tech
ബാറ്ററി തീര്ന്ന് ഫോണ് ഓഫാകുമെന്ന പേടി വേണ്ട; ടീഷര്ട്ടില് നിന്ന് ഇനി മൊബൈല് ചാര്ജ്ജ് ചെയ്യാം!; പുത്തന് കണ്ടെത്തല്
എന്നിലിതാ ധരിച്ചിരിക്കുന്ന ടീഷര്ട്ടില് നിന്നുപോലും ഫോണ് ചാര്ജ്ജ് ചെയ്യാന് വഴിയൊരുക്കുകയാണ് ഒരുപറ്റം ഗവേഷകര്. ടീഷര്ട്ട് മെറ്റീരിയലായ നൈലോണ് തുണിയില് നിന്ന് വൈദ്യുതി ഉത്പാദിപ്പിക്കാനുള്ള വഴി കണ്ടെത്തിയിരിക്കുകയാണ് ഇവര്
ബാറ്ററി തീര്ന്ന് ഫോണ് ഓഫാകാറായി, കൈയിലാണെങ്കില് ചാര്ജ്ജറുമില്ല! അത്യാവശ്യ സന്ദര്ഭങ്ങളില് പലര്ക്കും സംഭവിക്കുന്ന അബദ്ധമാണിത്. എന്നിലിതാ ധരിച്ചിരിക്കുന്ന ടീഷര്ട്ടില് നിന്നുപോലും ഫോണ് ചാര്ജ്ജ് ചെയ്യാന് വഴിയൊരുക്കുകയാണ് ഒരുപറ്റം ഗവേഷകര്. ടീഷര്ട്ട് മെറ്റീരിയലായ നൈലോണ് തുണിയില് നിന്ന് വൈദ്യുതി ഉത്പാദിപ്പിക്കാനുള്ള വഴി കണ്ടെത്തിയിരിക്കുകയാണ് ഇവര്.
യാന്ത്രികോര്ജ്ജത്തെ വൈദ്യുതോര്ജ്ജമാക്കി മാറ്റുന്ന പീസോഇലക്ട്രിസിറ്റി എന്ന പ്രതിഭാസമാണ് നൈലോണ് തുണിയിലൂടെ മൊബൈല് ചാര്ജ്ജിങ് സാധ്യമാക്കുന്നത്. ലളിതമായി പറഞ്ഞാല് ഒരു പീസോഇലക്ട്രിക് വസ്തുവില് ഒന്ന് തട്ടിയാല് പോലും അത് വൈദ്യുതോര്ജ്ജമായി മാറ്റപ്പെടും. ഇങ്ങനെ നിര്മ്മിക്കപ്പെടുന്ന വൈദ്യുതോര്ജ്ജം സര്ക്യൂട്ട് വഴി ഒരു കപ്പാസിറ്ററില് ശേഖരിക്കുകയും പിന്നീട് മൊബൈല് ചാര്ജ്ജ് ചെയ്യാനായി ഉപയോഗിക്കുകയുമാണ് ചെയ്യുന്നത്.
പീസോഇലക്ട്രിക് സവിശേഷതയുള്ള വസ്ത്രം ധരിച്ച് ഒന്ന് കൈ അനക്കിയാല് പോലും അത് വൈദ്യുതോത്പാദനത്തിന് സഹായിക്കും. പീസോഇലക്ട്രിക് സ്വഭാവമുള്ള നൈലോണ് ഫൈബറുകള് തയ്യാറാക്കുകയാണ് ഇതിലെ വെല്ലുവിളി. തുണിയില് നിന്ന് നിര്മ്മിക്കുന്ന വൈദ്യുതി പോക്കറ്റില് ഘടിപ്പിച്ചിരിക്കുന്ന ബാറ്ററിയില് ശേഖരിക്കുന്നതരത്തിലാകും ഇവയുടെ നിര്മാണം. ഭാവിയില് മൊബൈല് ഫോണ് അടക്കമുള്ള ഉപകരണങ്ങള് ടീഷര്ട്ടില് നിന്നുപോലും ചാര്ജ്ജ് ചെയ്യാന് കഴിയുമെന്ന് പറയുകയാണ് ഗവേഷകര്.
News
ഐഫോണിന്റെ ഈ മോഡലുകളില് ഇനിമുതല് വാട്സാപ്പ് ലഭിക്കില്ല
എന്നാല് സോഫ്റ്റ്വെയര് പുതുക്കിയാല് ഒരുപക്ഷേ വാട്സ്ആപ്പ് തുടര്ന്ന് ലഭിച്ചേക്കാം.
ഐ ഫോണിലെ ചില മോഡലുകളില് ഇനിമുതല് വാട്സ്ആപ്പ് ലഭിക്കില്ല. ഐഒഎസ് 10, 11 സോഫ്റ്റ്വെയര് പ്രവര്ത്തിക്കുന്ന മോഡലുകളിലാണ് ഇനിമുതല് വാട്സ്ആപ്പ് സപ്പോര്ട്ട് ചെയ്യാതിരിക്കുക.
ഇതുപ്രകാരം ഐഫോണ് 5,5സി എന്നിവയില് വാട്സ്ആപ്പ് സേവനം ഇനി മുതല് ലഭ്യമാവില്ല. ഈ മോഡലുകളില് വാട്സാപ്പിലെ പുതിയ അപ്ഡേറ്റുകളും സുരക്ഷയും ലഭ്യമാകാതെ ഇരിക്കുകയാണ് ചെയ്യുക. ഒക്ടോബര് 24 മുതലായിരിക്കും ഈ മോഡലുകളില് വാട്ട്സ്ആപ്പ് ലഭിക്കാതിരിക്കുക.
എന്നാല് സോഫ്റ്റ്വെയര് പുതുക്കിയാല് ഒരുപക്ഷേ വാട്സ്ആപ്പ് തുടര്ന്ന് ലഭിച്ചേക്കാം.
News
‘ടേക്ക് എ ബ്രേക്ക്’ ഫീച്ചര് ആഗോള തലത്തില് അവതരിപ്പിച്ച് ഇന്സ്റ്റാഗ്രാം
യൂറോപ്യന് രാജ്യങ്ങളില് ആദ്യം കൊണ്ടുവന്ന ഈ ഫീച്ചര് നിലവില് ഇന്ത്യയില് ഉള്പ്പെടെയുള്ള രാജ്യങ്ങള് ലഭ്യമാക്കിയിട്ടുണ്ട്.
‘ടേക്ക് എ ബ്രേക്ക്’ ഫീച്ചര് ആഗോള തലത്തില് അവതരിപ്പിച്ച് ഇന്സ്റ്റാഗ്രാം. ടേക്ക് എ ബ്രേക്ക് എന്ന പുത്തന് ഫീച്ചറാണ് ഇന്സ്റ്റഗ്രാം പുതുതായി കൊണ്ടുവന്നിട്ടുള്ളത്. ഇടവേള എടുക്കാന് ഉപഭോക്താവിനെ ഓര്മിപ്പിക്കുന്ന ഒരു സംവിധാനമാണിത്.
നിശ്ചിതസമയ പരിധിയില് ഇന്സ്റ്റഗ്രാമില് ഇരിക്കുമ്പോള് ഇടവേള എടുക്കാന് ഇന്സ്റ്റഗ്രാം ഓര്മിപ്പിക്കും ഇതാണ് പുതിയ ഫീച്ചര് ആയി വന്നിട്ടുള്ളത്.
ഇത് ഉപഭോക്താവിന്റെ താല്പര്യങ്ങള്ക്കനുസരിച്ച് എത്ര മിനുട്ട് വേണം എന്നത് സെലക്ട് ചെയ്യാന് കഴിയും. 10 മിനിറ്റ, 20 മിനിറ്റ് ,30 മിനിറ്റ് എന്നിങ്ങനെ ഓപ്ഷനുകള് ആണ് നിലവിലുള്ളത്.
യൂറോപ്യന് രാജ്യങ്ങളില് ആദ്യം കൊണ്ടുവന്ന ഈ ഫീച്ചര് നിലവില് ഇന്ത്യയില് ഉള്പ്പെടെയുള്ള രാജ്യങ്ങള് ലഭ്യമാക്കിയിട്ടുണ്ട്.
india
രാജ്യത്ത് അടുത്ത വര്ഷം മുതല് 5 ജി
രാജ്യത്ത് അടുത്ത വര്ഷം ഇന്റര്നെറ്റ് 5ജി ആരംഭിക്കും. 2022 ഏപ്രില്, മെയ് മാസങ്ങളിലായി 5ജി സ്പെക്ട്രം വിതരണം നടക്കുമെന്ന് കേന്ദ്ര സര്ക്കാര്
ന്യൂഡല്ഹി: രാജ്യത്ത് അടുത്ത വര്ഷം ഇന്റര്നെറ്റ് 5ജി ആരംഭിക്കും. 2022 ഏപ്രില്, മെയ് മാസങ്ങളിലായി 5ജി സ്പെക്ട്രം വിതരണം നടക്കുമെന്ന് കേന്ദ്ര സര്ക്കാര് അറിയിച്ചു. ടെലികോം മന്ത്രി അശ്വനി വൈഷ്ണവാണ് ഇക്കാര്യം അറിയിച്ചത്.
5ജി മാറ്റത്തെ കുറിച്ചുള്ള ട്രായിയുടെ റിപ്പോര്ട്ട് ഫെബ്രുവരിയില് കേന്ദ്രത്തിന് കിട്ടും. ടെലികോം ദാതാക്കള് അടുത്തവര്ഷം മെയ് വരെ സ്പെക്ട്രം ലേലത്തിന് അധികസമയം ടെലി കമ്മ്യൂണിക്കേഷന് വകുപ്പില് ആവശ്യപ്പെട്ടിട്ടുണ്ട്.
മെയ് മാസം മുതലുള്ള ആറു മാസം രാജ്യത്ത് 5ജി പരീക്ഷണങ്ങള് നടത്തുന്നതിനായിട്ടായിരിക്കും ഉപയോഗപ്പെടുത്തുക. നഗരങ്ങളിലെന്ന പോലെ ഗ്രാമങ്ങളിലും ഇക്കാലയളവില് 5ജി പരീക്ഷണം നടത്തും.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ