കെവിന്റെ കൊലപാതകത്തെക്കുറിച്ചുള്ള എന്റെ കുറിപ്പുകള് ആണോ എന്നറിയില്ല, അല്പ്പം മുന്പ് എന്റെ പിതാവിനെ വീട്ടില് കയറി സി.പി.എം പ്രവര്ത്തകര് എന്ന അവകാശപ്പെട്ട് കൊണ്ട് ചിലര് കൈയേറ്റം ചെയ്തിരിക്കുന്നു. ഒരാഴ്ച്ച മുന്പുള്ള സര്ജറിക്ക് ശേഷം വിശ്രമിക്കുകയായിരുന്ന അദ്ദേഹം ഇപ്പോള് ഹൃദയ സമ്മര്ദ്ദത്തെ തുടര്ന്ന് കോട്ടയം മെഡിക്കല് സെന്ററില് ഐ. സി.യു വില് പ്രവേശിക്കപ്പെട്ടിരിക്കുന്നു. നാട്ടകം ലോക്കല് കമ്മിറ്റി സെക്രട്ടറി രാജേന്ദ്രന് എന്ന് പരിചയപ്പെടുത്തിയ മൂന്ന് അംഗ സംഘമാണ് കൈയേറ്റം നടത്തിയത്. എന്റെ അമ്മയും സഹോദരന്റെ ഭാര്യയും മാത്രം വീട്ടില് ഉള്ളപ്പോള് കാണിച്ച ഈ ശൗര്യത്തോട് എങ്ങിനെയാണ് പ്രതികരിക്കേണ്ടത്? പോലീസ് ആശുപത്രിയില് എത്തി മൊഴി എടുക്കുമെന്ന് കരുതുന്നു. മുഖ്യമന്ത്രിയ്ക്കും ഡി. ജി.പിയ്ക്കും പരാതി നല്കിക്കൊണ്ട് നിയമ നടപടികള് സ്വീകരിക്കാന് തീരുമാനിച്ചിരിക്കുന്നു
![](https://demo.chandrikadaily.com/wp-content/uploads/2022/06/shammi.jpg)
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
![](https://demo.chandrikadaily.com/wp-content/uploads/2022/04/ch.jpg)
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
![](https://demo.chandrikadaily.com/wp-content/uploads/2022/05/indrans.jpg)
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ