Culture
സ്വിച്ചും പ്ലഗും തോന്നുന്നിടത്ത് വേണ്ട ‘ഷോക്കടിക്കും’
ഫൈസല് മാടായി
കണ്ണൂര്: സൗകര്യങ്ങള് നോക്കി സ്വിച്ചും പ്ലഗും വെക്കാന് വരട്ടെ, കൂടുതല് ആലോചിച്ച് മതി വൈദ്യുതാലങ്കാരങ്ങള് തീര്ക്കലും. തോന്നുംപോലെ വൈദ്യുതോപകരണങ്ങള് സ്ഥാപിച്ചാല് ഇനി ബോര്ഡ് വക പണികിട്ടും.
ആഡംബരം ഒട്ടും കുറക്കാതെ വീട് പണിത് ഇഷ്ടാനുസരണം വൈദ്യുതോപകരണങ്ങള് സ്ഥാപിക്കാമെന്ന ധാരണയ്ക്ക് ഇരുട്ടടിയായി മാറും കെഎസ്ഇബി നടപടി. വൈദ്യുതി ഉപകരണങ്ങള് സ്ഥാപിക്കുന്നതിന് സൗകര്യമൊരുക്കുന്നതിന്റെ കൃത്യമായ വിവരം നല്കിയില്ലെങ്കില് പിഴയീടാക്കാനാണ് കെഎസ്ഇബി തീരുമാനം.
വീടുകളിലും വ്യാപാര സ്ഥാപനങ്ങളിലും ഉപയോഗിക്കുന്ന വൈദ്യുതോപകരണങ്ങളുടെ യഥാര്ത്ഥ പ്രസരണ ശേഷി കെഎസ്ഇബി ഓഫീസുകളില് രേഖപ്പെടുത്താത്തവരാണ് കുടുങ്ങുക.
വൈദ്യുതോപകരണങ്ങള് ഉപയോഗിക്കുന്നതുമായി ബന്ധപ്പെട്ട് ഈ മാസം 31 നകം വിവരം നല്കണമെന്നാണ് നിര്ദേശം. നിര്ദിഷ്ട കാലാവധിക്ക് ശേഷം പരിശോധന കര്ശനമാക്കും. നിയമാനുസൃതമല്ലാത്തവ ശ്രദ്ധയില്പെട്ടാല് വന് തുക പിഴയീടാക്കും. വീടുകളിലും വ്യാപാര സ്ഥാപനങ്ങളിലും ഉപയോഗിക്കുന്ന വൈദ്യുതി ഉപകരണങ്ങളുടെ വിവരങ്ങള് യഥാസമയം കൃത്യമായി രേഖപ്പെടുത്തണമെന്നാണ് നിയമം. എന്നാല് ഇവ പലപ്പോഴും കൃത്യമായി പാലിക്കാറില്ല.
പുതിയവീട്, വ്യാപാര സ്ഥാപനങ്ങള് എന്നിവയും പഴയ വീടുകളും വ്യാപാര സ്ഥാപനങ്ങളും പുതുക്കപ്പണിയുമ്പോഴും വൈദ്യുതി ഉപകരണങ്ങളുടെ കൃത്യമായ വിവരങ്ങള് ഉപഭോക്താവിന് അനുവദിച്ച് കണ്സ്യൂമര് നമ്പര് സെക്ഷന് ഓഫീസുകളില് രേഖപ്പെടുത്തണം.
വിവരങ്ങള് രേഖപ്പെടുത്താന് വിട്ടുപോയവര്ക്ക് അവ രേഖപ്പെടുത്താനും പിഴയില് നിന്ന് ഒഴിവാകാനുമാകും. 31നകം സെക്ഷന് ഓഫീസുകളില് വിവരങ്ങള് രേഖപ്പെടുത്താന് പ്രത്യേക അപേക്ഷാഫോറങ്ങളും തയ്യാറാക്കിയിട്ടുണ്ട്.
വീടുകളിലും സ്ഥാപനങ്ങളിലും ഉപയോഗിക്കുന്ന ഉപകരണങ്ങളുടെ എണ്ണവും വാട്സും രേഖപ്പെടുത്തിയാല് മതിയാകും. ഇവ സൗജന്യമാണ്. കാലാവധിക്ക് ശേഷം ഇത്തരം വിവരങ്ങള് രേഖപ്പെടുത്താന് വലിയ തുക പിഴയായി ഉപഭോക്താവ് ഒടുക്കണം. അംഗീകൃത വയര്മാന്റെ പരിശോധനാ വിവരങ്ങളും ഒരു കി.വാട്ട് രേഖപ്പെടുത്താന് 300 രൂപ എന്ന തോതില് പിഴയും നല്കണം.
കെഎസ്ഇബി വിജിലന്സ് വിഭാഗമായ എപിടിഎസ് സെക്ഷന് സ്ക്വാഡ് പ്രസരണ ശേഷിയിലെ കുറവ് രേഖപ്പെടുത്തിയ വീടുകളിലും സ്ഥാപനങ്ങളിലും പരിശോധന നടത്തും. ക്രമക്കേട് കണ്ടെത്തിയാല് കനത്ത തുക തന്നെ പിഴയായി ചുമത്തും.
മൊബൈല് ഫോണില് സന്ദേശമായും ബില് നല്കാന് വീടുകളിലെത്തുന്ന മീറ്റര് റീഡര്മാര് മുഖേനയുമാണ് ഉപഭോക്താക്കള്ക്ക് വിവരങ്ങള് കൈമാറുന്നത്. ഉപഭോക്താക്കള് സെക്ഷന് ഓഫീസുകളിലെത്തി സൗകര്യം പ്രയോജനപ്പെടുത്തണമെന്ന് കെഎസ്ഇബി പ്രത്യേക അറിയിപ്പായും നല്കുന്നുണ്ട്.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ