Culture
‘വര്ഗീയ മതില്’ ഭരണഘടനയുടെ ലംഘനം; നിയമസഭയില് സി.പി.എമ്മിനെതിരെ ആഞ്ഞടിച്ച് ഡോ.എം.കെ മുനീര്
തിരുവനന്തപുരം: ജാതി സംഘടനകളെ കൂട്ടുപിടിച്ച് സര്ക്കാര് ചെലവില് നടത്തുന്ന വനിതാ മതിലിനെ ‘വര്ഗീയ മതില്’ എന്നുതന്നെ വിളിക്കുമെന്നും തന്നെ ആരും പേടിപ്പിക്കാന് ശ്രമിക്കണ്ടെന്നും പ്രതിപക്ഷ ഉപനേതാവ് ഡോ.എം.കെ മുനീര്. നിയമസഭയില് അടിയന്തര പ്രമേയ നോട്ടീസ് അവതരിപ്പിച്ച് സംസാരിക്കുകയായിരുന്നു അദ്ദേഹം. വര്ഗീയ മതിലിനെതിരെ നട്ടെല്ല് നിവര്ത്തി നിന്നുതന്നെ സംസാരിക്കും. സര്ക്കാരിന്റെ ഫണ്ട് ഉപയോഗിച്ച് ജാതീയത പ്രചരിപ്പിക്കാന് അനുവദിക്കില്ല.
മുസ്ലിംകളെയും ക്രൈസ്തവരെയും ഒഴിവാക്കി ഏതാനും ജാതി സംഘടനകളെ കൂട്ടുപിടിച്ച് പണിയുന്ന മതില് എങ്ങനെയാണ് നവോത്ഥാന മതിലാകുന്നത്. കേരളത്തിലെ നവോത്ഥാന പ്രസ്ഥാനങ്ങളുമായി പിണറായി വിജയനോ സി.പി.എമ്മിനോ എന്ത് ബന്ധമാണുള്ളതെന്നും മുനീര് ചോദിച്ചു. ഭരണഘടനയോടുള്ള ധിക്കാരമാണിത്. സി.പി.എമ്മിന്റെ നേതാക്കളില് നിന്നും നിയമസഭാ അംഗങ്ങളില് നിന്നുമുള്ള പീഡനങ്ങളില് നിന്ന് സ്വന്തം പാര്ട്ടിയിലെ സ്ത്രീകളെ രക്ഷിക്കാനാണ് നിയമസഭയിലെ സി.പി.എമ്മിന്റെ വനിതാ അംഗങ്ങള് ശ്രമിക്കേണ്ടത്. നിങ്ങള് സ്ത്രീകളുടെ തുല്യതെ കുറിച്ച് പറയുന്നു. പാര്ട്ടി ഓഫിസില് താണുകേണു പരാതി പറഞ്ഞ സ്ത്രീകള്ക്ക് സംരക്ഷണം കൊടുക്കാന് കഴിയാത്ത നിങ്ങള്ക്ക് ഈ രാജ്യത്ത് തുല്യതയെ കുറിച്ച് പറയാന് എന്തവകാശമാണുള്ളത്. സ്ത്രീകളെ തെരുവില് വലിച്ചെറിയുന്ന നിങ്ങള്ക്ക് സ്ത്രീ സമത്വത്തെ കുറിച്ച് പറയാനും അവകാശമില്ല.
നവോത്ഥാനത്തില് ഏതെങ്കിലും ചില വിഭാഗങ്ങള് മതിയോ? നവോത്ഥാനത്തില് ക്രിസ്തീയ വിഭാഗത്തിന് പങ്കില്ലേ? മുസ്ലിം വിഭാഗം പങ്കെടുത്തില്ലേ?. വക്കം മൗലവിയുടെ നവോത്ഥാനത്തെ എന്തുകൊണ്ട് മുഖ്യമന്ത്രി പറയുന്നില്ല, മക്തി തങ്ങളുടെ നവോത്ഥാനത്തെ കുറിച്ച് എന്തുകൊണ്ട് പറയുന്നില്ല.
നവോത്ഥാനത്തെ കുറിച്ച് പ്രസംഗിക്കുന്നവര് ക്രിസ്ത്യന് മിഷണറിമാരായിട്ടുള്ള തോബിയോസ്, എബ്രഹാം മൈക്കിള്, ചാവറയച്ചന്, അര്ണോസ് പാതിരി എന്നിവരെ കുറിച്ച് എന്താണ് പറയാത്തത്. ക്രിസ്തീയ വിഭാഗത്തെയും മുസ്ലിം വിഭാഗത്തെയും മാറ്റി നിര്ത്തി മതില് പണിയുന്നതിന് എന്ത് പേരാണ് വിളിക്കേണ്ടത്. മാത്രമല്ല, സുഗതനെന്ന് പറയുന്ന സമിതി കണ്വീനര് ഫേസ്ബുക്കില് പറഞ്ഞത് വീടിന് തീയിട്ട്, മനോരോഗിയായ ഹാദിയയെ മതഭ്രാന്തന്മാര് തെരുവിലിട്ട് ഭോഗിക്കട്ടെ എന്നാണ്. ഇയാളാണോ ഈ രാജ്യത്ത് നവോത്ഥാനം ഉണ്ടാക്കാന് പോകുന്നത്. ആ നവോത്ഥാനത്തിന് ഞങ്ങളില്ല. മാന്ഹോളില് വീണയാള് മുസ്ലിം ആയതുകൊണ്ടാണ് അവന് കൂടുതല് സൗകര്യം ചെയ്തതെന്ന് വര്ഗീയവാദിയായ വെള്ളാപ്പള്ളി നടേശന്റെ നവോത്ഥാനത്തിനും ഞങ്ങളില്ല. വെള്ളാപ്പള്ളി നടേശന് എന്നുമുതലാണ് പിണറായിക്ക് നവോത്ഥാന നായകനായത്. വെള്ളാപ്പള്ളിയെ കുറിച്ച് പിണറായി നടത്തിയ പ്രസംഗങ്ങള് കെട്ടുകണക്കിന് തന്റെ കൈവശമുണ്ട്. വെള്ളാപ്പള്ളി ഒരു ഭാഗത്ത് നില്കുമ്പോള് തുഷാര് മറുഭാഗത്ത് നില്ക്കുന്നു. ഈ ഒത്തുകളിക്ക് കൂട്ടുനില്ക്കാനില്ല.
ജാതി സംഘടനകള്ക്ക് ഒപ്പമുള്ള വര്ഗസമരം വിപ്ലവമല്ലെന്നാണ് വി.എസ് പറഞ്ഞത്. ഇക്കാര്യത്തില് യു.ഡി.എഫ് വി.എസിന് ഒപ്പമാണ്. സംഘടനകളുടെ യോഗം വിളിക്കുന്നതിന് മുന്പ് സര്ക്കാര് വേണ്ടത്ര ഗൃഹപാഠം ചെയ്തിരുന്നെങ്കില് ഇപ്പോഴത്തെ വിവാദങ്ങള് ഒഴിവാക്കാമായിരുന്നെന്നാണ് സി.പി.ഐ സംസ്ഥാന സെക്രട്ടറി കാനം രാജേന്ദ്രന് പറഞ്ഞത്. അംഗനവാടികളിലെയും കുടുംബശ്രീകളിലെയും സ്ത്രീകളെയും ആശാവര്ക്കര്മാരെയും തൊഴിലുറപ്പ് തൊഴിലാളികളെയും ഭീഷണിപ്പെടുത്തിയാണ് വനിതാമതില് തീര്ക്കുകയാണ്. സാലറി ചലഞ്ചില് ഉദ്യോഗസ്ഥരെ ഭീഷണിപ്പെടുത്തിയതു പോലെയാണ് വനിതാ മതിലിനായി ഇവരെ നിര്ബന്ധിക്കുന്നത്. ഓണത്തിന് ഓഫിസ് സമയത്ത് പൂക്കളം ഇടരുതെന്ന് പറഞ്ഞ ആളാണ് മുഖ്യമന്ത്രി. ആ മുഖ്യമന്ത്രി ഓഫിസ് സമയത്ത് മതില് പണിയാന് ഇറങ്ങണമെന്ന് പറയുന്നത് എന്തിന് വേണ്ടിയാണ്. വെള്ളാപ്പള്ളിക്ക് വേണ്ടിയാണിത്.
സി.പി.എം നേതാക്കള് ലോക ചരിത്രം വിസ്മരിക്കരുത്. 1961ല് പൂര്വ്വ ജര്മനിയിലെ കമ്മ്യൂണിസം കെട്ടിപ്പൊക്കിയ ബര്ലിന് മതില് പില്ക്കാലത്ത് പൊലിക്കേണ്ടി വന്നത് ചരിത്രം. നവോത്ഥാന മൂല്യങ്ങള് ഉയര്ത്തിപ്പിടിക്കാന് നവവത്സര ദിനത്തില് തീര്ക്കുന്ന മതില് കേരള സമൂഹത്തെ വേര്തിരിക്കുന്ന ബര്ലിന് മതില് ആയിരിക്കും.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ