local
മറന്നു വെച്ച ബാഗ് തിരിച്ചുനല്‍കി തട്ടുകടക്കാരന്റെ മാതൃക
ബുധനാഴ്ച്ച രാത്രി ഭക്ഷണം കഴിക്കാനെത്തിയ കര്‍ണാടക സ്വദേശിയായ മാധ്യമപ്രവര്‍ത്തകനാണ് നാസറിന്റെ കയില്‍ ബാഗ് മറന്നുവെച്ചത്
കണ്ണൂര്‍: കടയില്‍ മറന്നു വെച്ച പണമടങ്ങിയ ബാഗ് തിരികെ നല്‍കി തട്ടുകടക്കാരന്റെ മാതൃക. കണ്ണൂര്‍ കാല്‍ടെക്‌സില്‍ തട്ടുകട നടത്തുന്ന നാസറാണ് തന്റെ കടയില്‍ ഭക്ഷണം കഴിക്കാനെത്തിയ ബംഗളൂരു സ്വദേശിയുടെ ബാഗ് തിരികെ നല്‍കിയത്. ബുധനാഴ്ച്ച രാത്രി ഭക്ഷണം കഴിക്കാനെത്തിയ കര്‍ണാടക സ്വദേശിയായ മാധ്യമപ്രവര്‍ത്തകനാണ് നാസറിന്റെ കയില്‍ ബാഗ് മറന്നുവെച്ചത്.
ഇയാള്‍ ഭക്ഷണം കഴിച്ച് പോയതിന് ശേഷശമാണ് ബാഗ് ശ്രദ്ധയില്‍പ്പെട്ടത്. തുടര്‍ന്ന് അന്വേഷിച്ചെങ്കിലും കണ്ടെത്താന്‍ സാധിച്ചില്ല. അതേതുടര്‍ന്ന് ബാഗ് ചന്ദ്രിക ഓഫീസില്‍ ഏല്‍പ്പിക്കുകയായിരുന്നു.
രാവിലെ ബാഗ് അന്വേഷിച്ച് വന്ന മാധ്യമപ്രവര്‍ത്തകന്‍ അടുത്ത കടയില്‍ നിന്നും നാസറിന്റെ ഫോണ്‍ നമ്പര്‍ സംഘടിപ്പിച്ച് വിളിക്കുകയായിരുന്നു. പണം,എടിഎം കാര്‍ഡ്, വിവിധ ഫയലുകള്‍ എന്നിവ ബാഗിലുണ്ടായിരുന്നു.മാഹിയില്‍ ഒരു പരിപാടിയില്‍ പങ്കെടുത്ത് തിരിച്ച് പോകും വഴി ഭക്ഷണം കഴിക്കാനാണ് തട്ടുകടയിലെത്തിയത്. നാസര്‍ അറിയിച്ചതിനെ തുടര്‍ന്ന് ഇന്നലെ രാവിലെ ഇയാള്‍ ചന്ദ്രിക ഓഫീസിലെത്തി ബാഗ് തിരിച്ചു വാങ്ങുകയും ചെയ്തു.
kerala
വ്യാപാരി വ്യവസായി അനുമോദന സംഗമം
വ്യാപാരി വ്യവസായി ഏകോപന സമിതി കൂട്ടിലങ്ങാടി യൂണിറ്റ് അംഗങ്ങളുടെ മക്കളിൽ നിന്നും ഈ വർഷം എസ് എസ് എൽ സി, ഹയർ സെക്കണ്ടറി പരീക്ഷകളിൽ വിജയിച്ച മുഴുവൻ വിദ്യാർത്ഥികളെയും അവാർഡ് നൽകി അനുമോദിച്ചു.
കൂട്ടിലങ്ങാടി: വ്യാപാരി വ്യവസായി ഏകോപന സമിതി കൂട്ടിലങ്ങാടി യൂണിറ്റ് അംഗങ്ങളുടെ മക്കളിൽ നിന്നും ഈ വർഷം എസ് എസ് എൽ സി, ഹയർ സെക്കണ്ടറി പരീക്ഷകളിൽ വിജയിച്ച മുഴുവൻ വിദ്യാർത്ഥികളെയും അവാർഡ് നൽകി അനുമോദിച്ചു.
കൂട്ടിലങ്ങാടി വ്യാപാര ഭവനിൽ നടന്ന അനുമോദന സംഗമം
മങ്കട ബ്ളോക്ക് പഞ്ചായത്ത് പ്രസിഡന്റ് ടി. അബ്ദുൽ കരീം ഉദ്ഘാടനം ചെയ്തു. യൂണിറ്റ് പ്രസിഡന്റ് തേറമ്പൻ മുനീർ അധ്യക്ഷത വഹിച്ചു.
പഞ്ചായത്തംഗങ്ങളായ പി.കെ. ഹാലിയ, ശബീബ ഹമീദ്, മെഹ്റുന്നീസ ടീച്ചർ,
യൂണിറ്റ് സെക്രട്ടറി പി.മുഹമ്മദലി, റഊഫ് കൂട്ടിലങ്ങാടി, പി. സാലിം എന്നിവർ പ്രസംഗിച്ചു.
kerala
സ്മാർട്ട് സെന്ററിന് സ്നേഹ സമ്മാനമായി ഭൂമി വിട്ടു നൽകി മൊടപ്പിലാപ്പള്ളി മന
പടിഞ്ഞാറ്റുമുറി കാരാട്ട് പറമ്പിലെ ബി.എഡ് സെന്ററിന് സമീപം മൊടപ്പിലാപ്പള്ളി മനയുടെ ഉടമസ്ഥതയിലുള്ള 20 സെന്റ് സ്ഥലമാണ് സ്മാർട്ടിന് സ്നേഹ സമ്മാനമായി വിട്ടു നൽകിയത്.
റഊഫ് കൂട്ടിലങ്ങാടി
കൂട്ടിലങ്ങാടി: പടിഞ്ഞാറ്റുമുറി ആസ്ഥാനമായി പത്ത് വർഷത്തിലേറെയായി ജീവകാരുണ്യ സേവന രംഗത്ത് പ്രവർത്തിച്ചു വരുന്ന ശിഹാബ് തങ്ങൾസ് മോണ്യൂമെന്റ് ഫോർ അഡോപ് റിലീഫ് ട്രീറ്റ്മെന്റ് ( സ്മാർട്ട് ) ഡയാലിസിസ് ആന്റ് ഫിസിയോ തെറാപ്പി സെന്ററിന്റെ ഭാവി പ്രവർത്തനങ്ങൾക്ക് കരുത്തേകാൻ ഭൂമി വിട്ടു നൽകി പടിഞ്ഞാറ്റുമുറിയിലെ പ്രശസ്തമായ മൊടപ്പിലാപ്പള്ളി മനയുടെ മാതൃകാ പ്രവർത്തനം ശ്രദ്ധേയമായി.
പടിഞ്ഞാറ്റുമുറി കാരാട്ട് പറമ്പിലെ ബി.എഡ് സെന്ററിന് സമീപം മൊടപ്പിലാപ്പള്ളി മനയുടെ ഉടമസ്ഥതയിലുള്ള 20 സെന്റ് സ്ഥലമാണ് സ്മാർട്ടിന് സ്നേഹ സമ്മാനമായി വിട്ടു നൽകിയത്.
ഭൂമിയുടെ കൈമാറ്റ രേഖ പാണക്കാട് സയ്യിദ് മുനവ്വറലി ശിഹാബ് തങ്ങൾക്ക് തന്ത്രി മൊടപ്പിലാപ്പള്ളി പരമേശ്വരൻ നമ്പൂതിരി കൈമാറി.
നിലവിൽ ഡയാലിസിസ് സെന്റർ, ഫിസിയോ തെറാപ്പി സെൻറർ, പാലിയേറ്റീവ് ഹോം കെയർ, നിർധന രോഗികൾക്ക് ഭക്ഷണ വസ്ത്രവിതരണം, സാന്ത്വന പരിചരണം, ഭിന്നശേഷിക്കാർക്ക് ഭവന നിർമ്മാണം, പരിശോധനാ ക്യാമ്പ് ,നിർധനർക്ക് വിദ്യാഭ്യാസ സഹായം, അവാർഡ് ദാനം തുടങ്ങിയ ജീവകാരുണ്യ സേവനങ്ങൾക്ക് പുറമെ കൂടുതൽ മേഖലകളിലേക്ക് പ്രവർത്തനം വ്യാപിപ്പിക്കാനുള്ള ഒരുക്കത്തിലാണ് സ്മാർട്ട് പ്രവർത്തകർ.
kerala
എസ് ജി ഒ യു സംസ്ഥാന സമ്മേളനം 25 ന് തുടങ്ങും; ലോഗോ പ്രകാശനം ചെയ്തു
സംസ്ഥാന സമ്മേളനത്തിന്റെ ലോഗോ മുസ്ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങൾ പ്രകാശനം ചെയ്തു.
റഊഫ് കൂട്ടിലങ്ങാടി
മലപ്പുറം: സിവിൽ സർവീസ് “സ്വത്വ ബോധത്തിന്റെ വീണ്ടെടുപ്പ് ” എന്ന മുദ്രാവാക്യം ഉയർത്തി 25, 26 തീയതികളിൽ മലപ്പുറത്ത് ഡോ: സയ്യിദ് സൽമ നഗറിൽ വെച്ച് നടക്കുന്ന സ്റ്റേറ്റ് ഗസറ്റഡ് ഓഫീസേഴ്സ് യൂണിയൻ (എസ്.ജി.ഒ.യു) സംസ്ഥാന സമ്മേളനത്തിന്റെ ലോഗോ മുസ്ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങൾ പ്രകാശനം ചെയ്തു.
സംസ്ഥാന വർക്കിംഗ്‌ പ്രസിഡന്റ് ഡോ. ഹാറൂൺ റഷീദ്, ജില്ലാ പ്രസിഡന്റ് മുഹമ്മദ്‌ പുല്ലുപറമ്പൻ, ജനറൽ സെക്രട്ടറി വി.കെ.മുനീർ റഹ്മാൻ, ഷാഹുൽ ഹമീദ്, എസ്.ഇ.യു സംസ്ഥാന ജനറൽ സെക്രട്ടറി ആമിർ കോഡൂർ, വൈസ് പ്രസിഡന്റ് ബഷീർ കെ. ഹമീദ് കുന്നുമ്മൽ എന്നിവർ സംബന്ധിച്ചു.
-
Video Stories7 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ