india
മുംബൈയിലെ 80% പേര്ക്കും കോവിഡ് ബാധിച്ചു; ടാറ്റാ ഇന്സ്റ്റിറ്റ്യൂട്ട് പഠനം
കോവിഡിന്റെ മൂന്നാം തരംഗം രണ്ടാം തരംഗത്തോളം കടുത്തതാകില്ലെന്നും പഠനം വ്യക്തമാക്കുന്നു
മുംബൈ: നഗരത്തിലെ 80 ശതമാനം പേര്ക്കും കോവിഡ് ബാധിച്ചിരിക്കാമെന്ന് ടാറ്റാ ഇന്സ്റ്റിറ്റ്യൂട്ട് ഓഫ് ഫണ്ടമെന്റല് റിസര്ച്ചിന്റെ പഠനം. കോവിഡിന്റെ മൂന്നാം തരംഗം രണ്ടാം തരംഗത്തോളം കടുത്തതാകില്ലെന്നും പഠനം വ്യക്തമാക്കുന്നു.
വീണ്ടും കോവിഡ് ബാധിക്കുന്നവര്ക്ക് രോഗബാധ കടുത്തതാകില്ല. എന്നാല് ഇത്തരത്തിലുള്ള രോഗബാധ ആയിരിക്കും മൂന്നാം തരംഗത്തില് അധികവുമെന്ന് പഠനത്തിന് നേതൃത്വം നല്കിയ ഡോ. സന്ദീപ് ജുനേജ മുന്നറിയിപ്പ് നല്കി. 2020 ല് വന്ന ഒന്നാം തരംഗത്തിനിടെ കോവിഡ് ബാധിച്ചവര്ക്ക് മൂന്നാം തരംഗത്തിനിടെ വീണ്ടും രോഗബാധ ഉണ്ടാകാം. അവരുടെ ശരീരത്തില് ആന്റീബോഡികള് കുറഞ്ഞത് വീണ്ടും കോവിഡ് ബാധിക്കാന് ഇടയാക്കാം. വീണ്ടും കോവിഡ് ബാധിക്കുന്ന കേസുകള് നിരീക്ഷിച്ചാല് തദ്ദേശ സ്ഥാപനങ്ങള്ക്ക് രോഗവ്യാപനം സംബന്ധിച്ച കൃത്യമായ വിലയിരുത്തല് നേരത്തെതന്നെ നടത്താന് കഴിയും.
മുംബൈയില് ഇതുവരെ കോവിഡ് ബാധിക്കാത്ത 20 ശതമാനത്തോളം വരുന്നവര്ക്ക് എത്രയും വേഗം കോവിഡ് വാക്സിന് നല്കുന്നതും രോഗവ്യാപനം സംബന്ധിച്ച കൃത്യമായ വിലയിരുത്തല് നടത്തുന്നതിന് സഹായകമാകും. പുതിയ വകഭേദങ്ങളുടെ സാന്നിധ്യംമൂലം വാക്സിനുകളുടെ ഫലപ്രാപ്തി എത്രത്തോളം ആയിരിക്കും എന്നതും ജനങ്ങള് എത്രത്തോളം ജാഗ്രത പാലിക്കും എന്നതും മൂന്നാം തരംഗത്തിലെ നിര്ണായക ഘടകങ്ങളായിരിക്കും. നാല് കാര്യങ്ങള് അനുകൂലമായി വന്നാല് സെപ്റ്റംബറോടെ പ്രതീക്ഷിക്കുന്ന മൂന്നാം തരംഗം ഗുരുതരമായ പ്രശ്നങ്ങള് സൃഷ്ടിക്കില്ല.
ഭൂരിഭാഗം ജനങ്ങള്ക്കും ഒന്നാം തരംഗത്തിനിടെ കോവിഡ് ബാധിച്ചതിനാല് മുംബൈയില് രണ്ടാംതരംഗം ഉച്ഛസ്ഥായിയില് എത്തിയ സമയത്തും രോഗബാധിതരുടെ എണ്ണം ഡല്ഹിയെക്കാളും ബെംഗളൂരുവിനെക്കാളും കുറവായിരുന്നുവെന്നും പഠനം ചൂണ്ടിക്കാട്ടുന്നു.
india
സ്മൃതിയുടെ മകളുടെ റസ്റ്റോറന്റിന്റെ മദ്യ ലൈസന്സ് അനധികൃതം
വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്.
പനജി: വടക്കന് ഗോവയില് കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്സ് ലഭിച്ചത് അനധികൃതമാണെന്ന് റിപ്പോര്ട്ട്. മരിച്ചയാളുടെ പേരിലാണ് ലൈസന്സ് പുതുക്കിയതെന്നാണ് ആരോപണം. ഇതേത്തുടര്ന്ന് ഗോവ എക്സൈസ് കമ്മിഷണര് നാരായണ് എം. ഗാഡ് ലൈസന്സ് റദ്ദാക്കാതിരിക്കണമെങ്കില് കാരണം കാണിക്കണമെന്ന് ആവശ്യപ്പെട്ട് നോട്ടീസ് അയച്ചിരിക്കുകയാണ്.
ഗോവയിലെ അസന്ഗൗവിലാണ് സ്മൃതിയുടെ മകള് സോയിഷ് ഇറാനിയുടെ പോഷ് റസ്റ്ററന്റായ സില്ലി സോള്സ് കഫേ ആന്റ് ബാര് ഉള്ളത്. ബാറിനുള്ള ലൈസന്സ് കൃത്രിമ രേഖകള് നല്കിയാണ് ഉടമകള് കൈവശപ്പെടുത്തിയതെന്ന് അഭിഭാഷകനായ എയ്റിസ് റോഡ്രിഗസ് നല്കിയ പരാതിയിലാണ് ജൂലൈ 21ന് എക്സൈസ് കമ്മിഷണര് നോട്ടിസ് അയച്ചത്. വിഷയം ജൂലൈ 29ന് കോടതി പരിഗണിക്കും.
കഴിഞ്ഞമാസമാണ് ലൈസന്സ് പുതുക്കിയത്. എന്നാല് ലൈസന്സിന്റെ ഉടമ ആയിരുന്ന ആന്തണി ഡിഗാമ 2021 മേയ് 17ന് അന്തരിച്ചിരുന്നു. ഡിഗാമയുടെ ആധാര് കാര്ഡിലെ വിവരം അനുസരിച്ച് മുംബൈയിലെ വിലേ പാര്ലെയിലെ താമസക്കാരനാണിയാള്. ഇയാളുടെ മരണ സര്ട്ടിഫിക്കറ്റ് മുംബൈ മുനിസിപ്പല് കോര്പ്പറേഷനില്നിന്ന് റോഡ്രിഗസിന് ലഭിച്ചിട്ടുമുണ്ട്.
ആറുമാസത്തിനുള്ളില് ലൈസന്സ് ട്രാന്സ്ഫര് ചെയ്യുമെന്നാണ് അപേക്ഷയില് വ്യക്തമാക്കിയിരുന്നതെന്ന് സംസ്ഥാന എക്സൈസ് വിഭാഗം പറയുന്നു.വിവരാവകാശ നിയമപ്രകാരമാണ് റോഡ്രിഗസ് വിവരങ്ങള് ശേഖരിച്ചത്. സില്ലി സോള്സ് കഫേ ആന്റ് ബാറിന് സംസ്ഥാനത്ത് പ്രവര്ത്തിക്കുന്നതിന് റസ്റ്ററന്റ് ലൈസന്സ് ഇല്ലെന്നും അഭിഭാഷകനായ റോഡ്രിഗസ് പറയുന്നു.
india
സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് യു.പിയിലെ സ്കൂള്
ലഖ്നൗ: ഉത്തര്പ്രദേശിലെ സ്കൂളല് സിഖ് വിദ്യാര്ഥികളോട് തലപ്പാവും കൃപാണും ധരിക്കരുതെന്ന് ആവശ്യപ്പെട്ട സംഭവത്തില് ശക്തമായ പ്രതിഷേധം അറിയിച്ച് പ്രമുഖ സിഖ് മത നേതൃത്വമായ ശിരോമണി ഗുരുദ്വാര പര്ബന്ധക് കമ്മിറ്റി (എസ്.ജി.പി.സി). രാജസ്ഥാനിലെ അല്വാര് ജില്ലയില് അജ്ഞാതര് സിഖ് പുരോഹിതനെ മര്ദിക്കുകയും മുടി മുറിക്കുകയും ചെയ്ത സംഭവത്തെയും സിഖുകാരുടെ പരമോന്നത മതസംഘടന അപലപിച്ചു.
വ്യാഴാഴ്ച ഉത്തര്പ്രദേശിലെ ബറേലിയിലെ സിഖ് സമുദായാംഗങ്ങള് സ്കൂള് മാനേജ്മെന്റിന്റെ ഉത്തരവിനെതിരെ പ്രതിഷേധിച്ചിരുന്നു. ഉത്തരവ് പാലിക്കാത്തതിനാല് കുട്ടികളോട് സ്കൂളിലേക്ക് പ്രവേശിക്കരുതെന്ന് പറഞ്ഞതായും അവര് ആരോപിച്ചു.
india
ഇന്ത്യയില് ഒരു ഡോസ് വാക്സിന് പോലും എടുക്കാതെ 4 കോടി ആളുകള്
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്.
ന്യൂഡല്ഹി: ഇന്ത്യയില് യോഗ്യരായ നാലു കോടി ആളുകള് ഇതുവരെ ഒരു ഡോസ് വാക്സിന് പോലും സ്വീകരിച്ചിട്ടില്ലെന്ന് കേന്ദ്ര ആരോഗ്യ സഹമന്ത്രി ഭാരതി പ്രവീണ് പവാര്. ജൂലൈ 18 വരെ സര്ക്കാര് കോവിഡ് വാക്സിനേഷന് സെന്ററുകളില് 1,78,38,52,566 വാക്സിന് ഡോസുകള് സൗജന്യമായി നല്കിയിട്ടുണ്ടെന്നും രേഖാമൂലമുള്ള മറുപടിയില് വ്യക്തമാക്കി.
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില് 98 ശതമാനം പേര്ക്കും കുറഞ്ഞത് ഒരു ഡോസ് വാക്സിനെങ്കിലും ലഭിച്ചിട്ടുണ്ട്. 90 ശതമാനം പേര് പൂര്ണമായി വാക്സിന് എടുത്തിട്ടുണ്ടെന്നും കണക്കില് പറയുന്നു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More7 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture7 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ