gulf
ഇസ്ലാം വിരുദ്ധ നീക്കം; ഫ്രാന്സിനെതിരെ ഖത്തറില് നടപടികള് തുടങ്ങി
ഖത്തര് ഫ്രാന്സ് സാംസ്കാരിക വര്ഷത്തിന്റെ ഭാഗമായി നടത്താനിരുന്ന പരിപാടികള് മാറ്റിവെച്ചതായി ഖത്തര് സര്വ്വകലാശാല അറിയിച്ചു. പൊതുമേഖലാ ഹൈപ്പര്മാര്ക്കറ്റ് ശൃംഖലയായ അല്മീര ഫ്രഞ്ച് ഉത്പന്നങ്ങള് പിന്വലിക്കുന്നതായും വ്യക്തമാക്കിയിട്ടുണ്ട്
അശ്റഫ് തൂണേരി
ദോഹ: ഫ്രാന്സിലെ ഇസ്ലാമിക വിരുദ്ധ നീക്കങ്ങള്ക്കെതിരെ ഖത്തറില് പ്രതിഷേധ നടപടികള് ശക്തമാവുന്നു. ഖത്തര് സര്ക്കാറിന് കീഴിലെ സ്ഥാപനങ്ങളാണ് നിലപാടുമായി രംഗത്തെത്തിയിരിക്കുന്നത്. ഖത്തര് ഫ്രാന്സ് സാംസ്കാരിക വര്ഷത്തിന്റെ ഭാഗമായി നടത്താനിരുന്ന പരിപാടികള് മാറ്റിവെച്ചതായി ഖത്തര് സര്വ്വകലാശാല അറിയിച്ചു. പൊതുമേഖലാ ഹൈപ്പര്മാര്ക്കറ്റ് ശൃംഖലയായ അല്മീര ഫ്രഞ്ച് ഉത്പന്നങ്ങള് പിന്വലിക്കുന്നതായും വ്യക്തമാക്കിയിട്ടുണ്ട്.
ഇസ്ലാമിനേയും അതിന്റെ ചിഹ്നങ്ങളേയും അവമതിക്കുന്ന ഫ്രാന്സിന്റെ നിലപാടില് പ്രതിഷേധിച്ചാണ് ഫ്രഞ്ച് സാംസ്കാരിക ആഴ്ച എന്ന പരിപാടി മാറ്റിവെച്ചതെന്ന് ഖത്തര് സര്വ്വകലാശാല വിശദീകരിച്ചു. ഇസ്്ലാമിനെ മുന്വിധിയോടെ കാണുന്നതും അതിന്റെ പവിത്രതയേയും അടയാളങ്ങളേയും അവമതിക്കുന്നതും ഒരു നിലക്കും അനുവദനീയമല്ല. ആധുനിക സമൂഹത്തിലെ മാനവിക മൂല്യങ്ങള്ക്കും ധാര്മ്മികതക്കും നിരക്കാത്ത നടപടി കൂടിയാണിതെന്നും ഖത്തര് യൂണിവേഴ്സിറ്റി ട്വിറ്റര് എക്കൗണ്ടിലൂടെ വ്യക്തമാക്കി.
ട്വിറ്ററിലൂടെ തന്നെയാണ് ഖത്തര് ദേശീയ കമ്പനിയായ അല്മീര ഫ്രഞ്ച് ഉത്പന്നങ്ങള് പിന്വലിക്കുന്നതായി അറിയിച്ചത്. മതങ്ങളേയും പാരമ്പര്യത്തേയും സംസ്കാരത്തേയും ബഹുമാനിക്കുന്നതിനാല് ഫ്രഞ്ച് ഉത്പന്നങ്ങള് മറ്റൊരു അറിയിപ്പ് ഉണ്ടാവുന്നതു വരെ പിന്വലിക്കുന്നുവെന്നാണ് വിശദീകരണം.
ഫ്രാന്സില് പ്രവാചകനെ അവമതിക്കുന്ന കാരിക്കേച്ചര് വിദ്യാര്ത്ഥികള്ക്ക് പ്രദര്ശിപ്പിച്ച സാമുവല് പാറ്റിയെന്ന 47കാരന് അധ്യാപകന് ഒരു കൗമാരക്കാരനാല് കൊല്ലപ്പെടുകയുണ്ടായി. ഈ നടപടി ഇസ്ലാമിക ലോകവും രാജ്യങ്ങളും പണ്ഡിതരുമെല്ലാം അങ്ങേയറ്റം അപലപിക്കുകയും മതവിരുദ്ധ നടപടിയാണെന്ന് വ്യക്തമാക്കുകയും ചെയ്തിരുന്നു. കൊലപാതകത്തിന്റെ മറവില് ഇസ്ലാം ഭീതി (ഇസ്ലാമോഫോബിയ) പടര്ത്താന് ചിലര് ശ്രമം നടത്തുകയായിരുന്നു. ഫ്രഞ്ച് അധികൃതരുടെ ഭാഗത്ത് നിന്നു വരെ ഇസ്്ലാം വിരുദ്ധ പ്രസ്താവനകളും നീക്കങ്ങളും ഉണ്ടായതായി ചൂണ്ടിക്കാണിക്കപ്പെട്ടിരുന്നു.
gulf
സഊദി സ്വീകരിക്കാനിരിക്കുന്നത് ഒരുകോടി ഉംറ തീര്ത്ഥാടകരെ
അടുത്ത ഹിജ്റ വര്ഷം ഉംറകര്മ്മം നിര്വഹിക്കാന് വിദേശങ്ങളില് നിന്ന് ഒരു കോടിയിലധികം തീര്ത്ഥാടകര് എത്തുമെന്ന് ദേശീയ ഹജ്ജ് ഉംറ കമ്മിറ്റി വൈസ് പ്രസിഡണ്ട് ഹാനി അല് ഉമൈരി അറിയിച്ചു.
അടുത്ത ഹിജ്റ വര്ഷം ഉംറകര്മ്മം നിര്വഹിക്കാന് വിദേശങ്ങളില് നിന്ന് ഒരു കോടിയിലധികം തീര്ത്ഥാടകര് എത്തുമെന്ന് ദേശീയ ഹജ്ജ് ഉംറ കമ്മിറ്റി വൈസ് പ്രസിഡണ്ട് ഹാനി അല് ഉമൈരി അറിയിച്ചു. ഓണ്ലൈന് വഴി മിനിട്ടുകള്ക്കകം വിസ നേടാനും ഉംറ പാക്കേജ് വാങ്ങാനും വിദേശ ഉംറ തീര്ത്ഥാടകര്ക്ക് സാധിക്കുമെന്നും മുന് വര്ഷങ്ങളേക്കാള് ഈ രംഗത്ത് നൂതനമായ സംവിധാനങ്ങളാണ് നടപ്പാക്കിയതെന്നും അദ്ദേഹം പറഞ്ഞു .
തീര്ത്ഥാടകര്ക്ക് സേവനങ്ങള് നല്കാനായി ഹജ്ജ് ഉംറ കമ്പനികളും വിദേശ രാജ്യങ്ങളിലെ ഏജന്റുമാരെയും ആക്ടിവേറ്റ് ചെയ്തു വരികയാണ്. ഉംറ തീര്ത്ഥാടകര്ക്ക് സേവനം നല്കാന് അഞ്ഞൂറിലധികം കമ്പനികള്ക്കാണ് ഹജ്ജ് ഉംറ മന്ത്രാലയം അനുമതി നല്കിയത്. വിദേശ രാജ്യങ്ങളില് രണ്ടായിരത്തിലധികം ഏജന്റുമാരാണ് പ്രവര്ത്തിക്കുന്നത്. ഉംറ ഗ്രൂപ്പുകള്ക്കും വ്യക്തികള്ക്കും ബി ടു ബി ,ബി ടു സി സംവിധാനങ്ങള് അനുസരിച്ച് ഉംറ പാക്കേജുകള് പ്രകാരം കരാറുകള് ഒപ്പുവെക്കാന് ഹജ്ജ് ഉംറ മന്ത്രാലയത്തിന്റെ അംഗീകാരമുള്ള 34 ഓണ്ലൈന് ബുക്കിംഗ് സംവിധാനങ്ങളും പ്രവര്ത്തിക്കുന്നുണ്ട്. ഗള്ഫ് ഇന്റര്നാഷണല് ബാങ്ക് അംഗീകരിച്ച വാലറ്റുകള് വഴി പണമടച്ച് ഉംറ പാക്കേജുകള് വാങ്ങാന് സാധിക്കും. ഉംറക്കെത്തുന്ന വിദേശ തീര്ത്ഥാടകര്ക്ക് പുണ്യഭൂമിയില് യാത്ര ചെയ്യാന് വിപുലമായ സൗകര്യങ്ങളാണ് കമ്പനികള് ഒരുക്കുക. തീര്ത്ഥാടകര്ക്ക് താമസ സൗകര്യം നല്കാനായി രണ്ടായിരത്തോളം ഹോട്ടലുകളും അപ്പാര്ട്മെന്റുകളും ടൂറിസം വകുപ്പിന് കീഴില് സജ്ജമാണ്.
gulf
കെഎംസിസി നേതാവ് നരിപ്പറ്റ ഹനീഫ
സഊദിയിൽ നിര്യാതനായി
മയ്യിത്ത് നാട്ടിലേക്ക് കൊണ്ടുപോകുന്നതിനുള്ള നടപടി ക്രമങ്ങൾ പുരോഗമിക്കുന്നതായി റിയാദ് കെഎംസിസി വെൽഫെയർ വിഭാഗം അറിയിച്ചു.
അഷ്റഫ് ആളത്ത്
ദമ്മാം:കെഎംസിസി നേതാക്കളിൽ പ്രമുഖനും സമസ്തയുടെ സജീവ പ്രവർത്തകനുമായിരുന്ന മലപ്പുറം വേങ്ങര മിനി കാപ്പിൽ സ്വദേശി നരിപ്പറ്റ മുഹമ്മദ് ഹനീഫ (54) നിര്യാതനായി.
ഒരാഴ്ചയോളമായി റിയാദിലെ ആശുപത്രയിൽ ചികിത്സയിലായിരുന്ന അദ്ദേഹം ബുധനാഴ്ച വൈകീട്ട് അഞ്ച് മണിയോടെയാണ് മരണപ്പെട്ടത്.
മയ്യിത്ത് നാട്ടിലേക്ക് കൊണ്ടുപോകുന്നതിനുള്ള നടപടി ക്രമങ്ങൾ പുരോഗമിക്കുന്നതായി റിയാദ് കെഎംസിസി വെൽഫെയർ വിഭാഗം അറിയിച്ചു.ചികിത്സയിലിരിക്കെ രോഗം ഗുരുതരമായതിനെത്തുടർന്ന് ജിദ്ദയിൽനിന്നെത്തിയ അദ്ദേഹത്തിൻറെ സഹോദരൻ അജ്മൽ,അളിയൻ അഹമ്മദ് കുട്ടി എന്നിവർ മരണസമയത്ത് റിയാദിലെ ആശുപത്രിയിൽ ഉണ്ടായിരുന്നു.
മുപ്പത് വർഷത്തോളമായി സഊദിയിൽ ഉള്ള അദ്ദേഹം രണ്ട് മാസം മുമ്പാണ് അവധി കഴിഞ് നാട്ടിൽ നിന്നെത്തിയത്.
ജിദ്ദ,റിയാദ്,ദമ്മാം എന്നിവിടങ്ങളിൽ ജോലി ചെയ്തിട്ടുള്ള ഹനീഫക്ക് പ്രവാസലോകത്ത് വലിയ സൗഹൃദ ബന്ധങ്ങൾ ഉണ്ട്.
കെഎംസിസിയുടെ വേങ്ങരമണ്ഡലം കമ്മിറ്റി,മലപ്പുറം ജില്ല കമ്മിറ്റി സഊദിയിൽ വിവിധ പ്രവിശ്യ കളിലെ സെൻട്രൽ കമ്മിറ്റി എന്നിവിടങ്ങളിലെല്ലാം ഉന്നതമായ നേതൃ പദവികളിലിരുന്ന അദ്ദേഹം പൊതുസമൂഹത്തിൽ നിറഞ്ഞുനിന്ന സംഘാടകനും ജീവകാരുണ്യ പ്രവർത്തനങ്ങളിൽ സജീവ സാന്നിധ്യവുമായിരുന്നു.
നാട്ടിലും മറുനാട്ടിലും അദ്ദേഹം വിഭാവനം ചെയ്തു നടപ്പിലാക്കിയ വിവിധ പദ്ധതികൾ ജീവകാരുണ്യ സേവന രംഗത്ത് പുതിയ ആശയങ്ങൾക്കും കർമ്മങ്ങൾക്കും തുടക്കമാവുകയും സംഘടനാ തലത്തിലെ ഇതര ഘടകങ്ങൾക്ക് അനുകരണീയമാം വിധം മാതൃകാപരവുമായിരുന്നു.
സ്പോട്സ് രംഗത്തും അതീവ തല്പരനായിരുന്ന ഹനീഫ ദമ്മാം ഖാലിദിയ്യ സ്പോട്സ് ക്ലബ്ബിന്റ നേതൃത്വമായും പ്രവർത്തിച്ചിരുന്നു.
പരേതരായ നരിപ്പറ്റ ബീരാൻ-റുഖിയ ദമ്പതികളാണ് മാതാപിതാക്കൾ.
ഭാര്യ.സാജിദ.മക്കൾ.ശിബിലി,ശാനു, ശാലു.മുഹമ്മദ് ഹനീഫയുടെ നിര്യാണത്തിൽ കെഎംസിസി യുടെ വിവിധ ഘടകങ്ങൾ അനുശോചനം രേഖപ്പെടുത്തി.
gulf
വിമാന കമ്പനിയുടെ അനാസ്ഥ; ഹാജിമാര് വലയുന്നു
സംസ്ഥാന ഹജ്ജ് കമ്മിറ്റിയുടെ നേതൃത്വത്തില് ഈ വര്ഷത്തെ ഹജ്ജ് കര്മ്മം പൂര്ത്തിയാക്കി നാട്ടിലേക്ക് മടങ്ങുന്ന ഹാജിമാരുടെ മടക്കയാത്രയില് വിമാന കമ്പനിയുടെ അനാസ്ഥ മൂലം ഹാജിമാര് വലയുന്നു.
നെടുമ്പാശ്ശേരി: സംസ്ഥാന ഹജ്ജ് കമ്മിറ്റിയുടെ നേതൃത്വത്തില് ഈ വര്ഷത്തെ ഹജ്ജ് കര്മ്മം പൂര്ത്തിയാക്കി നാട്ടിലേക്ക് മടങ്ങുന്ന ഹാജിമാരുടെ മടക്കയാത്രയില് വിമാന കമ്പനിയുടെ അനാസ്ഥ മൂലം ഹാജിമാര് വലയുന്നു. ചാര്ട്ടേര്ഡ് വിമാനത്തില് യാത്ര ചെയ്തിട്ട് പോലും മടങ്ങിയെത്തുന്ന ഹാജിമാര്ക്ക് അവരുടെ ലഗേജുകള് കൃത്യമായി എത്തിച്ചു കൊടുക്കാന് പോലും കഴിയുന്നില്ല. മാത്രമല്ല ഷെഡ്യൂള് ചെയ്ത സമയത്തില് നിന്നും മണിക്കൂറുകള് വൈകിയാണ് ഹജ്ജ് വിമാനങ്ങള് നെടുമ്പാശ്ശേരിയില് എത്തുന്നത്. ഇത് മൂലം ഹാജിമാരും അവരെ സ്വീകരിക്കാനെത്തുന്ന ബന്ധുക്കളും വലയുകയാണ് . വെള്ളി, ശനി, ഞായര് ദിവസങ്ങളിലായി സഊദി എയര്ലൈന്സിന്റെ അഞ്ച് വിമാനങ്ങളാണ് ജിദ്ദയില് നിന്നും ഹാജിമാരുമായി നെടുമ്പാശ്ശേരിയിലേക്ക് സര്വീസ് നടത്തിയത്.
ആദ്യ രണ്ട് വിമാനങ്ങള് സമയക്രമം പാലിച്ചെങ്കിലും പിന്നീട് മൂന്ന് വിമാനങ്ങളും രണ്ട് മണിക്കൂറിലേറെ വൈകിയാണ് എത്തിയത്. ശനിയാഴ്ച വൈകീട്ട് 5.15 ന് എത്തേണ്ട വിമാനം 6.30 നും, ഞായറാഴ്ച വൈകീട്ട് 4.30 എത്തേണ്ട വിമാനം 6.15 നും, രാത്രി 7.40 ന് എത്തേണ്ട വിമാനം 9.58 നുമാണ് എത്തിയത്. വടക്കന് ജില്ലകളില് നിന്നും മറ്റുമായി ഹാജിമാരെ സ്വീകരിക്കാനെത്തുന്ന ബന്ധുക്കളും നാട്ടുകാരും അടക്കമുള്ളവരും ഇത് മൂലം വലയുകയാണ്. വിമാനം തുടര്ച്ചയായി വൈകാനുള്ള കാരണവും ബന്ധപ്പെട്ടവര് ഇതുവരെ വ്യക്തമാക്കിയിട്ടില്ല. മാത്രമല്ല ഞായറാഴ്ച്ച രാത്രി 9.58 ന് എത്തിയ വിമാനത്തിലെ 250 ഓളം ഹാജിമാരുടെ ലഗേജുകളും ലഭ്യമായിട്ടില്ല.
ഇവ അടുത്ത ദിവസം എത്തിച്ചു നല്കാമെന്നാണ് പറഞ്ഞിരുന്നതെങ്കിലും ഇന്നലെയും ലഗേജുകള് എത്തിച്ചു നല്കിയിട്ടില്ല. ശനിയാഴ്ച എത്തിയ 100 ഓളം ഹാജിമാരുടെ ലഗേജുകളും ലഭിക്കാതെ വന്നിരുന്നു. ഇവ ഞായറാഴ്ച എത്തിച്ചു നല്കുകയാണ് ചെയ്തത്. സാധാരണ യാത്രാ വിമാനത്തിലെ യാത്രക്കാരുടെ ലഗേജുകള് ഹജ്ജ് വിമാനത്തില് കയാട്ടിക്കൊണ്ടുവന്നതാണ് ഹാജിമാരുടെ ലഗേജുകള് എത്തിക്കുന്നതില് വീഴ്ചയുണ്ടാകാന് കാരണമെന്നാണ് വിവരം. ഹജ്ജ് വിമാനങ്ങളില് ഇത്തരത്തില് അനാസ്ഥയുണ്ടാകുന്നത് ഗുരുതരമായ വീഴ്ചയായാണ് ചൂണ്ടിക്കാണിക്കപ്പെടുന്നത്.
ചാര്ട്ടേര്ഡ് വിമാനങ്ങളിലെ യാത്രക്കാര് ആയിട്ട് പോലും ഹാജിമാരോട് എയര്ലൈന്സ് അധികൃതര് കാണിക്കുന്ന അനാസ്ഥയ്ക്കെതിരെ വ്യാപകമായ ആക്ഷേപം ഉയരുന്നുണ്ട്. എന്നാല് ഇക്കാര്യത്തില് സംസ്ഥാന ഹജ്ജ് കമ്മിറ്റിയും മൗനം പാലിക്കുകയാണെന്ന ആക്ഷേപവും ഉയരുന്നുണ്ട്. നാല് വര്ഷം മുന്പ് വരെ എയര് ഇന്ത്യ നെടുമ്പാശ്ശേരിയില് നിന്നും നടത്തിയ ഹജ്ജ് യാതൊരു ആക്ഷേപവും ഉണ്ടാകാതെ പൂര്ത്തിയാക്കാന് കഴിഞ്ഞിരുന്നു.
-
Video Stories7 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture7 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More7 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ