main stories
ആധികാരിക ജയത്തിന് ഫ്രാന്‍സ്
ബുക്കാറസ്റ്റ്: റുമേനിയന്‍ ആസ്ഥാന നഗരിയിലെ നാഷണല്‍ സ്‌റ്റേഡിയത്തില്‍ ഇന്ന് നടക്കുന്ന യൂറോ പ്രി ക്വാര്‍ട്ടറില്‍ എല്ലാവരും വ്യക്തമായ സാധ്യത കല്‍പ്പിക്കുന്നത് ലോക ചാമ്പ്യന്മാരായ ഫ്രാന്‍സിന്. സ്വിറ്റ്‌സര്‍ലാന്‍ഡിന് ആരും സാധ്യത കല്‍പ്പിക്കാത്ത സാഹചര്യത്തില്‍ സമ്മര്‍ദ്ദമില്ലാതെ ഷെര്‍ദാന്‍ ഷാക്കിരിക്കും കളിക്കാം. ഇവിടെയാണ് മല്‍സരത്തിന്റെ പ്രസക്തി. പരുക്കില്‍ തളര്‍ന്നിരിക്കുന്ന ദീദിയര്‍ ദെഷാംപ്‌സിന്റെ ചാമ്പ്യന്‍ സംഘം. ഇന്ന് ഇടത് വിംഗില്‍ ആര് എന്ന ചോദ്യത്തിന് കോച്ചിന് പോലും ഉത്തരമില്ല. മധ്യനിരയും മുന്‍നിരയും ഗംഭീരമായി കളിക്കുമ്പോള്‍ പിന്‍നിരക്ക് ജോലി ഭാരം കുറയുമെന്ന വിശ്വാസത്തിലാണ് ദെഷാംപ്‌സ്. പക്ഷേ ഇറ്റലിക്കെതിരെ ഓസ്ട്രിയക്കാര്‍ നടത്തിയ മികവ് അദ്ദേഹത്തിന്റെ മനസിലുണ്ടാവും. ലോകകപ്പ് യോഗ്യതയും യുവേഫ നാഷന്‍സ് കപ്പ് പോരാട്ടങ്ങളും ഉള്‍പ്പെടെ ഫ്രാന്‍സും സ്വിറ്റ്‌സര്‍ലാന്‍ഡും അവസാനമായി കണ്ട് മുട്ടിയ ഏഴ് മല്‍സരങ്ങളിലും തല ഉയര്‍ത്തിയത് ഫ്രഞ്ചുകാരാണ്.
2016 ലെ യൂറോ ഫൈനലില്‍ പോര്‍ച്ചുഗലിനോട് തോറ്റ ശേഷം അധികം തോല്‍വിയില്ല ദെഷാംപ്‌സ് സംഘത്തിന്. ലോകകപ്പ് സ്വന്തമാക്കി. യൂറോ യോഗ്യതാ റൗണ്ട് വിജയകരമായി പിന്നിട്ടു. ഇപ്പോഴിതാ യൂറോ ഫൈനല്‍ റൗണ്ടില്‍ ഒരു കളിയിലും തോല്‍വിയില്ല. ജര്‍മനിക്കെതിരായ ആദ്യ മല്‍സരത്തില്‍ വിജയിക്കാനായി. രണ്ടാം മല്‍സരത്തില്‍ ഹംഗറിക്കാരുമായി സമനില വഴങ്ങി. മൂന്നാം മല്‍സരത്തില്‍ പോര്‍ച്ചുഗലുകാര്‍ക്കെതിരെ 2-2 സമനില. സൂപ്പര്‍ സ്‌ട്രൈക്കര്‍ കിലിയന്‍ എംബാപ്പേക്ക് ഇത് വരെ സ്‌ക്കോര്‍ പട്ടികയില്‍ സ്ഥാനം ലഭിച്ചിട്ടില്ല എന്നതാണ് വലിയ പ്രശ്‌നങ്ങളിലൊന്ന്. പക്ഷേ സീനിയര്‍ സ്‌ട്രൈക്കര്‍ കരീം ബെന്‍സേമ ഫോം തെളിയിച്ചിരിക്കുന്നു. അഞ്ച് വര്‍ഷത്തെ ഇടവേളക്ക് ശേഷം ദേശീയ സംഘത്തില്‍ തിരികെയെത്തിയ ബെന്‍സേമ പോര്‍ച്ചുഗലിനെതിരെ ഗംഭീര പ്രകടനവുമായി കളിയിലെ കേമന്‍ പട്ടം സ്വന്തമാക്കിയിരുന്നു. ഇരുവര്‍ക്കുമൊപ്പം അന്റോണിയോ ഗ്രിസ്മാനും ചേരുമ്പോള്‍ പേടിക്കാനില്ല. മധ്യനിരയാണ് ഫ്രാന്‍സിന്റെ ശക്തി കേന്ദ്രം. അവിടെ പോള്‍ പോഗ്ബയും നകാലേ കാണ്ടേയും അസാമാന്യ ഫോമില്‍ കളിക്കുന്നു. റഫേല്‍ വരാനേ നയിക്കുന്ന പ്രതിരോധത്തില്‍ ബെഞ്ചമിന്‍ പവാദും കിംബാപ്പേയും സാമുവല്‍ ഉമിതിയുമെല്ലാമുണ്ട്. നായകന്‍ ഹ്യൂഗോ ലോറിസാണ് ഗോള്‍ വല കാക്കുന്നത്.
സ്വീസുകാര്‍ വെയില്‍സിനോട് 1-1 സമനില വഴങ്ങിയാണ് ഗ്രൂപ്പ് എയില്‍ കളി തുടങ്ങിയത്. രണ്ടാം മല്‍സരത്തില്‍ ഇറ്റലിക്കാരോട് മൂന്ന് ഗോള്‍ വഴങ്ങിയപ്പോള്‍ പുറത്തായി എന്നാണ് കരുതിയത്. എന്നാല്‍ അവസാന മല്‍സരത്തില്‍ തുര്‍ക്കിയെ 3-1 ന് തകര്‍ത്താണ് യോഗ്യത നേടിയത്. രണ്ട് ഗോളുമായി മൈതാനം നിറഞ്ഞ ഷെര്‍ദ്ദാന്‍ ഷാക്കിരി തന്നെ ടീമിലെ പ്രധാനി. ഗ്രാനിറ്റ് സാക്ക ഫോമിലേക്ക് വന്നിട്ടില്ല. മരിയോ ഗ്രാനോവിച്ച് ഉള്‍പ്പെടെയുള്ള യുവതാരങ്ങള്‍ കരുത്തരായി കളിച്ചാല്‍ ഫ്രാന്‍സിനെ വിറപ്പിക്കാന്‍ സ്വിസ് സംഘത്തിനാവുമെന്നാണ് കരുതപ്പെടുന്നത്. ഗ്രൂപ്പില്‍ ഫ്രാന്‍സ് പതറിയത് സ്‌ക്കോറിംഗിലാണ്. ആദ്യ മല്‍സരത്തില്‍ ജര്‍മനിയോട് രക്ഷപ്പെട്ടത് സെല്‍ഫ് ഗോളിലായിരുന്നു. ഹംഗറിക്കെതിരെ ഒരു ഗോള്‍ മാത്രം. മല്‍സരം രാത്രി 12-30ന്.
main stories
മങ്കിപോക്‌സ് ആഗോള പകര്‍ച്ചവ്യാധി: ഡബ്ല്യു.എച്ച്.ഒ
മങ്കിപോക്‌സിനെ ആഗോള പകര്‍ച്ചവ്യാധിയായി പ്രഖ്യാപിച്ച് ലോകാരോഗ്യ സംഘടന(ഡബ്ല്യു.എച്ച്.ഒ).
ജനീവ: മങ്കിപോക്‌സിനെ ആഗോള പകര്‍ച്ചവ്യാധിയായി പ്രഖ്യാപിച്ച് ലോകാരോഗ്യ സംഘടന(ഡബ്ല്യു.എച്ച്.ഒ). അന്താരാഷ്ട്രതലത്തില്‍ പൊതുജന ആശങ്കയായി രോഗം വളര്‍ന്നിരിക്കുകയാണെന്ന് സംഘടനയുടെ അടിയന്തര യോഗത്തിന് ശേഷം ഡബ്ല്യു.എച്ച്.ഒ പുറത്തുവിട്ട പ്രസ്താവനയില്‍ പറയുന്നു.
ലോകത്ത് ഇതുവരെ 72 രാജ്യങ്ങളില്‍ രോഗം സ്ഥിരീകരിച്ചിട്ടുണ്ട്. കൂടുതല്‍ രാജ്യങ്ങളിലേക്ക് വ്യാപിച്ചുകൊണ്ടിരിക്കുകയുമാണ്. ഇതുവരെ മങ്കിപോക്‌സ് സ്ഥിരീകരിച്ചതില്‍ 70 ശതമാനവും യൂറോപ്യന്‍ രാജ്യങ്ങളിലാണെന്ന് സംഘടന പറഞ്ഞു. 2020 ജനുവരി 30ന് കോവിഡിനെ ആഗോള പകര്‍ച്ചവ്യാധിയായി പ്രഖ്യാപിക്കുമ്പോള്‍ ചൈനക്ക് പുറത്ത് 82 കേസുകള്‍ മാത്രമാണ് റിപ്പോര്‍ട്ട് ചെയ്തിരുന്നത്. വ്യാപനത്തിന്റെ വേഗതയും തോതും പ്രതിരോധ പ്രവര്‍ത്തനങ്ങളുടെ അടിയന്തര പ്രാധാന്യവും കണക്കിലെടുത്താണ് ഒരു രോഗത്തെ ആഗോള മഹാമാരിയായി പ്രഖ്യാപിക്കുന്നത്.
india
ഇന്ത്യയില്‍ ഒരു ഡോസ് വാക്‌സിന്‍ പോലും എടുക്കാതെ 4 കോടി ആളുകള്‍
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില്‍ 98 ശതമാനം പേര്‍ക്കും കുറഞ്ഞത് ഒരു ഡോസ് വാക്‌സിനെങ്കിലും ലഭിച്ചിട്ടുണ്ട്.
ന്യൂഡല്‍ഹി: ഇന്ത്യയില്‍ യോഗ്യരായ നാലു കോടി ആളുകള്‍ ഇതുവരെ ഒരു ഡോസ് വാക്‌സിന്‍ പോലും സ്വീകരിച്ചിട്ടില്ലെന്ന് കേന്ദ്ര ആരോഗ്യ സഹമന്ത്രി ഭാരതി പ്രവീണ്‍ പവാര്‍. ജൂലൈ 18 വരെ സര്‍ക്കാര്‍ കോവിഡ് വാക്‌സിനേഷന്‍ സെന്ററുകളില്‍ 1,78,38,52,566 വാക്‌സിന്‍ ഡോസുകള്‍ സൗജന്യമായി നല്‍കിയിട്ടുണ്ടെന്നും രേഖാമൂലമുള്ള മറുപടിയില്‍ വ്യക്തമാക്കി.
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച് ഇന്ത്യയില്‍ 98 ശതമാനം പേര്‍ക്കും കുറഞ്ഞത് ഒരു ഡോസ് വാക്‌സിനെങ്കിലും ലഭിച്ചിട്ടുണ്ട്. 90 ശതമാനം പേര്‍ പൂര്‍ണമായി വാക്‌സിന്‍ എടുത്തിട്ടുണ്ടെന്നും കണക്കില്‍ പറയുന്നു.
india
ഹിമാചല്‍ പ്രദേശിലെ ബി.ജെ.പി നേതാവ് കോണ്‍ഗ്രസില്‍
ഹിമാചല്‍ പ്രദേശിലെ ബി.ജെ.പി നേതാവ് ഇന്ദു വര്‍മ കോണ്‍ഗ്രസില്‍ ചേര്‍ന്നു.
ന്യൂഡല്‍ഹി: ഹിമാചല്‍ പ്രദേശിലെ ബി.ജെ.പി നേതാവ് ഇന്ദു വര്‍മ കോണ്‍ഗ്രസില്‍ ചേര്‍ന്നു. സംസ്ഥാനത്ത് നിയമസഭാ തിരഞ്ഞെടുപ്പ് നടക്കാനിരിക്കെയാണ് ഇന്ദു വര്‍മയുടെ ചുവടുമാറ്റം. മുന്‍ ബി.ജെ.പി എം.എല്‍.എ രാകേഷ് വര്‍മയുടെ ഭാര്യയാണ് ഇന്ദു വര്‍മ. 20 വര്‍ഷത്തോളമായി ബി.ജെ.പിയില്‍ പ്രവര്‍ത്തിക്കുന്നു.
ഇന്ദു വര്‍മയുടെ കോണ്‍ഗ്രസ് പ്രവേശനം വരുന്ന ഹിമാചല്‍ നിയമസഭാ തെരഞ്ഞെടുപ്പില്‍ പാര്‍ട്ടിക്ക് സഹായകരമായി മാറുമെന്ന് ഹിമാചല്‍ പ്രദേശിന്റെ ചുമതലയുള്ള എ.ഐ.സി.സി സെക്രട്ടറി രാജീവ് ശുക്ല പറഞ്ഞു. ദിവസങ്ങള്‍ക്ക് മുമ്പ് ബി.ജെ.പിയുടെ ഹിമാചല്‍ പ്രദേശ് മുന്‍ പ്രസിഡന്റ് ഖിമി റാമും ബി.ജെ.പി വിട്ട് കോണ്‍ഗ്രസില്‍ ചേര്‍ന്നിരുന്നു.
-
Video Stories8 years agoകൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years agoഅനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years agoഭോപ്പാല് വിവാദ ഏറ്റുമുട്ടല്; കൂടുതല്‍ തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years agoവഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years agoവീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years agoഅണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ