Culture
പരക്കെ ആക്രമം; ഭീതിയോടെ ലങ്കന് മുസ്ലിംകള്
കൊളംബോ: ഈസ്റ്റര് ദിനത്തില് 250ലേറെ പേര് കൊല്ലപ്പെട്ട ചാവേറാക്രമണങ്ങള്ക്കുശേഷം ശ്രീലങ്കയിലെ മുസ്്ലിംകള് ആശങ്കയില്. പല നഗരങ്ങളിലും മുസ്്ലിം വീടുകള്ക്കും അവരുടെ ഉടമസ്ഥതയിലുള്ള വ്യാപാര സ്ഥാപനങ്ങള്ക്കും നേരെ അക്രമങ്ങളാണ് നടക്കുന്നത്. പ്രത്യേകിച്ചും നെഗോംബോ നഗരത്തില് മുസ്്ലിംകള്ക്കുനേരെ വ്യാപക അക്രമങ്ങളുണ്ടായി.
ദുബായില് ജോലി ചെയ്യുന്ന ശ്രീലങ്കന് പൗരന് മുഹമ്മദ് ഞെട്ടിക്കുന്ന വിവരങ്ങളാണ് പുറത്തുവിട്ടത്. ഞായറാഴ്ച രാത്രി നെഗോംബോയിലുള്ള തന്റെ വീടിന് നേരെ ആക്രണമുണ്ടായതായി അദ്ദേഹം പറയുന്നു. വീട്ടില് മുഹമ്മദിന്റെ ഭാര്യയും മക്കളും ഒറ്റക്കാണ് കഴിയുന്നത്. ‘രാത്രി ഭാര്യ എന്നെ ഫോണില് വിളിച്ചു. അവള് കരയുന്നുണ്ടായിരുന്നു. ഏത് നിമിഷവും തങ്ങള്ക്ക് നേരെ ആക്രണമുണ്ടാകുമെന്ന് അവള് പറഞ്ഞു. ശേഷം അവള് ഫോണ് കട്ട് ചെയ്തു. പത്തും ഒന്നും വയസുള്ള തന്റെ മക്കള്ക്കും ഭാര്യക്കും എന്ത് സംഭവിച്ചുവെന്ന് അറിയാതെ ഞാന് അടുത്ത ഫോണ് കോളിനുവേണ്ടി കാത്തിരുന്നു. ഭീതി നിറഞ്ഞ നിമിഷങ്ങള്. ശേഷം വീണ്ടും ഭാര്യയുടെ വിളി വന്നു. അപ്പോള് തങ്ങളെ രക്ഷിക്കാന് എത്രയും വേഗം ദുബായില് നിന്നും എത്തണമെന്ന് ആവശ്യപ്പെട്ട് അവളും കുട്ടികളും കരയുകയായിരുന്നു.’ ആയുധങ്ങളുമായെത്തിയ ഒരു സംഘം ആളുകള് വീട്ടിലേക്ക് കടന്ന് സാധനങ്ങള് മുഴുവന് അടിച്ചുതകര്ത്തതായി ഭാര്യ അദ്ദേഹത്തെ അറിയിച്ചു. മുഹമ്മദിന്റെത് ഉള്പ്പെടെ 25 ഓളം വീടുകള്ക്ക് നേരെ ആ ദിവസം ആക്രമണമുണ്ടായി.
Pakistani Ahmadi Muslim refugees who found refuge in Sri Lanka are now being moved to a safe location after facing threats following the Easter Sunday bombings. pic.twitter.com/YGxrUECwuL
— Al Jazeera English (@AJEnglish) April 30, 2019
ചാവേറാക്രമണങ്ങള്ക്ക് ശേഷം മുസ്്ലിംകള്ക്ക് നേരെ നടക്കുന്ന പല ആക്രമണങ്ങളും മാധ്യമങ്ങള് റിപ്പോര്ട്ട് ചെയ്യുന്നില്ലെന്ന് മാത്രം. കഴിഞ്ഞ ദിവസമുണ്ടായ ആക്രമണത്തില് നാശനഷ്ടം സംഭവിച്ചവര്ക്ക് നഷ്ടപരിഹാരം നല്കുമെന്ന് ശ്രീലങ്കന് പ്രധാനമന്ത്രി റനില് വിക്രമസിംഗെ അറിയിച്ചിട്ടുണ്ട്. ബൈക്കുകളിലും ഓട്ടോറിക്ഷകളിലും എത്തുന്ന അക്രമി സംഘങ്ങള് വ്യാപക അക്രമങ്ങള് അഴിച്ചിവിട്ടതായി ദൃക്സാക്ഷികള് പറയുന്നു. അക്രമങ്ങള്ക്ക് ശേഷം അഭ്യൂഹങ്ങള് പടരാതിരിക്കാന് മേഖലയില് അധികൃതര് സോഷ്യല് മീഡിയകള്ക്ക് വിലക്കേര്പ്പെടുത്തിയിട്ടുണ്ട്. വീടുകളില്നിന്ന് പുറത്തിറങ്ങാന് സാധിക്കാതെ ബന്ദികളെപ്പോലെയാണ് തങ്ങള് കഴിയുന്നതെന്ന് ചിലര് പറയുന്നു. വര്ഗീയ കലാപങ്ങള് തടയാന് ലങ്കന് മനുഷ്യാവകാശ കമ്മീഷന് ശ്രമങ്ങള് തുടങ്ങിയിട്ടുണ്ട്. സമാധാനം പാലിക്കാന് മതനേതാക്കളും അഭ്യര്ത്ഥിക്കുന്നു.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ