tech
പിഎന്ബി എടിഎമ്മില് നിന്ന് പണം പിന്വലിക്കാന് പുതിയ നിബന്ധന
ഡിസംബര് 1 മുതല് ബാങ്ക് ഇടപാടുകള്ക്കായി ഒടിപി അധിഷ്ഠിത എടിഎം പിന്വലിക്കല് ആരംഭിക്കും. എസ്ബിഐ നേരത്തെ തന്നെ നടപ്പിലാക്കിയ സംവിധാനമാണിത്
സമീപകാലത്തായി സ്കിംഡ്, ക്ലോണ് ചെയ്ത കാര്ഡുകള് ഉപയോഗിച്ച് അനധികൃത ഇടപാടുകള് നടത്തിയ നിരവധി കേസുകള് റിപ്പോര്ട്ട് ചെയ്തിട്ടുണ്ട്. മിക്ക സംസ്ഥാനങ്ങളിലും ഇത്തരം തട്ടിപ്പുകള് നടക്കുന്നുണ്ട്. ഡിജിറ്റല് മോഷണങ്ങളെ പ്രതിരോധിക്കാന് മിക്ക ബാങ്കുകളും സാങ്കേതികമായും അല്ലാതെയും നിരവധി പരീക്ഷണങ്ങളാണ് നടത്തുന്നത്. എടിഎമ്മുകള് വഴി നടക്കുന്ന അനധികൃത ഇടപാടുകളുടെ എണ്ണം കുറയ്ക്കുന്നതിനായി ഡിസംബര് ഒന്ന് മുതല് പഞ്ചാബ് നാഷണല് ബാങ്കും (പിഎന്ബി) ഒടിപി അടിസ്ഥാനമാക്കിയുള്ള പണം പിന്വലിക്കല് സംവിധാനം അവതരിപ്പിക്കാന് പോകുകയാണ്. ഡിസംബര് 1 മുതല് ബാങ്ക് ഇടപാടുകള്ക്കായി ഒടിപി അധിഷ്ഠിത എടിഎം പിന്വലിക്കല് ആരംഭിക്കും. എസ്ബിഐ നേരത്തെ തന്നെ നടപ്പിലാക്കിയ സംവിധാനമാണിത്.
നിലവില് ഉപഭോക്താക്കള്ക്ക് രാത്രി 8 മുതല് രാവിലെ 8 വരെ 10,000 രൂപയ്ക്ക് മുകളിലുള്ള പണം പിന്വലിക്കാന് നിബന്ധനകളില്ല. എന്നാല്, സുരക്ഷയുടെ ഭാഗമായി പിഎന്ബി 2.0 ഒടിപി അടിസ്ഥാനമാക്കിയുള്ള പണം പിന്വലിക്കല് ഡിസംബര് 1 മുതല് ആരംഭിക്കുകയാണ്. ഈ നീക്കത്തിലൂടെ, പണം പിന്വലിക്കലിനായി ബാങ്ക് സുരക്ഷയുടെ മറ്റൊരു തലം കൂടി പരീക്ഷിക്കുകയാണ്. പിഎന്ബി അക്കൗണ്ടുകളില് നിന്ന് പണം പിന്വലിക്കുമ്പോള് ഉപയോക്താക്കള്ക്ക് ആദ്യം അവരുടെ റജിസ്റ്റര് ചെയ്ത മൊബൈല് നമ്പറില് ഒടിപി ലഭിക്കും. കാര്ഡ് ഉടമ പിന്വലിക്കാന് ആഗ്രഹിക്കുന്ന തുക നല്കി കഴിഞ്ഞാല് എടിഎം സ്ക്രീനില് ഒടിപി ടൈപ്പ് ചെയ്യേണ്ട ഭാഗം പ്രദര്ശിപ്പിക്കും.
പണം ലഭിക്കുന്നതിന് ഉപഭോക്താവ് റജിസ്റ്റര് ചെയ്ത മൊബൈല് നമ്പറില് ലഭിച്ച ഒടിപി സ്ക്രീനില് ടൈപ്പ് ചെയ്യണം. ഈ പ്രക്രിയ അനധികൃത എടിഎം പണം പിന്വലിക്കലില് നിന്ന് പിഎന്ബി കാര്ഡ് ഉടമകളെ സംരക്ഷിക്കും.
പഞ്ചാബ് നാഷണല് ബാങ്ക് എടിഎമ്മുകളില് നിന്ന് പണം പിന്വലിക്കുന്നതിന് നിലവിലെ പ്രക്രിയയില് വലിയ മാറ്റമൊന്നും സിസ്റ്റത്തിന് ആവശ്യമില്ല. പക്ഷേ ഇടപാട് കൂടുതല് സുരക്ഷിതമാക്കാന് ഇത് ഏറെ ഉപകാരപ്പെടും. എന്നാല്, മറ്റു എടിഎമ്മുകളില് നിന്ന് പിഎന്ബി കാര്ഡ് ഉപയോഗിച്ച് രാത്രി സമയങ്ങളില് 10000 ന് മുകളില് പണം പിന്വലിക്കാന് ശ്രമിച്ചാല് ഒടിപി ലഭിക്കില്ല.
News
ഐഫോണിന്റെ ഈ മോഡലുകളില് ഇനിമുതല് വാട്സാപ്പ് ലഭിക്കില്ല
എന്നാല് സോഫ്റ്റ്വെയര് പുതുക്കിയാല് ഒരുപക്ഷേ വാട്സ്ആപ്പ് തുടര്ന്ന് ലഭിച്ചേക്കാം.
ഐ ഫോണിലെ ചില മോഡലുകളില് ഇനിമുതല് വാട്സ്ആപ്പ് ലഭിക്കില്ല. ഐഒഎസ് 10, 11 സോഫ്റ്റ്വെയര് പ്രവര്ത്തിക്കുന്ന മോഡലുകളിലാണ് ഇനിമുതല് വാട്സ്ആപ്പ് സപ്പോര്ട്ട് ചെയ്യാതിരിക്കുക.
ഇതുപ്രകാരം ഐഫോണ് 5,5സി എന്നിവയില് വാട്സ്ആപ്പ് സേവനം ഇനി മുതല് ലഭ്യമാവില്ല. ഈ മോഡലുകളില് വാട്സാപ്പിലെ പുതിയ അപ്ഡേറ്റുകളും സുരക്ഷയും ലഭ്യമാകാതെ ഇരിക്കുകയാണ് ചെയ്യുക. ഒക്ടോബര് 24 മുതലായിരിക്കും ഈ മോഡലുകളില് വാട്ട്സ്ആപ്പ് ലഭിക്കാതിരിക്കുക.
എന്നാല് സോഫ്റ്റ്വെയര് പുതുക്കിയാല് ഒരുപക്ഷേ വാട്സ്ആപ്പ് തുടര്ന്ന് ലഭിച്ചേക്കാം.
News
‘ടേക്ക് എ ബ്രേക്ക്’ ഫീച്ചര് ആഗോള തലത്തില് അവതരിപ്പിച്ച് ഇന്സ്റ്റാഗ്രാം
യൂറോപ്യന് രാജ്യങ്ങളില് ആദ്യം കൊണ്ടുവന്ന ഈ ഫീച്ചര് നിലവില് ഇന്ത്യയില് ഉള്പ്പെടെയുള്ള രാജ്യങ്ങള് ലഭ്യമാക്കിയിട്ടുണ്ട്.
‘ടേക്ക് എ ബ്രേക്ക്’ ഫീച്ചര് ആഗോള തലത്തില് അവതരിപ്പിച്ച് ഇന്സ്റ്റാഗ്രാം. ടേക്ക് എ ബ്രേക്ക് എന്ന പുത്തന് ഫീച്ചറാണ് ഇന്സ്റ്റഗ്രാം പുതുതായി കൊണ്ടുവന്നിട്ടുള്ളത്. ഇടവേള എടുക്കാന് ഉപഭോക്താവിനെ ഓര്മിപ്പിക്കുന്ന ഒരു സംവിധാനമാണിത്.
നിശ്ചിതസമയ പരിധിയില് ഇന്സ്റ്റഗ്രാമില് ഇരിക്കുമ്പോള് ഇടവേള എടുക്കാന് ഇന്സ്റ്റഗ്രാം ഓര്മിപ്പിക്കും ഇതാണ് പുതിയ ഫീച്ചര് ആയി വന്നിട്ടുള്ളത്.
ഇത് ഉപഭോക്താവിന്റെ താല്പര്യങ്ങള്ക്കനുസരിച്ച് എത്ര മിനുട്ട് വേണം എന്നത് സെലക്ട് ചെയ്യാന് കഴിയും. 10 മിനിറ്റ, 20 മിനിറ്റ് ,30 മിനിറ്റ് എന്നിങ്ങനെ ഓപ്ഷനുകള് ആണ് നിലവിലുള്ളത്.
യൂറോപ്യന് രാജ്യങ്ങളില് ആദ്യം കൊണ്ടുവന്ന ഈ ഫീച്ചര് നിലവില് ഇന്ത്യയില് ഉള്പ്പെടെയുള്ള രാജ്യങ്ങള് ലഭ്യമാക്കിയിട്ടുണ്ട്.
india
രാജ്യത്ത് അടുത്ത വര്ഷം മുതല് 5 ജി
രാജ്യത്ത് അടുത്ത വര്ഷം ഇന്റര്നെറ്റ് 5ജി ആരംഭിക്കും. 2022 ഏപ്രില്, മെയ് മാസങ്ങളിലായി 5ജി സ്പെക്ട്രം വിതരണം നടക്കുമെന്ന് കേന്ദ്ര സര്ക്കാര്
ന്യൂഡല്ഹി: രാജ്യത്ത് അടുത്ത വര്ഷം ഇന്റര്നെറ്റ് 5ജി ആരംഭിക്കും. 2022 ഏപ്രില്, മെയ് മാസങ്ങളിലായി 5ജി സ്പെക്ട്രം വിതരണം നടക്കുമെന്ന് കേന്ദ്ര സര്ക്കാര് അറിയിച്ചു. ടെലികോം മന്ത്രി അശ്വനി വൈഷ്ണവാണ് ഇക്കാര്യം അറിയിച്ചത്.
5ജി മാറ്റത്തെ കുറിച്ചുള്ള ട്രായിയുടെ റിപ്പോര്ട്ട് ഫെബ്രുവരിയില് കേന്ദ്രത്തിന് കിട്ടും. ടെലികോം ദാതാക്കള് അടുത്തവര്ഷം മെയ് വരെ സ്പെക്ട്രം ലേലത്തിന് അധികസമയം ടെലി കമ്മ്യൂണിക്കേഷന് വകുപ്പില് ആവശ്യപ്പെട്ടിട്ടുണ്ട്.
മെയ് മാസം മുതലുള്ള ആറു മാസം രാജ്യത്ത് 5ജി പരീക്ഷണങ്ങള് നടത്തുന്നതിനായിട്ടായിരിക്കും ഉപയോഗപ്പെടുത്തുക. നഗരങ്ങളിലെന്ന പോലെ ഗ്രാമങ്ങളിലും ഇക്കാലയളവില് 5ജി പരീക്ഷണം നടത്തും.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ