Culture
ചാമ്പ്യന്സ് ലീഗില് ലെസ്റ്റര് കുതിപ്പ്; സെവിയ്യയെ വീഴ്ത്തി ക്വാര്ട്ടറില്
ലണ്ടന്: കോച്ച് ക്ലോഡിയോ റാനിയേരിയെ പുറത്താക്കിയതോടെ ലെസ്റ്റര് സിറ്റിയുടെ ഭാഗ്യജാതകം തെളിഞ്ഞുവോ? പ്രീമിയര് ലീഗില് തുടര്ച്ചയായ രണ്ട് ജയങ്ങള് നേടി റെലഗേഷന് ഭീഷണിയില് നിന്ന് രക്ഷപ്പെട്ട ചാമ്പ്യന്മാര് ചാമ്പ്യന്സ് ലീഗില് അത്ഭുതം കാട്ടി ക്വാര്ട്ടര് ഫൈനലിലെത്തി. രണ്ടാം പാദ മത്സരത്തില് യൂറോപ്പ ലീഗ് ചാമ്പ്യന്മാരായ സെവിയ്യയെ എതിരില്ലാത്ത രണ്ടു ഗോളിന് വീഴ്ത്തിയായിരുന്നു ഇംഗ്ലീഷ് ക്ലബ്ബിന്റെ കന്നി ക്വാര്ട്ടര് പ്രവേശം. ഇരുപകുതികളിലായി ജമൈക്കന് താരം വെസ് മോര്ഗന്, മാര്ക് അല്ബ്രെയ്റ്റന് എന്നിവരാണ് ലെസ്റ്ററിന്റെ ഗോളുകള് നേടിയത്. 80-ാം മിനുട്ടില് പെനാല്ട്ടി തടഞ്ഞ് ഗോള്കീപ്പര് കാസ്പര് ഷ്മിഷേലും ചരിത്ര വിജയത്തില് പങ്കുവഹിച്ചു.
മറ്റൊരു മത്സരത്തില് എഫ്.സി പോര്ട്ടോയെ ഒരു ഗോൡന് വീഴ്ത്തി യുവന്റസും ക്വാര്ട്ടറിലെത്തി.
ആദ്യപാദം 2-1 ന് തോറ്റിരുന്ന ലെസ്റ്ററിന് ഇന്നലെ സ്വന്തം ഗ്രൗണ്ടില് എതിരില്ലാതെ ഒരു ഗോളിന് ജയിച്ചാലും മുന്നേറാമായിരുന്നു. 27-ാം മിനുട്ടില് റിയാദ് മെഹ്റസ് ഒരുക്കിയ അവസരം ഗോളിലെത്തിച്ച് ക്യാപ്ടന് മോര്ഗന് ടീമിനെ മുന്നിലെത്തിച്ചു. ചാമ്പ്യന്സ് ലീഗില് ഗോള് നേടുന്ന ആദ്യ ജമൈക്കന് താരമായി ഇതോടെ മോര്ഗന്. 54-ാം മിനുട്ടില് അല്ബ്രെയ്റ്റന് കൂടി സ്കോര് ചെയ്തതോടെ ഇംഗ്ലീഷ് ടീമിന് ആശ്വസിക്കാവുന്ന ലീഡായി.
സമനിലക്കു വേണ്ടി പൊരുതിയ സെവിയ്യക്ക് 74-ാം മിനുട്ടില് സമീര് നസ്രിയെ നഷ്ടമായി. ജാമി വാര്ദിയുമായുള്ള വാക്കേറ്റത്തിനൊടുവില് രണ്ടാം മഞ്ഞക്കാര്ഡ് കണ്ട് ഫ്രഞ്ച് താരം പുറത്താവുകയായിരുന്നു. 80-ാം മിനുട്ടില് ലഭിച്ച പെനാല്ട്ടി കളിയില് തിരിച്ചെത്താനുള്ള അവസരമായിരുന്നെങ്കിലും ഷ്മിഷേല് സന്ദര്ശകരുടെ പ്രതീക്ഷകള് തട്ടിയകറ്റി.
പോര്ട്ടോയുടെ ഗ്രൗണ്ടില് ആദ്യപാദം എതിരില്ലാത്ത രണ്ടു ഗോളിന് തകര്ത്തിരുന്ന യുവന്റസ് ഇന്നലെ 42-ാം മിനുട്ടില് പൗളോ ഡിബാല നേടിയ പെനാല്ട്ടി ഗോളിലാണ് ജയം കണ്ടത.്
ഇന്ന് മൊണാക്കോ മാഞ്ചസ്റ്റര് സിറ്റിയെയും അത്ലറ്റികോ മാഡ്രിഡ് ബയേര് ലെവര്കുസനെയും നേരിടും. സ്വന്തം ഗ്രൗണ്ടില് നടന്ന ആദ്യപാദം സിറ്റി 5-3നും എവേ മത്സരം അത്ലറ്റികോ മാഡ്രിഡ് 4-2നും ജയിച്ചിരുന്നു.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ