Culture
താക്കറെയെ സന്ദര്‍ശിച്ചത് സോണിയയ്ക്ക് ഇഷ്ടമുണ്ടായിരുന്നില്ല: പ്രണബ് മുഖര്‍ജി
ന്യൂഡല്‍ഹി: 2012ല്‍ രാഷ്ട്രപതി സ്ഥാനത്തേക്കു മത്സരിക്കുന്നതിന് മുമ്പ് ബാല്‍താക്കറെയുമായി താന്‍ കൂടിക്കാഴ്ച നടത്തിയതില്‍ സോണിയയ്ക്ക് അനിഷ്ടമുണ്ടായിരുന്നെന്ന് പ്രണബ് മുഖര്‍ജി. ആവശ്യപ്പെടാതെ തന്റെ പ്രസിഡണ്ട് സ്ഥാനാര്‍ത്ഥിത്വത്തെ പിന്തുണച്ച താക്കറെയെ കാണുന്നതിലെ സാംഗത്യം സോണിയയുമായും ശരദ്പവാറുമായും താന്‍ ചര്‍ച്ച നടത്തിയിരുന്നു. പിന്തുണ നല്‍കാന്‍ താക്കറെയെ സ്വാധീനിച്ച നേതാവായിരുന്നു പവാര്‍.
മുംബൈ സന്ദര്‍ശനത്തിനിടെ താക്കറെയെ സന്ദര്‍ശിക്കാമോ എന്നായിരുന്നു സോണിയയോട് തന്റെ ചോദ്യം. വീട്ടില്‍ കൂടിക്കാഴ്ച നടത്താമെന്ന് താക്കറെയില്‍ നിന്ന് തനിക്ക് ഒരുപാട് സന്ദേശങ്ങള്‍ ലഭിച്ചിരുന്നു. എന്നാല്‍ സോണിയയ്ക്ക് താത്പര്യമുണ്ടായിരുന്നില്ല. സാധ്യമാണെങ്കില്‍ അതൊഴിവാക്കൂ എന്നായിരുന്നു അവരുടെ നിര്‍ദേശം. അദ്ദേഹത്തിന്റെ നയങ്ങളില്‍ അവര്‍ രൂപപ്പെടുത്തിയെടുത്ത വീക്ഷണത്തിന്റെ അടിസ്ഥാനത്തിലാണ് സോണിയ അങ്ങനെ പറഞ്ഞത്. എന്നാല്‍ ശരദ് പവാറിന്റെ ഉപദേശം തീര്‍ത്തും വ്യത്യസ്തമായിരുന്നു.
ആ കൂടിക്കാഴ്ചക്കായി താക്കറെയും അനുയായികളും കാത്തിരിക്കുകയാണ് എന്നായിരുന്നു പവാര്‍ പറഞ്ഞത്. മുംബൈ സന്ദര്‍ശനത്തിനെ തന്നെ കാണാതെ പോയാല്‍ അത് അദ്ദേഹത്തെ അപമാനിച്ചതായി താക്കറെ കരുതുമെന്നും പവാര്‍ പറഞ്ഞു. സോണിയയുടെ അതൃപ്തിക്കിടയിലും അങ്ങനെ താക്കറെയെ കാണാന്‍ തീരുമാനിക്കുകയായിരുന്നു. തനിക്ക് പിന്തുണ പ്രഖ്യാപിച്ച ഒരാളെ അപമാനിക്കേണ്ടെന്ന് കരുതി. വിമാനത്താവളത്തില്‍ നിന്ന് താക്കറെയിലെ വീട്ടിലേക്ക് പോകാന്‍ തനിക്ക് സൗകര്യമൊരുക്കി നല്‍കണമെന്ന് പവാറിനോട് ആവശ്യപ്പെട്ടു.
അദ്ദേഹം സമ്മതിക്കുകയും ചെയ്തു. കൂടിക്കാഴ്ച സൗഹാര്‍ദപരമായിരുന്നു. മറാത്ത കടുവ റോയല്‍ ബംഗാള്‍ കടുവയെ പിന്തുണയ്ക്കുന്നത് സ്വാഭാവികമാണ് എന്ന് താക്കറെ കളി പറയുകയും ചെയ്തു. വര്‍ഗീയ സ്വഭാവമുള്ള രാഷ്ട്രീയക്കാരനാണ് എന്ന് തനിക്കറിയാമായിരുന്നു. അതേസമയം, തനിക്ക് പിന്തുണ തന്ന ഒരു മനുഷ്യനാണ് എന്ന കാര്യവും തനിക്ക് പരിഗണിക്കേണ്ടതായുണ്ടായിരുന്നു- ഈയിടെ പ്രസിദ്ധീകരിച്ച ആത്മകഥയായ ‘ദ കോലീഷന്‍ ഇയേഴ്‌സി’ന്റെ മൂന്നാം ഭാഗത്തില്‍ പ്രണബ് എഴുതി.
2012 ജൂലൈ 13നാണ് ബാല്‍ താക്കറെയെ പ്രണബ് സന്ദര്‍ശിച്ചത്. ബിജെപിയുടെ നേതൃത്വത്തിലുള്ള എന്‍ഡിഎയുടെ ഭാഗമായിരുന്നു അന്ന് ശിവസേന. തൊട്ടടുത്ത പ്രഭാതത്തില്‍ ഗിരിജാ വ്യാസ് എന്നെ വിളിക്കുകയും സോണിയാ ഗാന്ധിയും അവരുടെ രാഷ്ട്രീയകാര്യ സെക്രട്ടറി അഹമ്മദ് പട്ടേലും ബാല്‍ താക്കറെയുമായുള്ള തന്റെ കൂടിക്കാഴ്ചയില്‍ അസന്തുഷ്ടരാണെന്ന് അറിയിക്കുകയും ചെയ്തു എന്നും പ്രണബ് എഴുതി. ആ അസന്തുഷ്ടിയുടെ കാരണം തനിക്കറിയാമായിരുന്നു. താനത് വിശദീകരിച്ചു. താന്‍ വിശ്വസിച്ചതു തന്നെയായിരുന്നു ശരി. യു.പി.എ സഖ്യകക്ഷിയായിരുന്ന മമതാ ബാനര്‍ജി തന്റെ തെരഞ്ഞെടുപ്പില്‍ മാറി നിന്ന സാഹചര്യത്തില്‍ ശരദ് പവാറിന്റെ എന്‍.സി.പി കൂടി എതിരായാല്‍ വിജയം യു.പി.എക്ക് ബുദ്ധിമുട്ടാകുമായിരുന്നു. വിവിധ വിഷയങ്ങളില്‍ യു.പി.എയില്‍ പവാറിന് അസംത്പൃതിയുള്ള കാലം കൂടിയായിരുന്നു അത്- പ്രണബ് പറയുന്നു.
നടന്‍ ഷമ്മിതിലകനെ അമ്മ സംഘടനയില്‍ നിന്ന് പുറത്താക്കി. അച്ചടക്ക ലംഘനത്തെ തുടര്‍ന്നാണ് നടപടി. ഇന്ന് കൊച്ചിയില്‍ നടന്ന ജനറല്‍ ബോഡി യോഗത്തിലാണ് തീരുമാനം.
കഴിഞ്ഞ യോഗത്തില്‍ ഷമ്മിതിലകന്‍ ചില ദൃശ്യങ്ങള്‍ ചിത്രീകരിച്ചിരുന്നു. ഇത് വിവാദമായതിനെത്തുടര്‍ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല്‍ വിശദീകരണം നല്‍കാന്‍ തയ്യാറാകാത്ത സാഹചര്യത്തിലാണ്് പുറത്താക്കല്‍ നടപടി ഉണ്ടായിരിക്കുന്നത്.
Culture
സി.എച്ച് ചെയര്‍ ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്‍വകലാശാലയിലെ സി.എച്ച് മുഹമ്മദ് കോയ ചെയര്‍ ഫോര്‍ സ്റ്റഡീസ് ഓണ്‍ ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല്‍ പ്രവര്‍ത്തനമാരംഭിച്ച ചെയര്‍ ഇത് വരെറോഡരികിലെ പഴയ കെട്ടിടത്തില്‍ പ്രവര്‍ത്തിച്ച് വരികയായിരുന്നു. കാമ്പസില്‍ പരീക്ഷാ ഭവന് പിറകില്‍ ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എന്നിവരുടെ എം.പി ഫണ്ടില്‍ നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില്‍ വിഭാവനം ചെയ്ത കെട്ടിടത്തിന്റെ ഒരു നിലയും ബേസ്‌മെന്റ് ഏരിയയുമാണ് പൂര്‍ത്തിയാക്കിയത്.
2004 ല്‍ പാണക്കാട് ഹൈദരലി ശിഹാബ് തങ്ങള്‍ ചെയര്‍മാനും അഷ്‌റഫ് തങ്ങള്‍ ജനറല്‍ സെക്രട്ടറിയുമായി രൂപീകരിച്ച ഗ്രെയ്‌സ് എജുക്കേഷണല്‍ അസോസിയേഷനാണ് ചെയറിന്റെ ഡോണര്‍ സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില്‍ വൈസ് ചാന്‍സലര്‍ ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല്‍ വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന്‍ ഡോ. എം. ഗംഗാധരന്റെ പുസ്തകം കുടുംബാംഗങ്ങള്‍ ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര്‍ എം.എല്‍.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര്‍ പുതിയ കെട്ടിടത്തില്‍ പ്രവര്‍ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്‍മാര്‍ക്കും ഗവേഷകര്‍ക്കും ഉപയോഗപ്പെടുത്താവുന്ന റിസര്‍ച്ച് ജേണല്‍, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്‍സ്റ്റാന്റിംഗ് ഒപ്പു വെയ്ക്കല്‍,അഫിര്‍മേറ്റീവ് ആക്ഷനും ഇന്ത്യന്‍ ഭരണഘടനയും എന്ന വിഷയത്തിലുളള ഓണ്‍ലൈന്‍ പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്‌കൂള്‍ ഓഫ് കമ്മ്യൂണിറ്റി. ഡവലപ്‌മെന്റ്, ഓറിയന്റേഷന്‍ പ്രോഗ്രാമുകള്‍, ഫെലോഷിപ്പുകള്‍ തുടങ്ങിയവയാണ് നിലവില്‍ ചെയറിന്റെ പ്രവര്‍ത്തനങ്ങള്‍.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്‍ശനവുമായി നടന്‍ ഇന്ദ്രന്‍സ്
കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
ചലച്ചിത്ര അവാര്‍ഡ് വിവാദത്തില്‍ മാധ്യമങ്ങളോട് പ്രതികരണം നടത്തി നടന്‍ ഇന്ദ്രന്‍സ്. സംസ്ഥാന ചലച്ചിത്ര പുരസ്‌കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്‍ഡ് ലഭിക്കാത്തതില്‍ വിഷമമില്ല. എന്നാല്‍ ഹോം സിനിമക്ക് അവാര്‍ഡ് പ്രതീക്ഷിച്ചെന്ന് ഇന്ദ്രന്‍സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്‍സിനെ മികച്ച നടനുള്ള പുരസ്‌കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില്‍ വിമര്‍ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്‍ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന്‍ നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല്‍ ജൂറി വീണ്ടും സിനിമ കാണുമോയെന്നും ഇന്ദ്രന്‍സ് ചോദിച്ചു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ