Culture
സുബ്രതോ കപ്പ് വിദ്യാര്ത്ഥികളുടെ അവസരം നിഷേധിച്ച സര്ക്കാര് നടപടിക്കെതിരെ എം എസ് എഫ് ഫുട്ബോള് മാര്ച്ച് സംഘടിപ്പിച്ചു
തിരുവനന്തപുരം : സ്കൂള് വിദ്യാര്ത്ഥികള്ക്കായുള്ള രാജ്യത്തെ ഏറ്റവും പ്രശസ്തമായ ആറു പതിറ്റാണ്ടിന്റെ പാരമ്പര്യമുള്ള ഫുട്ബോള് ടൂര്ണ്ണമെന്റായസുബ്രതോ കപ്പ് മത്സരത്തിലെ ഉപജില്ലാ ജില്ലാ മത്സരങ്ങള് വെട്ടിക്കുറച്ചു നേരിട്ട് സംസ്ഥാന തല മത്സരം മാത്രം സംഘടിപ്പിച്ച ഇടതു പക്ഷ സര്ക്കാരിന്റെയും കായിക വകുപ്പിന്റെയും വിവേകരഹിതമായ നടപടിക്കെതിരെ സെക്രെട്ടറിയേറ്റിനുമുമ്പില് ഫുട്ബോള് കളിച്ചു എം എസ് എഫ് വേറിട്ട പ്രതിഷേധം സംഘടിപ്പിച്ചു.മുന് എയര് ഫോഴ്സ് മാര്ഷല് സുബ്രതോ മുഖര്ജിയുടെ നാമത്തില് 1960
മുതല് ആരംഭിച്ച ടൂര്ണമെന്റ് 1998 മുതല് അണ്ടര് 17, 14 കാറ്റഗറിയിലായാണ് മത്സരം സംഘടിപ്പിക്കുന്നത്. ഓള് ഇന്ത്യ ഫുട്ബോള്
അസോസിയേഷന്റെ നിയമാവലിക്കനുസൃതമായി സംഘടിപ്പിക്കുന്ന ടൂര്ണ്ണമെന്റില് ഉപ ജില്ലാ, ജില്ലാ തലങ്ങളില് മത്സരങ്ങള്ക്ക് ശേഷമാണു സംസ്ഥാന തല മത്സരം സംഘടിപ്പിക്കേണ്ടത് എന്ന് കൃത്യമായി നിര്ദ്ദേശിക്കുന്നുണ്ട്.
ഈ മാസം 20 മുതല് ഡല്ഹിയില് വെച്ച് ദേശീയ തല മത്സരം ആരംഭിക്കാനിരിക്കെയാണ് കഴിഞ്ഞ ദിവസങ്ങളിലായി തൃശ്ശൂരില് വെച്ച് തട്ടിക്കൂട്ട് രീതിയില് സംസ്ഥാന സര്ക്കാര് സംസ്ഥാന തല മത്സരം സംഘടിപ്പിച്ചത്. ഇതര സംസ്ഥാനങ്ങള് വലിയ പ്രാധാന്യത്തോടു കൂടി ഈ ടൂര്ണമെന്റിന് വേണ്ട പ്രാധാന്യം നല്കി മുന്നൊരുക്കങ്ങള് നടത്തി കൊണ്ടിരിക്കുമ്പോഴാണ് കേരളത്തിന്റെ കാല്പന്ത് കളിയുടെ ഭാവി തട്ടി കളിക്കുന്ന രീതിയില് സംസ്ഥാന സര്ക്കാരും കായിക വകുപ്പും നിലപാട് സ്വീകരിച്ചു കൊണ്ടിരിക്കുന്നത് . ആയിരകണക്കിന് സ്കൂളുകള് ഭാഗമാകേണ്ട ടൂര്ണമെന്റില് കേവലം 85 സ്കൂളുകളാണ് ഈ വര്ഷം മാറ്റുരച്ചത്.
നേരത്തെ തൃശ്ശൂരിലെ സംസ്ഥാന മത്സരം നടന്ന കേന്ദത്തിലേക്കും എം എസ് എഫ് പ്രതിഷേധ മാര്ച്ച് സംഘടിപ്പിച്ചിരുന്നു .നിരവധി പ്രതിഭകളെ രാജ്യത്തിന് സംമ്മാനിച്ച സുബ്രതോ ടൂര്ണമെന്റിനോട് സംസ്ഥാന സര്ക്കാര് സ്വീകരിച്ച നിഷേദാത്മക നിലപാട് കാരണം
നിരവധി പ്രതിഭകള്ക്കാണ് അവസരം ഇല്ലാതായത്. സര്ക്കാരിന്റെ കാര്യക്ഷമതക്കെതിരെ എം എസ് എഫ് സംഘടിപ്പിച്ച ഫുട്ബോള് മാര്ച്ചില് കായിക താരങ്ങള് ഉള്പ്പെടെ നിരവധി പേര് പങ്കെടുത്തു. പാളയം രക്തസാക്ഷി മണ്ഡപത്തില് നിന്നും ഫുട്ബാള് കളിയുടെ അകമ്പടിയോടു കൂടെ നടന്ന മാര്ച്ച്സെക്രെട്ടറിയേറ്റിനു മുമ്പില് പ്രതിഷേധ ഫുട്ബാള് കളിയോട് കൂടെ സമാപിച്ചു.
തുടര്ന്ന് നടന്ന പ്രതിഷേധ സംഗമം മുസ്ലിം ലീഗ് സംസ്ഥാന സെക്രട്ടറി ബീമാപള്ളി റഷീദ് ഉത്ഘാടനം ചെയ്തു. എം എസ് എഫ് സംസ്ഥാന പ്രസിഡന്റ് മിസ്ഹബ് കീഴരിയൂര് അധ്യക്ഷത വഹിച്ചു. സംസ്ഥാന ജന സെക്രട്ടറിഎം പി നവാസ്, മുസ്ലിം ലീഗ് ജില്ലാ പ്രെസിഡന്റ്
തോന്നയ്ക്കല് ജമാല് , എം എസ് എഫ് സംസ്ഥാന ഭാരവാഹികളായ ശരീഫ് വടക്കയില്, ഷബീര് ഷാജഹാന്, ഹാഷിം ബംബ്രാണി, കെ കെ എ അസീസ് , റഷീദ് മേലാറ്റൂര് ,ഷഫീക് വഴിമുക്ക് , അഫ്നാസ് ചോറോട്, ബാദുഷ എറണാകുളം, റെസിന് തൃശൂര്, ബിലാല് റഷീദ്, അംജദ് കൊല്ലം, നൗഫല് കുളപ്പട, ഇജാസ് കായംകുളം, അസ്ലം കെ എച് ,അബ്ദുല്ല കരുവള്ളി , ഹനീഫ പത്തനംതിട്ട എന്നിവര് നേതൃത്വം നല്കി.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ