Culture
ഇവിടെ ഇരട്ട നീതിയല്ലാതെ മറ്റെന്താണ് മിസ്റ്റര്‍ പിണറായി?; കെ.എം ഷാജി
ഇരട്ട നീതി തന്നെയാണ് ഇവിടെ നടക്കുന്നത്; അത് മുസ്ലിംകള്‍ക്കെതിരെയും, ഫാസിസ്റ്റുകളുടെ ശത്രുപക്ഷത്തുള്ളവരുടെയും നേരെ നിര്‍ബാധം തുടരുന്നുമുണ്ട്; പക്ഷെ, അത് മുസ്ലിംകളുടെ മാത്രം പ്രശ്‌നം ആയി കാണാനും അങ്ങിനെ അതിനെ ചെറുതാക്കാനും ശ്രമിക്കുന്നത് അപകടകരവും ഫാസിസ്റ്റുകള്‍ക്കു വളം വെച്ച് കൊടുക്കലുമാണ്.
ഇന്ത്യയില്‍ ആകമാനം ഫാസിസ്റ്റു ശക്തികള്‍ തങ്ങള്‍ക്കെതിരെ ശബ്ദിക്കുന്നവരുടെ നാവ് അരിയാന്‍ ഭരണകൂടങ്ങളെ തങ്ങളുടെ മര്‍ദ്ദനോപാധികള്‍ ആക്കി മാറ്റി നിയമങ്ങളെ ദുരുപയോഗം ചെയ്യുമ്പോള്‍ അതിന്റെ ചുവടു പിടിച്ചു തന്നെയാണ് ശ്രീ പിണറായിയുടെ പോലീസും മുന്നോട്ട് പോകുന്നത്. മുസ്ലിം ലീഗ് ഉയര്‍ത്തി പിടിക്കുന്ന വിഷയം ഒരു എംഎം അക്ബറിന്റെ മാത്രമല്ല. അതിനെ ഒരു മുസ്ലിം പ്രശ്‌നം മാത്രമായും അല്ല മുസ്ലിം ലീഗ് കാണുന്നതും.
യുഎപിഎ ദുരുപയോഗം അടക്കമുള്ള വിഷയങ്ങളില്‍ മുസ്ലിം ലീഗിന്റെ നിലപാട് സുവ്യക്തവും സുചിന്തിതവും ആണ്. ഞങ്ങളുടെ പ്രിയ അനുജന്‍ ഷുക്കൂറിനെ അരും കൊല ചെയ്ത കേസില്‍ പ്രതി ചേര്‍ക്കപ്പെട്ട ആളായിട്ടു പോലും മനോജ് വധക്കേസില്‍ ജയരാജനെതിരെ യുഎപിഎ ചുമത്തിയപ്പോള്‍ അതിനെതിരെ നിലപാട് എടുത്ത പാര്‍ട്ടിയാണ് മുസ്ലിം ലീഗ്. വ്യക്തിപരമായി അതിനെ പരസ്യമായി തന്നെ എതിര്‍ത്ത ആളാണ് ഈ ഞാനും.
ഏതു മുന്നണി അധികാരത്തില്‍ ഇരുന്നപ്പോഴും കേരളത്തില്‍ സംഭവിച്ചിട്ടില്ലാത്ത നാണം കെട്ടതും ഭീതിതവുമായ ഒരു പോലീസ് ഭരണം ആണ് ഇവിടെ നടക്കുന്നത്. ഒരു വേള ബിജെപി ഭരിക്കുന്ന സംസ്ഥാനങ്ങളെ പോലും വെല്ലുന്ന സംഘി ദാസ്യവേല ചെയ്യുന്ന പോലീസ് ആയി കേരളത്തിലെ പോലീസ് മാറിയിരിക്കുന്നു. എംഎം അക്ബര്‍ ഇവിടെ അയാളുടെ മതം കൊണ്ടോ, ജാതി കൊണ്ടോ വിശ്വാസം കൊണ്ടോ അല്ല അടയാളപ്പെടുത്തപ്പെട്ടിരിക്കുന്നത്, മറിച്ചു അയാള്‍ സംഘ് വിരുദ്ധന്‍ ആണ് എന്നതാണ്! ഗൗരിയും, മുണ്ടൂര്‍ രാവുണ്ണിയും, രജീഷും, കമലും, കമല്‍ സി ചവറയും, നദിയും ഒക്കെ ചേരുന്ന ഒരു കൂട്ടത്തിലെ ഒരു പേര് മാത്രമാണ് അക്ബറും.
കല്ബുര്ഗിയും, ടീസ്റ്റയും, സഞ്ജീവ് ഭട്ടും തുടങ്ങി നിരവധി പേരുകളുടെ തുടര്‍ച്ച മാത്രമാണ് ഇത്!! അഖ്‌ലാഖിന്റെയും, രോഹിത് വെമുലയുടെയും, നജീബിന്റേയും ഒക്കെ ജനുസ്സില്‍ ഉള്ളവര്‍ ആണ് ഇവര്‍!! അവര്‍ക്കു വേണ്ടി ഉള്ളതാണ് മുസ്ലിം ലീഗിന്റെ പോരാട്ടം!!
ഇവിടെ വേട്ടയാടപ്പെടുന്നത് ഫാസിസ്റ്റു രാഷ്ട്രീയത്തെ എതിര്‍ക്കുന്നവര്‍ ആണ്; അവര്‍ക്കെതിരെ സംസാരിക്കാന്‍ ധൈര്യം കാണിക്കുന്നവര്‍ ആണ്; ഇന്ത്യയുടെ ആത്മാവിനെ നിലനിര്‍ത്താന്‍ വേണ്ടി പോരാടുന്നവര്‍ ആണ്! അങ്ങിനെ വേട്ടയാടപ്പെടുന്നവരില്‍ മുസ്ലിംകള്‍ ഉണ്ട്, മറ്റു മതസ്ഥരുണ്ട്, മതമില്ലാത്തവരുണ്ട്. എന്നാല്‍ ഇവര്‍ക്കൊക്കെ പൊതുവായുള്ള ഒരു മതം ഫാസിസ്റ്റു വിരുദ്ധതയുടേത് ആണ്! ആ ‘മത’ത്തിലുള്ളവരെ അടിച്ചമര്‍ത്താന്‍ ഉള്ള ഒരു മര്‍ദ്ദനോപാധി ആയി നമ്മുടെ പോലീസ് മാറുന്നു എന്നുള്ളത് അത്യന്തം ഗൗരവുള്ളതും സങ്കടകരവും ആയ കാഴ്ചയാണ്!!
കമലിന്റെ വീട്ടു മുറ്റത്ത് ദേശീയഗാനത്തെ അപമാനിച്ചവര്‍ വിലസുന്ന നാട്ടില്‍, ശശികല ഇപ്പോഴും സര്‍ക്കാര്‍ ശമ്പളം വാങ്ങുന്ന നാട്ടില്‍, രജീഷ് സസ്‌പെന്ഷനില് ആകുന്നതും നദിയും മുണ്ടൂര്‍ രാവുണ്ണിയും ഒക്കെ ജയിലില്‍ ആകുന്നതും കാരാഗ്രഹത്തിന്റെ നിഴലില്‍ നിരപരാധികള്‍ കഴിയുന്നതും ഇരട്ട നീതി അല്ലാതെ വേറെ എന്താണ് മിസ്റ്റര്‍ പിണറായി?
നടന്‍ ഷമ്മിതിലകനെ അമ്മ സംഘടനയില്‍ നിന്ന് പുറത്താക്കി. അച്ചടക്ക ലംഘനത്തെ തുടര്‍ന്നാണ് നടപടി. ഇന്ന് കൊച്ചിയില്‍ നടന്ന ജനറല്‍ ബോഡി യോഗത്തിലാണ് തീരുമാനം.
കഴിഞ്ഞ യോഗത്തില്‍ ഷമ്മിതിലകന്‍ ചില ദൃശ്യങ്ങള്‍ ചിത്രീകരിച്ചിരുന്നു. ഇത് വിവാദമായതിനെത്തുടര്‍ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല്‍ വിശദീകരണം നല്‍കാന്‍ തയ്യാറാകാത്ത സാഹചര്യത്തിലാണ്് പുറത്താക്കല്‍ നടപടി ഉണ്ടായിരിക്കുന്നത്.
Culture
സി.എച്ച് ചെയര്‍ ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല്‍ പ്രവര്‍ത്തനമാരംഭിച്ച ചെയര്‍ ഇത് വരെറോഡരികിലെ പഴയ കെട്ടിടത്തില്‍ പ്രവര്‍ത്തിച്ച് വരികയായിരുന്നു. കാമ്പസില്‍ പരീക്ഷാ ഭവന് പിറകില്‍ ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എന്നിവരുടെ എം.പി ഫണ്ടില്‍ നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില്‍ വിഭാവനം ചെയ്ത കെട്ടിടത്തിന്റെ ഒരു നിലയും ബേസ്‌മെന്റ് ഏരിയയുമാണ് പൂര്‍ത്തിയാക്കിയത്.
2004 ല്‍ പാണക്കാട് ഹൈദരലി ശിഹാബ് തങ്ങള്‍ ചെയര്‍മാനും അഷ്‌റഫ് തങ്ങള്‍ ജനറല്‍ സെക്രട്ടറിയുമായി രൂപീകരിച്ച ഗ്രെയ്‌സ് എജുക്കേഷണല്‍ അസോസിയേഷനാണ് ചെയറിന്റെ ഡോണര്‍ സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില്‍ വൈസ് ചാന്‍സലര്‍ ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല്‍ വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന്‍ ഡോ. എം. ഗംഗാധരന്റെ പുസ്തകം കുടുംബാംഗങ്ങള്‍ ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര്‍ എം.എല്‍.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര്‍ പുതിയ കെട്ടിടത്തില്‍ പ്രവര്‍ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്‍മാര്‍ക്കും ഗവേഷകര്‍ക്കും ഉപയോഗപ്പെടുത്താവുന്ന റിസര്‍ച്ച് ജേണല്‍, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്‍സ്റ്റാന്റിംഗ് ഒപ്പു വെയ്ക്കല്‍,അഫിര്‍മേറ്റീവ് ആക്ഷനും ഇന്ത്യന്‍ ഭരണഘടനയും എന്ന വിഷയത്തിലുളള ഓണ്‍ലൈന്‍ പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്‌കൂള്‍ ഓഫ് കമ്മ്യൂണിറ്റി. ഡവലപ്‌മെന്റ്, ഓറിയന്റേഷന്‍ പ്രോഗ്രാമുകള്‍, ഫെലോഷിപ്പുകള്‍ തുടങ്ങിയവയാണ് നിലവില്‍ ചെയറിന്റെ പ്രവര്‍ത്തനങ്ങള്‍.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്‍ശനവുമായി നടന്‍ ഇന്ദ്രന്‍സ്
കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
ചലച്ചിത്ര അവാര്‍ഡ് വിവാദത്തില്‍ മാധ്യമങ്ങളോട് പ്രതികരണം നടത്തി നടന്‍ ഇന്ദ്രന്‍സ്. സംസ്ഥാന ചലച്ചിത്ര പുരസ്‌കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്‍ഡ് ലഭിക്കാത്തതില്‍ വിഷമമില്ല. എന്നാല്‍ ഹോം സിനിമക്ക് അവാര്‍ഡ് പ്രതീക്ഷിച്ചെന്ന് ഇന്ദ്രന്‍സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്‍സിനെ മികച്ച നടനുള്ള പുരസ്‌കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില്‍ വിമര്‍ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്‍ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന്‍ നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ