Culture
ഭീകരവാദത്തെ നേരിടല്: സമ്മേളനം ദോഹയില് നാളെ തുടങ്ങും
ദോഹ: ഇന്റര്നാഷണല് അസോസിയേഷന് ഓഫ് പൊലീസ് അക്കാഡമീസ് ആന്റ് കോളേജസ്(ഇന്റര്പ) ഏഴാമത് സമ്മേളനം നാളെ ദോഹയില് ആരംഭിക്കും. ‘ഭീകരവാദവും തീവ്രവാദവും നേരിടുന്നതിനുള്ള പുതിയ ലക്ഷ്യങ്ങള്’ എന്ന പ്രമേയത്തിലാണ് പരിപാടി നടക്കുന്നത്. ഖത്തര് പ്രധാനമന്ത്രിയും ആഭ്യന്തരമന്ത്രിയുമായ ശൈഖ് അബ്ദുല്ല ബിന് നാസര് ബിന് ഖലീഫ അല്താനിയുടെ കാര്മികത്വത്തിലാണ് പരിപാടി നടക്കുന്നത്. സുപ്രീം കൗണ്സില് ഓഫ് പൊലീസ് കോളേജിന്റെ ചെയര്മാന് കൂടിയാണ് അദ്ദേഹം. 42 രാജ്യങ്ങളില് നിന്നുള്ള പ്രതിനിധികളും സുരക്ഷാ മേഖലയില് ശ്രദ്ധകേന്ദ്രീകരിച്ച നാല് അന്താരാഷ്ട്ര സംഘടനകളും സമ്മേളനത്തില് പങ്കെടുക്കുന്നുണ്ട്. മൂന്ന് ദിവസമാണ് സമ്മേളനം നടക്കുന്നത്. ഗവേഷണ സംഘങ്ങള്, ബുദ്ധിജീവികള്, പൊലീസ്, സെക്യൂരിറ്റി ഉദ്യോഗസ്ഥര്, ഇന്റര് നാഷണല് അസോസിയേഷന് ഓഫ് പൊലീസ് അക്കാഡമീസ് ആന്റ് കോളേജസ് പ്രതിനിധികള് സമ്മേളനത്തില് പങ്കെടുക്കും. ഭീകരവാദത്തെയും തീവ്രവാദത്തെയും നേരിടുന്നതിനുള്ള പുതിയ വഴികളും ആശയങ്ങളും സമ്മേളനത്തില് പരസ്പരം പങ്കുവെക്കപ്പെടും. രാഷ്ട്രീയ സംഘര്ഷം, ഭീകരവാദത്തെയും തീവ്രവാദത്തെയും നേരിടല്, അന്താരാഷ്ട്ര കായിക പരിപാടികളില് ഉള്പ്പെടെ ജനക്കൂട്ടത്തെ നിയന്ത്രിക്കുന്നതിനുള്ള വഴികള് ഉള്പ്പെടെയുള്ള വിഷയങ്ങള് സമ്മേളനം വിശദമായി ചര്ച്ച ചെയ്യും.
ഭീകരവാദത്തെ നേരിടുന്നത് സംബന്ധിച്ച നൂതന ആശയങ്ങള് പങ്കുവെക്കാനും ഇന്റര് നാഷണല് അസോസിയേഷന് ഓഫ് പൊലീസ് അക്കാഡമീസ് ആന്റ് കോളേജസ് അംഗങ്ങള് തമ്മില് മികച്ചൊരു ബന്ധവും ആശയവിനിമയവും സാധ്യമാക്കുന്നതിനും സമ്മേളനം ഉപകരിക്കുമെന്ന് പൊലീസ് കോളേജ് ഡയരക്ടര് ജനറല് ബ്രിഗേഡിയര് ഡോ. മുഹമ്മദ് അബ്ദുല്ല അല്മുഹന്ന അല്മആരി പറഞ്ഞു. സംഘടനയിലെ അംഗങ്ങള് തമ്മില് ശക്തമായ ബന്ധം നിലനില്ക്കുന്നത് വളരെ പ്രയോജനകരമാണ്. ഭീകരവാദത്തെ നേരിടുന്നതിനുള്ള ഏറ്റവും നല്ല രീതികള് സംബന്ധിച്ച വിപുലമായ വിവരങ്ങള് ലഭിക്കാനുള്ള അവസരങ്ങള് ഇവിടെ സൃഷ്ടിക്കപ്പെടുകയാണ്. സുരക്ഷയിലും പൊലീസ് ജോലിയിലും നേരിട്ട് ഇടപ്പെട്ട മേധവികളും ഉദ്യോഗസ്ഥരും തമ്മിലുള്ള ആശയവിനിമയം സമ്മേളനം സാധ്യമാക്കുമെന്നും അദ്ദേഹം പറഞ്ഞു.
ഭീകരവാദം ഇന്ന് ലോകം നേരിടുന്ന ഏറ്റവും വലിയ വെല്ലുവിളിയാണെന്നും അതിനെ സുരക്ഷാ വിഭാഗവും നിയമ വിദഗ്ധരും നല്കിയ വിവരത്തിനെ അടിസ്ഥാനമാക്കി ശാസ്്ത്രീയമായി നേരിടണമെന്നും പൊലീസ് കോളേജ് ഭരണ സാമ്പത്തിക കാര്യ വിഭാഗം ഡയരക്ടര് മേജര് ജാബിര് ഹമൂദ് ജാബിര് അല്നുഐമി പറഞ്ഞു. 2011ലാണ് ഇന്ററാപ സ്ഥാപിച്ചത്. അംഗരാജ്യങ്ങളിലെ പൊലീസ് അക്കാഡമികള് തമ്മില് വിവരങ്ങള് കൈമാറുന്നതിനും വൈദഗ്ധ്യം പങ്കുവെക്കുന്നതിനും ലക്ഷ്യമിട്ടാണ് ഇത് സ്ഥാപിച്ചത്. നിലവില് 52 രാജ്യങ്ങളില് നിന്നുള്ള 67 സ്ഥാപനങ്ങള് ഇതില് അംഗങ്ങളാണ്. തുര്ക്കി തലസ്ഥാനമായ അങ്കാറയാണ് സംഘടനയുടെ ആസ്ഥാനം.
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture8 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture8 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ