Culture
മോദിയുടെ ഫിറ്റ്നസ് ചാലഞ്ച് വീഡിയോയുടെ ചെലവ് 35ലക്ഷം രൂപ; പ്രധാനമന്ത്രിയുടെ വാദം പൊളിയുന്നു
ന്യൂഡല്ഹി: ക്രിക്കറ്റ് താരം വിരാട് കോഹ് ലിയുടെ ഫിറ്റ്നസ് ചാലഞ്ച് ഏറ്റെടുത്ത് പ്രധാനമന്ത്രി നരേന്ദ്രമോദി പുറത്തുവിട്ട യോഗ വീഡിയോക്ക് പണം ചെലവഴിച്ചില്ലെന്ന വാദം പൊളിയുന്നു. മോദിയുടെ യോഗ വീഡിയോക്കു വേണ്ടി ചെലവഴിച്ചത് 35 ലക്ഷം രൂപയാണെന്നാണ് വിവരം.
അന്താരാഷ്ട്ര യോഗ ദിനമായ ജൂണ് 21നുവേണ്ടി മോദി യോഗ ചെയ്യുന്ന ചിത്രങ്ങള് എടുക്കാനും ഫിറ്റ്നസ് ചാലഞ്ചിന്റെ വീഡിയോ ചിത്രീകരിക്കുമാണ് ഈ തുക ചെലവഴിച്ചത്. യോഗ ഡേയുടെ ഭാഗമായി മോദിയെ കഥാപാത്രമാക്കി ആനിമേഷന് വീഡിയോ ചിത്രീകരിക്കാന് ചെലവഴിച്ച തുകക്കു പുറമെയാണ് ഈ തുക. പ്രധാനമന്ത്രിയുടെ ഓഫീസ് തന്നെയാണ് ഇക്കാര്യം അനൗദ്യോഗികമായി പുറത്തുവിട്ടതെന്ന് ഇന്ത്യ സ്കൂപ്പ്സ്.കോം റിപ്പോര്ട്ട് ചെയ്തു.
ആനിമേഷന് വീഡിയോക്കു മാത്രം കുറഞ്ഞത് 40 മുതല് 45 ലക്ഷം രൂപ ചെലവ് വന്നിട്ടുണ്ടെന്നും റിപ്പോര്ട്ടില് പറയുന്നു. മുംബൈയിലെ പോലെ ഏതെങ്കിലും വലിയ ആനിമേഷന് സ്റ്റുഡിയോയെ ആണ് ജോലി ഏല്പ്പിച്ചതെങ്കില് ആ ചെലവ് 75 മുതല് 80 ലക്ഷം രൂപ വരെ ആയിരിക്കുമെന്നും വാര്ത്തകളുണ്ട്.
ഈ രണ്ടു തുകകളും തേഡ് പാര്ട്ടി സ്പോണ്സര് ചെയ്തതാണെന്നും പ്രധാനമന്ത്രിയുടെ ഓഫീസ് സ്ഥിരീകരിച്ചിട്ടുണ്ട്. എന്നാല് തേഡ് പാര്ട്ടി ആരാണെന്ന വിവരം പുറത്തുവിടാന് ആരും തയാറായിട്ടില്ല.
ബി.ജെ.പി മീഡിയ സെല്ലിന്റെ നിര്ദേശപ്രകാരം സ്വകാര്യ കമ്പനിയാണ് മോദിയുടെ ആനിമേറ്റഡ് യോഗ വേര്ഷന് വീഡിയോ തയാറാക്കിയത്. എന്നാല് മോദിയുടെ ഫിറ്റ്നസ് ചാലഞ്ചും യോഗ ഫോട്ടോയും ചിത്രീകരിക്കാന് പണം നല്കിയത് ആരെന്നത് ഇനിയും വ്യക്തത വരേണ്ടതുണ്ട്.
മോദിയുടെ പ്രതിമാസ റേഡിയോ പ്രക്ഷേപണ പരിപാടിയായ മന്കിബാതില് ആനിമേറ്റഡ് യോഗ വീഡിയോ നിര്മിച്ചതും പ്രചരിപ്പിച്ചതും ആരായാലും അവരെ അഭിനന്ദിക്കുന്നുവെന്നും പറഞ്ഞ് ജനങ്ങളെ പ്രശംസിച്ചിരുന്നു. യോഗ വീഡിയോ മോദി തന്നെ ട്വിറ്ററില് ഷെയര് ചെയ്യുകയും ചെയ്തു.
വീഡിയോ വലിയ തോതില് പ്രചരിപ്പിക്കാനും മാധ്യമങ്ങളിലും ടി.വി ചാനലുകളിലും െ്രെപം ടൈമില് തന്നെ വരുത്തുന്നതിനും വേണ്ടി വന്തുക ചിലവഴിച്ചുവെന്നും റിപ്പോര്ട്ടില് പറയുന്നുണ്ട്. പ്രധാനമന്ത്രിയുടെ ഫിറ്റ്നസ് ചാലഞ്ചിനു വേണ്ടി വന് തുക ചെലവഴിച്ചതായി ശശി തരൂര് എം.പി അടക്കമുള്ളവര് ട്വിറ്ററില് കുറിച്ചിരുന്നു. യോഗാദിനം ആചരിക്കാന് ഇരുപതു കോടി രൂപയും ഫിറ്റ്നസ് ചാലഞ്ച് വീഡിയോ ചിത്രീകരണത്തിന് 35 ലക്ഷം രൂപയും ചെലവഴിച്ചുവെന്നാണ് തരൂര് കുറിച്ചത്. ഒപ്പം വാര്ത്ത പുറത്തുവിട്ട ഇന്ത്യ സ്കൂപ്സിന്റെ ലിങ്കും ഷെയര് ചെയ്തിരുന്നു.
എന്നാല് ഇക്കാര്യം നിഷേധിച്ച് കേന്ദ്രമന്ത്രി രാജ്യവര്ധന് സിങ് റാത്തോര് രംഗത്തുവന്നിരുന്നു. മോദിയുടെ വീഡിയോക്കായി ഒരൊറ്റ ആടു പോലും ബലിയാടായിട്ടില്ലെന്നായിരുന്നു പരിഹാസ സൂചേന പറഞ്ഞത്. എന്നാല് റാത്തോറിന്റെ പ്രതികരണത്തിന് മറുപടിയായി തരൂര് വീണ്ടും കുറിപ്പിട്ടതോടെ ട്വിറ്ററില് ചര്ച്ച സജീവമായി. ആടുകള് ബലിയാടായിട്ടില്ല എന്നറിഞ്ഞതില് സന്തോഷമുണ്ട്. പക്ഷേ ഇന്ത്യയിലെ ജനങ്ങള് കൊള്ളയടിക്കപ്പെട്ടിരിക്കുകയാണ്. നികുതിദായകരുടെ 20 കോടി രൂപ കൊണ്ടാണ് സര്ക്കാര് സ്വന്തം നേട്ടത്തിനുവേണ്ടി പരസ്യം ചെയ്യുന്നതെന്നും തരൂര് പറഞ്ഞു.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ