Culture
ചാമ്പ്യന്സ് ലീഗ്: റയല് മാഡ്രിഡിന് തകര്പ്പന് ജയം
![](https://demo.chandrikadaily.com/wp-content/uploads/2016/10/sddefault-2.jpg)
യുവേഫ ചാമ്പ്യന്സ് ലീഗില് നിലവിലെ ചാമ്പ്യന്മാരായ റയല് മാഡ്രിഡ് തകര്പ്പന് ജയം. സ്വന്തം ഗ്രൗണ്ടില്, പോളണ്ടില് നിന്നുള്ള ലെഗിയ വര്സ്സാവയെ ഒന്നിനെതിരെ അഞ്ചു ഗോളുകള്ക്ക് തോല്പ്പിക്കുകയായിരുന്നു. ഗരത് ബെയ്ല്, തോമസ് ജോദ്ലോവിച്ച് (ഓണ് ഗോള്), മാര്ക്കോ അസെന്സിയോ, ലൂകാസ് വാസ്ക്വെസ്, അല്വാരോ മൊറാട്ട എന്നിവര് റയലിനു വേണ്ടി ലക്ഷ്യം കണ്ടപ്പോള് സന്ദര്ശകരുടെ ഏക ഗോള് പെനാല്ട്ടിയിലൂടെ മിറോസ്ലാവ് റഡോവിച്ച് നേടി.
16-ാം മിനുട്ടില് ബോക്സിന്റെ വലതുഭാഗത്തു നിന്നുള്ള തകര്പ്പന് ഗ്രൗണ്ടറിലൂടെയാണ് ഗരത് ബെയ്ല് റയലിന്റെ അക്കൗണ്ട് തുറന്നത്. 20-ാം മിനുട്ടില് കരീം ബെന്സേമയുടെ പാസില് നിന്ന് മാര്സലോ തൊടുത്ത ഷോട്ട് ലെഗിയ ഡിഫന്റര് ജോദ്ലോവിച്ചിന്റെ കാലില്തട്ടി വലയിലെത്തി. 21-ാം മിനുട്ടില് റാഫേല് വരാന്റെ ഫൗളില് നിന്നു ലഭിച്ച പെനാല്ട്ടി റഡോവിച്ച് ലക്ഷ്യത്തിലെത്തിച്ചതോടെ സന്ദര്ശകര് ഒരു ഗോള് മടക്കി. 37-ാം മിനുട്ടില് ക്രിസ്റ്റിയാനോ റൊണാള്ഡോ നല്കിയ മികച്ച പാസില് നിന്നാണ് അസെന്സിയോ ചാമ്പ്യന്സ് ലീഗ് അരങ്ങേറ്റത്തില് തന്നെ ഗോള് നേടിയത്. 68-ാം മിനുട്ടില് മൊറാട്ടയുടെ ക്രോസില് നിന്ന് വാസ്ക്വെസ് ടീമിന്റെ നാലാം ഗോള് നേടിയപ്പോള് 84-ാം മിനുട്ടില് ക്രിസ്റ്റിയാനോ റൊണാള്ഡോയുടെ പാസ് സ്വീകരിച്ച് മൊറാട്ട പട്ടിക പൂര്ത്തിയാക്കി.
https://www.youtube.com/watch?v=HYg3kF4Ka7U
റയല് ഉള്പ്പെടുന്ന എഫ് ഗ്രൂപ്പിലെ മറ്റൊരു മത്സരത്തില് ബൊറുഷ്യ ഡോട്മുണ്ട് സ്പോര്ട്ടിങ് ക്ലബ്ബിനെതിരെ ഒന്നിനെതിരെ രണ്ടു ഗോളിന് വീഴ്ത്തി. ഗ്രൂപ്പില് ഡോട്മുണ്ട് ഒന്നും റയല് രണ്ടും സ്ഥാനങ്ങളിലാണ്.
മറ്റു മത്സരങ്ങളില് സി.എസ്.കെ.എ മോസ്കോയും മൊണാക്കോയും 1-1 സമനിലയില് പിരിഞ്ഞപ്പോള് ബയേര് ലെവര്കൂസന് – ടോട്ടനം ഹോട്സ്പര് മത്സരത്തില് ഗോള് പിറന്നില്ല. എഫ്.സി കോപനേഗനെ വീഴ്ത്തി തുടര്ച്ചയായ മൂന്നാം ജയത്തോടെ ലെസ്റ്റര് സിറ്റി പ്രീക്വാര്ട്ടര് ബര്ത്തിന് തൊട്ടടുത്തെത്തി. ക്ലബ്ബ് ബ്രുഗ്ഗെയെ വീഴ്ത്തി പോര്ട്ടോയും ഡൈനാമോ സാഗ്രബിനെ തോല്പ്പിച്ച് സെവിയ്യയും കരുത്തുകാട്ടിയപ്പോള് ഫ്രഞ്ച് ക്ലബ്ബ് ഒളിംപിക് ലിയോണിനെതിരെ യുവന്റസ് എവേ മത്സരത്തില് ഒരു ഗോളിന്റെ ജയം കണ്ടു.
![](https://demo.chandrikadaily.com/wp-content/uploads/2022/06/shammi.jpg)
നടന് ഷമ്മിതിലകനെ അമ്മ സംഘടനയില് നിന്ന് പുറത്താക്കി. അച്ചടക്ക ലംഘനത്തെ തുടര്ന്നാണ് നടപടി. ഇന്ന് കൊച്ചിയില് നടന്ന ജനറല് ബോഡി യോഗത്തിലാണ് തീരുമാനം.
കഴിഞ്ഞ യോഗത്തില് ഷമ്മിതിലകന് ചില ദൃശ്യങ്ങള് ചിത്രീകരിച്ചിരുന്നു. ഇത് വിവാദമായതിനെത്തുടര്ന്ന് നടനോട് സംഘടന വിശദീകരണം ആവശ്യപ്പെട്ടിരുന്നു. എന്നാല് വിശദീകരണം നല്കാന് തയ്യാറാകാത്ത സാഹചര്യത്തിലാണ്് പുറത്താക്കല് നടപടി ഉണ്ടായിരിക്കുന്നത്.
Culture
സി.എച്ച് ചെയര് ഇന്ന് പുതിയ കെട്ടിടത്തിലേക്ക്
കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്.
![](https://demo.chandrikadaily.com/wp-content/uploads/2022/04/ch.jpg)
കോഴിക്കോട്: കാലിക്കറ്റ് സര്വകലാശാലയിലെ സി.എച്ച് മുഹമ്മദ് കോയ ചെയര് ഫോര് സ്റ്റഡീസ് ഓണ് ഡവലപിംഗ് സൊസൈറ്റീസ്ഇന്ന് പുതിയ കെട്ടിടത്തിലേക്ക്. 2011 ല് പ്രവര്ത്തനമാരംഭിച്ച ചെയര് ഇത് വരെറോഡരികിലെ പഴയ കെട്ടിടത്തില് പ്രവര്ത്തിച്ച് വരികയായിരുന്നു. കാമ്പസില് പരീക്ഷാ ഭവന് പിറകില് ഗസ്റ്റ് ഹൗസിന് സമീപമാണ് പുതിയ കെട്ടിടം. ഇ.അഹമദ്, പി.കെ കുഞ്ഞാലിക്കുട്ടി, പി.വി അബ്ദുല് വഹാബ് എന്നിവരുടെ എം.പി ഫണ്ടില് നിന്ന് 65 ലക്ഷം രൂപ ചെലവഴിച്ചാണ് മൂന്ന് നിലയില് വിഭാവനം ചെയ്ത കെട്ടിടത്തിന്റെ ഒരു നിലയും ബേസ്മെന്റ് ഏരിയയുമാണ് പൂര്ത്തിയാക്കിയത്.
2004 ല് പാണക്കാട് ഹൈദരലി ശിഹാബ് തങ്ങള് ചെയര്മാനും അഷ്റഫ് തങ്ങള് ജനറല് സെക്രട്ടറിയുമായി രൂപീകരിച്ച ഗ്രെയ്സ് എജുക്കേഷണല് അസോസിയേഷനാണ് ചെയറിന്റെ ഡോണര് സംഘടന. ഇന്ന് വൈകിട്ട് 4 മണിക്ക് നടക്കുന്ന ചടങ്ങില് വൈസ് ചാന്സലര് ഡോ.എം.കെ ജയരാജ് അധ്യക്ഷത വഹിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി.വി അബ്ദുല് വഹാബ് എം.പി മുഖ്യപ്രഭാഷണം നടത്തും. പ്രമുഖ ചരിത്രകാരന് ഡോ. എം. ഗംഗാധരന്റെ പുസ്തകം കുടുംബാംഗങ്ങള് ചെയറിന് കൈമാറും. ഗവേണിംഗ് ബോഡി അംഗം ഡോ.എം.കെ മുനീര് എം.എല്.എ ഏറ്റുവാങ്ങും.
മൂന്ന് പദ്ധതികളോടെയാണ് ചെയര് പുതിയ കെട്ടിടത്തില് പ്രവര്ത്തിച്ച് തുടങ്ങുക. രാഷ്ട്രാന്തരീയ തലത്തിലെ അക്കാദമിഷ്യന്മാര്ക്കും ഗവേഷകര്ക്കും ഉപയോഗപ്പെടുത്താവുന്ന റിസര്ച്ച് ജേണല്, പഠന ഗവേഷണ സ്ഥാപനങ്ങളുമായി മെമ്മോറാണ്ടം ഓഫ് അണ്ടര്സ്റ്റാന്റിംഗ് ഒപ്പു വെയ്ക്കല്,അഫിര്മേറ്റീവ് ആക്ഷനും ഇന്ത്യന് ഭരണഘടനയും എന്ന വിഷയത്തിലുളള ഓണ്ലൈന് പ്രോഗ്രാം എന്നിവയാണിവ. ഹെരിറ്റേജ് ലൈബ്രറി ,സ്കൂള് ഓഫ് കമ്മ്യൂണിറ്റി. ഡവലപ്മെന്റ്, ഓറിയന്റേഷന് പ്രോഗ്രാമുകള്, ഫെലോഷിപ്പുകള് തുടങ്ങിയവയാണ് നിലവില് ചെയറിന്റെ പ്രവര്ത്തനങ്ങള്.
Culture
ജൂറി ഹോം സിനിമ കണ്ടിട്ടുണ്ടാകില്ല: വിമര്ശനവുമായി നടന് ഇന്ദ്രന്സ്
കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
![](https://demo.chandrikadaily.com/wp-content/uploads/2022/05/indrans.jpg)
ചലച്ചിത്ര അവാര്ഡ് വിവാദത്തില് മാധ്യമങ്ങളോട് പ്രതികരണം നടത്തി നടന് ഇന്ദ്രന്സ്. സംസ്ഥാന ചലച്ചിത്ര പുരസ്കാര ജൂറി ‘ഹോം’ സിനിമ കണ്ടുകാണില്ല. തനിക്ക് അവാര്ഡ് ലഭിക്കാത്തതില് വിഷമമില്ല. എന്നാല് ഹോം സിനിമക്ക് അവാര്ഡ് പ്രതീക്ഷിച്ചെന്ന് ഇന്ദ്രന്സ് പറഞ്ഞു.
ഹോമിനെ തഴഞ്ഞതിനും, ചിത്രത്തിലെ പ്രകടനത്തിന് ഇന്ദ്രന്സിനെ മികച്ച നടനുള്ള പുരസ്കാരത്തിന് പരിഗണിക്കാതിരുന്നതിലും സമൂഹമാധ്യമങ്ങളില് വിമര്ശനം ശക്തമായ പശ്ചാത്തലത്തിലാണ് അദ്ദേഹത്തിന്റെ പ്രതികരണം.
ഹൃദയം സിനിമയും മികച്ചതാണെന്നും അതോടോപ്പം ചേര്ത്തുവക്കേണ്ട സിനിമായാണ് ഹോമെന്നും അദ്ദേഹം പറഞ്ഞു. സിനിമയെ ഒഴിവാക്കാന് നേരത്തേ കാരണം കണ്ടുവച്ചിട്ടുണ്ടാകാം. വിജയ്ബാബുവിനെതിരായ കേസും കാരണമായേക്കാം. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോയെന്നും ഇന്ദ്രന്സ് ചോദിച്ചു.
-
Video Stories8 years ago
കൊടിഞ്ഞിയില് കൊല്ലപ്പെട്ട ഫൈസലിന്റ കഫീല് അബ്ദുല്ല അല്മുഹാവിസിന്റെ വാക്കുകള് വൈറലാവുന്നു
-
Culture8 years ago
അനസ്തേഷ്യയില്ലാത്ത ശസ്ത്രക്രിയയില് ഖുര്ആന് ഉരുവിട്ട് കുഞ്ഞ്; വാര്ത്ത വായിക്കുമ്പോള് വിതുമ്പിക്കരഞ്ഞ് അവതാരകന്
-
More8 years ago
ഭോപ്പാല് വിവാദ ഏറ്റുമുട്ടല്; കൂടുതല് തെളിവുകളോടെ മൂന്നാമത്തെ വീഡിയോ പുറത്ത്
-
More8 years ago
‘മകളെ കൊണ്ട് കള്ളം പറയിച്ചു’ ദിലീപ്-കാവ്യ വിവാഹത്തില് മഞ്ജുവിന്റെ പ്രതികരണം
-
Culture8 years ago
വഴിയോര കച്ചവടങ്ങളിലെ ബിരിയാണിയില് പൂച്ച മാംസം
-
Culture5 years ago
വീട്ടമ്മയുടെ നഗ്നദൃശ്യങ്ങള് ഭര്ത്താവിന് വാട്സ് ആപ്പില്; പ്രതിയെ കണ്ട് ഞെട്ടി പൊലീസും വീട്ടുകാരും
-
Culture7 years ago
‘സോനു നിഗം പ്രിയങ്കയില് നിന്നു പഠിക്കണം; ബാങ്കുവിളിയെക്കുറിച്ചുള്ള അധിക്ഷേപത്തിന് ശേഷം പ്രിയങ്കയുടെ ബാങ്കുവിളി പരാമര്ശം വൈറല്
-
Culture7 years ago
അണികളില് നിന്ന് ‘മുര്ദാബാദ് വിളി’; അസ്വസ്ഥനായി മോദി – മാധ്യമങ്ങള് കണ്ടില്ലെന്ന് നടിച്ച വീഡിയോ