tech
നിരക്കുകള് വര്ധിപ്പിക്കാനൊരുങ്ങി ടെലികോം കമ്പനികള്
മൊബൈല് താരിഫ് വര്ധനവിന്റെ കാര്യത്തില് നിന്ന് വോഡഫോണ് ഐഡിയ ഒഴിഞ്ഞുമാറില്ലെന്ന് കമ്പനി മാനേജ്മെന്റ് വെള്ളിയാഴ്ച പറഞ്ഞു. സാമ്പത്തികമായി സമ്മര്ദ്ദത്തിലായ കമ്പനി 2021 ന്റെ തുടക്കത്തില് ധനസമാഹരണം പൂര്ത്തിയാക്കാന് മൂന്ന് മാസത്തെ സമയപരിധിയാണ് നിശ്ചയിച്ചിരിക്കുന്നത്
രാജ്യത്തെ ടെലികോം കമ്പനികളെല്ലാം വീണ്ടും നിരക്കുകള് കുത്തനെ കൂട്ടാന് സാധ്യത. ഇതിന്റെ സൂചനകളാണ് എയര്ടെലും വോഡഫോണ് ഐഡിയയും നല്കിയിരിക്കുന്നത്. മൊബൈല് താരിഫ് വര്ധനവിന്റെ കാര്യത്തില് നിന്ന് വോഡഫോണ് ഐഡിയ ഒഴിഞ്ഞുമാറില്ലെന്ന് കമ്പനി മാനേജ്മെന്റ് വെള്ളിയാഴ്ച പറഞ്ഞു. സാമ്പത്തികമായി സമ്മര്ദ്ദത്തിലായ കമ്പനി 2021 ന്റെ തുടക്കത്തില് ധനസമാഹരണം പൂര്ത്തിയാക്കാന് മൂന്ന് മാസത്തെ സമയപരിധിയാണ് നിശ്ചയിച്ചിരിക്കുന്നത്.
വോയ്സ്, ഡേറ്റാ സേവനങ്ങളുടെ നിരക്ക് ഉയര്ത്തുന്ന ഇന്ത്യയിലെ ഏറ്റവും വലിയ മൂന്ന് സ്വകാര്യ ടെലികോം കമ്പനികളില് ആദ്യത്തേത് വോഡഫോണ് ഐഡിയാകാം. വില വര്ധിപ്പിക്കുന്നതില് നിന്ന് കമ്പനി ഒഴിഞ്ഞുമാറില്ലെന്നും മറ്റുള്ളവര്ക്ക് ഇതൊരു മാതൃകയായി പ്രവര്ത്തിക്കുമെന്നും കമ്പനിയുടെ ചീഫ് എക്സിക്യൂട്ടീവ് (സിഇഒ) രവീന്ദര് തക്കര് പറഞ്ഞു.
ടെലികോം കമ്പനിയുടെ രണ്ടാം പാദ നഷ്ടം 7,218 കോടി രൂപയാണ്. 58,000 കോടി രൂപയുടെ എജിആര് കുടിശ്ശികയും ബാങ്ക് ഗ്യാരണ്ടികളുടെ റീഫിനാന്സിംഗും ഒരു പ്രധാന ആശങ്കയായി തുടരുകയാണ്. നിലവിലെ നിരക്കുകള് സുസ്ഥിരമല്ല. ഒരു ഉപയോക്താവില് നിന്ന് പ്രതിമാസം ലഭിക്കുന്ന ശരാശരി വരുമാനം (ആര്പു) ഹ്രസ്വകാലത്തേക്ക് 200 രൂപയും പിന്നീടിത് 300 രൂപയായും ഉയര്ത്തേണ്ടത് ആവശ്യമാണെന്നും അദ്ദേഹം വ്യക്തമാക്കി.
താരിഫ് വര്ധനവ് വോഡഫോണ് ഐഡിയയ്ക്ക് കൂടുതല് വരുമാനമുണ്ടാക്കാനും നഷ്ടം കുറയ്ക്കാനും സഹായിക്കും. 4 ജി വിപുലീകരണം, നെറ്റ്വര്ക്ക് മെച്ചപ്പെടുത്തലുകള് എന്നിവയില് കമ്പനി ശ്രദ്ധ കേന്ദ്രീകരിക്കുകയാണ്. ഇതിനും ഏറെ പണമിറക്കേണ്ടതുണ്ട്. ഇപ്പോള് ഐഡിയ വോഡഫോണിന്റെ ഓരോ ഉപയോക്താവില് നിന്നും ലഭിക്കുന്ന ശരാശരി വരുമാനം (ആര്പു) 119 രൂപയും എയര്ടെല്ലിന്റേത് 162 രൂപയുമാണ്.
ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്) വോയ്സ്, ഡേറ്റാ സേവനങ്ങള്ക്ക് മുന്ഗണനാടിസ്ഥാനത്തില് വില നിശ്ചയിക്കാന് ശ്രമിക്കുകയാണെന്ന് വോഡഫോണ് ഐഡിയ മേധാവി പറഞ്ഞു. ടെലികോം മേഖലയുടെ നില മെച്ചപ്പെടുത്തുന്ന സേവനങ്ങള്ക്കായി അടിസ്ഥാന വിലനിര്ണയം ചര്ച്ച ചെയ്യുന്നതിനായി ട്രായി അടുത്തിടെ വോഡഫോണ്, എയര്ടെല്, റിലയന്സ് ജിയോ ഇന്ഫോകോം ലിമിറ്റഡ് എന്നിവയുടെ പ്രതിനിധികളെ കണ്ടിരുന്നു.
അതേസമയം, നിരക്കുകള് വര്ധിപ്പിക്കുമെന്ന് മുമ്പ് തന്നെ എയര്ടെല് മുന്നറിയിപ്പ് നല്കിയിരുന്നു. നിലവിലെ സ്ഥിതിയില് മുന്നോട്ട് പോകാന് സാധിക്കില്ലെന്ന് എയര്ടെല് സിഇഒ ഗോപാല് വിത്തല് പറഞ്ഞിരുന്നു.
News
ഐഫോണിന്റെ ഈ മോഡലുകളില് ഇനിമുതല് വാട്സാപ്പ് ലഭിക്കില്ല
എന്നാല് സോഫ്റ്റ്വെയര് പുതുക്കിയാല് ഒരുപക്ഷേ വാട്സ്ആപ്പ് തുടര്ന്ന് ലഭിച്ചേക്കാം.
ഐ ഫോണിലെ ചില മോഡലുകളില് ഇനിമുതല് വാട്സ്ആപ്പ് ലഭിക്കില്ല. ഐഒഎസ് 10, 11 സോഫ്റ്റ്വെയര് പ്രവര്ത്തിക്കുന്ന മോഡലുകളിലാണ് ഇനിമുതല് വാട്സ്ആപ്പ് സപ്പോര്ട്ട് ചെയ്യാതിരിക്കുക.
ഇതുപ്രകാരം ഐഫോണ് 5,5സി എന്നിവയില് വാട്സ്ആപ്പ് സേവനം ഇനി മുതല് ലഭ്യമാവില്ല. ഈ മോഡലുകളില് വാട്സാപ്പിലെ പുതിയ അപ്ഡേറ്റുകളും സുരക്ഷയും ലഭ്യമാകാതെ ഇരിക്കുകയാണ് ചെയ്യുക. ഒക്ടോബര് 24 മുതലായിരിക്കും ഈ മോഡലുകളില് വാട്ട്സ്ആപ്പ് ലഭിക്കാതിരിക്കുക.
എന്നാല് സോഫ്റ്റ്വെയര് പുതുക്കിയാല് ഒരുപക്ഷേ വാട്സ്ആപ്പ് തുടര്ന്ന് ലഭിച്ചേക്കാം.
News
‘ടേക്ക് എ ബ്രേക്ക്’ ഫീച്ചര് ആഗോള തലത്തില് അവതരിപ്പിച്ച് ഇന്സ്റ്റാഗ്രാം
യൂറോപ്യന് രാജ്യങ്ങളില് ആദ്യം കൊണ്ടുവന്ന ഈ ഫീച്ചര് നിലവില് ഇന്ത്യയില് ഉള്പ്പെടെയുള്ള രാജ്യങ്ങള് ലഭ്യമാക്കിയിട്ടുണ്ട്.
‘ടേക്ക് എ ബ്രേക്ക്’ ഫീച്ചര് ആഗോള തലത്തില് അവതരിപ്പിച്ച് ഇന്സ്റ്റാഗ്രാം. ടേക്ക് എ ബ്രേക്ക് എന്ന പുത്തന് ഫീച്ചറാണ് ഇന്സ്റ്റഗ്രാം പുതുതായി കൊണ്ടുവന്നിട്ടുള്ളത്. ഇടവേള എടുക്കാന് ഉപഭോക്താവിനെ ഓര്മിപ്പിക്കുന്ന ഒരു സംവിധാനമാണിത്.
നിശ്ചിതസമയ പരിധിയില് ഇന്സ്റ്റഗ്രാമില് ഇരിക്കുമ്പോള് ഇടവേള എടുക്കാന് ഇന്സ്റ്റഗ്രാം ഓര്മിപ്പിക്കും ഇതാണ് പുതിയ ഫീച്ചര് ആയി വന്നിട്ടുള്ളത്.
ഇത് ഉപഭോക്താവിന്റെ താല്പര്യങ്ങള്ക്കനുസരിച്ച് എത്ര മിനുട്ട് വേണം എന്നത് സെലക്ട് ചെയ്യാന് കഴിയും. 10 മിനിറ്റ, 20 മിനിറ്റ് ,30 മിനിറ്റ് എന്നിങ്ങനെ ഓപ്ഷനുകള് ആണ് നിലവിലുള്ളത്.
യൂറോപ്യന് രാജ്യങ്ങളില് ആദ്യം കൊണ്ടുവന്ന ഈ ഫീച്ചര് നിലവില് ഇന്ത്യയില് ഉള്പ്പെടെയുള്ള രാജ്യങ്ങള് ലഭ്യമാക്കിയിട്ടുണ്ട്.
india
രാജ്യത്ത് അടുത്ത വര്ഷം മുതല് 5 ജി
രാജ്യത്ത് അടുത്ത വര്ഷം ഇന്റര്നെറ്റ് 5ജി ആരംഭിക്കും. 2022 ഏപ്രില്, മെയ് മാസങ്ങളിലായി 5ജി സ്പെക്ട്രം വിതരണം നടക്കുമെന്ന് കേന്ദ്ര സര്ക്കാര്
ന്യൂഡല്ഹി: രാജ്യത്ത് അടുത്ത വര്ഷം ഇന്റര്നെറ്റ് 5ജി ആരംഭിക്കും. 2022 ഏപ്രില്, മെയ് മാസങ്ങളിലായി 5ജി സ്പെക്ട്രം വിതരണം നടക്കുമെന്ന് കേന്ദ്ര സര്ക്കാര് അറിയിച്ചു. ടെലികോം മന്ത്രി അശ്വനി വൈഷ്ണവാണ് ഇക്കാര്യം അറിയിച്ചത്.
5ജി മാറ്റത്തെ കുറിച്ചുള്ള ട്രായിയുടെ റിപ്പോര്ട്ട് ഫെബ്രുവരിയില് കേന്ദ്രത്തിന് കിട്ടും. ടെലികോം ദാതാക്കള് അടുത്തവര്ഷം മെയ് വരെ സ്പെക്ട്രം ലേലത്തിന് അധികസമയം ടെലി കമ്മ്യൂണിക്കേഷന് വകുപ്പില് ആവശ്യപ്പെട്ടിട്ടുണ്ട്.
മെയ് മാസം മുതലുള്ള ആറു മാസം രാജ്യത്ത് 5ജി പരീക്ഷണങ്ങള് നടത്തുന്നതിനായിട്ടായിരിക്കും ഉപയോഗപ്പെടുത്തുക. നഗരങ്ങളിലെന്ന പോലെ ഗ്രാമങ്ങളിലും ഇക്കാലയളവില് 5ജി പരീക്ഷണം നടത്തും.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ