india
അഡ്മിനിസ്ട്രേറ്ററുടെ ലക്ഷദ്വീപ് സന്ദര്‍ശനം ഇന്ന് മുതല്‍; പ്രതിഷേധക്കടലിരമ്പും
ജനവിരുദ്ധ, ഫാസിസ്റ്റ് നയങ്ങള്‍ നടപ്പാക്കി ലക്ഷദ്വീപ് ജനതയെ ദുരിതക്കയത്തിലാക്കുന്ന അഡ്മിനിസ്ട്രേറ്റര്‍ പ്രഫുല്‍ ഖോടാ പട്ടേല്‍ ഇന്ന് ദ്വീപ് സന്ദര്‍ശനത്തിനെത്തും. ഒരാഴ്ച നീളുന്ന സന്ദര്‍ശനത്തിനായെത്തുന്ന അഡ്മിനിസ്ട്രേറ്ററെ വന്‍ പ്രതിഷേധങ്ങളാണ് കാത്തിരിക്കുന്നത്. പ്രതിഷേധങ്ങള്‍ക്ക് ശേഷമുള്ള ഇദ്ദേഹത്തിന്റെ ആദ്യ സന്ദര്‍ശനം കൂടിയാണിത്. ഉച്ചക്ക് 12.30ന് പ്രത്യേക വിമാനത്തില്‍ അഗത്തിയിലെത്തുന്ന അഡ്മിനിസ്ട്രേറ്റര്‍ തുടര്‍ന്ന് കവരത്തിയിലേക്ക് പോകും. പ്രതിഷേധങ്ങളുടെ പശ്ചാത്തലത്തില്‍ സന്ദര്‍ശനം സംബന്ധിച്ച കൂടുതല്‍ വിവരങ്ങള്‍ അധികൃതര്‍ പുറത്തുവിട്ടിട്ടില്ല. കവരത്തി ദ്വീപില്‍ മാത്രമായി സന്ദര്‍ശനം ഒതുങ്ങാനാണ് സാധ്യത. 20നായിരിക്കും മടക്കം.
കരിദിനമാചരിച്ചാണ് ദ്വീപ് ജനത അഡ്മിനിസ്ട്രേറ്ററെ വരവേല്‍ക്കുന്നത്. സന്ദര്‍ശനത്തില്‍ പ്രതിഷേധിച്ച് കറുത്ത മാസ്‌ക്ക് ധരിക്കാനും വീട്ടുമുറ്റത്ത് കറുത്ത കൊടികള്‍ നാട്ടാനും സേവ് ലക്ഷദ്വീപ് ഫോറം ആഹ്വാനം ചെയ്തിട്ടുണ്ട്. കരട് നിര്‍ദേശങ്ങളും ഉത്തരവുകളും പിന്‍വലിക്കുക എന്നാവശ്യപ്പെട്ടുള്ള പ്ലക്കാര്‍ഡുകളും വീട്ടുമുറ്റങ്ങളില്‍ നിറയും. കള്ളക്കേസുകള്‍ രജിസ്റ്റര്‍ ചെയ്യാന്‍ സാധ്യതയുള്ളതിനാല്‍ സര്‍ക്കാര്‍ ഭൂമി, സര്‍ക്കാര്‍ കെട്ടിടങ്ങള്‍, റോഡ്, പാലം എന്നീ ഇടങ്ങള്‍ പ്രതിഷേധങ്ങള്‍ക്കായി ഉപയോഗിക്കരുതെന്നും, പ്രതിഷേധത്തിന്റെ ചിത്രങ്ങള്‍ സോഷ്യല്‍ മീഡിയകളില്‍ പോസ്റ്റ് ചെയ്യണമെന്നും ഫോറം ആഹ്വാനം ചെയ്തിട്ടുണ്ട്.
ഇതിന് പുറമെ ലക്ഷദ്വീപിലെ മുഴുവന്‍ ജനപ്രതിനിധികളും പൊതുജനങ്ങളും അഡ്മിനിസ്ട്രേറ്ററുടെ പരിപാടികള്‍ ബഹിഷ്‌കരിക്കും. ഇതോടെ അഡ്മിനിസ്ട്രേറ്ററുടെ സന്ദര്‍ശനം തീര്‍ത്തും നിറംമങ്ങും. വലിയ പ്രതിഷേധങ്ങള്‍ കണക്കിലെടുത്ത് അഡ്മിനിസ്ട്രേറ്ററുടെ സുരക്ഷ വര്‍ധിപ്പിച്ചിട്ടുണ്ട്. ലക്ഷദ്വീപ് പൊലീസിന് പുറമേ കേന്ദ്രസേനയെയും സുരക്ഷക്കായി നിയോഗിച്ചു. ദ്വീപിലെ വിവിധ മേഖലകളുമായി ബന്ധപ്പെട്ടുള്ള പവര്‍ പോയിന്റ് അവതരണങ്ങളില്‍ അഡ്മിനിസ്ട്രേറ്റര്‍ പങ്കെടുക്കും.
കവരത്തിയിലെയും അഗത്തിയിലെയും ആസ്പത്രികള്‍, സ്മാര്‍ട്ട്സിറ്റി പദ്ധതികള്‍, ഇക്കോ ടൂറിസം, എന്‍ഐടി പ്ലാന്റുകള്‍, കവരത്തി ഹെലിബേസ്, ഊര്‍ജ സ്വകാര്യവല്‍ക്കരണം തുടങ്ങിയ അവതരണങ്ങളാണ് വിവിധ ദിവസങ്ങളില്‍ ഒരുക്കിയിട്ടുള്ളത്. ഇതുസംബന്ധിച്ച വകുപ്പുതല ചര്‍ച്ചകളിലും ഇദ്ദേഹം പങ്കെടുക്കും. ദ്വീപിലെ നിലവിലെ സാഹചര്യങ്ങളെ കുറിച്ചുള്ള അവലോകനവുമുണ്ടാവും. പ്രതിഷേധങ്ങളുടെ പശ്ചാത്തലത്തില്‍ സന്ദര്‍ശനം കവരത്തിയില്‍ മാത്രമായി ചുരുക്കാനാണ് സാധ്യത. മറ്റു ദ്വീപുകളിലെ യോഗങ്ങളും അവലോകനവും ഓണ്‍ലൈനായി സംഘടിപ്പിക്കാനാണ് നീക്കം.
india
സ്മൃതിയുടെ മകളുടെ റസ്റ്റോറന്റിന്റെ മദ്യ ലൈസന്‍സ് അനധികൃതം
വടക്കന്‍ ഗോവയില്‍ കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്‍സ് ലഭിച്ചത് അനധികൃതമാണെന്ന് റിപ്പോര്‍ട്ട്.
പനജി: വടക്കന്‍ ഗോവയില്‍ കേന്ദ്രമന്ത്രി സ്മൃതി ഇറാനിയുടെ മകളുടെ പേരിലുള്ള റസ്റ്ററന്റിന് മദ്യ ലൈസന്‍സ് ലഭിച്ചത് അനധികൃതമാണെന്ന് റിപ്പോര്‍ട്ട്. മരിച്ചയാളുടെ പേരിലാണ് ലൈസന്‍സ് പുതുക്കിയതെന്നാണ് ആരോപണം. ഇതേത്തുടര്‍ന്ന് ഗോവ എക്‌സൈസ് കമ്മിഷണര്‍ നാരായണ്‍ എം. ഗാഡ് ലൈസന്‍സ് റദ്ദാക്കാതിരിക്കണമെങ്കില്‍ കാരണം കാണിക്കണമെന്ന് ആവശ്യപ്പെട്ട് നോട്ടീസ് അയച്ചിരിക്കുകയാണ്.
ഗോവയിലെ അസന്‍ഗൗവിലാണ് സ്മൃതിയുടെ മകള്‍ സോയിഷ് ഇറാനിയുടെ പോഷ് റസ്റ്ററന്റായ സില്ലി സോള്‍സ് കഫേ ആന്റ് ബാര്‍ ഉള്ളത്. ബാറിനുള്ള ലൈസന്‍സ് കൃത്രിമ രേഖകള്‍ നല്‍കിയാണ് ഉടമകള്‍ കൈവശപ്പെടുത്തിയതെന്ന് അഭിഭാഷകനായ എയ്‌റിസ് റോഡ്രിഗസ് നല്‍കിയ പരാതിയിലാണ് ജൂലൈ 21ന് എക്‌സൈസ് കമ്മിഷണര്‍ നോട്ടിസ് അയച്ചത്. വിഷയം ജൂലൈ 29ന് കോടതി പരിഗണിക്കും.
കഴിഞ്ഞമാസമാണ് ലൈസന്‍സ് പുതുക്കിയത്. എന്നാല്‍ ലൈസന്‍സിന്റെ ഉടമ ആയിരുന്ന ആന്തണി ഡിഗാമ 2021 മേയ് 17ന് അന്തരിച്ചിരുന്നു. ഡിഗാമയുടെ ആധാര്‍ കാര്‍ഡിലെ വിവരം അനുസരിച്ച് മുംബൈയിലെ വിലേ പാര്‍ലെയിലെ താമസക്കാരനാണിയാള്‍. ഇയാളുടെ മരണ സര്‍ട്ടിഫിക്കറ്റ് മുംബൈ മുനിസിപ്പല്‍ കോര്‍പ്പറേഷനില്‍നിന്ന് റോഡ്രിഗസിന് ലഭിച്ചിട്ടുമുണ്ട്.
ആറുമാസത്തിനുള്ളില്‍ ലൈസന്‍സ് ട്രാന്‍സ്ഫര്‍ ചെയ്യുമെന്നാണ് അപേക്ഷയില്‍ വ്യക്തമാക്കിയിരുന്നതെന്ന് സംസ്ഥാന എക്‌സൈസ് വിഭാഗം പറയുന്നു.വിവരാവകാശ നിയമപ്രകാരമാണ് റോഡ്രിഗസ് വിവരങ്ങള്‍ ശേഖരിച്ചത്. സില്ലി സോള്‍സ് കഫേ ആന്റ് ബാറിന് സംസ്ഥാനത്ത് പ്രവര്‍ത്തിക്കുന്നതിന് റസ്റ്ററന്റ് ലൈസന്‍സ് ഇല്ലെന്നും അഭിഭാഷകനായ റോഡ്രിഗസ് പറയുന്നു.
ലഖ്‌നൗ: ഉത്തര്‍പ്രദേശിലെ സ്‌കൂളല്‍ സിഖ് വിദ്യാര്‍ഥികളോട് തലപ്പാവും കൃപാണും ധരിക്കരുതെന്ന് ആവശ്യപ്പെട്ട സംഭവത്തില്‍ ശക്തമായ പ്രതിഷേധം അറിയിച്ച് പ്രമുഖ സിഖ് മത നേതൃത്വമായ ശിരോമണി ഗുരുദ്വാര പര്‍ബന്ധക് കമ്മിറ്റി (എസ്.ജി.പി.സി). രാജസ്ഥാനിലെ അല്‍വാര്‍ ജില്ലയില്‍ അജ്ഞാതര്‍ സിഖ് പുരോഹിതനെ മര്‍ദിക്കുകയും മുടി മുറിക്കുകയും ചെയ്ത സംഭവത്തെയും സിഖുകാരുടെ പരമോന്നത മതസംഘടന അപലപിച്ചു.
വ്യാഴാഴ്ച ഉത്തര്‍പ്രദേശിലെ ബറേലിയിലെ സിഖ് സമുദായാംഗങ്ങള്‍ സ്‌കൂള്‍ മാനേജ്‌മെന്റിന്റെ ഉത്തരവിനെതിരെ പ്രതിഷേധിച്ചിരുന്നു. ഉത്തരവ് പാലിക്കാത്തതിനാല്‍ കുട്ടികളോട് സ്‌കൂളിലേക്ക് പ്രവേശിക്കരുതെന്ന് പറഞ്ഞതായും അവര്‍ ആരോപിച്ചു.
india
ഇന്ത്യയില്‍ ഒരു ഡോസ് വാക്‌സിന്‍ പോലും എടുക്കാതെ 4 കോടി ആളുകള്‍
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില്‍ 98 ശതമാനം പേര്‍ക്കും കുറഞ്ഞത് ഒരു ഡോസ് വാക്‌സിനെങ്കിലും ലഭിച്ചിട്ടുണ്ട്.
ന്യൂഡല്‍ഹി: ഇന്ത്യയില്‍ യോഗ്യരായ നാലു കോടി ആളുകള്‍ ഇതുവരെ ഒരു ഡോസ് വാക്‌സിന്‍ പോലും സ്വീകരിച്ചിട്ടില്ലെന്ന് കേന്ദ്ര ആരോഗ്യ സഹമന്ത്രി ഭാരതി പ്രവീണ്‍ പവാര്‍. ജൂലൈ 18 വരെ സര്‍ക്കാര്‍ കോവിഡ് വാക്‌സിനേഷന്‍ സെന്ററുകളില്‍ 1,78,38,52,566 വാക്‌സിന്‍ ഡോസുകള്‍ സൗജന്യമായി നല്‍കിയിട്ടുണ്ടെന്നും രേഖാമൂലമുള്ള മറുപടിയില്‍ വ്യക്തമാക്കി.
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില്‍ 98 ശതമാനം പേര്‍ക്കും കുറഞ്ഞത് ഒരു ഡോസ് വാക്‌സിനെങ്കിലും ലഭിച്ചിട്ടുണ്ട്. 90 ശതമാനം പേര്‍ പൂര്‍ണമായി വാക്‌സിന്‍ എടുത്തിട്ടുണ്ടെന്നും കണക്കില്‍ പറയുന്നു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല്‍ തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ